خليل فرح بدرى --- أسئلة

مرحبا Guest
اخر زيارك لك: 03-28-2024, 08:56 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2018م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-30-2018, 09:22 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
خليل فرح بدرى --- أسئلة

    09:22 PM August, 30 2018

    سودانيز اون لاين
    أبوذر بابكر-
    مكتبتى
    رابط مختصر

    مـن تبيـنا وقمـنا ربينـا
    ما اتفاسلنا قط في قليل
    ده ود عمي وده ضريب دمي
    وانت شنك طفيلي دخيل

    مافيش تانى مصرى سوداني
    نحن الكل ولاد النيل

    دى ابيات مختارة من قصيدة خليل فرح الشهيرة

    الشرف الباذخ

    طيب
    الاسئلة هى:

    رسميا ومن تاريخ مجزرة كتشنر والمسماه معركة كررى، اصبح السودان بعد سقوط دولة الخليفة عبد الله بلد محتل بواسطة قوتين، بريطانيا و مصر، على الاقل على الورق لانه الحكم الفعلى كان بيد الانجليز، واغرب ما فى الأمر انه مصر نفسها كانت محتلة بواسطة بريطانيا من تاريخ التل الكبير العام 1882
    وزى ما معروف فى تاريخ السودان الحديث انه ما كان يعرف الاستعمار الثنائى كان فى الحقيقة احتلال فردى فقط على الاقل من بعد سنة 1924 وما يعرف باسم ثورة اللواء الأبيض والكان خليك فرح واحد من الاعضاء الفاعلين فيها بل والاشد حماسا ربما من الاعضاء العسكريين
    مافى عاقل بغالط فى موهبة و شاعرية و ذكاء خليل فرح الابداعى والممكن يقارب حدود العبقرية، والشاهد فى كده انه شخص غير ناطق بالعربية ولا تعتبر لغته الام يجى فى منطقة زى الخرطوم و فى خلال فترة وجيزة جدا يتفوق على شعراء منطقة وسط السودان، والتفوق المعنى هنا مش بس فى نظم الشعر بل فى استخدام المفردة العامية ال يمكن كتير من اهل المنطقة ما يعرف معناها، وده موضوع تانى طبعا
    تم قبول خليل فرح فى كلية غردون، القامت بواسطة الامبراطورية الواقف ضدها وممكن ببساطة يقدم روحه وهو بنافح و يكافح ضدها، وبقى مهندس واشتغل مع نفس الاعداء بمرتب شهرى باذخ فى مصلحة البريد، فى الوقت الكان ممكن، اذا تعطف عليه احبابه المصريين، انه يدرس فى الازهر او ربما فى دار العلوم، ده اذا هم قبلو بيه اصلا
    السؤال المحير هو، هل يا ترى كان المصريين فى الربع الأول من القرن العشرين، كانو نوع تانى من المصريين؟
    ما اظن، و ربما يكونو كمان اشد تطرفا فى ظل العقلية الخديوية والعلوية والاصلا كانت نظرتها للسودانيين انهم مجرد عمال سخرة او جنود هجانة مسخرين لاقذر المهام فى احسن الاحوال
    طيب شنو الخلى خليل وامثاله الكثيرين انهم يطالبو بوحدة المصريين والسودانيين والمسماة ادبيا بوحدة وادى النيل ؟
    هل يا ترى كانت تكتيك مرحلى او استراتيجية مفتعلة من المصريين لكسب ود السودانيين ضد حلفائهم، بالاحرى مستعمريهم الانجليز ؟

    ولو افترضنا اعتباطا نجاح المصريين ومحبيهم السودانيين فى اخراج الانجليز من السودان، هل كان حيتساوا المصريين و السودانيين بالقدر البحلم بيه خليل "افندى" و بقية الاتحاديين ؟
    يعنى يكون فى وزراء ومدراء سودانيين وموظفين كبار فى سلك الدولة، ده غير حقوق ناس الشارع العاديين

