|
|
|
 Re: دي صور و حوارات قديمة اجريتها مع الحاجة (Re: Osman Musa)
|
** سيدة وجمالها فريد **
*-----------------------*
سيدة وجمالها فريد خلقوها زي ( ماتريد)
في خديدها وضعوا الريد
يامن جمالها فريد أنا قلبي ليكي مريد
شايقني فيك تحريد قامة وحذوذ في وريد
قط مابراه نريد حسنك ووصفه عديد
يامنتهى التحديد دي مراية ولاخديد
ياجاهلة الله شهيد بتميلي من الهيد
والفي صديره فرهيد رمان دا ولا نهيد
ياناعس عيون الصيد قاتله وحداها فصيد
يلمع في ضوه تصيد قلبي البقالها قصيد
أنا لي فيك نشيد بدور صفاك مشيد
يوزن ملك جمشيد الفي زمانه رشيد
مابهم كلام ناس زيد وال الهلالي أب زيد
ياحبي أنت تزيد بالله زيدني وأزيد
حبي ... بطل التهديد وحد للهجر تحديد
أنا عظمي ماهو حديد بس ليه تهجري شديد
هل دا إحتفال أم عيد أم جنه غير وعيد
دنا فيها كل بعيد للسيوح أهله سعيد
يالسيوح تأكيد عزك عزيز ماركيد
فلتحيا دون تنكيد ياللحسود بتكي
| |
  
|
|
|
|
|
|
|
|
Re: دي صور و حوارات قديمة اجريتها مع الحاجة (Re: Osman Musa)
|
تحكي الحاجة سيدة حكايات شيقة عن ديك الزمانات الطاعمة زي ما بتقول .
قالت : أمها تركية بنت تاجر تركي من أتراك أمدرمان وأبوها كنزي وزوجها هو الحاج حسن عبجالحليم خيري
من المحس السكراب . وتقول ضاحكة جياتك دي و كلامك بطريني الزمن السمح وافرح زمان .
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: Kamal Karrar)
|
تحكي الحاجة سيدة حكايات شيقة عن ديك الزمانات الطاعمة زي ما بتقول . قالت : أمها تركية بنت تاجر تركي من أتراك أمدرمان وأبوها كنزي وزوجها هو الحاج حسن عبجالحليم خيري من المحس السكراب . وتقول ضاحكة جياتك دي و كلامك بطريني الزمن السمح وافرح زمان .
غايتو أي زول سمح لو ما قال عنده عرق محسي ... ما بنصدققو !!
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: Kamal Karrar)
|
الاخ العزيز كمال جرار سلامات
الحسناء الحاجة سيدة عليها الرحمة كانت فايقة الطيبة والحضور و الجمال حتي وهي فوق ال 80 من العمر .
تستقبلك واقفة و تودعك لخشم الحوش بي ديك الهمة الامدرمانية المتاصلة . الشاعر سيد عبدالعزيز ما كتب الكلام داك ساكت . دي كلها كانت
جقايق . و صور قليلة رسمها من الصور العديدة الفيها . تحياتي
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: خالد العبيد)
|
 عثمان ..
عاين ..
في واحد قبل كدا كتب (هل يعلم ابناء الجيل الحالي ان سيدة وجمالها فريد هي إبنة الخليفة الحسن
ابو العائلة وقد كتب فيها الشاعر الكبير سيد عبد العزيز عند مولدها تهنئة لصديقه والدها ..
ما حير عقول الناس وخلب البابهم ، إذ كيف يقول سيدة وجمالها فريد خلقوها زى ماتريد وكأنهم قد
فهموا ان تلك الصبية ارادت أن تُخلق كما تشاء.. والحقيقة ان سيد بثقافته الواسعة عنى الأنسة
ما تريد ملكة الجمال الأوربية وقتها ! )
ولكني لا أظنه كلاما صحيحا إذا ما نظرنا إلي الصور المصاحبه
سيما الصورة آعلاه لأني التقيت في صباي بسيد عبدالعزيز في أحد بيوت جدنا يوسف صالح خالد
بالمسالمه بحيث لا تصح رواية أنه - أي سيد - كتبها هدية لوالدها عند ميلادها.. مسألة السن تنفي ذلك.
الغريبه يا عثمان سمعت الكثيرين يّدعون أن الأغنيه كتبت في سيده من سيداتهم - أي واحدة
من أقربائهم تسمى سيده - لاغرو أنه كان إسما متداولا و (موضه) في الأربعينيات..
وكل يدعي أنها هي التي تشبه (ماتريد) التي وردت في الأغنيه علي أنها يونانيه (توقِّف الحركه) وإشارات المرور معها..
ومما لاشك فيه أن عزيزنا د. أحمد القرشي عبدالرحمن ، كبير سدنة الحقيبه ، له رأي في مقال كل منا
وليته يأتينا كجهينة ليقطع قول كل خطيب.
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: محمد المرتضى حامد)
|
عزيزنا أستاذ محمد المرتضي سلامات
وألف شكر علي درع الصورة المرسومة للسيدة سيدة في نهاية السبعينات .
والله يا أخ محمد مافي أي شك في أنو سيدة هي سيدة المعنية بالقصيدة . و أذكر تصوير سيدة للأيام و الحكايات الشيقة البتحكيها
عن دأك الزمن البديع . .. حكايات ما بتدي أي أنسان فرصة في عدم التصديق . أذكر زي ما بحكي لي استاذ مزمل أبن بنتها الكبيرة . أنو كتير من الصور وحبوبة
في شبابها ضاعت أو أحتفظ بها بعض الأهل في بيت المال لجمالها .
وأذكر حديث عمنا مادح الرسول عليه الصلاة والسلام و الباحث الكبير في تاريخ المديح و الشعر عمنا قدور .. قدور وألد الأستاذ السر قدور عن
الأغنية وعن صاحبة الأغنية سيدة بنت المترجم حسناء بيت المال المبهرة .
وأرجو أن أتحصل علي تسجيل للأخوان أحفاد الحاجة سيدة الأخوان مزمل أبراهيم بلندن و المهندس مدثر أبراهيم بمسقط و حفيدات الحسناء سيدة
بالولايات المتحدة الأمريكية و أمدرمان و شمال السودان و قرية النوبة بالجزيرة . والأخوان الفنانين عيال بيت المال بلدن
...
ألف شكر أخي أستاذ محمد المرتضي الحاضر دايما في ملمات الجمال والشدة . ألف تحية ليك يا مك .
وأرجو أن نسمع من الأخوان دكاترة الكلام المنضوم و الألحان الأخوان أحمد القرشي و أحمد طراوه . و جميع الملمين بتاريخ حي بيت المال الجميل .
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: خالد العبيد)
|
قريبنا أستاذ خالد العبيد سلامات
سيدة هي صاحبة القصيدة وحقيقة حسب حكايات ناس بيت المال كانت في ديك الأيام أجمل من أي خواجية .
أنا والله جلست معاها سنين طويلة و ساعات عديدة عليها الرحمة . بس ضاعت الكثير من صور السيدة بي سبب طول الزمن
وعدم أهتمام الناس زمان بالتوثيق .
تحياتي أخي خالد
| |
|
|
|
|
|
|
|
|
|
Re: دي صور و حوارات قديمة اجريتها مع الحاجة (Re: MOHAMMED ELSHEIKH)
|
ـ
سلام عزيزي عثمان
في هذا المقطع من القصيدة :
سيدة وجمالها فريد خلقوها زي ( ماتريد)
هنالك رواية أخرى وتقرأ :
سيدة وجمالها فريد خلقوها زي ماتريت
وماتريت يقال انها فتاة قبطية فائة الجمال
والله اعلم
لك التحية الأخ خالد العبيد والأخ عثمان موسى صاحب البوست
سمعت هذه الرواية من شقيقي الأكبر وهو من المولعين بفن الحقيبة ــ ولكن مع إختلاف طفيف بأن ماتريت هى ملكة جمال اسبانيا في ذلك العهد وليس فتاة قبطية
وأضاف لها رواية أخرى أن سيد عبد العزيز شاعر القصيدة كان في زيارة لمصر في معية عدد من الشعراء ـ
وكانوا يوما في ضيافة طه حسين وطلب أن يقراء عليه شعراء السودان أنتاجهم الشعري
فلما شرع سيد عبد العزيز في قراءة نص هذه القصيدة ، أستوقفه طه حسين بشئ من الإستنكار والدهشة :
كيف يعني خلقوها زي ما تريد ؟
فرد عليه سيد عبد العزيز ـ
خلقوها زي ما تريت
وليست ما تريد
و اردف سيد عبد العزيز ـ ما تريت دي ملكة جمال اسبانيا
مسكين أهلك ما علموك
وهنا طبعاً شقيقي زود المحلبية وأداها كوز بالفقرة الأخيرة دي ـ
| |
|
|
|
|
|
|
| |
Osman Musa
Asim Fageary
Kamal Karrar
علي عبدالوهاب عثمان
علاء سيداحمد
Abureesh
عبدالعزيز الفاضلابى
معاوية المدير
خالد العبيد
محمد المرتضى حامد
MOHAMMED ELSHEIKH
محمد علي البصير
فيس بوك
تويتر
انستقرام
يوتيوب
بنتيريست