|
|
|
 Re: دة براهو ودة براهو (Re: عبدالحفيظ ابوسن)
|
حكي لي مولانا عبدالباقي سعد
وهو استاذي
والآن جاري في السوق
وخال صديقي الاعز علاء الدين
وهو من رفاعة .. خاله مباشرة هو شاعر انا سوداني
تخرج من ام درمان الاسلامية بداية الستينات وعمل معلما
وهو رجل فكه لطيف ومحب للادب والشعر والحكي
فقد حكي لي هذه الحكوة
| |
 
|
|
|
|
|
|
|
|
Re: دة براهو ودة براهو (Re: جلالدونا)
|
حكي لي قال
كان معاهم ناظر في مدرسة رفاعة . جا منقول جديد
خاتي دولابو في بيت الغفير وبياكل معاهو في البيت
اها مرة قبض الغفير بالسرقة واشتكاهو
يكون بفطر معاهو في البيت . ويستعجلو
اكل بي سرعة المحكمة وقتها قرب ما نتأخر
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
الجماعة قالوا ليهو عيب عليك ياخ!
خاتي هدومك في بيتو وتاكل عندو وتشتكهيو !!؟؟
قال ليهم
اولا خاتي هدومي عندو لأنو بيتو آمن
باكل عندو لأنو زوجتو تجيد الطهي
ومشتكيهو لأنو سرق
دة براو ودة براو
وماضر السودانيين غير الخلط بين الامور
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
اتعجب من الذين يتبسطون ثم يهازلون ويهظرون مع الضاحكين والساخرين من محنة الوطن
يقولون لنا
دة براو ودة براو
في ظني كلو واحد
فالامر لا يتجزأ
يجب ان يحسوا ان الامر بالنسبة لنا حقيقي
ألمنا حقيقي
مأساتنا حقيقية
لا تقبل التجزئة
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
حتي في الحياة العامة
تلقا موظفي الجباية القساة الغلاظ يقلعو من الزول ودمعتو في عينو
يقلعو من الفقراء والمحتاجين والنساء والاطفال دون بادرة تعاطف .. ويجو بعد داك يصلوا معاهم المغرب جماعة ويتونسو في الكورة وقسوة الحياة وظلم السلطة
يختو صينية رمضان مع الجماعة
ولا يشاركو ذات الناس الذين اساءوا إليهم ولم يرحمو توسلاتهم ولا تعطفهم . يشاركونهم دون احساس بالذنب
ويتعامل الناس معهم عادي
لا ما دة براو ودة براو
كلو واحد
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
سلام يا أب سن
دا إدعاء العقلانية والرقي والتحضر والطيبة
ياخ ناس تسببوا في مظالم لا تُحصى ولا تُعد في أقرب اختلاف ليهم مع النظام نصبوهم مناضلين ومعارضين
شعب مسكين بس ليس إلا
| |
|
|
|
|
|
|
|
|
|
Re: دة براهو ودة براهو (Re: muntasir)
|
صحي يا حمد
الثواب والعقاب
لازمن يكون في عقاب اجتماعي بشكل من الاشكال . عشان يحسو انو دة مابراو وداك براو
هم حريصين جدا علي تطبيق القانون بقسوة وتشفي شديد
ويصمو آذانهم عن صراخ الناس وانينهم
نحن شعب بسيط وطيب ليست الطيبة بمعني السذاجة ولكن شعب طيب رقيق
| |
|
|
|
|
|
|
|
|
|
Re: دة براهو ودة براهو (Re: امتثال عبدالله)
|
Quote: تلقا موظفي الجباية القساة الغلاظ يقلعو من الزول ودمعتو في عينو
يقلعو من الفقراء والمحتاجين والنساء والاطفال دون بادرة تعاطف .. ويجو بعد داك يصلوا معاهم المغرب جماعة ويتونسو في الكورة وقسوة الحياة وظلم السلطة
يختو صينية رمضان مع الجماعة
ولا يشاركو ذات الناس الذين اساءوا إليهم ولم يرحمو توسلاتهم ولا تعطفهم . يشاركونهم دون احساس بالذنب
ويتعامل الناس معهم عادي
لا ما دة براو ودة براو
كلو واحد |
يا عبدالحفيظ موظف الجباية دا ما مفروض زول يلوموا لو قاعد يؤدي عمله ووظيفته بصورة مجردة
ما دام القروش دي ما بيدخلها في بطنه تبقى الوظيفة بالنسبة ليه مجرد مصدر رزق وما من حقه يعفو أو يتهاون في المال العام أو الخاص وإلا طرد من عمله وفقدت اسرته مصدر دخلها.
