|
Re: ده الغنا! (Re: Osman Musa)
|
يا عمر ياخ ده الموت الأحمر . بارك الله فيك وفي حبوبتك يا جميل . تحياتي ====================
يديك العافية عثمان موسي
| |
|
|
|
|
|
|
Re: ده الغنا! (Re: Moawia Mohammed)
|
يا سلام يا عمر الفاروق ولدنا الفنان احمد عوض سيد احمد الشهير باحمد عجوز الصحافة مربع 24 الغريبة الزول دا عضو معانا هنا في البورد الاغتراب بتاع السعودية خصم منه كثيرا ====================
تحياتي معاوية محمد
اداء علي مستوي عالي وتطريب لا مثيل له شكرا قناة الهلال التي تالقت في برنامج غاية الروعة اسمه الهلال والحقيبة
| |
|
|
|
|
|
|
Re: ده الغنا! (Re: عمر الفاروق عبد الله الشيخ)
|
تحياتى يا عمر وضيوفك الطيبين
الزول ده مع كل الإحترام ليهو صوتو عادى وغير كده عنده مشكلة فى الانتقال بين القرار والجواب وحتلاحظ الشى ده لما يغنى فى منطقة عاليه ويجى يتحول لمنطقة منخفضة
يبدو انه صوته فى مرحلة معينة من عمره كان حاد شوية و ربما لاسباب بدا صوته يتعب شويه، ربما يكون وقف فترة طويلة من الغناء والصوت طبعا محتاج تمارين معروفة بتساعد فى عمل الفوكال تراكتز او ربما عامل السن والله اعلم
| |
|
|
|
|
|
|
Re: ده الغنا! (Re: أبوذر بابكر)
|
"صوتو عادى وغير كده عنده مشكلة فى الانتقال بين القرار والجواب" وأدى الاغنية الاول بنفس اسلوب التاج مصطفى القديم بتاع الخمسينات ، عمل شنو يعني ؟ اعتقد احسن الواحد يسمعا من صاحبا اذا كان الموضوع تقليد لو سمع اداء كابلي لـ"الخنتيلة" او محمد وردي لـ "قسم بي محيك البدري" مثلا حيعرف انو الابداع في الخيال و الاضافة وليس التقليد والنسخ
| |
|
|
|
|
|
|
Re: ده الغنا! (Re: Abdullah Idrees)
|
والله يا هندسه زولك غناي رغم أن أذني تقول لي أنه لم ينجز بروفه مع العازفين ليتقن الأداء.. المذيعه ظريفه يا الفاروق.. ياخ د. علوب ابن المسالمه المتطرف حبا اختفى عن المنبر وعن هاتفي فقد كان يتحفني بروائع حسن الجلال وغناء الزمن السمح ..
تحاياي يا بركه..
| |
|
|
|
|
|
|
Re: ده الغنا! (Re: محمد المرتضى حامد)
|
تحياتي عمر و زوارك الكرام...
ياخي القنوات السطحية دي ... مافي تقدير حتى للفنان صاحب الاغنية ...
لما قالو ليو غني ( غضبك جميل ) ... طوالي عاينت لي دفترها و لقت مكتوب ليها حميدة أبو عشر
و البت فاهمة طبعاً ... رفعت راسها من الدفتر و قامت قالت ليو حميدة أبو عشر مش كده ...
يعني عبد الحميد يوسف البحاول يقلد فوقو اخونا البغني ده راح ساكت ...
و جات تاااني كررت نفس المأساة مع يا سمير بي نظرتك ...
ثم الطامة الكبرى في حليل زمن الصبا ...
لا سرور لا المدرسة الكبرى إبراهيم الكاشف ...
يعني لو زول ختف منها دفترها ده ... كان زيها و زي الكرسي القاعده فوقه ...
و الله حقو الواحد يبقى غناي ... الما في شنو على راي واحد اخونا ...
بعدين ... هو الهلال ده شنو عشان يكون عنده قناة :)
| |
|
|
|
|
|
|
Re: ده الغنا! (Re: يحي قباني)
|
الصديق احمد عجوز زميل الدراسة في مصر كان مبدع جدا في شبابه لم يواصل في الغناء لاسباب اسرية خاصة وانه من اسرة صوفية محافظة جدا لم تسمح له بالغناء على طريقة الفنانين المالين البلد كما ذكر بعض الاخوة ، عدم التجويد والوقوف الطويل من الغناء تركا اثرا واضحا في ادائه احمد كان نجم حفلات التخريج في عموم جمهوريات مصر منتصف الثمانينات خاصة في اغاني الكاشف
| |
|
|
|
|
|
|
Re: ده الغنا! (Re: حيدر حسن ميرغني)
|
(طوالي عاينت لي دفترها و لقت مكتوب ليها حميدة أبو عشر
و البت فاهمة طبعاً ..)
الحته دي كانت واضحه جدا.. وبالفعل لو ورقتها ضاعت كان الحلقه كللللها ضاعت.. لكن برضها ظريفه يا يحيى..
*حكى لي صديق أن أحد أساتذة جامعة الخرطوم تخصص في ماده معينه ظل يدرسها من كراسة واحده لاتفارقه سنين عددا حتى اهترأت.. واحد من طلبته قال لي د. فلان دا لو كراسو دا راح يا انسرق إلا يقدم استقالتو..
-
*الطرفه دي بتصرُف لأن الأصل لا يصلح للنشر.
| |
|
|
|
|
|
|
Re: ده الغنا! (Re: يحي قباني)
|
كل التحايا اخي يحي قباني
كلامك في الغنا والفن ع العين والراس ما تهبش لينا الهلال ده ياخ نحن حبيب بنريده
| |
|
|
|
|
|
|
Re: ده الغنا! (Re: محمد المرتضى حامد)
|
مولانا محمد المرتضي سلام يا زول وينك
صاحبك علوب ما قصر معاي مشيت السودان اجازة 3 شهور كل ما ازهج يمرقني لفعالية فنية او ثقافية
الفنان ما بطال والمذيعة طيبة يا مولانا
| |
|
|
|
|
|
|
Re: ده الغنا! (Re: أبوذر بابكر)
|
ابوذر بابكر لك السلام والاحترام
لولا اختلاف الاراء لبارت البوستات هههه
بعيدا عن التصنيفات العلمية انا انطربت طرب اهالي ساكت
| |
|
|
|
|
|
|
|