سعادة ناظر عموم بنى هلبة السيد التوم الهادى دبكة يرحب بأبنائه طلاب السودان العظيم فى دياره بينما القوم على ظهور الدواب هو يطأ الأرض تكريما وتشريفا لهم إيمانا منه بان اتواضع يضيف للإنسان بعدا ثالثا!! ولسان حاله يردد : يا ضيفنا لو زرتنا لوجدتنا نحن الضيوف وأنت رب المنزل.
11-28-2018, 10:45 AM
ادم الهلباوى ادم الهلباوى
تاريخ التسجيل: 06-27-2004
مجموع المشاركات: 9291
حبيبنا الهلباوي .. مودتي .. التحية لابناء بني هلبة .. يا سلام علامات الكرم تبدو في ملامحهم هو دا السودان ديل أهلي ما زالت هناك اشراقات في الوطن رغم كل شيء
لك الحق في الفخر والاعزاز
11-28-2018, 02:35 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 36006
لماذا لم تتركوا عد الغنم في حالها وماذا اضافت لها فرية الفرسان؟
الأسم دا تم أنتزاعه .. أنتزاع .. وله تأريخ ناصع يشهد لبني هلبه .. ناس الحركة الشعبية رسلوا فيلق كامل يقوده المرحوم يحيي بولاد .. وأرسلوا القائد عبد العزيز الحلو .. ب 750 ضابط وجندي كيبة أمداد لدعم القائد بولاد. بني هلبه أول حاجة عملوها .. مسكوا ناس عبد العزيز الحلو .. وعبد العزيز نجي إلا بنفسه .. وكان حايم في داير التعايشة منتحل شخصية شيخ دين، شايل مخلاية ودواية .. عامل فكي أم بتار .. حتى خرج إلي أفريقيا الوسطة ثم دخل الجنوب بمفرده. دا السبب سلفيا كير .. حتاها معه قرض .. ويلقبه بالجبان .. حتى تدخل القائد قرنق وأوقف سلف كير .. قصة بولاد بعد داك معروفة .. أهله الفور .. جري وأستجار بيهم .. وجعفر عبد الحكم .. سلمه لطيب سيخه .. والأخير كان يعاني أضطراب نفسي فقتله حسب الروايات شر قتله ..
تحية يا ول أبا الهلباوي ..
بريمة
11-28-2018, 02:53 PM
ادم الهلباوى ادم الهلباوى
تاريخ التسجيل: 06-27-2004
مجموع المشاركات: 9291
Quote: المهم يا هلباوي تكونوا اكرمتوا (كعاداتكم) كل زائريكم ببخسة او خرجا متروس من عسل (كبم).. يرموا عضامهم. عسل (كبم) الأصلي.. ماركة عالمية.. ما حينسوها.
هاشم عارف فى شنو فى القداحا والمنديلات والحلل دى لوعشتها ودخلت أجواءها يا رجل صدقنى حتقطع أصابعك قال شنو قال اكرمتوهم قال!!
* يا هاشم أنا عارف أولادك مع ضمن الطلاب الزاروا عد الفرسان كدى بالله أسألن قول لهن نان يا جنيات عمامكم هنوك فى عدالفرسان أكرموكن؟ كدى شوفن يقولوا لك شنو .. أنا ما عايز إتفاخر لك لأنهم أولادنا ولا منة على أحد .. لكن على الطناش نعمة يغنى عليها الكاشفيا رجل قول كلام بشبه!!
* بعض من الأولاد يله ويامين حنسناهم يرجع مع إخوانهم لأهاليهم ما كانوا عايزين يرجعوا قالوا : ظابطة ودسيسة يا مان.
ناس معذتنا ما بنريد غيرهم رحلوا خلونا يا حليلهم!! * القطار المرا فيه مرا حبيبى !!* * طلاب السودان العظيم يغادرون مودعين أهل نيالا البحيرأهل الكرم والجود مسرورين فرحين. * فى أمان الله يا أبنائى.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ادم الهلباوى
MOHAMMED ELSHEIKH
علي عبدالوهاب عثمان
Biraima M Adam
هاشم الحسن
فيس بوك
تويتر
انستقرام
يوتيوب
بنتيريست