كتب الكاتب الفاتح جبرا المتوفرة بمعرض الدوحة
|
Re: زرعوك في قلبي يا من كساني شجون .. تسجيل عجي� (Re: Osman Musa)
|
يا عثمان موسى ...
الامي ...
الزول الصعب ... الزول الصارم ...
قال ( كساني ) شجون ...
ما شفت شاعر لبس الشجون كسوة .. مونة صيف و خريف قبال ده ...
با زرعة امير شعراء الغزل قال ... لمتين يلازمك في هواك مر الشجن ... و عزيز التوم قال ... في ليل الشجن و الشوق ناديتك
الكسوة لا يفهمها الا من تاتيه من غيره ...
الغني يكسي نفسه ...
لكن الفقير تأتيه الكسوة من غيره ...
فوصف الأمي حاله بالفقير لها ( محبوبته )
فالبسته الشجن حد الكسوة ...
ابو كده ياخ ...
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: Ahmed Yassin)
|
(ﺃﺣﻼﻡ ﺍﻟﺤﺐ) كانت هي البداية او الانطلاقة الحقيقية من الابيض في الخمسينات والمدينة كانت مركز ثقافي وتراثي وفني كان فيها ود القرشي - سيدعبدالعزيز - محمد عبدالله الامي والاخير دا كان ليهو قصب السبق في (القومة) الصاروخية لذاك الصوت المالك مساحات الجمال و (الود) في افئدة السودانيين الله يا قباني ونعود تاني تاني تاني من تاني
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: Kabar)
|
Quote: م اني اليوم موعود بالفرح بنية كسلا ثم ابوداؤود شكرا يا صاحب |
صديقي الجميل سنو ...
هو الفرج بعينه حينما ( تكتم ) ...
ابوداؤود صوت لم يخلق مثله في دنيانا هذي ...
و عمنا محمد عبد الله الامي شاعر لا يشق له غبار ...
اكثر ما يلفت النظر في اللقاء ان عبد العزيز و برعي ذكروا اسم الشاعر ( محمد علي عبد الله ) لانه كما حكي انه لا يتقبل لقب الأمي و يغضب حين سماعه ...
و ما بخاف من شي على قولة كبر ... و المقدر لابد يكون ...
رحم الله الامي و رحمهم جميعاً ...
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: Kostawi)
|
Quote: وكان هناك فصام بين شخصيتين.. إحداهما لشاعر بالغ الرقة والأخرى لإنسان يصعب التعامل معه. إذ كان متحفزاً على الدوام وقد استفاد الحاج سرور من الشخصية الأخرى بعد الانقلاب الذي قام به سرور على مغني الطمبور الأول في زمانه (الطمباري عبدالغفار الماحي)
ولم تشفع لعبدالغفار هجرته إلى مدني تاركا أمدرمان لسرور حيث لاحقه الحاج إلى هناك وسلط عليه أصدقاءه المقيمين بمدني وعلى رأسهم محمد علي الأمي، الذي تصدى لعبدالغفار المغلوب على أمره ومنعوه من الغناء في مدني وتربصوا به مما أسدل الستار على غناء الطمبور واختتمت الحياة الفنية لشيخ الطمبارة عبدالغفار على يد أصدقاء سرور وعلى رأسهم (الأمي).
|
يا قبانى الكلام (منقول) لو تعرف كاتبه أرجو ذكره .. لأنه يعتبر تاريخ مفيد للأغنية حتت (الأمى) والكاشف وعشة الفلاتية أمين .. جعلتنى أتمنى يطلعلو لينا الآن أميين يرتقوا بمستوى الطرب والغناء
كلامه عن سرور وإسكات الطمبارة كلام مهم جداً عن تاريخ اغنية الحقيبة .. ومصدر آخر يؤكد بأن سرور إيتدع لونية جديدة للغناء .. ويخرص تخريفات من يؤرخون بأهوائهم المريضة عن تاريخ معروف لأغنية الحقيبة .
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: يحي قباني)
|
Quote: ما تفتح الباب دا و لّا ما سامع. إتفضّلوا.. إتفضّلوا.. أهلاً و الله نورتو البيت همْس" الخرا دا و مرتو عاوزين شنو؟" و بصوت عالٍ و أجوف يغلّف جلافتَه كذِبُ المجاملات الرخيصة. قالت: شقّة عديلة إن شاء الله العيال طيبين؟ إزيك يا نفيسة و البركة في الشوفة . مالكم سمعتوتوه و لّا جابوهو ليكم. تجيك العافية يا سعاد و الله مشتاقين ليكم لكن المشغوليات و العيال زي ما انتي عارفة. قال عادل: كيفك يا ابو خليل و الله تمام يا عادل، كيفكم انتو هكذا كان مظهر الكلام إبان زيارة ابراهيم و زوجته نفيسة لبيت أخيه عادل و زوجته سعاد.
و بصوت عالٍ من المطبخ قالت سعاد: يا عادل ما تكلّم سجم الرماد دا يخفض صوت التلفزيون دا. قال الراوي: كما تعرفون فلهذا النوع من الحوارات تاريخ. يولد و ينشأ رجلان لأبٍ و أم، يصيرا أخوة و تتكون لهما ذاكرة محددة تسبب فيها الحمض النووي و المكان و الزمان. إنها أخوة الدم كما تعرفون. يتعلمان و يعملا ليتزوجا فيتكون الواقع المفضي لذلك النوع من الحوارات ذات الطبقات المتعددة. و في السيارة تقول نفيسة لزوجها ابراهيم ساعة تحرك السيارة " المرا الكريهة دي ربنا يقطعا أصلها ما صباح خير، هسع شوف العصير بتاعا المسيخ دا بشتن لي توبي دا كيف؟" يدير ابراهيم جهاز الراديو بالسيارة و ينطلق صوت عبد العزيز محمد داؤود و من الحان برعي و كلمات محمد علي عبد الله. زرعوك في قلبي .. يا من كساني شجون. يستمر اللحن بما له من طاقات كابحة للقبح و زاجرة للخواطر السيئة .
|
شكراً يا يحيي علي هذه النفحة الجميلة من نسايم الوطن. كتبت هذا المقطع في المقتطف أعلاه من حكاية سأتممها و انشرها في القريب
طه جعفر
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: طه جعفر)
|
Quote: (ﺃﺣﻼﻡ ﺍﻟﺤﺐ) كانت هي البداية او الانطلاقة الحقيقية من الابيض في الخمسينات والمدينة كانت مركز ثقافي وتراثي وفني كان فيها ود القرشي - سيدعبدالعزيز - محمد عبدالله الامي والاخير دا كان ليهو قصب السبق في (القومة) الصاروخية لذاك الصوت المالك مساحات الجمال و (الود) في افئدة السودانيين الله يا قباني ونعود تاني تاني تاني من تاني |
الله عليك يا احمد يس يا فنان ...
زول ما عادي يا احمد ...
قدر ما تسمع ... في كل مرة تفهم حاجة و تتعلم حاجة جديدة ...
كلما مدت بنا الأيام نفهم بُعد جديد في عوالم عبد العزيز ( كما يحلو لأترابه مناداته ) ... عبد العزيز ... فقط
في انتظار عودتك يا جميل ...
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: يحي قباني)
|
قباني الاصيل يعيش يحي الجميل عارف يا يحي انت مالك مساحات الود والجمال والاشراق في وطن الجمال متعة حقيقية ان الواحد يقرأ ليك او حتى يتونس معاك .. لعل الدني دي تجمعنا بيك ونمسك الغنا دا من 1923 وانت جاي
ما بخاف من شئ برضي خابر......المقدر لا بد يكون (الامي) .. الشاعر المرهف (الحاد) الطباع صاحب (سألته عن فؤادي . اجابني ماهو عارف) وهو جالس في دكانه في سوق الابيض وكان جاره الشاعر (حميدة ابوعشر) وهو برضو ترزي اذ دخلن عليه نسوة هن عضوات (الاتحاد النسائي ) بالابيض وسمعهن يسألن (بالله دكان الأمي وين؟) واول ما دخلن عليه وهن يلقين بالتحية والسلام .. هب واقفا من كرسيه وطردهن شر طردة من دكانه وهو يصيح منتهرا، ومع ذلك لازمه هذا الاسم حتى بعد ان حفظ اجزاء من القرآن الكريم في الخلوة قصة (مابخاف من شىء) ان احدهم دخل ب(نميمة) وقال عن (الامي) زورا وبهتانا مما اجج القطيعة بين الخصمين وهو منها براء ويبدو ان تلك المشكلة كانت سبب في صرة وشه الدائمة ووجومه والف القصيدة دي ولحنها سرور ولكن غناها (بادي محمد الطيب) وفيها يوضح طبعه وحسن اخلاقه ووفائه وبعده عن الخيانة وسوء الخلق وو ولكنه لم ينسى ان يتواضع في قوله ( مابقول للناس مثلى نادر ...بل بقول للخالق شئون ) وما ننسى انه اشتغل (كورس) مع الفنان (بشير الرباطابي) عام 1936م
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: Ahmed Yassin)
|
Quote: Quote:
مان . يلعن ... . عليك الله مالك علينا من دغش الرحمن ؟ سلام مربع ههههههههههههههههههه..
دينك، يا عثمان ، ياخي لو ما صرفناها ليحي قباني ، باقي ليك نصرفها لي منو؟
غايتو..!!
انا ما بخاف من شئ..وبرضي خابر ، المقدر لا بد يكون..!!
|
كبر يا كبير القوم
مشتاقين يا صديقي ...
عثمان موسى ما أتحمل شحنة الجمال ...
فقام بصرف الروشتة ... و انا تفهمت الحالة ... و قبلتها و صرفتها من اجزخانة الجمال الكامنة في تقاطع الإبداع مع الروعة ...
عشان كده لما سبينا عثمان ساطور زمان ... ههه ... كنّا في نفس حالة الزول الجميل عثمان موسى ده
بالله يا كبر ... عفويتنا الزمان ديك كمان دايرين يحرمونا منها !؟
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: يحي قباني)
|
Quote: ا قبانى الكلام (منقول) لو تعرف كاتبه أرجو ذكره .. لأنه يعتبر تاريخ مفيد للأغنية حتت (الأمى) والكاشف وعشة الفلاتية أمين .. جعلتنى أتمنى يطلعلو لينا الآن أميين يرتقوا بمستوى الطرب والغناء
كلامه عن سرور وإسكات الطمبارة كلام مهم جداً عن تاريخ اغنية الحقيبة .. ومصدر آخر يؤكد بأن سرور إيتدع لونية جديدة للغناء .. ويخرص تخريفات من يؤرخون بأهوائهم المريضة عن تاريخ معروف لأغنية الحقيبة . |
ابن عمي يا جميل ...
المقال كتبه الاستاذ أحمد طه في جريدة السوداني ...
و كان قد نقله لنا في المكتبة الاخ الحبيب احمد مكي صديق مكتبة الأغنية السودانية http://www.sudanesesongs.net/index.php؟app=coreandmodule=membersandcontroller=profileandid=4157http://www.sudanesesongs.net/index.php؟app=coreandmodule=membersandcontroller=profileandid=4157
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: Gaafar Ismail)
|
Quote: يا قباني يا اخي انت مجنون إذ تأتينا بهذه الروائع .بالمناسبة كان عندنا استاذ في ملكال الأميرية اسمه قباني ونسيت اسمه بالكامل لطول الزمن ، ولا ادري إن كان من أقربائك.كان استاذا رائعا محبوبا بين اولاد دفعتنا وكان من عباراته التشجيعية المألوفة عندما يؤدي احد من الزملاء اجابة رائعة لأسئلته او دروسه يقول له انت مجنون كناية عن شطارة الطالب ..ويا اخي اسمح لي اقول ليك انت مجنون بما تقدمه من هذه الفنون الراقية . أنا مستغرب من أين يأتي هؤلاء الشعراء الأميون المجيدون بهذه الأشعار الجميلة والعبارات العميقة . حقا إن نظم الشعر هبة من الله .ت حياتي ووافر احترامي |
حبيب الكل استاذنا جعفر ...
شايف فطيت ليك كل الركب و جيتك ...
زيارتك حقيقة تسعدني ... خاصة و انت غيابك كتير جدا ... :)
من اشهر الاساتذة في الاسرة كان عمنا فرح قباني ... و كان استاذ انجليزي ...
و قد يكون هناك اكثر من معلم ... يا ريت لو تذكرت الاسم ... بس هو مؤكد من الاسرة ...
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: يحي قباني)
|
Quote: جيب انت يا يحي ياخي يا معني الجمال والزوق الرفيع ياخي دا كلام عجيب وحروف بديعة شوف الكلام دا كيف هيهات اسلو هواك مهما اعتراضي جنون انا لي لقاك صادي لو في الخيال راضي احيااااااااااا❤️
ثم مشتاااااقين كتير يحي |
و نحن كذلك يا ستهم ...
وين الغيبات ... طولنا من طلتك و من سماع صوتك ... ان شاء الله عوجة مافي ...
| |
|
|
|
|
|
|
Re: زرعوك في قلبي يا من كساني شجون .. تسجيل عجي� (Re: يحي قباني)
|
Quote: شكرا لكم وأنتم تكتبون عن مدينتي الجميلة الأبيض ولكم سعدت أن أعلم أن بدايات برعي محمد دفع الله مع عبدالعزيز محمد داوود كانت فيها. ثم أعجبتني وقفتك أخي قباني مع تعبير الأمي.. يا من كساني شجون.. وما زلت صورة محمد على الأمي ماثلة أمامي وما يروى عنه وعن طبعه الحاد.. |
الامين عبدالرحمن ود الابيض الناس الحنان ...
الحنية و الجمال عند اهلك طبيعة ... خلقة ربك سبحانه و تعالى ...
سعيد انت ياخ انك من الابيض ... حقيقة كل من صادقت من هناك لا ينطق لسانهم و لا فعلهم العيب ...
و حكم عليكم رب الوجود بالجمال و الحنية و ترجم ذلك اهلك الشعراء و المطربين في غناءهم ..
كل شعركم و غناكم ينضح حنية وجمال ...
| |
|
|
|
|
|
|
|