ياسلام ياحاتم ذكرت مكانا عزيز علي تعرف يا حبيب كل المقاهي في الويك اند حريصة علي الأغاني السودانيه ترديدها بطريقه يحسدها عليهم كبار الفنانين عندنا من اجمل المشاهد التي تدل علي تأثير الوجدان السوداني عند اهلينا الحبش ما ان ذهبت مقهي وانت سوداني الا قام صاحب المقهي بتغير الشريط الي أغنية سودانية بصوت اثبوبي التحية والرحمة لسيد خليفه وردي وعبدالعزيز المبارك وياسر تمتام وطلاهون دسسا وتقس وتيدي حنه وكل اللذين يرددون الأغاني السودانيه
11-04-2018, 06:34 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
حاتم لك التحية بوست جميل التفاعل والتواصل بين الجيران عمل انسانى رائع وضرورى لدعم العلاقات الاخوية و الابتعاد عن كل ما يعكر صفو العلاقات ويؤدى الى النزاعات من المفروض ان يكون النفاج بيننا وبينهم مفتوحا... لا شك هم فى ذلك متقدمين علينا المرحوم سيد خليفة كان من المبادرين فى هذا المجال دحين البيرقص دا مش المرحوم احمد المصطفى؟
11-04-2018, 09:01 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12475
سمعت بأن الاخوة الاثيوبيين سجلوا أعنية عازة في هواك لخليل فرح ضمن التراث العالمي على اساس أنها أغنية أثيوبية أنا محبي هذا الشعب الجميل .. ما عندي مانع .. ولكن هل صحيح ؟
تحياتي للجميع
11-04-2018, 02:34 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1603
سلام يا حاتم وياسلام على كل الحاجات الجميلة النزلتها قضيت الأسبوع الثالث من أكتوبرالفات بأكمله فى أديس وفعلا كان الغناء السودانى حاضرا دائما فى 4 سهرات فى أماكن مختلفة . فى سهرة فى مطعم لبنان قدمت أحدى المغنيات أغنية لم أتوقع سماعها .. عجبونى الليلة جو .. أيوة والله متابع لهذا البوست الجميل
11-04-2018, 03:18 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
يا زول ... الف الف حمدلله على السلامة يعنى تانى قدامك سفر لى كالقرى اقترح انك تمشى ترتاح فى اى نُزل و تاخدلك جمّه و تسافر باكر و انت مرتاح تلفونك اشتغل عشان نتوانس
11-04-2018, 09:41 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سلامات يا حاتم زمان نادر خضر كان يتهم بأنه قام بتحبيش الأغنية السودانية (تخيل) إستنكروا عليه أن يغني بطريقة مختلفة خوفا من ان تشبه الأغنية السودانية الحبشية ونفس الناس ديل بيكونوا مبسوطين من أحمد الجابري في الجريف واللوبيا مع كسرة السباعى، وفرحانين من أي زول بيغني سلم سباعي.. دونية وإستعلاء أجوف
11-05-2018, 07:17 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: وفرحانين من أي زول بيغني سلم سباعي.. دونية وإستعلاء أجوف
