فوضى ... في فوضى ... في فوضى ... البلد دي دايرة راجل ود رجال (زيي) ... يجز الرقاب ما يتلفت ... يؤدب حريمها واشباه حريمها ... يمنع الكلام الفي الفارغة يخلي الناس حمير شغل من غير كلام ... ولا ما كده ..!!
09-14-2018, 11:19 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
اول حاجة حا اعملها انقل العاصمة لدنقلا وابقي الخرطوم مدينة صناعية ومدني مدينة زراعية وابقي الغرب حظيرة ضخمة حيوانية وبورسودان كما هي ..... والباقين عساكر حريم ورجال ...
09-14-2018, 11:38 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
علاقاتنا بالعالم الخارجي وحولنا علاقة شر عديل الدارنا بندوروا والمابينا نعكر ليه مزاجوا وجاهزين لدواسو .... اصلو العالم ما بحترم الا الاقوياء ولا انا غلطان ...
09-14-2018, 11:47 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
اصلو السودان ده خمسة ولايات من ما عرفناه لكن الجديد الحا نعمله كل زول في محله والانتقال والحركة لايي منطقة تحت ضوابط شديدة وصارمة ده في داخل الولاية الواحدة اما بين الولايات الا بتأشيرة واذن ... البجينا في العاصمة دنقلا كان وصلنا هناك حا نميزه ميزه جد ... بس خلي واحد ما عنده موضوع يصلنا في عاصمتنا الجديدة ...
09-15-2018, 00:05 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
البنكلفه بعمل لم ينجزه لينا بنديه لمن يقول كتير ده والما بينجز لينا بنقلع منو عشان ضيع زمننا وطبعا ما بنظلم زول وطبعا مرتب الغفير ما زي مرتب السفير لكن خا نخلي الناس تاني تعتمد اعتماد كلي علي المرتب زي باقي الدنيا وبيكفي وبيوفر لكن جنيه يمشي لزول ما منتج تاني مافي الكتلة النقدية الآن تكفي الناس وزيادة تقعد ارصده في البنوك خصوصا بنك السودان بدل الملبدنها بالكونتيرات تحت الارض
09-15-2018, 00:13 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
حرية التجارة للطيش جمارك وضرائب رمزية .... اها حا تقولوا الدولة تجيب قروش من وين ؟؟ اها عائدات البترول والدهب والمعادن والسلاح الحا نصدرة لو سدوا لينا البند الاول في الميزانية بنكون خرجنا من عنق الزجاجة الدفاع والامن بنقلع قروشهم من الاغنياء قلع وما اول ناس عملناها هي كدة ....
09-15-2018, 00:05 AM
nour tawir nour tawir
تاريخ التسجيل: 08-16-2004
مجموع المشاركات: 17638
يا توفيق أت قايل فى رقاب تانى يجزوها ؟ ماك سامع بالسبعة مليون قتيل فى زمن الانقاذ ؟ خليك فى تجارتك فى سوق امدرمان.. ابرك ليك و لينا نحنا شعب التجارب الديكتاتورية...
09-15-2018, 00:20 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
Quote: ماك سامع بالسبعة مليون قتيل فى زمن الانقاذ ؟
رواندا عدد سكانها كم ؟؟ نضفوا نفسهم من كم مليون ناس مشاكل ما منهم فايدة واليوم تعد اكثر الدول التي حققت نمؤا ليس في افريقيا فحسب بالعالم ( اجيب ليك صور )
09-15-2018, 01:38 AM
nour tawir nour tawir
تاريخ التسجيل: 08-16-2004
مجموع المشاركات: 17638
و الحل فى رأيك أنك تجز مزيدا من الرؤوس ؟! أغرب منطق... و بعدين روندا دى أسوأ مثال فى تاريخ البشرية... يعنى أت عشان تنمو.. لازم تكتل ليك كم مليون ؟ يا اخ ريحة الدم ولونه ما تعبتوا منهم ؟
بس انت ما وريتنا يا توفيق بعد تمسك البلد حتعمل شنو في ناس النظام الكانوا حاكمين البلد ٣٠ سنة وسرقوا اموال الشعب وحولوها عملات صعبة في بنوك ماليزيا وانجلترا واسبانيا وجوعوا الشعب ..ما تقول لي حتطبق فيهم قانون عفا الله عما سلف...لانك لذا عملت كده ما حتقدم اليلد شبر واحد...