عشان كدا ناس الحي بيكونوا عارفين الزول دا ما بيده حيلة وهو مأمور وليس صاحب مال يعني ما بتاع دكان ولا صاحب قدرة فول يزيد لي دا وينقص لي دا.
فدا براهو وداك براهو
وما كلوا واحد
| |
|
|
|
|
|
|
|
 Re: دة براهو ودة براهو (Re: معاذ حسن)
|
سلام عليكم ابوسن وضيوفو
واحده من اسباب احتلالهم للسلطه 30 سنه الجزء الاجنماعى الاى سمح ليهم بالتغلغل فى المجتمعات اكثروالحركه فى مساحه مريحه لهم لاستدراج ضعاف النفوس وبث السموم والفتنه والتمادى فى الظلم والافساد بقوه عين.
المقاطعه الاجتماعيه سلاح قوى لكن يحتاج شجاعه و اراده فرديه قويه وتصميم فى التطبيق حتى يتحول لسلوك اجتماعى ضاغط.
.
كثير مااستغرب من يشتم النظام ويلعن ولكن بمجرد ظهور اى فرد محسوب على النظاموحزبه الحاكم تبدا جوله الرحيب ومسح الجوخ والاسوء الركض والوقوف عند ابوابهم طلبا لتعيين ابن او تسهيل امر من الامور او ...او ...
.
من المضحك المبكى رجل احيل لصالح العام ضمن من احيلوللصالح العام والان كل ابنائه كوادر فى الاجهزه الامنيه !!!!!!!!!
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
تحياتي وسلامات حبيبنا ود أب سن ....
وتحياتي عبرك للخال أستاذنا عبدالباقي سعد
وهو فعلاً إبن ( ست النفر عبدالرحيم ) شقيقة شاعر السودان الفطحل محمد عثمان عبدالرحيم شاعر أغنية أو أيقونة السودان ( أنا سوداني ) وأغنية ( الندامى ) ....
والخال الآخر لأستاذنا عبدالباقي هو الأستاذ علي عبدالرحيم وهو أيضاً شاعر مجيد لكن طغى عليه نور شقيقه محمد عثمان ....
وحيث جئتنا بهذا ( الآتو ) في قبولنا فنقول لك ملعوبة ( عشرة ) ....
ونعطيك من صادر رفاعة ( دا براهو ..... ودا براهو ...... )
صديقي الباشمهندس ( الرفاعي أيضاً ) أكرم شاب فيه قيافة الدنيا ....
تصادفنا في مطار دبى مسافرين للخرطوم ...
كان يقف في مقدمة صف وزن العفش وكنت في منتصف الصف ....
معه ( جكساية ) حلاة الدنيا عليها
نازل معاها سمسمة وونسة وضحكاتهم وابتساماتهم تقول بعد شوية كدا يمشوا المأذون ...
كان يحمل شنطة خفيفة لم تتجاوز العشر كيلو وزنا وكانت الجكساية ( مخمخمة ) زى تلات شنط من الوزن ( العائلي )
تقدمها للوزن ....
وضع شنطته في الميزان وأعطى موظف الكاونتر جوازه وتذكرته
جاءت الجكساية وراءه ووضعت واحدة من شنطها العائلية في الميزان وخاطبته بصوت ليسمعه موظف الكاونتر
( دي شنطتك الكانت معاى )
وهمست في أذنه
( مشي لى الشنطة دي مع وزنك الشوية دا ... زى ما إنت شايف .. وزن شنطي حيكون أكثر من إستحقاقي ) ....
بكل هدوء نظر أكرم لموظف الكاونتر وقال له
(زى ما إنت شايف ، الشنطة الجابتها البت دي ماااا حقتي ، وما عارف فيها شنو ، وبالتالي فأنا لا أتحمل مسؤولية شحنها بإسمي )
الموظف ما كضب خبر
طاااااخ نزل الشنطة من الميزان .....
أكرم ولا هاميهو حاجة
البت اتهجمت
الناس الفي الصف ما خلو شتيمة ما قالوها في حقو
أنا وحدي كنت أضحك
وبرضك هو ولا هاميهو
دخلنا الصالة ...
أحضرنا عشاء نتقوى به ....
من هناك شاف البت قاعدة ( مبوزة ) ...
لدهشتي تركني وذهب لمحل كنتاكي
شال طلب مع عصير برتقال
وبكل هدوء مشى للبت
تفضلي إتعشي .....
طلعت فيهو كل الجواها ...
