|
|
|
 Re: حي الوادي نيالا يتعثر ويتعادل امام المريخ (Re: عبدالعزيز الفاضلابى)
|
العنوان دا مسروق من قبيلة المريخاب جدد و جيب ليك حاجة
تأسس ليكم شي خاص بيكم...
و لسه مصر تنقطر نفسك و تكورك
للناس تعالو عسموني
العنوان ما مسروق انا مر علي في مكان ما وخزنتو في المخيخ العلوي 
محمد الشيخ شاف تعادلنا مع هلال التبلدي ومعطتكم بالخمسة من نفس
الفريق ما تشيف ، نسيتو شيخ مكورو ؟؟؟؟
| |
 
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: MOHAMMED ELSHEIKH)
|
يا عادل خليك مع كردنة وشاش المريخ دا فريقا ماعندك ليهو باكات
محمد الشيخ
تحياتي
الله يقطع كردنة وشاش ويقطع سنينهم هو غير الزول الجهلول دا
مافي زول رافع ضغطي مرات بحس بيهو عضو مجلس إدارة في المريخ
كل تسجيلات بيدعم المريخ بلعيبة صبر عليهم الهلال ولمن اصبحو جاهزين
يشطبهم لدعم الدلقون ، دا غير تفريطه في التش واحمد ادم والصاوي .
| |
|
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: عبد الباقي الجيلي)
|
هو العنوان بس المسروق ! العنوان و المداخلة الاولى
هسى يجو يسّووها ليك غبينة و اتساق
ود الباهى ازيّك يا حرامى
يا جلالدونا مافي اي سرقة دي اسمها وضع الحافر علي الحافر
أطمئن الناس بتاعين الاتساق ما بيتفقو هنا ود البشرى تبعنا
وابوحسين براهو مابيعمل حاجة لياقتو ما بتسمح ليهو بقي زي ضفر
شوط واحد في تلتلة هههههه.
| |
|
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: عادل الباهي عبدالرازق)
|
يا ود الباهي ...
. تحياتي اقرأ ما كتب صبحي ....
غبينتنا ومغستنا كبيرة ياخ .... بتنا نعتمد على تعثر "الآخرين" ....
وا كردناه .... ووا شاشاه ....
عبدالباقي تحياتي يا مك
مصيبتنا يعزو فيها مع كردنة وسماسرتو
لن ينصلح حال سيد البلد مادام الكاردينال رئيس له
الزول دا بيبيع الوهم للجمهور كل سنة حنسجل وحنسجل ويرجع يجيب
لينا المواسير .
بعد اللقاء معه في سودانية 24 العام الماضي لمن قال الهلال لو ماشال
كأس افريقيا ما بدخل نادي الهلال تاني حمدتا الله يكون قدر كلمتو ويقطع
وشو مننا لكن طلع لا وعد ولا كلمة له .
| |
|
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: عادل الباهي عبدالرازق)
|
وابوحسين براهو مابيعمل حاجة لياقتو ما بتسمح ليهو
===========
حبيبنا الباهي .. مودتي ..
رغم أنني هلالي من قبل خمسة عقود
ولكن أبوحسين في عكننة الكورة ( خطير )
لا يستطيع أحد أن يجاريه
بوست جميل أيها الباهي الجميل ..
أنا أحب بوستات الكورة ( الطقطقة كما يقول الخليجيون )
واصلوا يا شباب ..
ونحن متابعين ..
| |
|
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: علي عبدالوهاب عثمان)
|
رغم أنني هلالي من قبل خمسة عقود ولكن أبوحسين في
عكننة الكورة ( خطير ) لا يستطيع أحد أن يجاريه
حبيبنا علي عبدالوهاب
حياك الله يامك واسعد الله اوقاتك بكل خير
لا لا والله ابوحسين كان زمان بيلعب ال 90 دقيقة لكن بعد هنضبو عمك بكري
بالكروت الحمراء ورجع لياقتو مش ولا بد بقا زي عماد متعب بتاع الاهلي
المصري يدخلو آخر خمسة دقائق يسخن الحكم ينهي الكورة
| |
|
|
|
|
|
|
|
|
|
Re: حي الوادي نيالا يتعثر ويتعادل امام المريخ (Re: عادل الباهي عبدالرازق)
|
حبيبنا الباهي .. مودتي ..
حبيبنا أبوحسين مشهود له في العكننة الرياضية
أنا شخصياً أحب مثل هذه البوستات
فثط مشكلتي لا أجيد الكتابة بالعامية ( ناس ضواحي الدنيا )
صدقني حبيبنا الباهي ..
جلالدونا ده جاب مصطلح النقتود من العمق النوبي ( أنا لليوم مستغرب)
هو برضو جميل في بوستات الاخوانيات ..
شفت صورتو في بوست راني .. منور ..
حبيبنا جلالدونا .. أخونا الاديب بريمة جمع مشاركاتي كلها في بوست علاء
في شكل كتاب وأرسله لي بالايميل .. ما باقي إلا الطباعة
شفت أخوة سودانيز كيف ؟ أحلى من الأهل والاقرباء ؟
معليش الباهي حبيبنا كنت مطول جلالدونا ..
رجعتونا لعهد الشباب ..
أين أبوحسين ..
زمن عشنا شوفنا الهلال يتبهدل ..
آخر الكلام :
صورتك في بوست راني .. وصورة الباهي في البروفايل
الأمر متروك للابنة وضاحة لتحديد الفائز في المنافسة
مودتي .. لكم جميعاً
| |
|
|
|
|
|
|
| |
عادل الباهي عبدالرازق
ABUHUSSEIN
عبدالعزيز الفاضلابى
MOHAMMED ELSHEIKH
جلالدونا
عبد الباقي الجيلي
علي عبدالوهاب عثمان
فيس بوك
تويتر
انستقرام
يوتيوب
بنتيريست