|
|
|
 Re: سمكرة بروفايل وحاجات تانية نجمة احمد الأم (Re: بدر الدين الأمير)
|
هذا و الله لشيء عجب !!
حين فاجئني أحدهم بـ ( بدر الدين الأمير عقدو يوم الجمعة ) .. قلت بلا تفكير : يا يابا كضب الجبال .
أظنني أعرف الرجل ، لذلك قلت بما قلت .. لكن
بدر : هو أنا بكتف نفسي بالهين ؟؟
أنا : عامل فيها واقع علي قدومك ؟
بدر : ما وقوع يا ضونقلاوي يا حلاب التيس ، ده إستغراق .
أنا : بالله !!!
بدر : إنت شِن خبرك ؟
أنا : و الربنا قال بي قولا دي منو دي ؟
بدر : مفاجئة .. و مافي ليك معلومة إلا العقد يتم .
أنا ( في سري ) : هسه ده يسووا ليهو شنو مثلاً ؟
اليوم تم عقد القران .. في الخرطوم .
الحضور النوعي كان هناك ، و كان مصطفى سيدأحمد هناك أيضاً و أيضاً .. شعراء مصطفى التفوا حول العروسة في حين صاحبنا العريس ( الخواجة المظلل ) بقي في الدوحة “ مدوِّراً لقلقه العجيب و .. السيغار .
حضر أهل أربجي .. سمحين و سادين عين الشمس .. و حضر هاشم صديق ، و حضر أزهري محمد علي ، و حضر قاسم أبو زيد ، و حضر محمد طه القدال ، و حضر عبدالله علي ابراهيم ، و مصطفى أحمد الخليفة المسرحي الجميل حضر ..
أنا : يا بدر مبروك .. طلعت من حق هجم النمر
بدر : أها .. و تاني ؟؟
/أنا : مافي شي .. لكن الفيك إنعرفت .
ب/در : شيل أهلك يا عماد .. مش باركت ؟؟ .. تاني شنو ؟
فشلت أهلي فرحاناً .. و جيت كتبت هذا .
........
مبروك للعريس : بدر الدين الأمير
مبروك للعروسة : زميلة هذا المنبر الدكتورة منال السر مصطفى / رئيس شعبة الحاسوب بجامعة الزعيم الأزهري
و المعروفة هنا باسم : نجمه NAJMA
عماد عبدالله
9/2/2013
_______________________
ههههههااااااي ابوالوليدات اسوى الغداء واجيك
تنهيده : ياعماد عبدالله مدد ياشيخنا
| |
 
|
|
|
|
|
|
|
 Re: سمكرة بروفايل وحاجات تانية نجمة احمد الأم (Re: MOHAMMED ELSHEIKH)
|
يا امتثال الآربجى هذا سلاح يستعمل فى جميع الحالات ما عدا الحالات التى لا يستعمل فيها.
مرة فى واحد يقلب كتاب الجمهوريين كتبه الاستاذ فى اربجى.. يقول للاخ انتو كلامكم دائما ما مفهوم وتكتبوا كلام معقد.. وهو يقلب الكتاب وقلب الغلاف الخلفى.. قال ليه خد!.. اها اربجى دى هسه معناها شنو..
| |
|
|
|
|
|
|
|
|
|
Re: سمكرة بروفايل وحاجات تانية نجمة احمد الأم (Re: بدر الدين الأمير)
|
بدر الدين
نجمة
ابو الريش
يعني انا طلعت زي الاطرش في الزفة
ما فهمت العنوان ولا فهمت المضمون
عاوزة وضع النقاط فوق الحروف او شرح مبسط بالعربي الدارجي،
مع وافر التقدير والاحترام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
امتثال
شيوخنا الصوفية بقولو الامتثال خير من الادب
يعنى لو شيخك قال لك اعمل الشى الفلانى حتى لو فيهى تطاول على مقام الشيخ برضو تمتثل وتنفذ
لو محتاجة مزيد من الشرح اسالى الشيخ عماد عبدالله التى استشهدت برواياته الممنوعة من التداخل في هذا البوست
وبرضو جات تتحشر
تنهدات: جنى وجن المابتقراء بروفايلك قبل ومن ثم بعد التعديل و التعديل دا سعب خلاص ياخى انا كنت في حريتى هسى بقيت اقول اعطنى حريتى
| |
|
|
|
|
|
|
|
|
Re: سمكرة بروفايل وحاجات تانية نجمة احمد الأم (Re: يحي قباني)
|
لو محتاجة مزيد من الشرح اسالى الشيخ عماد عبدالله ا
او بالعدم .. أسألي الزبير الختمي ...
فله دعوات مستجابات .. و له حميمية مع القمري المظلل بي ورق الأراك ...
ثم ... ربنا يديم المحبة ياخ ... :)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قابنى ياخى انا حصل قبقبتك مالك بتعاملنى وكانى معاوية المدير اوالزنديق عمر دفع الله
| |
|
|
|
|
|
|
|
|
|
Re: سمكرة بروفايل وحاجات تانية نجمة احمد الأم (Re: بهاء بكري)
|
شكرا بدر الدين
يا دوب عرفت قراية البروفايل مهم جدا جدا..بعد ردك رجعت لبروفايلك و بروفايل الدكتورة وابتديت افهم البوست ...والله انتو أظرف ناس في الدنيا...
مع وافر التقدير والاحترام
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تعرفى ياامتثال نحن ناس الجزيرة لمن نتزوج بنات الخرطوم بنرتقى بالزوق والتزوق هههههه
| |
|
|
|
|
|
|
| |
بدر الدين الأمير
MOHAMMED ELSHEIKH
Abureesh
يحي قباني
بهاء بكري
فيس بوك
تويتر
انستقرام
يوتيوب
بنتيريست