09-15-2018, 03:50 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
Quote: لبجينا في العاصمة دنقلا كان وصلنا هناك حا نميزه ميزه جد
وانت البجيبك دنقلا شنو من الاساس؟؟ ...ما قلت الناس دي كلها ضهاري وانتو ناس الخرطوم والوهم بي الكوم كلااااااااااااام يا عوض دكام .. والله تجينا الا نشلخك .. كيف الاحصاء السكاني ؟؟ بالقبائل قانون الجنسية 1957 ام الرقم الوطني الجديد؟؟
09-15-2018, 07:44 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
نقل العاصة لدنقلا دى فكرة ممتازة .. وستساعد على إهتمام أكبر وتنمية لشمال السودان وتصبح دنقلا العاصمة السياسية والخرطوم العاصمة الإقتصادية و الصناعية معاً وحسب خطتك بالإهتمام بالزراعة والثروة الحيوانية .. تصبح مدنى عاصمة إقتصادية زراعية ونيالا عاصمة إقتصادية للثروة الحيوانية
لكن بعد شنو .. الخرطوم شاهت وراحت .. واللمبى جبتا ليهو الجلا .. هههههه
09-15-2018, 07:44 AM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
الغريبة لمن عمر البشير اعلن التشكيل الوزاري..انا سويت لي تشكيل وزاري من ناس المنبر ، وفكرتي الأساسية نقل العاصمة السياسية لكوستي..وتلقيص الوزارات لسبعاطشر وزارة..وتقسيم السودان لست اقاليم ، ويكون عادل امين مدير دافور ، واسماعيل عبد الله محمد مدير للشرق..! اليومين ديل اي فكرة افكر فيها القى زول بيفكر فيها ، وزير المالية الجديد كنت داير اقول ليهو لو قبلت احرص على تعيين فريق خاص بيك (لقيت الفاضل الجبوري قال نفس الفكرة) ..!!..وهسع انت هنا يا توفيق بتقول بنقل العاصمة..! غايتو كتر خير الضيقة والخنقة بتخلي الناس كلها تفكر في نفس الحاجات..! لو لقينا لي كم نفر تاني اتطابقت افكارهم..غايتو عمر البشير الإ يشوف ليهو لاهاي..! كتر خيرك..وما تنفعل يا توفيق..اخرها كوم تراب ياعم..! كبر
09-15-2018, 10:56 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
Quote: يعنى أت عشان تنمو.. لازم تكتل ليك كم مليون ؟
استاذتنا .. في امراض ( زي الفساد المنتشر ده ) مافي ليه علاج غير الكي والاهم البتر عشان يسلم باقي الاعضاء التانية الفسد فسد خلاس تاني ما ممكن يرجع سليم ( البصلة البايظة بترجع تاني سليمة) ولا عندك راي مخالف
09-15-2018, 11:01 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
Quote: والله تجينا الا نشلخك .. كيف الاحصاء السكاني ؟؟ بالقبائل قانون الجنسية 1957 ام الرقم الوطني الجديد؟؟
اجيكم وين يا عادل انا بيت جدي الامير عثمان ازرق في قلب أكد يعني في محلية دنقلا وفيه اوضة حبوبتي صافيناز هانم بعد ما قلعوا بيتهم ( وزارة الثقافة حاليا ) يعني انا سيد بلد هناك ما طفاشي امشي هناك تاني وقت تتحول العاصمة واتكلم كلام اهلي (الرطانة) عشان الغرابة وعرب الوسط وناس الشرق ما يعرفوا الصواعق بتجي نازلة فيهم كيف
09-15-2018, 11:30 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
نقل العاصة لدنقلا دى فكرة ممتازة .. وستساعد على إهتمام أكبر وتنمية لشمال السودان وتصبح دنقلا العاصمة السياسية والخرطوم العاصمة الإقتصادية و الصناعية معاً
ده الكلام والله وده المفروض كان يحصل من زمان هي دنقلا دي مش العاصمة التاريخية للسودان من قبل التاريخ زاتو اذا ده الطبيعي وده الصاح المفروض يحصل
09-15-2018, 11:35 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
كبر فكرتك بنقل العاصمة لكوستي فكرة اوسكار ونثني الفكرة ميه في الميه ...واذا ود ابو سن ما جا هنا وثنى الفكرة دي يكون اتلوم في ناس كوستي لوم اليابا فضيل...ونحن حلال وقرى ضهاري كوستي في حاه الملزك نلوك..