    مستحيل طبعا، ما كان حيحصل ابدا والاسباب معروفة و مفهومة من قبل التاريخ داك ولغاية اللحظة
    وربما يكون اسماعيل الازهرى لاحقا هو الوحيد من اتباع الوهم الاتحادى وفى اخر لحظة رجع العقل و لمنطق الواقع
    وتستمر محاولات المصريين فى اخضاع السودانيين لغاية تكوينهم واشرافهم على اخر تقليعات الوهم الاتحادى المسمى ب القوميين العرب اتباع عبد الناصر وعلى رأسهم اكبر راس فارغ يدعى جعفر نميرى

    ولسه المحاولات مستمرة وما اظن تقيف الا يقيف جريان النيل

    والنيل هو لب الموضوع اصلا

    ده ود عمر و ده ضريب دمى
    وانت شنو طفيلى دخيل

    اللهم الا خليل افندى يكون قاصد اهلنا نوبة جنوب مصر، ودى حقيقة فعلية، ولا شى غير ذلك

    قال
    مافيش تانى مصرى سودانى
    ونحن الكل ولاد النيل

    انا على يقين انه ومن سنة 24 تاريخ القصيدة دى، ده لو اصلا المصريين قروها، بكونو بضحكو على شاعرنا الموهوب/م

    لغاية الان




















                  

08-31-2018, 12:10 PM

هاشم الحسن
<aهاشم الحسن
تاريخ التسجيل: 04-07-2004
مجموع المشاركات: 1428

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: أبوذر بابكر)

    Quote: نا على يقين انه ومن سنة 24 تاريخ القصيدة دى، ده لو اصلا المصريين قروها، بكونو بضحكو على شاعرنا الموهوب/م لغايةالان

    سلامات وتحياتي يا مطر، (بي رعودك المرة دي) ههههها..
    كأنك غاضب غضبة "تاريخية" وبأثر رجعي!!
    ولكن اليومين ديل أنا معجب بعبارة لزميلنا محمد جمال الدين، ومؤداها:
    "ما كان بالإمكان أحسن مما كان وإلا لكان".. مش منطق قوي برضو؟
    على كل حال، لو كانت وهمة يعني، فليس هو وحده، وهي كذلك لم تدم لأبعد من يوم ١٩ ديسمبر ١٩٥٥، أي ٢٣ عاما بعد رحيله. ليس زمنا طويلا..
    وريما لو كان هو حيا بوقتها لما مات عليها كما تقول، وهل تفيد ربما، فهي على أية حال كلها مساءلات لماض لا يمكن تغييره..

    أما قولك:
    Quote: وربما يكون اسماعيل الازهرى لاحقا هو الوحيد من اتباع الوهم الاتحادى وفى اخر لحظة رجع العقل و لمنطق الواقع
    فهو غير صحيج تاريخيا، بل دفعه وضغط عليه وشاركه آخرون من حزبه قد يكون فيهم السيد على نفسه،
    هذا حسب المؤرخ جبرائيل ووربيرج وقد قرأته في بعض ترجمات قد تكون لبروفسير بدر الدين هاشم الحامدي..

    ولتكن بخير..
                  

08-31-2018, 12:59 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: هاشم الحسن)

    سؤال مهم يدعونا لإعادة نبش او قراءة سيرة الخليل ..
    لكن من المهم ايضا معرفة مناسبة القصيدة ، قد يكون جو تأليفها او سياقها احتفاليا في حضور مصري وقد جمعت بين بعض شعراء البلدين علاقات قوية ، الشعراء احيانا تجرفهم عواطف لحظية فيشطحون او يبالغون .. وما يلبث ان يعود الشاطح منهم الى وقاره فينسى ما قال او يتجاوزه بمجرد زوال ما حفزه.

    تحياتي لكما ..

