|
|
|
 Re: حكاية الظلامى معتز القريش واللبنانية إزا� (Re: بدر الدين الأمير)
|
كنا عملنا حفل عشاء على شرف فريق الترجمة الفورية لدورة الالعاب الاسيوية
تانى يوم جات ازابيل تشكو للظلامى وكان مكتبهم واحد وانا كنت واقف قالت
للظلامى معتز ما ادرى اش بنى امس طول الليل مانمت وخلقى ضايق الظلامى
قاليها بس انت امس في الحفل كنتى الاكثر جمال والاكثر اناقة ادوك عين لكن
انا بطلعها ليك قام جلسها في الكرسى وعمل يدو وكانه بحمل مبخر على راسها
وبدا يقرا ياعين ياعنية حين وصل حتت ياكافرة يانصرانية اتزكر انو ازابيل
مسيحية قام دخل في هسترية بتاعت كحة قامت ازابيل جرت المطبخ جاب ليهو
كباية موية هو كان خاتى ايدو على جبينو ومدنقر شرب الموية وقاليها الحمد الله
العين طلعت لكن كانت حاتطلع روحى قمت ضحكت وداير اتكلم قام نط من الكرسى
ومسكنى ايدى وقال بصوت عالى على الطلاق ماتتكلم ازابيل اندهشت للطريقة التى
تعامل بها معى ظلامى وقالت معتز ياعيب الشوم كيف تعمل مع المدير هيك قام قاليها
وبنفس الحدة انت عارفاهو علمانى مابيامن بالعين لوتكلم العين بترجع تانى جات باستنى في راسى
وترجتنى ان لا احكى والمسكينة لحدى مارجعت لبنان ولى يومنا هذا فاكرة الظلامى عالجها
وبجيكم راجع لبلوته التانية مع الكورين ودى كادت ان وتدى الشركة والقطرى صاب الشركة في ستين داهية
| |
  
|
|
|
|
|
|
|
|
Re: حكاية الظلامى معتز القريش واللبنانية إزا� (Re: walid taha)
|
ياوليد
كانت شركتنا اى اوكسينت قطر قد فازت بمناقصة الترجمة الفورية والتعاقبية لدورة الالعاب الاسيوية الدوحة 2006
وقد وفرنا ستين مترجم من والى العربية الانجليزية الروسية اليابانية الصينية والكورية ووقتها كان الظلامى مسؤل اللوجستك
تشاور مع المصمم وكان برضو سودانى اسمو محمد ابوعاقلة وللجنة المنظمة وزعت بطاقات دخول القريبة الاولمبية واماكن
المؤتمرا الصحفية ولان القرية الاولمبية بها حوالى 50000 الف فرد من 41 دولة قام الظلامى ابو الافكار قال القرية حاتكون
مزدحمة وكيف المحتاج للترجمة يعرف دا مترجم كورى ولايابانى ووالخ فقال نصمم بطاقات تعرفية للمترجم عليها شعار
الشركة يعنى البترجم من العربية للانجليزية نضع فوق علم قطر وتحت علم برطانية والبترجم من اليابانية للنجليزية نضوع
فوق علم اليابان وتحت علم انجلترا وهكذا عنداللغة الكورية والمعرفو الكوريتين بتكلمو نفس اللغة قامو لصقو علم كوريا الجنوبية
مع علم كوريالشمالية وجو شاورنى وافقت على الفكرة وقالى الظلامى وكمان فيها داعية للشركة المهم في البص والترجمين ماشين
القرية الاعلاامية لترجمة مؤتمر صحفى جلس بالقرب من المترجمة الكورية صحفى كورى شمالى بس مماشاف العلمين ملصقات
مع بعض هاج هيجة في المترجمة قامت المترجمة قالت له ما انا العملت كدا دى الشركة الجابتنى قال حايرفع الموضوع الى
اعلا الجهات وجينا جارين انا وعبدالعزيز السليطى ووقتها كان يعمل مدير اداة العلاقات العامة بوزارة الصحة والظلامى يحنس
في الكورى والكورى رافض اى تفاهم المهم جرينا انا والزميلة ايزابل جمعنا البطاقات من المترجمين قام المسؤل الكبير عن الترجمة
لدورة الالعاب قالينا الو الزول دا لو رفع الموضوع انا مابفيدكم وتتحملو المسؤلية قامت ايزابيل قالت خلونى احكى انا مع الصحفى الكورى
انتو ابعدو مشت هى على الصحفى وبالطريقة اللبنانية حنكت الصحفى وقالت له انا والوحيدة الحااتضرر لانو دى غلطتى انا حتى الكور هدأ
تانى يوم مشيت لعبدالعزيز في مكتبه بالوزارة وكان بتكلم مع صديقو قطرى ويبدو ان صديقه سالو كيف تسير اعمال الترجمة لدورة الالعاب الاسيوية
كان رد عبدالعزيز امورنا طيبة وتمام التمام والربع السودانين العندى في الشركة ماقصرو وحدو الكوريتين ههههههههه
| |
|
|
|
|
|
|
|
|
|
Re: حكاية الظلامى معتز القريش واللبنانية إزا� (Re: بدر الدين الأمير)
|
| Quote: ووقتها كان الظلامى مسؤول اللوجستك |
لو فهمت الموضوع صاح ، أسمح لى يا بدر أقول ليك شركتكم هى الضالع الأساسي فى خلق هذه (البلوة) ، وسلامة كبيرة إنو الكوري ما عرف إنو صاحب الفكرة هو فى الواقع (مسؤول اللوجستك) !