09-16-2018, 10:58 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
Quote: اجيكم وين يا عادل انا بيت جدي الامير عثمان ازرق في قلب أكد يعني في محلية دنقلا وفيه اوضة حبوبتي صافيناز هانم بعد ما قلعوا بيتهم ( وزارة الثقافة حاليا ) يعني انا سيد بلد هناك ما طفاشي امشي هناك تاني وقت تتحول العاصمة واتكلم كلام اهلي (الرطانة) عشان الغرابة وعرب الوسط وناس الشرق ما يعرفوا الصواعق بتجي نازلة فيهم كيف
نحن يا توفيق اي كوشي جاء البنادر دي نعتبره ذى الاناء الذى ولغ فيه الكلب...نغسلو ستة مرات والسابعة بي التراب ...عشان يرجع كوشي اصلي تاني وهسة الفرز براه مستمر الان والانقاذ تلهث والمعارضة امركزية تلهث اكثر منها وما يلزمونا الاثنين بعدين دارفور دي خط احمر ناس دارفور ديل كلهم وقبائلهم زرقة وعرب ((سودانيين 100%)) وكوشيين ايضا وفي علاقة قوية بين الاقليم الشمالي ودارفور عبر التاريخ وقبيلة والميدوب والمحس رطانتهم واحدة وولد المك صبير اتزوج بت علي دينار ودرب الاربعين اوجد علاقة محترمة جدا جدا بين الاقليمين....الاقاليم الستة بما في لذك الاقليم الجنوبي ((سودانيين 100%)) الا من ابى والاسباب معروفة مشكلة السودان دي كلها ناس الخرطوم يا توفيق وثقافة ناس الخرطوم الما عندهم اطراف زيك في الضهاري انت الاصلي ولكن تاثرت بهم وزعلت كل ناس الضهارى ساك ت لكن ا نا عارفك ابيض ضميرك بس انا من 2005 قلت العاصمة الحقيقية مفروض تكون كوستي وليس دنقلا ومشترك معاك في اعادة الاقاليم باسس جديدة وممكن اضع اطار دستوري لمشروعك ده من تسعة نقاط منشورة هنا باستمرار بجيك صاد لم نصل لاتفاق في شان العاصمة الجديدة للسودان الكوشي وتحالفاته الجديدة(اثيوبيا =ارتريا = جبوتي=الصومال= دولة جنوب السودان= كينيا = يوغندا تنزانيا ) ما بعد الانقاذ التي ضل سعيها في الحياة الدنيا
09-16-2018, 11:19 AM
adil amin adil amin
تاريخ التسجيل: 08-01-2002
مجموع المشاركات: 36923
عليك الله يا توفييق الخرطوم او السودان ده بدون جنوبيين بتفعد ليكم كيف.؟؟. نزل البند ده دولة جنوب السودان اولا بالحريات الاربعة والجنسية المزدوجة والحمدالله لحدي هسة دينكا نقوك قاعدين معانا في الشمال والله هسة انت بي طرحك البريء ده احسن من ناس قريعتي راحت القاعدين معانا في البورد ده من 2001 ومع نفس الناس ونفس الوعي (المعارطة) يتاعة قوى الاجماع الوطني وناس ابو عيسى وعقاب ايتام الترابي وهلمجرا الاغنية دي هدية البرنامج
09-16-2018, 12:34 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
السلام عليكم تعرف يا توفيق ألحكم ما شئ سهل يختلف عن إدارة اتحاد طلاب او نادي رياضي يحتاج لمراعاة مصالح الجميع ومعرفة توازنات القوي الإقليمية والدوليةوحفظ مصالح بلدك . دكتور التجاني الماحي قال مشكلة السودان الجميع يعتقد انه مؤهل ، ودلل علي ذلك لمحدثه ز بان نادي علي العامل في المكتب وأخبره بان قد رشحناك لرئاسة الوزراء فكانت ردة فعله ان قال من يومنا خايلة فينا وياها حقت جدودي الي اخر الفخر السوداني . نصيحة لو ادوك ليها روغ
نحن يا توفيق اي كوشي جاء البنادر دي نعتبره ذى الاناء الذى ولغ فيه الكلب...نغسلو ستة مرات والسابعة بي التراب ...عشان يرجع كوشي اصلي تاني
ما مشكلة يا عادل نغتسل مية مرة ليظهر معدنا الحقيقي اصلو اختلاطنا بالعواليق في العاصمة القديمة الخرطوم بعد ما اتعولقت وسخنا وعفننا عشان كده نغتسل احسن وفي النهاية انا كوشي اصلي ما تقليد
09-17-2018, 10:26 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
Quote: تعرف يا توفيق ألحكم ما شئ سهل يختلف عن إدارة اتحاد طلاب او نادي رياضي يحتاج لمراعاة مصالح الجميع ومعرفة توازنات القوي الإقليمية والدوليةوحفظ مصالح بلدك .