                  

08-31-2018, 02:36 PM

عباس محمود
<aعباس محمود
تاريخ التسجيل: 11-26-2004
مجموع المشاركات: 1441

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: Abdullah Idrees)

    السلام عليكم أبوذر
    موضوع يستحق النقاش .. هل في ديوان الخليل قصائد أخري تنادي بالوحدة مع مصر
    -------------
    الحبيب د. هاشم الحسن .. تحياتى وسلامى
    بدر الدين حامد الهاشمى وليس بدر الدين هاشم الحامدي .
                  

08-31-2018, 03:10 PM

هاشم الحسن
<aهاشم الحسن
تاريخ التسجيل: 04-07-2004
مجموع المشاركات: 1428

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: عباس محمود)

    سلامات عباس وأشواق للشوفة عيانا بالعين،
    شكرا على التصحيح، فعلا (بروفسير بدر الدين حامد الهاشمي)،
    له العتبى أستاذنا بأكثر من طريق وجهة..
    واللعنة على الزهايمر.
                  

08-31-2018, 05:23 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 5482

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: هاشم الحسن)

    مرحباً أستاذ أبو ذر وضيوفه الكرام،
    أعتقد أن رجال الحركة الوطنية آنذاك كانو بتعاملوا
    مع الواقع الفعليّ الذي يقول بأن مصر والسودان
    الاتنين كانوا تحت الاستعمار البريطاني،
    ولم يكن لوجود كبار الموظفين المصريين
    أثر كبير، لأنو برضو كان في كبار موظفين
    سودانيين.
    أيضاً المعلومة اللي ذكرها الأخ هاشم الحسن
    إنو الزعيم الأزهري كان تحت تأثير ضغط
    من بعض القوى في حزبه،
    ذكرها أيضاً الأستاذ خضر حمد في مذكراته.
    وبعدين ليس خليل فرح وحده، المثقفين السودانيين
    عامّة، كانوا مرتبطين بمصر ارتباط وجداني،
    وذكر الأستاذ خضر حمد في مذكراته،
    بعض الأسباب القويّة لهذا الارتباط،
    ولكن لا أستحضرها الآن.
    شكرا لكم




    على جنب،
    الأستاذ خضر حمد،
    شخصية وطنية فذة بمعنى
    الكلمة، وأعتقد أن التاريخ ظلمه
    كثيراً.
                  

09-01-2018, 09:37 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: صلاح عباس فقير)

    تحياتى يا صلاح

    فعلا ارتباط عدد كبير جدا من السودانيين خاصة النخب المتعلمة والمثقفة بمصر وجدانيا فى الفترة ديك كان ارتباط كبير و ملحوظ
    لكن يبدو انه كان على طريقة الحب من طرف واحد

    مصر وعبر التاريخ كانت ولا تزال و حتستمر فى نظرتها المعروفة للسودان والسودانيين، وما قدمت ليهم شى يذكر ويستحق الاعجاب والافتتان و رد الجميل
    ربما بعض الشى تم خلال فترة نميرى وما كان يسمى ب التكامل، والحق يقال انه الاف الطلبة السودانيين تم قبولهم فى الجامعات المصرية بلا مقابل، وده شى جميل فعلا و يستحق الشكر والعرفان للأبد

    خضر حمد علم عالى جدا ومن خيرة الاتحاديين وقدم مساهمات فاعلة و مثمرة خصوصا فى المجالات الفنية والثقافية، هو و عبد الماجد ابو حسبو
                  

08-31-2018, 06:35 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: عباس محمود)

    عليكم السلام والاكرام يا عباس وكيف الحال

    فى كتير من قصائد الخليل الفيها ذكر مصر و وحدة وادى النيل
    وخليل فرح مفتون و متيم حتى الثمالة بحب مصر

    لكن قطعا مافى انسان فى نفس الوقت بنكر وطنية الخليل ودفاعه عن السودان
                  

08-31-2018, 06:09 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: Abdullah Idrees)

    ازيك يا عبد الله ود ادريس

    الموضوع والله اكبر من كده بكتير
    شاعرنا المبدع كان من قادة جمعية اللواء الأبيض والقامت اصلا من أجل وحدة وادى النيل
    يعنى ما كان كوضوع عواطف و مجاملات و تمنيات شعرية
                  

08-31-2018, 06:01 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: هاشم الحسن)

    ازيك يا هاشم
    كيفنك ياخ و عساك طيب وسعيد
    والله ماهى غضبة او زعل بقدر ما انها استغراب و دهشة
    وفعلا هى تاريخية وقديمه، ومن زمان ولغاية الان انا مستعجب
    شنو البخلى ما يفترض انهم نخب متنورة و متعلمة و مثقفة ينجذبو بل ويتعصبو لفكرة الاتحاد والاندماج مع ناس كانت نظرتهم و طرحهم و فهمهم عن السودان و السودانيين معروف من ساعة وصول اسماعيل ود محمد على الالبانى لبلدهم ولغاية تاريخه
    وما سمعنا ولا قرينا عن اطروحات مختلفة للمصريين، رسميا و شعبيا، فى الحقبة ديك تثبت لينا عكس فهمنا ده و تخلينا نقتنع بمواقف الاشقاء و الاتحاديين الغريبة
    هل يا ترى ما كان فى هامش ثقة بالنفس فى سودانوية مستقلة و قادرة ممكن تقوم بذاتها واصالتها ؟

    بالنسبة لتصرف الزعيم الازهرى، فعلا ما كان قرار شخصى او فردى بل كان فى ضرورات مختلفة فى حينها ادت لقرار الاستقلال، لكن انا اخترت الازهرى كرمز او عنوان للاشارة للجمع بدون الدخول فى تفاصيل

    شكرا يا هاشم يا سمح

    وارقد عافيه
                  

09-01-2018, 11:08 AM

othman mohmmadien
<aothman mohmmadien
تاريخ التسجيل: 12-13-2002
مجموع المشاركات: 4732

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: أبوذر بابكر)

    Quote: مصر وعبر التاريخ كانت ولا تزال و حتستمر فى نظرتها المعروفة للسودان والسودانيين، وما قدمت ليهم شى يذكر ويستحق الاعجاب والافتتان و رد الجميل
    ربما بعض الشى تم خلال فترة نميرى وما كان يسمى ب التكامل، والحق يقال انه الاف الطلبة السودانيين تم قبولهم فى الجامعات المصرية بلا مقابل، وده شى جميل فعلا و يستحق الشكر والعرفان للأبد

    تحية طيبة الأخ أبو ذر وللجميع
    تصحيح معلومة فقط - ابتعاث الطلاب للدراسة بمصر ليس بلا مقابل وإنما من ضمن بنود إتفاقية مياه النيل وإنشاء السد العالي - قدمها النظام الحاكم الحالي على طبق من ذهب للدولة المصرية حينما سحب الطلاب الدارسين في مصر بحجة تنامي المعارضة الطلابية في مصر ... وشكل هذا الانسحاب أكبر خسارة للشعب السوداني وأكبر تنازل عن حقوقه ... وفشل كبير للدولة القائمة واهتمامها بحقوق مواطنيها ...،
                  

09-01-2018, 06:03 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: خليل فرح بدرى --- أسئلة (Re: othman mohmmadien)

    تحياتى ليك أخانا عثمان محمدين

    كنت بفتكر انه ابتعاث و قبول الطلاب السودانيين، بالعدد المهول ده، بدا مع فترة نميرى، لانه ما كان فى اعداد كبيره بالشكل ده قبل فترة مايو
    يا ريت تأكد لينا معلومة انه ده كان واحد من شروط إتفاقية انشاء السد العالى، لانه اذا فعلا كان كده بكون اكيد شى خطير فعلا
    انا شخصيا ما عندى المام كويس ببنود وشروط الاتفاقية المعنية

    ومشكور كتير يا عثمان
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de