لا ما دونية ولا استعلاء السودانيين عملوا ايقاع العشرة بلدي قاعدة ضرب ايقاعي للخماسي حقنا ما تنسى تاثير الثقافة المصرية من سينما ومسرح وتطور في التسجيلات والالات كان ليها دور كبير وماتنسى دور الموسيقار (مصطفى كامل) مدرس الى (القانون) ودي فيها (78) وتر كان يدرسها بالمدارس المصرية وبقى موجه ومدرب واستاذ لفرقة الاذاعة بامدرمان .. وماتنسى كبار الفنانين السودانيين شاركو في حفل زواج الملك فاروق من (ناريمان) احمد المصطفى (كمثال) بقلب الفلس في (ظالمني وطول عمري ماظلمتك يوم) من فالس الى عشرة بلدي بجملة لحنية مبسطة معظم الالات الحديثة جابوها من مصر حتى (الرق) جابوهو من مصر والطبلة والبنقز والبيكلو والساكسفون والكلارنيت التوزيع كان على يدر (اندريا رايدر) الوزع اغنيات اسمهان في افلامها ... زي ما استعان بيهو وردي في الود كل الاسطوانت من زمن كرومة كانت بتسجل في مصر
11-05-2018, 08:30 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
احمد ياسين شكرا علي الرد طيب ليه الخوف والرجفة من الطريقة التي كان يغني بها نادر خضر وكان يواجه إتهام تحبيش الأغنية السودانية؟ وهل إذا تأثرت الأغنية السودانية بالحبشية هذا يحط من قدرها بينما نفس الموضوع مع مصر يتم تفسيره إثراء وتلاقح ثقافات
11-05-2018, 08:54 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: زمان نادر خضر كان يتهم بأنه قام بتحبيش الأغنية السودانية (تخيل)
عبعظيم اديك شهادة إنك ما شبح ... ممكن حوار متيم في دباديبو (تقرأ من رأسه الي أخمص اصابعه) ... تحبيش أصلها حبش ومنها حبوش وتعني قاطني بلاد الحبشه ... زولك المتيم فيهو دا لا يطيق رؤية كلمة (حبشي) ويعتبرها نبذ عديييل لي أهلو الاثيوبيين من اهلو السودانيين ... فا شنو .. دير بالك ما يديك طقه في الراص بي اناكوندا ولا سحليه ... وإن كان لسان حالك دايما" :- ضرب الحبيب الذ من الباصطه ظاطا .... هههه
11-05-2018, 12:51 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: اظن وليس كل الظن اثم ان اخوتنا الاحباش فاهمين موضوع الرقص بالمؤخرة دا غلط ..
ياغالي الجمل مابشوف عوجة مؤخرتو ... خخخخخخخ انت كمان ماتطلب ممن يقلدك ان يجيد تقليدك بنسبة 100 % .. أترك مجال لبعض الهنات .. بالمناسبة انا لاحظت ملاحظتك دي من زمن ..
هاك هزّ المؤخرة ده .. ده العمل الاروع من وجهة نظري .. كله .. اداء .. وهزّ بتاعة .. خخخخ ..
11-05-2018, 12:55 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
Quote: وجهة نظرك براها يا ود القوز ؟ على (بالجمال) دى وجهة نظر الكوكب ده كلها و هكذا يفترض ان بكونهههههه
تسلم أباذر يافنان .. ويسلم الجمال الجواك .. والله زي ماقلت وكلامك صحي العمل ده متعوب فيه جدا .. وجميل وبيلفتك وبيجذب الأذن التي تعشق الفن والجمال .. حبيايبنا الاحباش يفترض أن نبادلهم حبهم بحب .. هم يتدلّهون حبا فينا وفي فننا .. وناس كده جارين لمن لايحبون إلا انفسهم .. وساعة الحارة تجدهم قاعا صفسطا ..
هذا مع حبي الأجمل والأجزل والأوحد .. لحبايبنا البحبونا وبنحبهم الاحباش .. شعب يشبهنا ونشبهه ولهم أثر عميق في عمق بلدنا قديما وحديثا.. لكن ناسنا الطيبين رافضبن يعترفوا وناكرين الحبش حطب .. عمري ماشفت شعب اجمع على حبنا زيهم .. أي والله .. هم عارفين البيربطنا بيهم .. فكان يعملوا DNA ده إجباري .. عشان الناس الفاااازه (وجاكه) منهم .دي . تهجد وترسى وتعرف راسا من (قعرا) ..
11-05-2018, 12:27 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
تحياتى يا ود القوز اغنية قابلتو مع البياح انتشرت بشكل كبير فى السنوات الأخيرة ومغنيين كتار بقو يغنوها المشكلة هى انه كل او معظم الناس، بما فيهم المغنيين، بفتكرو الاغنية حقت النور الجيلانى، وده خطأ كبير
الاغنية دى اهزوحة شعبية نقب و لكن و فتش ولقاها الموسيقار والباحث العبقرى اسماعيل عبد المعين و سجلها بصوته بعد ما عمل ليها موسقة جميلة
المطرب النور الجيلانى هو السهل انتشارها و شهرتها
والاغنية متوفرة بصوت عبد المعين فى الشبكة
11-05-2018, 03:30 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
أها، نجي لتيقست بكلا البت دي فيها حاجة بتجذبني جاذبية شديدة خلاس! يعني ما تعرف لطف واحساس بالفن وجملة بتاعة حاجات كدة ما قادر أعبر عنها لكن للصوت تأثير عظيم ما بنكره، حاجة كدة زي البندول
أها أغنيتها دي تشعر بيها تلاتة في واحد تارتا-تااها
ماركونجا
11-05-2018, 04:11 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
مرحباً بالأساتذة الكرام أبو جهينة حسن فرخ حاتم الهواري أبوذر بابكر جمال ود القوز عبد العظيم أحمد ياسين يوسف طه سفيان بشير عباس محمود محمد قاضي علي عبد الوهاب
=================
Quote: سلام يا حاتم وكل عشاق الفن الإثيوسودانى.. وقفت كتير عند كلمة (كنا أقرب)..
انا حقيقة منزعج من حتة الخزلان الممكن نسببه لهؤلاء الناس بسبب الدمار الذي نعيشه فى كافة نواحي الحياة..
فعلاً يا سيف، كلمة محورية عندي في البوست وكنت عايز أطوف للفترة الممتدة من نهاية الستينات إلى منتصف السبعينات فترة التجاذب بين المعسكرين وتأثرنا سلباً وإيجاباً بالأحداث في الفترة ديك
لو تلاحظ إنو التقارب كانت له دوافع سياسية أيضاً ربما بسبب خارجي أيضاً هيلا مريام هناك ونميري هنا واشتراكيات وبرامج على امتداد القارة، للأسف المتوفر من الفنون على الانترنت شحيح قصدت من التناول للفترة القديمة التلميح لذلك، ولا أنسى أيضاً أن الوعي كان متوفر على مستوى الجمهور لاحظ أن تلك الأيام لم تبدأ هجرات السودانيين إلى الدول العربية بذات الكثافة التي حدثت في الثمانينات.
التقارب الأخير يبدو أن للانترنت والقنوات الفضائية الأثر الكبير فيه وآمل أن يثمر عن علاقات أمتن.
___ موضوع يصلح رسالة علمية.
11-06-2018, 05:55 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
ممكن نقول الايقاع الاثيوبي (الإسكستا) .. والرقص الرشيق حقهم اسمو(الشِب رِب) والايقاع يظهر بوضوح في الفنان الخارق ما عايز اقول الخرافي لانه فعلا خرافي هو (طولون قساسا) وايضا في غناء(ملوكا ملاسا) الإسكستا هو (التم تم) الحار بتاعنا والايقاعين هم يغشقهم السودانيين عشقا غريبا ويسكن وجدانهم كمثال بسيط على نفس ايقاع (الإسكستا) الرهيب عبدالعزيز المبارك غنا اغنية (انو ) ودي بنت تاجر اثيوبي ونجحت الاغنية وبقت في التوب لسنين طويلة .. برضو محمود عبدالعزيز غنا بالتم تم الحار اغنية ( يا حلاة السكرية و القامة السمهرية ) مع تداخل الايقاع الاثيوبي ودا ذكاء كبير من محمود ومن الموزع محمد حامد جوار
11-06-2018, 01:32 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: مرحباً بالأساتذة الكرام أبو جهينة حسن فرخ حاتم الهواري أبوذر بابكر جمال ود القوز عبد العظيم أحمد ياسين يوسف طه سفيان بشير عباس محمود محمد قاضي علي عبد الوهاب جلالدونا معاوية المدير
وأنا كمان من جانبي أرحب بيك يا أُستاذ حاتم ؤ عشان الترحاب يكون بالأحضان كنت اتمنى ألآقيك في محطة البلابل لكنك ما جيت !، مالك يا زول قالولك أنا وكران في حوض طِيّن !...
11-06-2018, 10:31 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
اول ما يلفت الانتباه ان الاثيوبيين عندهم اجادة عجيبة في استخدام (آلات النفخ) طبعا دي واحدة من الابداعات التي تخلي (حاتم ابراهيم) يستمتع ويمتعنا نحن الجمهور الفنان العظيم (منليك) كان نجما متلالىء في سماء الخرطوم من ايام الهابي لاند وكان يحي الاعراس والمناسبات كان انيقا جدا يلبس من افخم الماركات والبيوتات العالمية .. اخيرا في السودان وصل به الحال ان عمل (رشبسنت) في احد فنادق الخرطوم وكان كثيرا ما يشاهد وهو يرتدي العراقي والسروال. ما بين الــ (ماسنقا) ذات الوتر الواحد وهي تقابل (ام كيكي) حقتنا .. الماسنقا دي بحملها مغني اسمه (الازماري) زي ما مغنينا (الهداي) بعزف على ام كيكي .. وبراعته تظهر في تحكمه في طول الوتر الازماري فنان او مغني متجول بتلقى حايم وسط التجمعات اذا وجد (عطايا) كويسة .. يمدح اما ان كانت قليلة فانه (يهجو) .. وهو يتميز بصوت قوي ومهارة في العزف وما بين الــ (باقينا) ذات العشرة اوتار ... تنبع شلالات من الابداع والحركة والرشاقة وحتى في الرقص بتلقى وجوه معبرة للراقصين حتى وانت بتسمع غنانا بلسان اثيوبي غير مبين .. مثلا قم يا ترير ياشباب قنى لنا قني وفجر لي الاهناب واملاب ها دني حتا يجفو الشراب من هلفة الكاسي
بتلقى نفسك مستمتع ومنتشي واخر سكسكة وبتهوزز
11-07-2018, 08:43 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: اول ما يلفت الانتباه ان الاثيوبيين عندهم اجادة عجيبة في استخدام (آلات النفخ)
دا ما الكاتلنا ذاتو يا أحمد ياخ
___ مزامير تدفيك.
Quote: ما بين الــ (ماسنقا) ذات الوتر الواحد وهي تقابل (ام كيكي) حقتنا .. الماسنقا دي بحملها مغني اسمه (الازماري) زي ما مغنينا (الهداي) بعزف على ام كيكي .. وبراعته تظهر في تحكمه في طول الوتر
فعلاً، لو بتلاحظ بيقلدو صوت نفس الآلة دي بالحلق.
نديك ليهن الاتنين مزمار وأم كيكي صينية.
____ لاحظ التحكم في النوتة بضرب الوتر في مكان مختلف.
11-07-2018, 08:54 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
تحبيش الغنا السودانى ظاهرة يسندها من يسندها هنا بنلقى بداية الموضوع .. على الاقل فى سودانيز اون لاين رفض تام لى عالمية اغنية عازة فى هواك كعمل سودانى طيب ياخ ما عالمية لكن البوست اتفتح تحت ظرف خبر يقول انه قم تم تسجيلها ضمن التراث الحبشى السبب انها اغنية ساهلة العزف و لا ترقى لمستوى عمل عالمى الشكر للزميل بابكر قدور و الزميل معاوية حسين بمشاركاتهما القيمة التى تثبت سودانية عزّه فى هواك كلمات و لحنا و الشكر للزميل جنّى الذى اضاء البوست برابط له و الشغلة ما جديدة اغنية المانسونا ايضا قيل ان لحنها اثيوبى و قد يجى زمن و كل غنانا ألحانو اثيوبية و البداية قد تكون من ازيكم كيفنكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
Hassan Farah
علي عبدالوهاب عثمان
محمد محمد قاضي
عباس محمود
Hatim Alhwary
معاوية المدير
جلالدونا
سفيان بشير نابرى
Yousuf Taha
عبدالعظيم عثمان
Ahmed Yassin
Salah Zubeir
جمال ود القوز
أبوذر بابكر
ابو جهينة
سيف النصر محي الدين
MOHAMMED ELSHEIKH
فيس بوك
تويتر
انستقرام
يوتيوب
بنتيريست