- وكمان بعد بهدلتك لى ديك عندك نفس تعزمني عشاء ؟؟
فنظر لها ( مستغرباً ) وخاطبها بهدوئه القاتل
يا بت الناس الله لا جاب بهدلة ....
داك براهو .. ودا براهو ......
| |
|
|
|
|
|
|
|
|
|
Re: دة براهو ودة براهو (Re: عبدالعظيم عثمان)
|
ان شاء الله انفشيت يا سفيان
ما تكون طرشقت بس
يا امتثال التصرف يمكنك النظر له من عدة اوجة والحكم عليه وفقا لقيم الانسانية داخلك
عندي عمي بقول
لا أمانة لمحتاج!!
هل نحن نري العدل كقيمة جامدة ام كقيمة انسانية خاضعة للظروف المحيطة وخاضعة ايضا للعدل كفهم داخلنا!؟
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
ولو كنت في محل الناظر يا احمد يسن
لقمت بسداد نقص عهدته
وطلبت منه وانا آكل في منزله من صنع يد زوجته وماله ان يبلغني حين حاجة له
الله يجمع ليك يا معاذ وبرضو يجمع لينا ونشوف العزيز ناذر
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
جدا عاطف وهو خال صديقي وسمي اصغر اطفالي علاء الدين
اظنني اعرف المهندس الرفاعي خريج الخرطوم في السبعينات الا ان يكون اكثر من رفاعي
رأيته في كوستي ابن عم صديقي
ههه لكن لقيتو حريص ودمو قرادة بس
يا عظمة لسة اسمو دين حجر
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
جاءَ طوفانُ نوحْ.
هاهمُ "الحكماءُ" يفرّونَ نحوَ السَّفينهْ
المغنونَ- سائس خيل الأمير- المرابونَ- قاضى القضاةِ
(.. ومملوكُهُ!) -
حاملُ السيفُ - راقصةُ المعبدِ
(ابتهجَت عندما انتشلتْ شعرَها المُسْتعارْ)
- جباةُ الضرائبِ - مستوردو شَحناتِ السّلاحِ -
عشيقُ الأميرةِ في سمْتِه الأنثوي الصَّبوحْ!
جاءَ طوفان نوحْ.
ها همُ الجُبناءُ يفرّون نحو السَّفينهْ.
بينما كُنتُ..
كانَ شبابُ المدينةْ
يلجمونَ جوادَ المياه الجَمُوحْ
ينقلونَ المِياهَ على الكَتفين.
ويستبقونَ الزمنْ
يبتنونَ سُدود الحجارةِ
عَلَّهم يُنقذونَ مِهادَ الصِّبا والحضاره
علَّهم يُنقذونَ.. الوطنْ!
كان قلبي الذي نَسجتْه الجروحْ
كان قَلبي الذي لَعنتْه الشُروحْ
يرقدُ - الآن - فوقَ بقايا المدينه
وردةً من عَطنْ
هادئاً..
بعد أن قالَ "لا" للسفينهْ
.. وأحب الوطن!
امل دنقل
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
سلام يا عبدالحفيظ،
وضعت أصبعك في بيت الداء.
بس يظهر حكاية الغفير شوشت على الناس واتعاملوا معاها على أساس إنها هي الموضوع (أقصد القصة).
عموماً ... حسب فهمي لموضوع البوست، ممكن نجد إجابة على الأسئلة دي؟
- هنا في بورد بكري ده، هل ينطبق (ده براو وده براو) على المجاملات الإجتماعية؟ يعني مهما تكون مواقف العضو، أقوم أهنيهو بي نجاح أولادو وابارك ليهو حجتو؟ .... ده براو وده براو والا كلو واحد؟
- التجمعات التي يقيمها ((البورداب)) ... عادي أخالط فيها من يؤيد تدمير البلد وتشريد أهله وتقتيلهم؟ ...... ده براو وده براو والا كلو واحد؟
| |
|
|
|
|
|
|
|
|
|
Re: دة براهو ودة براهو (Re: امتثال عبدالله)
|
تحياتي ابوالريش
وامتثال
اظنني قلت لا يوجد شكل واحد محفوظ لتعقيد العلاقات نفسها
ولكن يوجد شكل من اشكال التعامل يوضح الرفض
من طرائف البورد كنت بقرأ الدعوة لمقاطعة بوستات داعمي السلطة .لولا الهوا لاوردت اسماء . ثم اجد اكثر من يتداخلون في بوستاتهم اصحاب الدعوة نفسها😆😆
وتحويل الامر لهظار ونكتة وطرفة وهو يعد قبولا مستترا
بل يخرمون لهم
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
Quote: جدا عاطف وهو خال صديقي وسمي اصغر اطفالي علاء الدين
اظنني اعرف المهندس الرفاعي خريج الخرطوم في السبعينات الا ان يكون اكثر من رفاعي
رأيته في كوستي ابن عم صديقي
ههه لكن لقيتو حريص ودمو قرادة بس
يا عظمة لسة اسمو دين حجر |
يبدو أن هناك ثمة خلط ما ...
