|
Re: عاااااااااجل على خفيف كدا (Re: الصادق عبدالله الحسن)
|
مرحب الصادق الحالة واحدة يا صادق كلو يا ليت يجب مريسة تامزين صحيح عنواني درجة خطورتو منخفضة بس عاااااجل دي ما تستهين بيها هههههه انا فتحت المنبر وقبل ما تفتح الصفحة اتلفت على التلفزيون لقيت الخبر فضلت ابدأ بيهو رغم عدم وجود تفاصيل واصل البوست لك فانت متابع جيد للاحداث
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
سلام يا عزيزنا حمد، وتحايا ليك ولإخواننا ضيوف البوست ..
الحقيقة، خبرك فاجع، بل مولّع عديل كدا؛ ولو لِحِق مشى! فقُل: يا فُرق الحشا،ولن يظلّ بعدها - خط هيثرو - هو الوِيحيد!!!!!!!!!!!!!!
مع ذلك، فتجدني أميَل إلى أن الشغلة "شغلة إنقاذوية" معهووووودة، ومتعوّدة كمان هااا
وأعني أن المسألة المُحَيِّرة، لا تزيد عن كونها مجرد " سمسرة " يجيدها الإنقاذويون!
وقد قيل: ما أفلَح "ساسة" ابتنوا كل صنيعهم عالسّمسَرَة وَ "حَركات" إيّاك أعني واسمعي يا جارة..!
| |
|
|
|
|
|
|
Re: عاااااااااجل على خفيف كدا (Re: محمد أبوجودة)
|
هلا ابو جودة لكن ما بالغت رميتا ، رب رب، كدا ولا هماك شيء وانا ضحكت ولا هماني شيء اول مرة انتبه لحكاية انو دي حكومة في شكل سمسار صاحب العمل بستثمر مواردو عشان يحقق ايرادات لكن تبيع موارد عشان تحقق ايرادات هنا انا وقفت عن المشي والله يستر
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
Quote: اثيوبيا تتوصل لاتفاق للاستحواذ على حصة من ميناء السودان البحري الوحيد كما ورد في شاشة الجزيرة حسب رويتر |
حمدنا كيفنك ... ايش يعني استحواز علي حصة ؟؟؟ هل الحصة هي اسهم ام شريحه ام (نفس بتاع سجارة بنقو ساي) .... بالتاكيد صياغة الخبر توحي عن (امتلاك) جزء من الميناء وسوف تقوم الحكومة الاثيوبية برفع علمها في هذا الجزء ... فتشتا بوست لي ود البشري يتحدث فيهو عن طرق ايجار وادارة الموانيء ومؤكد سوف تجد اجابة لكل المخاوف ولم اجده حتي في الصالون (المكتبه) العاملو ليهو بكري (هو دفع كم للمكتبه)
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
في اي تفاصيل يا قريبك؟ عموما وللضمان كدا, ومن ناحية مبدئية اتفاقات "تشغيل" و "إدارة" المنافذ برية و بحرية وجوية لا غبار عليها ومعمول بها في كل العالم و كلمة استحواذ قد تعني شراء حصة من اسهم الشركة أو الهيئة ولا تعني شراء جزء فعلي من أرض أو أرصفة أو مرافق الميناء, كما احب ان اشير لأن اثيوبيا توصلت لإتفاق - قد يكون شبيه - حول مينائي جيبوتي و برر الصومالي أيضا لكن الشيطان يكمن في التفاصيل و السمعة السيئة للإدارة الإنقاذية الفاسدة التي تهمها العمولات الشخصية دائما قبل الحرص على مصالح الدولة لذا لا إطمئنان قبل الإطلاّع على التفاصيل
| |
|
|
|
|
|
|
Re: عاااااااااجل على خفيف كدا (Re: عبدالحفيظ ابوسن)
|
“The leaders of both countries agreed to develop Port Sudan together,” said Meles Alem, spokesman for Ethiopia’s Foreign Ministry.
“This deal entails that Ethiopia will be a shareholder of the port as well,” he told Reuters.
No financial details of the agreement were disclosed.
Another official said that the agreement would enable Ethiopia to have a say in the level of port handling fees.
| |
|
|
|
|
|
|
Re: عاااااااااجل على خفيف كدا (Re: محمد البشرى الخضر)
|
حبابك ود الزبير صلاح
استحواذ دي حسب فهمي ليها تملك حصة في الأصول بكامل تكاليف تشغيلها وما ينتج عن هذه الحصة من أرباح أو خسائر
بس هل تكون حصة منفصلة خاصة باثيوبيا أو ضمن مجمل النشاط التشغيلي للميناء ما في زول بديك حقيقة ياها أم غمتي كدا بس
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
هلا ابسن
والعفو عن المتهمين في الحق العام دي هوادة ؟ ولا فوق البيعة ؟ قالوا الحق العام مبهمة كدة
دي جديدة ولا شنو ؟
أصلو بخلوها فاتحة على مصراعيها كدا عشان تشمل جرائم ضد الأشخاص وضد الدولة وخاصة قروش الدولة دي معفية إلا لمن أبى مهما تتخيل وتوسع افقك ما بتستوعب تفكير الناس دي شكلهم كدا بقروا كتب التاريخ وبيشيلوا منها أنجع الطرق لتغييب الشعوب
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
في الاخبار عفو من عمر البشير لاثيوبين متهمين في حق عام وشكره الرئيس الاثيوبي 😆😆😆 بالمناسبة معاوية الزبير عشان يكربنك ويلصقك مع الجير جابا ليك بالانجليزي حتي كمان الانجليز بشتلو !!! اتخارج يا حبة يا ودو بكري حقو يديني مكتبة اسوة بيك اسوة دي لو ما جابت حقها تاني الا ريثما
| |
|
|
|
|
|
|
Re: عاااااااااجل على خفيف كدا (Re: عبدالحفيظ ابوسن)
|
هلا محمد البشرى
مافي أي تفاصيل ولا حتكون في
لكن الشيطان يكمن في التفاصيل و السمعة السيئة للإدارة الإنقاذية الفاسدة التي تهمها العمولات الشخصية دائما قبل الحرص على مصالح الدولة
ياهو الشيطان والسمعة السيئة ديل بس
| |
|
|
|
|
|
|
Re: عاااااااااجل على خفيف كدا (Re: محمد البشرى الخضر)
|
حمد - سلامات بورتسودان ممكن تعتبر حسب الاتفاق من اهم المنافذ لاثيوبيا على وحركه الصادر والوارد ممكن نضيف بعض الغائب عن الذهن جانب اقتصادى اطول مدى وهو شراء الكهرباء من اثيوبيا (ودا اظن حاصل من فتره) جانب سياسى /عسكرى وهو تعزيز حلف اخوانى (تركيا .سودان . قطر)باضافه بعد اقليمى (اثيوبيا)فى مواجهه التوترات فى خوض البحر الاحمر وخاصه مصر. والله اعلم
| |
|
|
|
|
|
|
Re: عاااااااااجل على خفيف كدا (Re: Asim Ali)
|
مليتونا نقة و فقر في الفاضي ..... الناس ديل باعو الجواز و الجنسية و الاراضي ... و انتو لسه في النقة مليتونا فقر امشو البلد و اقلعوا الناس ديل قلع و رجعوا حقوقكم كلامكم دا ما منو اي فايدة .... انجزوا ......
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
مرحب د. نعمات
“The leaders of both countries agreed to develop Port Sudan together,” said Meles Alem, spokesman for Ethiopia’s Foreign Ministry.
“This deal entails that Ethiopia will be a shareholder of the port as well,” he told Reuters.
No financial details of the agreement were disclosed.
Another official said that the agreement would enable Ethiopia to have a say in the level of port handling fees.
ما واضح الاتفاق هل دين مسترد ولا اتفاق شراكة كدي نحاول الترجمة :
وقال مليس عالم الناطق الرسمي لوزارة الخارجية الأثيوبية " لقد اتفق قادة البلدان على تطوير ميناء بورتسودان سويا" وذكر لوكالة رويتر " أن هذه الصفقة تتضمن أن تكون اثيوبيا من المساهمين في الميناء أيضا ولم يتم الإفصاح عن التفاصيل المالية للاتفاقية وأشار مسئول آخر أن هذه الاتفاقية تمكن أثيوبيا من أن تكون صاحبة رأي على مستوى رسوم المناولة في الميناء
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
هلا عاصم
جانب اقتصادى اطول مدى وهو شراء الكهرباء من اثيوبيا (ودا اظن حاصل من فتره) جانب سياسى /عسكرى وهو تعزيز حلف اخوانى (تركيا .سودان . قطر)باضافه بعد اقليمى (اثيوبيا) فى مواجهه التوترات فى خوض البحر الاحمر وخاصه مصر.
كلامك وارد جدا رغم إنو الأحلاف دي بتختنا في مواجهة حقيقية مع أحلاف تانية بالطبع ونحن أصلا ما عندنا مقدرة على المواجهات خاصة إذا انسحب الحلفاء في وقت حرج دا كلو لعب بالنار وتفريط في موارد الدولة السودانية لسنا بحاجة له عندك دول أفريقية عديدة باعدة نفسها تماما من الاستقطاب الحاصل دا مثل الجزائر والمغرب وتونس وكينيا وتنزانيا ونيجيريا الخ وعائشة في هدوء ومتفرغة لبلاويها ديل أضاعوا موارد البلد في حروب عبثية في الداخل وتحديات عالمية ما أدخلهم في ورطة يصعب الخروج منها
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
كيفك يا أبو حسين
قلت لي شنو؟ مليتونا فقر امشو البلد و اقلعوا الناس ديل قلع و رجعوا حقوقكم كلامكم دا ما منو اي فايدة .... انجزوا ......
قالوا ليك حميدتي محاصر العاصمة يمين تمشي اليومين ديل يقلعوك هدومك اللابسا دي يا فقر انا شخصيا ما بنصح أي زول يعمل حركة في اليومين دي نحن السعودية دي لو خلتنا (بعد التصريحات الأخيرة دي) حنقعد فراجة كدا في الكيزان ديل براهم بخلوها بقت ما شايلاهم كدي انتظر شوية ما تستعجل ولا اقول ليك حاجة أهو المدارس أجزت اتقدم خلينا نشوف فيك
| |
|
|
|
|
|
|
Re: عاااااااااجل على خفيف كدا (Re: aosman)
|
.Quote: قالوا ليك حميدتي محاصر العاصمة يمين تمشي اليومين ديل يقلعوك هدومك اللابسا دي يا فقر انا شخصيا ما بنصح أي زول يعمل حركة في اليومين دي نحن السعودية دي لو خلتنا (بعد التصريحات الأخيرة دي) حنقعد فراجة كدا في الكيزان ديل براهم بخلوها بقت ما شايلاهم كدي انتظر شوية ما تستعجل ولا اقول ليك حاجة أهو المدارس أجزت اتقدم خلينا نشوف فيك |
يا زول حميدتي قبل كم يوم هدد الاتحاد الاوربي ... 😂😂😂😂😂 عايزني اتقدم انا و اقلبها ليكم عشان بكره تفتح بوست عااااااااااااااااااااااااجل زي كأنك فلقت العساكر بي حجر ؟؟؟؟ قوم لف ابقى مارق زي الرجال شيل ليك كم برمودا و تي شيرت ابيض مكتوب فيه Revolution بالاحمر و جاية زاوية كدا و كم فوطة من البغسلو بيها العربات ديك عشان البمبان و زمزمية زي بتاعة شفع المدرسة و معاهم جزمة رياضية خفيفة عشان الجري تقلبو الحكومة و تسكو الكيزان في شوارع الخرطوم تلموهم في استاد الخرطوم و تجيبو كمية من البساطين تجلدوهم لغاية ما يرجعو اي تعريفة لهطوها .... توفرو بيها البنزين و تدعمو السكر قبل رمضان ياخ اقول ليك حاجة انتو اصلو السودان و بتسهل ان شاء الله
| |
|
|
|
|
|
|
Re: عاااااااااجل على خفيف كدا (Re: محمد البشرى الخضر)
|
غايتو بالطريقة دي، ود البشرى ده ح يطالب الناس بدمغة شنو كده حتى يتم تمرير مداخلاتهم في المنبر أحسن حل الناس تكتفي بعمل كوبي بيست لقصص القرآن وتنزلها هنا ده كان ما جاء برضو وقال ليهم دي إسرائيليات وجيبوا لينا التسجيل الأصلي بتاع جبريل
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
يا حمد احسن ليك تلبد لبديك كلمتك..،بتدقا انا ما علي،،،لابد في البيت قمت من الصباح عشان امشي صف البنزين لقيت البطارية اتلحست اتذكرت كلام بشة بتاع سب الدين،،،تاني غيرت رايي عشان حكاية البركاوي قفلت عربيتي وهسي بفتش لي في شوية بركاوي ،،،ولو ما نفع بجرب سب الدين ومحل رهيفة تنقد لو جربته علي خفيف فوكا حاجة يا ربي؟؟؟
| |
|
|
|
|
|
|
Re: عاااااااااجل على خفيف كدا (Re: Osman Awoda)
|
