تلك الاغنية الاثيرة وذلك الشاعر الضخم مصطفى بطران والعبقرية اللحنية كرومة لياتى بعد ستين عام اولادهم ليحيو ذكراهم ودمعة الشوق التى حية بوجداننا ما حيينا. العمل ده استغرق انتاجه عامين. الفنانة الهولندية فنوليا التى شاركت غنت بالعربى فاخذت وقت لحد تحفيظها اللغة العربية. العمل هدية للراحلين بطران وكرومة وهدية لكل محبى الغناء.
كل ما يتطلب من موسيقى وتوزيع واستديو تم تحت اشراف وادارة هيثم موسى بهولندا الكليب تم تصويره بين المانيا وفرنسا بايدى اجنبية وسودانية. السيناريو تم كتابته بصورة معاصرة تترك الخيال للمشاهد لينطلق. مرحلة تصحيح الالوان... الكلر كوريكشن.. وهى اخرمراحل العمل اخذت اكثر من تلات شهور لاننا انتظرنا مصحح الوان بعينه وقد اتى الانظار اكله.
06-16-2018, 09:06 AM
Kabar Kabar
تاريخ التسجيل: 11-26-2002
مجموع المشاركات: 18537
استمعت للعمل ..شيك هانس يا ابراهيم شيك هانس دا يصب في خانة الجمال والروعة...عارف ليه ﻻنك اعتمدت على ذات ايقاع كابلي الاعاد توزيع اﻻغنية دي بايقاع (العشرة بلدي) مع ان كرومة غناها (نقرزان ) تقيل دي باذن الله عايزة ليها وقت ممتع معاك في هانوفر
06-18-2018, 03:27 PM
Amjad ibrahim Amjad ibrahim
تاريخ التسجيل: 12-24-2002
مجموع المشاركات: 2933
Quote: نعم يا احمد يس هى بنفس طريقة الكابلى ......والعشرة بلدى
شوفي غنانا دا سمح كيف .اوزانو الشعرية وتفعيلاتو العجيبة فاتت اوزان الخليل بن احمد الفراهيدي وبحورو الستاشر ..بافعال واقوال ناس ابوصلاح الكابلي دا في وصف الخنتيلة حقت ابوصلاح استند على نفس الهيكل واﻻساس اللحني حق كرومة .وكابلي وزعها وغناها بايقاع الرقي غنانا دا يتماشي مع التمتم والعشرة بلدي والرقي والدلوكة ..كلها نتاج ايقاعات طبول افريقيا
06-19-2018, 07:47 AM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
الغريبة انا دايما بلحن وبكون مهموم بلحن لنص جديد عاجبنى كلما اسمع الكابلى كتير.. ما عارف ليه..بشعر بيهو بحفزنى انتج جديد. بالرغم من انو فنانى المفضل محمد الامين.
الكابلى بهتم بالايقاع جدا وعندو عشرة بلدى كتير..يمكن ده السبب.
معجزة الزول ده..مش
06-19-2018, 08:10 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1716
يا سلاام عليك .....بترجع لى أصل الأصل مش محمد الامين بدا مقلد للكابلى .....الفن الراقى دايما دافع للأعمال الجميلة و المبدع الحقيقى هو الذى يستوعب كل البسمعوا ويكون اسلوبو المميز
06-19-2018, 03:29 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الزول الحلو والمجتهد ابراهيم..بالمناسبة انت موهوب وعارف طبيعة صوتك كابلي هو الفنان الوحيد مستنهض التراث حقنا واي تراث هو ..لسع ما اكتشف وﻻ ربع هذا الثراء السيسيولوجي واﻻثني الضارب بجذوره في اعماق التاريخ . كابلي يا ابراهيم كيف ما يلهمك وييستنطقك ويفجر كوامن اللحن والميلودي عندك.. وكرومة هو الغير الميلودي اﻻول. كابلي دا غنا الموز روا قايم سوا .،،. فاطرك ضوا .. يا ناس بالنار قلبي إنشوا بنفس الميلوديا الاولى اﻻشتهرت وعمت من زمن التركية السابقة ودي كلمات ليها قريب 200 سنة وماعندها شاعر او شاعرة معروف او معروفة يمكن ان تتسب له او لها
06-20-2018, 04:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الاعزاء اميرة واحمد اولا الرابط بين الاجيال والتواصل بين الاجيال فى نظرى زى الخيط البيخيط الملابس لو انقطع ما حتجدى الخياطة..كلو مربوط ببعض. حاليا هناك قطع اتمنى يتصلح.
التراث ده مهم جدا وبلوغ العالمية بياتى عبر المحلية كما قال الطيب صالح. شخصيا عندى اغنيات من كردفان ودارفور حاليا فى البايب لاين. اتمنى تسمعوها قريب.
06-21-2018, 09:46 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
ان شاء الله نسمعا ونسمعك انت وكل ابناء جيلك الفاهمين لدورهم فى ترقية وتقدم فن الغناء السودانى ........المرة الجاية لما تجى السودان كلمنى بى حفلاتك ....الخرطوم تفتقد الغنا الجميل منذ زمن
06-20-2018, 11:47 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
قبل ما ندخل في اعدادك لاغنيات كردفانية ودارفورية كرومة سجل دمعة الشوق سنة1933م وكان الكورس بتكون من يوسف الرباطابي و احمد حسن نجي لدخولك للمناطق الغنية الثرية ثقافيا وفلكلوريا تصدق كردفان ودارفور اكثر منطقة في العالم مليئة بالتراث والفن والثقافات المتنوعة والتعدد اﻻثني...واكيد المردوم البشبه الفلامنغو ايقاعه ضرب 2 / 4 ومثال ليهو ..اللوري حل بي..او ..طير بينا يا ابورنة دار اﻻهل جنة ابورنة دا ياهو لوري التيمس...كلها لعبدالقادر سالم... المقابل لايقاع المردوم ..هو الجراري بطىء شوية مثال الليلة والليلة نار امبادر يا حليلة وهو ايقاع يحاكي مشية اﻻبل عموما لو في مجال حنتكلم عن السباعي اﻻستوطن هناك
06-21-2018, 05:55 AM
Elmosley Elmosley
تاريخ التسجيل: 03-14-2002
مجموع المشاركات: 34683
في انتظار اغنيات كردفان ودارفور الباحث الموسيقى (كارل سيل) من ضمن ابحاثه لتراث وغناء غرب السودان انتبه لشىء عجيب جدا جدا في غناء نساء دارفور بالذات .. الحكامات والمغنيات والشيالات لاحظ انه اصوات هؤلاء النسوة تتجاوز حدود (الاوكتاف) ذو الدرجات
06-21-2018, 09:47 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
إبراهيم عبد الحليم
نعمات عماد
محمد حيدر المشرف
Kabar
Amira Hussien
Ahmed Yassin
حاتم إبراهيم
Elmosley
عمر أبوعاقلة
فيس بوك
تويتر
انستقرام
يوتيوب
بنتيريست