ده من وجهة نظر وواحد من الزوايا اختي اخلاص لكن في نظرية الثورة بتختلف النتائج والمآلات نحن في السودان محتاجين نقفل الباب علينا ونتنضف ونزيل كل عضو فاسد من جسمنا ونلبس نضيف ونقابل الناس بطلة جديدة قوتها هي البتسخر العالم والموازنات تتعامل معانا وفق ارادتنا نحن فقط
09-17-2018, 10:46 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
بمناسبة القفلة دي في اشاعة دايرة الايام دي بقفل السودان تماما حتى نهاية العام الحالي مع بعض القرارات الاقتصادية الصادمة لكن اوؤكد انه فعلا السودان مقبل على فترة اخطر من خطرة خلال ايام والله يكضب الشينة
09-17-2018, 02:25 PM
adil amin adil amin
تاريخ التسجيل: 08-01-2002
مجموع المشاركات: 36923
Quote: الفرق في السياسة والسياسيين قبل وبعد الاستقلال هذا الامر يدل على الفرق النوعي بين من مارسو السياسة قبل الاستقلال من رعيل ذو اخلاق عالية وبين ما طفحت بهم الانقلابات الي السطح وجاءاو بالخساسة في السياسة وجلبو معهم الموت الرخيص وغير المبرر لسبب بسيط جدا نحن نفصل السياسة من الفئة الاجتماعية التي تمارسها وايضا نفصلها من المحيط الاقليمي والدولي ..النظم الانقلابية في السودان تحركها استخبارات دولية ومشاريع كبرى شيطانية والنظام الحاكم الحالي جزء من هذه المشاريع ولا زال ايضا ..فهو اصلا لم ياتي بارادة شعبية ورفض ايضا الخروج بخارطة الطريق التي وضعها المغدور جون قرنق وانظر كم كلفت الانقلابات في السودان وممكن ايضا تستعين بالسنة ورجل الاجتماع ابن خلدون لتعرف من اين اتى هولاء من منظور علم النفس السياسي الاجتماعي نظام "الكعوك" هو نظام سياسي اقتصادي مشوه يقود الي الحروب والمجاعات والنزوح ومرتبط بسياسات البنك الدولي وشركات النفط والتعدين في المنظومة الرأسمالية المتوحشة التي يتحكم فيها اليهود عبر العالم..يتم تصعيد نخبة سياسية من الحثالات الاجتماعية التي حذر الرسول(ص) من وجودوهم في المراكز الحساسة في الدولة من ولاية وقضاء وجند. .ويتم تلمعيها عبر ابواق الصهيونية وجعلهم نجوم سياسيين وخبراء فاسدين بدرجة وزير او حاكم ...تختفي الدولة والمؤسسات قال الرسول صلى الله عليه وسلم " لا تعلموا أولاد السفلة العلم فإن علمتموهم فلا تولوهم القضاء والولاية"؟.. كما أن ابن خلدون قال في مقدمته "لا تعلموا أبناء السفهاء منكم وان علمتموهم لا تولوهم شئون الجند ولا القضاء".. لأنهم إذا تعلموا"أي اصبحوا ذوو نفوذ ومناصب نتيجه لهذا التعلم" اجتهدوا في إذلال الشرفاء)) . .وهذا ما فعلوه عبر 28 عاما في حق الشعب السوداني ...جاءوا بانقلاب سنة 1989على الديمقراطية السودانية الاصيلة التي انتجت القاضي المحجوب "حزب الامة "والقاضي الدستوري محمد احمد ابو رنات "حزب الشعب الديمقراطي " .. وكل من بنو الخليج واليمن عبر العصور.