عثمان عووضة حبابك اتلحست دي يعني شنو نزلت ولا سرقوها؟ لو سرقوها ولحدي هسه ما سبيت دين تكون سليل انبياء عدييل دي بتكون قريب 2 مليون غير التاخير طبعا انا الاسبوع الفات طلعت لقيت الكفر نازل اي صامولة سبيت ليها حل وربط لحدي ما ربطت الاسبير
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
وخد عندك يا حمد مكنة التلاجة 3 مليون موتور المكيف 3 مليون موتور الموية 3 مليون بلص او ماينص مبلغ لا يستاهل لاحظ دة اسبير بس غير التركيب اما الاساتك او الكفرات حقات العربية حدث ولا حرج بعدينك يا عووضة تسب الدين ذنبو شنو ياخ عيب مش شايف الناس الشايلين الدين ملعوبية قال ليك صفوفكم في الطلمبات عبادة وتدريب ليوم الحشر اقول ليك سب ساي
| |
|
|
|
|
|
|
Re: عاااااااااجل على خفيف كدا (Re: عبدالحفيظ ابوسن)
|
Quote: شكلو حيكون منتدب من الجانب الاثيوبي |
ههههه ... أخدت لي غمدة بعد قهمة ود الزبير و بين الصحو و المنام قريت كلامك دا ناقص حرف قلت حمد دا إلاّ كان جنّ
المهم .. بالنسبة لرسوم المناولة زميلنا في المكتب صومالي مغترب من سنة اسكت لامن طلع المعاش بتونس معاه اها وح تعمل شنو طبعا في بالي انو الرجعة للصومال صعبة قال لي عندنا بزنس عائلي في جيبوتي مدور ليه سنين طبعا اثيوبيا بتعتمد على ميناء جيبوتي بنسبة كبيرة في استقبال وارداتها لكن كمسألة سيادة وكدا جيبوتي لا تسمح الا بعمل المخلصين المرخصين الجيبوتيين في الميناء فا هم عاملين شركة تخليص وكلهم عندهم الجنسية الجيبوتية و بتولوا تخليص البضائع الاثيوبية و اخراجها خارج الميناء وتسليما لشركات النقل البري و طالعة ليهم شوربة كويسة من القصة دي أها جماعتنا طبعا ما بالنجاضة دي عشان تنفع مواطنبها فا اصبر شوية وحتلقى مكاتب التخليص و عمال الشحن و التفريغ و ناس الصيانة و الخدمات و ربما الموظفين كلهم حبش ستات الشاي اصلو امرهم مقضي طبعا بدون الاستحواذ :)
| |
|
|
|
|
|
|
Re: عاااااااااجل على خفيف كدا (Re: حمد عبد الغفار عمر)
|
قباني .... ياخي شوق السحابه الراحله ...
Quote: لا عارفين اداءك ده من اثر الاصابة القديمة ... و لا بقيت خايف من اي اصابات جديدة ... :) |
مافي شك الاصابه القديمه كانت قويه (1) وخايف من الاصابات الجديده لانو لو حصلت تاني اصابه .. الريس حا يعمل زي ما عمل بتاع كوريا مع الوزير (الفاسد) ويوديني البكان البفتح ويقفل براهو داك ينزلني ويجي راجع كانو ما حصلت حاقه(2) وثالثا" اللعب في البورد ما بسر عدو ولا صليح ... بقي يعمل لي نفسيات عشان كدا بقيت العب علي الواقف .... هههههه هسع شوف (ت)عسيلة ود البشرى دا .... ما بتستحق دلوكة انصاف مدني ...
Quote: على قولك صلاح وضعو ما مريح شايفو بقى أنيق |
انيق اتا ... يا حليلو صلاح بتاع المواصلات الفسحكم داك ...
| |
|
|
|
|
|
|
Re: عاااااااااجل على خفيف كدا (Re: محمد البشرى الخضر)
|
Quote: المفروض وقع دا رئيس كوريا الجنوبية هيم سلف! |
في مقاطع زي دي يا باش تركز علي الاكشن وليس (الحق) ... يعني الزول بعد ما ينزل في الهربه دي تتلقاهو السكاكين تشققو وتشرمطو وبعد داك توديهو علي حجر الطاحونه تدقق عضامو لامن يبقو ناعمات ولا مانع من اضافة البصل والبقدونس والملح والفلفل الاسود عشان الكفته تكون طاعمه ... عشان كدا يا صلاح خليك في كامل الاناقة ... ههههه
| |
|
|
|
|
|
|
|