فـ ( الرفاعي ) التي أوردتها في مداخلتي كانت صفة لإنتماء المهندس أكرم لمدينة لمدينة رفاعة ...
لا أظنه ( الرفاعي ) الذي في ذاكرتك لأنه خريج جامعات الهند في حقبة التسعينات ......
ثم
نبهتني مداخلة حبيبنا أبو الريش إلى أن لهذا البوست ( مرامي ) أخرى غير ما يوحى به ظاهره
فأعتذر إذاً إذا أتت مداخلتي في غير السياق المطلوب للبوست ....
نعمل شنو ؟؟
رفاعة والحنين والناس والغربة .......
ما يطمئنني
أن كلاكما
أب سن و أب ريش
جمال شيل وتتحملون هفواتنا
| |
|
|
|
|
|
|
|
|
|
Re: دة براهو ودة براهو (Re: عاطف عمر)
|
يا ابوالريش قال الصادق الرضى
اختر مكانك
واحترق
حيث انتهيت
ابدا عاطف ما تسمع كلامو البوست مفتوح ليك ياخ
فالحديث ذو شجون
والكلام يجر بعضه بعضا
| |
|
|
|
|
|
|
|
|
|
Re: دة براهو ودة براهو (Re: عاطف عمر)
|
امتحان شنو يا عاطف ياخ
ابوالريش بباجح فيني
وديني وايماني مافيها غير حسن وطيب الذكري
كل يوم والتاني مسودين المنبر بفقد احدهم
لن يبق غير الذكرى
رش ساي وما تتعلم الهوبان الا ان تأبطت شرا انمهل شوية
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
كان بعد ان يصلي العشاء اربعا يطبق السجادة وينحني قليلا
وهو يتمتم ببعض الدعاء ويضعها فوق الكرسي جنب المزيرة...
وبنفس اﻻنحناءة يدخل يده تحت الزير ويمرق القزازة..ساقطة
وما هي اﻻ دقائق تجتمع الشلة ..ويبدا هو ب- ال( كب) فيقول
واحد من الشلة ..انت هسي ما صليت؟ يجوز ايلاكين دا؟ يرفع
تتوقف يده عن مواصلة ال(كب) ويرفع راسه عن كباية القزاز
ويقوا " دا برا ... و ... دا برا" ثم يواصل ما انقطع
ياتي منتصف العام 89 وماتلاها من احداث جسام وتمر السنون
ويمتلك موتر .ويصبح رئيس اللجنة الشعبية ثم في تموين الدفاع الشعبي
.ثم يمتلك عربة واول شىء يتم هدمه كانت المزيرة التي
خرجت من تحتها اﻻف القزايز الساقطة
ويترك الحي ..الى احياء ارحب..وذات ليلة كانت الشلة التي ضربها الفقر والفاقة . .امام التلفزيون. فاذا صاحبهم منتفخ اﻻوداج وبكرش بارزة
وابتسامة صفراء تفقع..يتحدث
قبل اي تعليق قال احدهم.دا برا ودا برا
| |
|
|
|
|
|
|
|
|
|
Re: دة براهو ودة براهو (Re: عبدالحفيظ ابوسن)
|
Quote: امتحان شنو يا عاطف ياخ
ابوالريش بباجح فيني |
Quote: إنت فهمت شنو يا عاطف؟
ياخ أنا أديت عبدالحفيظ بالحتة الفيها الحديدة .......... |
حصل كل خير ...
العفو والعافية ....
و صدقاً فـ
Quote: كل يوم والتاني مسودين المنبر بفقد احدهم
لن يبق غير الذكرى |
وأرجو أن نظل ذكرى طيبة عند كل من تقاطعت حروفنا معه ....
العفو والعافية
| |
|
|
|
|
|
|
| |
عبدالحفيظ ابوسن
جلالدونا
حمد عبد الغفار عمر
سفيان بشير نابرى
Frankly
Ahmed Yassin
معاذ حسن
Kostawi
Asim Ali
عاطف عمر
عبدالعظيم عثمان
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست