|
كتب الكاتب الفاتح جبرا المتوفرة بمعرض الدوحة
|
|
 Re: خلآس ناس التلفزيون حا يذبحونا ذبح !... (Re: حيدر حسن ميرغني)
|
يا حيضر يأخ ما معقولة نحن كل رأس سنة في ما بعرفو الـ3
ألوان بتاعات العلم بيرمظن للصحراء والموية والسبانخ، ؤ في
1800 ؤكم كِدا ما عارف سيوف العُشر، ؤ في سنة 65 علم نزل
وآخر طلع ؤ فِلآن ؤ عِلآن كانو حاضرين، والتلفزيون مطروش
مونساتية لعينو والبلد راكبة مزلقان بسرعة الساروخ !...
| |
 
|
|
|
|
|
|
|
 Re: خلآس ناس التلفزيون حا يذبحونا ذبح !... (Re: معاوية المدير)
|
كمان حا يحشونا ليك أناشيد حشي، شي ملحمة ؤ شي جزارة ؤ شي
أنا سوداني وأنا إقريقي، ؤ كرري ما عارف تحدث عن مِنو ؤ جابت
خبار مِنو، ؤ يا غريب أمِش ؤ يا غريب تعال، ؤ يشبكونا ليك بالأفلآم
اللبيض واسود دِيّك والعساكر اللآبسين الأردية ومع إطلآلة 2019
حا نشوف نفس المناظر ؤ نسمع نفس الكلآم كان ربنا حيانا ...
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: معاوية المدير)
|
تعال كمان شوف الحفلآت،
يبدوها ليك بنادي الضباط، هو عليكم الله فضل فيها ضباط مع ناس حميدتي !،
أها نادي الجماعة دا طبعاً مِستلمو الأُستاذ ابو اللميييييين يااا، ولِمن لا يعرف
الأُستاذ فهو ذلك الرجل الذي كان يجلس في حضرة بشة وساعده الليمن بتاع
دفاع النظر دآك، هو اسمو مِنو ؟ ؤ ضاربين القرقرآب والفرفشة في بيت الأُستاذ
اللسغر من الأُستاذ حمد الريّح، والأُستاذ عبد القادر سالم عامل فيها مُقدم تلفزيوني
كمان !، ؤ كمان مجذوب اونسة كان حضور ونسيت الباقيين، وما أنسانيهم إلا الشيطان
الله يصرفو يأخ .
ما تنسو رأس السنة وإحتفالآت الإستقلآل بناديهم مع الأُستاذ
والعشاء المدنكل جداً ...
| |
|
|
|
|
|
|
|
|
 Re: خلآس ناس التلفزيون حا يذبحونا ذبح !... (Re: MOHAMMED ELSHEIKH)
|
Quote: انت الموديك عبر المحيطات تفتح تلفزيوننا شنو؟
خليك في تلجك وشوف راس سنتك وين
ونحن لينا الله هنا في السعودية بنين. |
بختكُم إنتو المِتِلكُم مِنو عاد في السعودية بنين ؟، اليومين ديّل مشرشِحيّن
معاكم جون ترافولتا ؤ حمتكُم في السما يوم السبت ؤ كُلو سبت، حتي كمان
دايرين يسولكُم سينما والجكس السعودي شغال سلفي مع الأُستاذ يعني
تطوّر منقطع النظير مُش زينا المونساتية ظاعطننا رؤساء الأحزاب كانو في
في الإجتماعات يختوهو قرض مع بعض ؤ بعد ينتهي الإجتماع يدخلو كلزيوم
الدور التاني مع بعض ؤ بعد يطلعو يمشو يتعشو فول ؤ طعمية ثم ويحلو
بزبادي بعد ذلك !...
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: tabaldy)
|
ماك ساعلني حليفة يا ود المدير لاكين جَزَم ما بتذكر اخر مرة اتفرجت فيها علي مقطوع الطاري ده متين !
Quote: يبدوها ليك بنادي الضباط، هو عليكم الله فضل فيها ضباط مع ناس حميدتي !،
|
انتو حميدتي ده ما سوالو نادي ليشنو ؟
ما معقول ياخ بالغ والله مع جماعتو ديل كيف يكون ما عندهم نادي؟ ناس حرس الصيد عندهم
لكن بيني وبينك الحكومة بتكون خايفة يكتب في اللافتة "نادي حميدتي وابناؤه" ..
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: Abdullah Idrees)
|
Quote: كل حلة عملت مهرجان ونادوا بشة ضيف شرف
|
تبلدي
شفت تبرعات بشة دي زيها وزي اي شيك بدون رصيد ، تبرعات في الهوا ساي ..
عمك بشة جوكي كبير جدا وبعام درجة اولى بجي يحتو ويضرب عشا الفنانين ويخلي ليك ناس الحلة خشمهم ملح ملح "ولسان حالهم يقول" انشالله ضبيحتنا لا تنفعك لا ترقعك .. عارفينو كضاب وبحب يعيش اللحظة
| |
|
|
|
|
|
|
|
|
 Re: خلآس ناس التلفزيون حا يذبحونا ذبح !... (Re: معاوية المدير)
|
| Quote: بختكُم إنتو المِتِلكُم مِنو عاد في السعودية بنين ؟ |
مسخوها علينا يا ود المدير
الساعة الصاروخ المتوجه للرياض اعتروضوه في الجو
وقال دوووول .. لقيت ليك الشفع كلهم معاي في السرير
الصواريخ بقت تجينا جوه في الرياض ذاااااتها يا معاوية
الحمد لله ربك ستر وما عندهم دفاع بالنظر
دمت رايق
وأبعد من قنوات الهم دي حفاظاً على صحتك
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: عمر أبوعاقلة)
|
Quote: المهرجانات
كل حلة عملت مهرجان ونادوا بشة ضيف شرف
مبايعة برئاسة جديدة وتبرعات مليارية
حت وخج وهجيج
وعود التبرعات زي غنا المهرجان
وعود يشيلا الهوا
ويحتل بشة ريس لدورة رئاسية جديدة |
حبابك يا تبلدي .
بمناسبة وعود التبرعات دي حكى لي صديق من العازفين الكُبار قال لي،
الجماعة عملو تكريم لعثمان حسين الله يرحمو والوالي أعلن التبرع لعثمان
حسين بقطعة أرض في ابو آدم، أها عثمان حسين لآمن جا عند الجد طلعت
ماسورة . قال لي عثمان حسين قال، والله أنا اوّل مرّة أعرف آدم عندو ابو
بعد قطعة الوآطة دي، لكن في التكريم أدوني خشبة تراها دِيّك في المتبخ
الحاجة بتقطّع فوقا اللحمة والخدار ...
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: معاوية المدير)
|
Quote: قال ليك البشير حايشرف حفوّل كارب بود اللمين
ويكرّموا العطبراوي في قبرو
شوفت لي بوستر حايم في وش الكتاب فيهو دعاية للشغلة دي
-
نبارك ليك مقدما
كل إستقلال والمغسة كاتلاك :)) |
وإنت كاتلآك يا حيضر .
بالله مُش غريبة !، ياخي بمناسبة غريبة دي قالو غريبة سوف يتم تكريمه
كأحد الشباب، باب واللآ شُباك ما علينا المُهم، مُش غريبة كُلو سنة شابكننا
يلآ لبلدك ؤ شيل معاك حِللك ؤ قُللك ؤ عاصرننا في الوآطة من يوم الخواجة
إتخارج لي الليلة ؤ نحن ما بنسمع غير المونساتية ديّل، جينا قاطعين كبري
النيل اللزرق والمظاهرة الكانت جاية من امدرمان وصلت القصر الجمهوري
قبلنا وازهري كان لآبس جزمة بيضاء والرصاص بدأ في داخلية قنينيطة ؤ
قبل الجثمان يصل المشرحة .........إلخ !...
| |
|
|
|
|
|
|
|
|
|
Re: خلآس ناس التلفزيون حا يذبحونا ذبح !... (Re: معاوية المدير)
|
شفت تبرعات بشة دي زيها وزي اي شيك بدون رصيد ، تبرعات في الهوا ساي ..
عمك بشة جوكي كبير جدا وبعام درجة اولى بجي يحتو ويضرب عشا الفنانين ويخلي ليك ناس الحلة خشمهم ملح ملح "ولسان حالهم يقول" انشالله ضبيحتنا لا تنفعك لا ترقعك .. عارفينو كضاب وبحب يعيش اللحظة
----------------------------------------------------------------------------------------------------------------------------------------------------------------------------------------------------------------------
يا دوك ناس ود اب سن كشفوا اللعبة زمان
بقوا يلاقوه بي تور ليهو جعرانة ويتم ضبحو(مش ذبحو) قدامو ويتعدا فوقو
وبعد تنتهي المراسم يجي سيد التور الجزار يشيلوا
ويا جزارة مادخلك شر
| |
|
|
|
|
|
| |
معاوية المدير
حيدر حسن ميرغني
MOHAMMED ELSHEIKH
Abdullah Idrees
عمر أبوعاقلة
فيس بوك
تويتر
انستقرام
يوتيوب
بنتيريست