09-17-2018, 02:50 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
================ يا سلام الامير توفيق .. أهلا بيك يا أمير بالله إنت حفيد الامير عثمان أزرق ديل أهلنا في أكد وسروج وإمتدادهم حتى حفير ومشو.. أصيل يا توفيق .. مطلق التأييد للعاصمة دنقلا لتعيد المجد والتاريخ من زمان كان تقول لينا إنت حفيد الامير عثمان أزرق .. عندنا نشيد قومي جاهز يمكن تغييره ليحتوي على إسمك والنشيد كالتالي : توفيق جوبلر دابو طيارة دنقلا دابو الترجمة ( توفيق ضمن الوفد القادم .. وهم في قادمون بطائرة دنقلا )
في الانتظار أميرنا .. توفيق ..
09-17-2018, 02:50 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
================ يا سلام الامير توفيق .. أهلا بيك يا أمير بالله إنت حفيد الامير عثمان أزرق ديل أهلنا في أكد وسروج وإمتدادهم حتى حفير ومشو.. أصيل يا توفيق .. مطلق التأييد للعاصمة دنقلا لتعيد المجد والتاريخ من زمان كان تقول لينا إنت حفيد الامير عثمان أزرق .. عندنا نشيد قومي جاهز يمكن تغييره ليحتوي على إسمك والنشيد كالتالي : توفيق جوبلر دابو طيارة دنقلا دابو الترجمة ( توفيق ضمن الوفد القادم .. وهم في قادمون بطائرة دنقلا )
في الانتظار أميرنا .. توفيق ..
09-18-2018, 04:05 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5816
طبعا أخواني وأخواتي سابقا كان عندي مداخلات قليلة في بوستات الأخ توفيق (مع العلم كنت أعرف عنه وعن أسرته الكثير) حسب صلة قرابة حيث أصولنا من نفس المنطقة (وأنا شعاري دائما أنا سوداني وبعتبر أن كل القبائل والأجناس ووووووو في الآخر نحن سودانيين وأخوه) عشان كده ما وقفت في صفه (قاصد بوستات الضهاري طبعا ههههههههه وفي محادثة لي معه من البداية قال لي بطيب خاطر إنها مزح وهظار (عايز يدور بيكم) ههههه
لك التحية مره ثانية لكن يا توفيق حكاية تقول:
Quote: اول حاجة حا اعملها انقل العاصمة لدنقلا وابقي الخرطوم مدينة صناعية ومدني مدينة زراعية ..... إلخ
أعتقد من وجهة نظري (يتم تبادل العواصم) كيف يعني مثلا (الأبيض تكون عاصمة ل 4 سنوات) ثم (مدني) مثلا (ثم كسلا) ودنقلا وحلفا وكوستي والفاشر وسواكن ووووووووو وهكذا كل 4 سنوات يتم تسمية مدينه تكون عاصمة ويتم تجهيزها على هذا الأساس من طرق ومطارات ومنشات تخيلوا معي (كل ولاية سيشتغلون ويعملون وينهضون وخلال الأربع سنوات سنجد تقريبا بأن كل المدن في السودان أصحبت عاصمة السودان بموقعه الإستراتيجي ممكن يكتسب منه (مطارات عالمية في كل ولاية تكون معبر لإفريقيا واسيا وأوروبا والامريكيتين) ستوفر الاف الوظائف غير الزراعة والصناعة والتعدين ووووووو المقترح الثاني للعاصمة يتم دراسة وضعها جيدا من حيث الكثير (البنية التحتية والموقع والطقس وصلاحية أرضها وهكذا .... إلخ)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
توفيق عيسى مكي
nour tawir
عادل الباهي عبدالرازق
adil amin
نادر الفضلى
عمر التاج
Kabar
MOHAMMED ELSHEIKH
علي عبدالوهاب عثمان
فتحي عباس نقد
فيس بوك
تويتر
انستقرام
يوتيوب
بنتيريست