شقيش نقبلي يا بنية بتلقي في ناسنا اللطافة فنجان قهوة عنوان الضيافة دامرقا بـ شمشوما او دخانا لافة بالبركاوي نرضيك حتي لو صارت خرافة او حتي بالافرنجي نقدم ليك منون او كنافة صرفنا ليك عروق محبة و شتلنا ليك الريد سحابة
جيتينا مرسال اهلك او شايلة وردة للناس الغلابة او شايلة همهم زي وسادة لابونا الكبير ناصحة من دون هوادة عارفينو للخذلان قرادة او زي تفاحة فاسدة يبوح باسرار ضيوفو في اول عيادة صرفنا ليك عروق محبة و شتلنا ليك الريد سحابة
انتي مننا و انتي فينا يا سمحة روزاليندا او فيك من بالكيزا لمحة كل خطوة في دربك سلامة او ترسم بيها لوحة صرفنا ليك عروق محبة و شتلنا الريد سحابة
04-08-2018, 08:18 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
الا دي يا محجوب ، الذ حتة في الفيلم كلو اقفل "الصورص" بالله في السطر ده بالضبة والمفتاح
_____________ الهبيب عبدالله ادريس شكرا لمرورك الكريم ايوي نعم .... اسم القصيدة مقفول بالضبة بس عايزين نزيد في المحتوي كان الله مد في الاعمار كل يوم بزيد مقطع دايرين الريس يتعلم كيف يصرف عروق محبة لشعبو و تلقائيا حيصرف للضيوف محبة
04-09-2018, 07:30 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 11398
هبيبنا الكنزي شكرا للمثابرة و التشجيع طبعا الويكند خلص و دخلنا في المعمعة لكن نحاول نتابع و زي ما قلت الصبر و المثابرة و ان شاء الله سوف الحلمنتيش يقوم.
يا محجوب ده ما مشروع قصيدة ولكن قصيدة مكتملة ...بس يا ريت عروق المحبة دي تكون موجودة في الواقع.. وبرضه لكن خايفة البركاوي يكون بركاوي البشير مع وافر التقدير والاحترام
04-11-2018, 09:29 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
بنتنا امتثال شرفت البوست و شكرا لمرورك الكريم القصيدة غير مكتملة. كانت خاطرة بعد ما سمعت خبر صرف البركاوي من قبل سيدهم الريس, فقلت في نفسي كيف نرد علي ذلك القبح باسم السودان و هو بالتأكيد مثل التفاحة الفاسدة (كما يقولون الخواجات) وسط شعب السودان الطيب. وددت ان يكون الرد مليون بيت قصيدة و كانت تلك مساهمتي المتواضعة.
عن عروق المحبة, كثيرا ما يحكي الناس عن بعض الدجالين الذين يعرضون مثل هذه البضاعة و يسوقونها علي ذلك الاساس و لا ادري صحتها و لكنه موجود في التابو الشعبي كواقع. اما عن البركاوي فقصدي البركاوي الاصلي دون خرافة سيدهم الرئيس الذي حاول ان يجعل من هذا المنتوج الطيب خرافة في غير محلها. الحاج الحلفاوي كان يوزع الطيب تفاديا لارتكاب معصية سب الدين.
04-14-2018, 02:54 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
اما في شأن البيعة التي اثلجت الصدور فنقول: الصدور ثلجانة من خوفك تخرخر و القلوب مكبوسة التقول في ود الاحد مكركر فرعون فوق رؤسهم يورور و قيادات تحت الجزمة تفرفر و برضو نصرف ليكم عروق محبة ليوم الليلة و باكر
04-14-2018, 04:08 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
اوه هبيبنا فيسل شفت البركاوي المستورد ده صرفوهو للريح كيف!
_________________ بركاوي مستورد في القزاز مصفوف بالماركة و الاسم واللون موصوف عصير للصفوة و بالسيسي مصروف يفك الحنك و يخليك تنضم المعروف بس خسارة دفقو الحاتل المجلوف
04-15-2018, 01:08 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
____________ ياهو اعلن ترشيحو و اجل مكتوب و صار ملك للمللوك منصوب اهلنا الراجين الزمن يفك مكروب مسكين اخونا الصرف بركاوي و جدع مركوب يا الله شوف بحالو وحال كل مغلوب
04-18-2018, 02:03 AM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
و للقطط السمان ايضا نقول: كديسة سمينة عنوانو الشر دساس لقروش البلد في الحال كناس كرش كيبرة و مليان فسفاس ماشي وسط الناس مثل شيطان خناس كلك اذي و رفيق وسواس ان شاءالله يجي يوم تصبح جيبك يباس
04-21-2018, 04:21 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
غندور غندار الاكل الشية في غندهار و صرف بركاوي للامصار كرب صليبو و قال انا القشار حمبك شديد و نط من الجرار خلانا نقول ده علي الكرار دعينا الله ينصر دينو و يهزم الكفار ينقذنا من الانقاذ و كل الاشرار تاري نحنا منتظرين الفرجة في الاسحار
حوشك فسيح و قلبك كبير في طرف المدائن عايش للكل ضمير منتظر دورك شعبي و طابق قصير شايلين حالك في الصحف تنظير قالو الخضر واسطة للتسخير الله اداهو القلم تبشير رسم اسمك في العقد تسطير رجع و و قال الاسم نكير و جاء الاسطورة الاسمو محمد خير يتضف الماخورة و يتمر الحنطير
04-29-2018, 08:16 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
يلا يا زول كنكش يا هو القصرحقك مكندش و النافورة في الحوش ترشرش حمام الساونا لجلدك يدشدش من زمان صار بطنك مكرش عينك للحرام ما برمش حاشيتك للقروش يقشقش شعبك المسكين للقرقوش يفتش كرعين الجداد بدل غندهار متشتش كدايسك للمساكين تخربش . . .
05-06-2018, 01:36 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
في سوق النخاس ساموك بأرخص ريال باعوك اخر الليل بالطيارة شالوك في ارض اليمن رموك بين الجبال خلوك مثل الفريسة صادوك بالخازوق نفخوك طقت ريحتك شموها في بنكوك خلو الوحوش عافوك
05-13-2018, 02:44 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9467
موية نار بنزينك دم افتح شريانك, اشفط سم املا جالونك و قول بي كم بدل الجاز كب الدم دور عربيتك ترمرمرم قول يا الله تشيل الهم بركات شيخك تنور جم تدحرج تريللا و تمنع ذم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahjob Abdalla
Ali Alkanzi
Abdullah Idrees
فيصل محمد خليل
فيس بوك
تويتر
انستقرام
يوتيوب
بنتيريست