النجيضة : معتز بس إقترح وهو غير مسؤول لو شركة اى اوكسينت قطر أخذت بإقتراح مسؤول لوجستك فى أمر ليس من إختصاصه !
اود ان أُؤكد- وأتمنى أن لا اكون مبالغا - بأنه يعود الفضل لـ (بخور معتز ) الأول الذى لولاه لربما ما تدخلت إزابيل فى الوقت الصاح وأنقذت الموقف ! :)
| |
|
|
|
|
|
|
|
|
|
Re: حكاية الظلامى معتز القريش واللبنانية إزا� (Re: Deng)
|
| Quote: اود ان أُؤكد- وأتمنى أن لا اكون مبالغا - بأنه يعود الفضل لـ (بخور معتز ) الأول الذى لولاه لربما ما تدخلت إزابيل فى الوقت الصاح وأنقذت الموقف ! :) |
ياوليد
بس موضوع الكوريتين كان سابق لموضوع العين الاصابت إيزابيل
هذا الظلامى اعرفه منذ 28 سنة بلاويهو ومصايبو لاحصر لها فيها مايحكى
وفيها مالايحكى الغريب ان عبدالعزيز السليطى بحبو جدا وفي حفل وادع فريق
الترجمة اصر يغنى اغنية سودانية مشيتها ليهو لكن لمن الفرقة اللبنانية بدت فقرتها
ونزلن اللبنانيات يرقصن الدبكة اشوف ليك زولك في نص الللبنانيات شابك يديهو
ويرقص دبكة وهن مستغربات انو الظلامى بعرف يرقص دبكة
| |
|
|
|
|
|
|
|
|
|
Re: حكاية الظلامى معتز القريش واللبنانية إزا� (Re: بدر الدين الأمير)
|
| Quote: بس موضوع الكوريتين كان سابق لموضوع العين الاصابت إيزابيل |
طيب كده معتز معناهو حفظ الجميل لإزابيل وقام (بالعزم) المذكور ، لأانو إزابيل فعلا - بتدخلها فى اللحظات الحرجة وحل مشكلة الكوريتين - قد قامت بعمل فى غاية الروعة قد يضعها فى موضع (المعيونة) !
هو معتز مش كان عازف أكورديون بس ؟ !!
فى حلقة ضايعة فى الموضوع صراحة !
| |
|
|
|
|
|
|
|
|
|
Re: حكاية الظلامى معتز القريش واللبنانية إزا� (Re: walid taha)
|
Quote: هو معتز مش كان عازف أكورديون بس ؟ !!
فى حلقة ضايعة فى الموضوع صراحة ! |
ياوليد
لاحلقة ضايعة ولاهم يحزنون
فى تلك الفترة كانت متعاونا معنا مترجمة لبنانية اسمها نانسى ياموت والظلامى مكسر فيها
وكان داير يثبت لها انه فنان بتاع كلو ونسى ان السواد يغمره
| |
|
|
|
|
|
|
|
|
|
Re: حكاية الظلامى معتز القريش واللبنانية إزا� (Re: نادر الفضلى)
|
Quote: حبيبنا الأمير .. مودتي ..
تدوم الاخوة .. محبة وعشم وأخوة لدرجة المزاح التقيل
بالله يا أمير كيف جلساتكم مع بعض .. أدام الله المحبة
تحياتي لكم ... هكذا الاخوة .. ده السودان .. وديل أهلي ..
|
على يابوب
انا ماشقيت فى الدنيا دى بغير معرفتى بظلامى معز القريش والرطانى عزام فرح
وهسى عرفو انو نجمة وولدها امير وصلو الدوحة قالو جاين يتغدو معنا باسرهم
| |
|
|
|
|
|
|
| |
بدر الدين الأمير
walid taha
Deng
MOHAMMED ELSHEIKH
علي عبدالوهاب عثمان
محمد حيدر المشرف
نادر الفضلى
فيس بوك
تويتر
انستقرام
يوتيوب
بنتيريست