شكرا يا صلاح إسماعيل حسن ومحمد وردي وزيدان إبراهيم في لمة واحدة يخلوك تشووت الغنا بتاع العشرين سنة الاخيرة للزبالة مع الاعتذار للبعض طبعا، بقصد الحالة العامة
08-04-2018, 04:02 PM
Zakaria Fadel
Zakaria Fadel
تاريخ التسجيل: 01-24-2013
مجموع المشاركات: 2002
اسمح لي أخالفك يا بو الريش ، ياخ ظلمت الراجل،، و الله زيدان دا ما حصل غنى ليه غُناياً لفنان مهما كان عملاقاً و لو بحجم الشفييع و إبراهيم عوض و وردي ، و إلا ينسيك أي أي حاجة و يبقى الغُنا في خضموا أحلة من خَشُم سيدو. ياخي هسي بتصدق إنو أجمل حبيب للروح دي أغنية حقيبة لأولاد شمبات كمان؟. ألا رَحمك الله عندليبنا الأسمراني .
08-05-2018, 06:23 AM
khaleel
khaleel
تاريخ التسجيل: 02-16-2002
مجموع المشاركات: 30134
يا دفع الله ود الأصيل أنا ما عندي كلام في صوت زيدان وفنه. أنا بتكلم عن تسجيله في الحفلة دي تحديداً ... صوته مرهق والأداء كان فيه كميه من النشاز
عشان نكون علميين ونضع الأشياء في مقاييسها، أي لحن يؤدى في سلم موسيقي معين، وهذا السلم يحتوي على أصوات بعينها (في الحالة السودانية خمسة أصوات، إلا أنه لا مانع من الإتيان بالصوت السادس والسابع). إذا أراد المغني أو العازف لعب صوت وأخطأ في دقة الصوت، هنا يكون (نشاز) ويجرح الأذن المستمعة ويفسد الذوق. هذا ما قام به زيدان في هذا التسجيل ... عشان كده قلت ليته اعتذر عن المشاركة في هذا الحفل.
08-05-2018, 07:30 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13737
في هذه الحالة يا بو الريش أوافقك الرأي تماماً. خصوصاً بعد سماعي للتسجيل ، و كنتُ مأخوذاً بانطباعيتي . و فعلاً كان فرقاً شاسعاً بينه و بين يوم أن غنى( يا خاين) ، لإبراهيم عوض و الذي تفوق حبال صوته صوت وردي بمراحل، بشهادة مختصصين في المجال. وهي برضو وجهة نظر. لك مودتي
08-05-2018, 04:14 PM
صلاح أبو زيد
صلاح أبو زيد
تاريخ التسجيل: 01-29-2011
مجموع المشاركات: 1434
وطبعا لا خلاف في ان اغاني وردي لا تقلد و لاتطرب الا من وردي . لكن وجهة نظري الخاصة جاية من غير تخصص او خبرة في المجال دا لكن كمستمع قديم ، قصدت من تنزيل الفيديو انو الناس تشوف المحاولة الخطرة وجميلة، قدرة زيدان على خوض مغامرة صعبة في اختيار اغنية المستحيل رغم الارهاق في الصوت و العنت ، والمشكلة دي بالذات ح تواجه اي فنان تاني ، بسبب صعوبة الاغنية نفسها، في البال ايضا زيدان وو ردي كل واحد عالم مختلف طريقة واداء وصوت لكن رغم كل دا زيدان غنى كزيدان وشال فكرة تقليد وردي و ختاها بعيد وغنى كزيدان غنى لنفسه بس وكان في عالم تاني وقدر يلملم اطراف اللحن الواسع برهق وعذاب و معاناة واضحة ،
برضو قيل أن وردي قال بعد ان سماعه لزيدان " زيدان ثم زيدان ثم زيدان " الكلتم دا قالو واحد من الضيوف في واحدة من اللقاءات التلفزيونية الاتعملت بعد رحيل الفنان زيدان
08-05-2018, 08:51 PM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13737
أحسنت صلاح أبو زيد، و ختفتها من خشمي؛إنو زيدان رغم الأرهاق , شال بعبع وردي من راسو خالس، و غنى گزيدان و بس . و دا الأناقصدتو بدون تحيز ، إنو حتى غنا الناس عندوبكون متل (فلير دامور المسخ الارياح) . .
رحم الله اسماعيل و وردى و زيدان مفتاح و سحر هذه الاغنية يكمن فى حتتين لو بأيدى و .. و النهاية كلمة و معنى و اداء اعتقدان ان زيدان لم يوفق فى التعبير الصوتى فى لو بأيدى و تجاهل مقطع فيها يقول لو بأيدى كنت طوعت المحال و تجاهل ايضا .. و النهاية .. و لم ترد على لسانه اضف لذلك زيدان دائما ما يغنى و هو مرتاح فى اخراج الكلمات الا هنا فالتشنج كان باد غليه و كأنه يغالب خروج الحروف عظم المناسبة و احساس المشاركة قد يعفيه من هنات الاداء شكرا صلاح على البوست الرايق ده
08-06-2018, 01:56 AM
صلاح أبو زيد
صلاح أبو زيد
تاريخ التسجيل: 01-29-2011
مجموع المشاركات: 1434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة