|
Re: د. عصام أحمد البشير وموضوع إقامة الدولة ال (Re: Yasir Elsharif)
|
علق ود الفحل في باب "المقالات" تحت هذا المقال حول مشاركة الشباب فكتب:
Quote: قد أكون مخطئاً أو احتمال لانني مطلع و مشارك جديد لهذا الموقع الجذاب sudaneseonlin. لكني لاحظت كل كتاب الرأي و الحوار و حتي المعلقين من كبار السن ( أنا أولهم طبعاً). النقاشات مرات حامية جداً لا أدري أن كان هذا صحياً أو من أعراض مرض عضال أصاب الحوار السياسي و الاجتماعي في البلد. لا اري شباب مشارك .أو هكذا أظن.ما شايف تعليقات بتاعة طلبة جامعات أو طلبة دراسات عليا. أدري الحكم ده ممكن يكون غير صحيح .بالتأكيد ما عندي أرقام عشان ما اتفلسف ساكت .و لكن هذا ما أحسسته بمشاركتي القليلة بهذا الموقع. هناك حاجز كبير بيننا و بين الشباب .هذا واضح جداً في كل المجالات.الموضوع ده يدعو إلي القلق لانه بخليهم عرضة للتجريف و للتكيف و لفضاء الجهاد و التكفير الحديث. عارف الموقع فيه بعض المغبونين من النظام (أنا منهم) و فيه متدينين متطرفين يدعم ارائهم أناس من أمن النظام -هكذا أعتقد- و لكن معظم المتداخلين و كتاب الرأي و المتدخلات علي قلتهن مشاركتهم معقولة جدا و مرات نقاشات كتيرة مثمرة و مفيدة مقارنة ببعض العوار و الهزار و النقاش السمج المتعصب.
لماذا سكت الشباب عن المشاركة و عن التعليق؟ هل هم كذلك مع كل مواقع النقاش السودانية ؟ هل هذا لان طبيعة موقع sudaneseonline ليس فيها ما يلفت إنتباه الشباب ؟ مع أنه الموقع ده ممكن يكون منصة نقاش يسع كل الشباب .لا أحد من السودانين ينكر أهمية هذا الموقع و لكني أراه متكلس و غير حيوي و راكض و عندما يركض الماء تتجمع القاذورات و يطفح العفن و يتهافت عليه الذباب الالكتروني.
هذه دعوة للقايمين علي أمر الموقع و المواقع المشابهة.نريد أن نزيد مشاركة الشباب..يكتبوا يعلقوا يشاركوا في المناكفات المهم يجوا نشوف في راسهم في شنو.بعد سنين قليلة ح يكون معظمهم في مواقع المسؤلية إن كانت مسؤلية عامة تخص البلد أو كانت خاصة تخص الفرد و الأسرة. |
| |
|
|
|
|
|
|
Re: د. عصام أحمد البشير وموضوع إقامة الدولة ال (Re: Yasir Elsharif)
|
فعقب "نيمو" بهذه المداخلة:
Quote: يا عمو ود الفحل من كتاباتك والله ليك معزة عندي صح كلامك بالذات اعضاء المنبر (البورداب ) لكن البره ديل ما نقدر نحكم عليهم لكن قول لي الشباب يشاركو كيف واليوم كله( بناتلو )مع مقررات كتيرة وركيكة لازم تحاول تكتب المحاضرة بنفسك من فم المحاضر الكوز (المتمكن )دي من التمكين لانك لو صورتها من زميل او زميلة بتكون ضيعت نفسك فركاكة المقرر + ضعف مقدرات الاستاذ + ضعف مقدرات زميلتك او زميلك اللغوية والكتابية حيضيعوك تماما جيل الانقاذ .اها بعد داك تعافر في المعمل 200 طالب وطالبة على 2مايكروسكوب او طاولتين تشريح دا لو كنت في كلية علمية والمكتبات الله يرحمها اها بعد داك جعان وما ماكل كويس وان اكلت فغذاء منخفض القيمة الغذائية وتطلع من الجامعة الحارسينها عساكر وشرطة شعبية و(مرابطات) التقول منطقة عسكرية يهينوا فيك في الدخلة والمرقة بسبب وبدون سبب وان قاومت فمصير عاصم عمر وبقاري بانتظارك تطلع منها للمواصلات ودي براها بمثابة الجهاد الاكبر تمشي البيت تلقى البيت كله بعاني زي كل البيوت السودانية في عهد الاجرام والانحطاط عهد الانقاذ وبعد دا راجينك ومتأملين فيك ومتوقعين منك اها تخيل حجم الاحباط الجواك تدخل سودانيز تلاقي واحد سافل عديم التربية زي الاسمو الطيب مصطفى دا يفرز في سمومه ومخرجاته النتنة وامنجية اولاد حرام واولاد ستين كلب وسلفية دواعش زي فرانكلي عايش في المانيا ويطالب بتطبيق الشريعة في كاب الجداد وزي المجنون بتاع زراري المسلمين اها البدخل الشباب هنا شنو ؟ فقاموا اختاروا الاسهل واحدين تدعشنوا وفضلوا مليء بطونهم شالوا الكتب الصفراء وكتفوا عقلهم ويدينهم ووقفوا وراء محمد مصطفى عبد القادر يستمتعوا برذاذ بصاقه ويتلقوا فتات ما يتركه لهم مما ارسلته السعودية او وزعه امن قوش فتكاثروا وتفرخوا واصبحوا فقيري وابوبكر اداب وشهاب و..و.. وبعضهم هام بلوشي فاصبحوا لواشة وافضلهم صاروا حواتة وبعضهم اكتفى بالليدو وديل كلهم يعتبروا محظوظين قصاد واحدين اصلا ما قادرين يدخلوا جامعة اصلا او يمتلكوا هاتف زكي وان امتلكوهو هدية من خال او عم فبدون نت حقو ما عندهم ويلقاه من وين وهو براهو بقى عايز 10جنيه عيش لنفسو حاف فبنزل لعبة ويكتفي والمجاهد منهم البشتغل بيديهو وكرعيهو اليوم كلو عشان ما يمد يدو اصلا ما بفكر في نت من اصلو كلامي دا حيفرح الذباب الالكتروني اولاد الحرام اللافين هنا ولكنه دا الواقع ولكن كل الفئات الذكرتها دي جواها غضب وكبت عظيم واي لحظة اي لحظة ممكن ينغجر والانفجار عظيم حيطال الكل وحيكون عنيف جدا جدا جدا |
| |
|
|
|
|
|
|
Re: د. عصام أحمد البشير وموضوع إقامة الدولة ال (Re: Yasir Elsharif)
|
Quote: اها البدخل الشباب هنا شنو ؟ فقاموا اختاروا الاسهل واحدين تدعشنوا وفضلوا مليء بطونهم شالوا الكتب الصفراء وكتفوا عقلهم ويدينهم ووقفوا وراء محمد مصطفى عبد القادر يستمتعوا برذاذ بصاقه ويتلقوا فتات ما يتركه لهم مما ارسلته السعودية او وزعه امن قوش فتكاثروا وتفرخوا واصبحوا فقيري وابوبكر اداب وشهاب و..و.. |
ومصداقا لحديث "نيمو" عاليه شاهدوا أحد زملاء مزمل فقيري واسمه أحمد البدوي ماذا يقول عن د. عصام أحمد البشير
Quote: الرد على الاخواني عصام البشير في دفاعه عن البرعي موثق / الشيخ أحمد البدوي 46.025 Aufrufe
المنهج السلفي بالسودان Am 31.07.2017 |
| |
|
|
|
|
|
|
Re: د. عصام أحمد البشير وموضوع إقامة الدولة ال (Re: Yasir Elsharif)
|
بينما كانت هذه خطبة للدكتور عصام أحمد البشير في أبريل 2013 بحضور الرئيس محمد مرسي ضيفا وحضور الرئيس البشير.
Quote: خطبة الجمعة لعصام البشير فى حضور محمد مرسى و عمر البشير 50.326 Aufrufe سودانيزاونلاين:Sudanese Online Am 08.04.2013 |
والسؤال هو: ما الذي تغير وجعل سلطات الدولة البوليسية في السودان تسمح لشيوخ السلفيين بمهاجمة د. عصام البشير بمثل ما شاهدنا في الشريحة السابقة؟؟ وهناك شرائح أخرى يهاجمون فيها د. يوسف القرضاوي كهذه:
Quote: أقوى رد موثق على ضلالات داعية الفتنة القرضاوي / للشيخ السوداني مزمل فقيري 417.773 Aufrufe
المنهج السلفي بالسودان Am 25.09.2017 |
ويبدو أن الجواب على السؤال واضح وهو توجه سلطة الإنقاذ الجديد مع السعودية في زمن محمد بن سلمان وبعد مقاطعة قطر ومحاربة الأخوان المسلمين، بالرغم من ادعاء ابن سلمان تحجيم دور التطرف الوهابي التكفيري.
| |
|
|
|
|
|
|
|