كتب الكاتب الفاتح جبرا المتوفرة بمعرض الدوحة
|
Re: فقرنا وفقر بدرية سليمان (Re: عبدالحفيظ ابوسن)
|
نحن فقرنا الله لا وراهو لي حبيب بنفلس عديل كدة .. بنعدم نفاخ النار نفط وجبتين وتلاتة والسكر ببقا ترف واللبس ترف وبنقبل علي المراوح ننزل نبيع وناكل امس جاتني مرة عندها كم طفل .. شغالة دندرمة .. الابو طافش . التلاجة حرقت قالت اولادها بمشو المدرسة بدون حق فطور وبرجعو برضو مافي اكل دة حال ببكي والله ولا محتاج لتعاطف لغوي شايفين الناس تعبانة وزي ما قلتو غلبكم تتحكمو في الدولار والسوق بدل تقولو لينا والله ما بتحصلونا فكونا ياخ
| |
|
|
|
|
|
|
Re: فقرنا وفقر بدرية سليمان (Re: عبدالحفيظ ابوسن)
|
هل بتفتكرو مجرد تصريحكم اننا فقرانين انجاز ولا انكم تبع التلاتة ارباع دي دة انجاز طيب وقت انتو اسياد الجلد والراس مارقين من الربع الذهبي .. الربع دة فيهو منو طيب بلاش خداع ولعب علي الشعب انتو مرطبين لامن غلط لازول فيكم وقف في صف رغيف ولا انقطع الغاز وما عندو حق الانبوبة ولا صحا من الصباح شايل هم حق فطور العيال ولا تمن علاج اموركم مرتبة وموزنة ترارو في الصور ممسحين بالفازلين وزيت السمسم ونحن زيت السمسم في الاكل ما لاقينو شاربين شاي اللبن باللقيمات ونحن شاي سادة مالاقنو زينا كيف عاد
| |
|
|
|
|
|
|
Re: فقرنا وفقر بدرية سليمان (Re: عبدالحفيظ ابوسن)
|
ود ابسن صباح الخير انت ما معاك خبر الناس ديل ورثوا السودان وانتوا كمان ما شايف بتحكموا في حياتكم كيف الإجازة الفاتت لما نزلنا علي السودان مشينا مول عفراء في البيزمنت تحت في المبناء في استور مكتوب علي الفلكلور السوداني دخلنا لأني كنت عاوزة اشتري هداية لزميلاتي صاحب المحل عامل سوق اسود للدولار ببيع للاجانب علي سمع وشوف الناس سالت قلت ليهم دا شنو وزحمة المحل قالوا المحل حق واحد من ناس الحكومة شفت هملت البلد الماعندها وجيع ادعوا بس ربنا يزيلهم ويبتليهم بالامراض تاكل بطونن تعزبهم زي ما عزبوا الناس
| |
|
|
|
|
|
|
Re: فقرنا وفقر بدرية سليمان (Re: وضاحة)
|
والله يا ود أب سن الأمر دا محير حيرة شديدة خلاص
والمحير أكتر وجود ناس بتدافع عن البحصل دا وبتلقى ليهو مبررات (دينية)
يعني أنا مستغرب من المدافعين أكتر من الظلمة أنفسهـم
الماسكين قرون البقرة وتاركين الظلمـة يحلبــوا
نصيبهم بس (صـــك غفــران) من نوع (جزاكم الله خيراً وتقبل منكـم)
وهــم للأســـف ما جايبين خبــر أصلاً (يتقبل منهم شنــو ؟) غير ظلم الناس
في هذه الجمعة الفضيلـة ... عليهـم من الله ما يستحقــون
أحمد الشايقي
| |
|
|
|
|
|
|
|