|
Re: جمل يخضع لجراحة في دبي (Re: محمد عوض احمد)
|
Satish Kumar
جمل يخضع لعملية جراحية في قدمه، بمستشفى دبي للإبل في دولة الإمارات العربية المتحدة. افتتح المستشفى عام 1990، وهو مزود بأجهزة فحص بأشعة إكس وموجات فوق صوتية وغرف عمليات
| |
|
|
|
|
|
|
Re: جمل يخضع لجراحة في دبي (Re: محمد عوض احمد)
|
مساواة فى الخدمات الطبية حتى بين البشر والحيوانات..!! قال ليك كمان غرفة عمليات مجهزة..واشعة وموجات صوتية.. الله لاقدر لو (الزول) هنا كسر كراعو..بياخد يومين او تلاتة حتى يلقى فرصة لجراحة.. الحيوانات لو اتكسرت..اذا كانت (حلال ) ممكن تنضبح..واذا كانت حرام ممكن( يحللوها) وبرضو تنضبح
| |
|
|
|
|
|
|
Re: جمل يخضع لجراحة في دبي (Re: محمد عوض احمد)
|
يعني أنت مصدق أن أي جمل في دبي لو اتجرح ح يخضع لنفس هذه العملية وبنفس هذا التحضير؟
تكون مشكلة كبيرة جداً لو مفتكر الموضع بهذه السذاجة
بعدين أنت ما سألت نفسك سؤالين وجيهين جداً
لماذا هذا الجمل؟ ولمن هذا الجمل؟
| |
|
|
|
|
|
|
Re: جمل يخضع لجراحة في دبي (Re: معاوية الزبير)
|
تحياتي عوض وضيوفه قريت في مجلة ريدير دايحست قبل اكثر من 30 سنة عملية لجمل في الخليج مصورة وبالتفاصيل الجمل كان جمل سباق .. واضطروا جابو ليهو طبيب مشهور من بريطانيا بطارية خاصة . وعملو العملية في الصحراء . واضطروا يوقفو عربات ويعرشوها بي مشمع لعدم وجود مكان كغرفة عمليات الجمل رفض الاكل ومريض شقو بطنو ووجدوا كمية من الصخور داخل المعدة مختلفة الاحجام ونجحت العملية المدهش اكتشفو انو الصخور دي عبارة عن وبر . كان الجمل مشهور بلحس رفاقه حتي كثر الوبر داخل معدته وتصلب كالحجارة القصة كانت مدهشة بالنسبة لي في ذلك الزمن السحيق أكيد بكونو مشو خطوات ابعد في الاهتمام بالجمال
| |
|
|
|
|
|
|
Re: جمل يخضع لجراحة في دبي (Re: عبدالحفيظ ابوسن)
|
Quote: تحياتي عوض وضيوفه قريت في مجلة ريدير دايحست قبل اكثر من 30 سنة عملية لجمل في الخليج مصورة وبالتفاصيل الجمل كان جمل سباق .. واضطروا جابو ليهو طبيب مشهور من بريطانيا بطارية خاصة . وعملو العملية في الصحراء . واضطروا يوقفو عربات ويعرشوها بي مشمع لعدم وجود مكان كغرفة عمليات الجمل رفض الاكل ومريض شقو بطنو ووجدوا كمية من الصخور داخل المعدة مختلفة الاحجام ونجحت العملية المدهش اكتشفو انو الصخور دي عبارة عن وبر . كان الجمل مشهور بلحس رفاقه حتي كثر الوبر داخل معدته وتصلب كالحجارة القصة كانت مدهشة بالنسبة لي في ذلك الزمن السحيق أكيد بكونو مشو خطوات ابعد في الاهتمام بالجمال
|
وعليكم السلام ورحمة الله الاخ ابوسن من قبل 30 سنة..يعنى القصة ما جديدة.. الابل طبيعى تكون محور اهتمام اهل الخليج, هى مجال للتفاخر منذ الجاهلية
| |
|
|
|
|
|
|
Re: جمل يخضع لجراحة في دبي (Re: محمد عوض احمد)
|
Quote: السؤال هل العناية الطبية متاحة (اياها) متاحة لكل مواطن بسيط لايرجي منه جائزة ، او لايضرب علي مؤخرته لبلوغ خط النهاية وتحقيق عوائد وارباح
|
السؤال دا ممكن نشوف رأى ناس الامارات فيهو ما عندى فكرة عن الخدمات الطبية للسكان فى الامارات العربية مع انى اعتقد انو عبارة (مواطن بسيط )دى ما موجودة الا فى دول مثل السودان
| |
|
|
|
|
|
|
Re: جمل يخضع لجراحة في دبي (Re: Frankly)
|
Quote: يعني أنت مصدق أن أي جمل في دبي لو اتجرح ح يخضع لنفس هذه العملية وبنفس هذا التحضير؟
تكون مشكلة كبيرة جداً لو مفتكر الموضع بهذه السذاجة
بعدين أنت ما سألت نفسك سؤالين وجيهين جداً
لماذا هذا الجمل؟ ولمن هذا الجمل؟
|
فى الخبر ما قالو دا جمل منو..! وبعدين دبى صحى ما اظن بتلاقى ليك فيها حمار كراعو مكسورة وحايم فى نص الزلط..أو كلب ينطط بى كراع واحدة بعد رمية حجر لئيمة
| |
|
|
|
|
|
|
Re: جمل يخضع لجراحة في دبي (Re: MOHAMMED ELSHEIKH)
|
سلامات بروف عوض والزوار في الامارات الصقور عندها جوازات سفر ولا يمكن تشحن ليك ولا تشيل ليك صقر ساي زي إناث الضان البصدروها جماعتنا وبتختم ليهو دخول وخروج زي أي زول في جوازو :)
الغزلان والحيوانات البرية الحايمة في خلا الإمارات دي كلها مركبين ليها شريحة الكترونية في جسمها وأظن ناس الحياة البرية (ما متأكد من اسم الهيئة ) متابعين تحركاتها . مرة في سودانيين لموا ليهم في غزالة في الخلا بين العين ودبي لموا فيها ضبحوها وقبل ما يتهنوا بيها ناس الهيئة ديك جوهم لأنو لقوا مافي حركة من خلال متابعتها عبر الشريحة الألكترونية :) وعقوبة الصيد عقوبات رادعة جدا" . ده بالنسبة للحيوانات بس وقس على ذلك بالنسبة للمواطنين وقارن بينم والسودان وليس لنا الا التعجب .
| |
|
|
|
|
|
|
Re: جمل يخضع لجراحة في دبي (Re: عثمان الأمام)
|
وعليكم السلام يا الامام قلت ليا الجماعة ما لحقو, يضوقو لحم الغزالة؟ طبعا بكونو فاكرين انها غزالة سودانية سارحة فى الوديان ساكت, وممكن ياكلوها ويشيلو منها لحم شرموط لى ناس الحلة اكتر حاجة بتحير قصة الصقور البى جوازت سفر دى!! انا المواطن دا يدوبك طلعت جواز سفر ..!! ملاحظة تانية. انا زول ساى, ما بروف عوض
Quote: سلامات بروف عوض والزوار في الامارات الصقور عندها جوازات سفر ولا يمكن تشحن ليك ولا تشيل ليك صقر ساي زي إناث الضان البصدروها جماعتنا وبتختم ليهو دخول وخروج زي أي زول في جوازو :)
الغزلان والحيوانات البرية الحايمة في خلا الإمارات دي كلها مركبين ليها شريحة الكترونية في جسمها وأظن ناس الحياة البرية (ما متأكد من اسم الهيئة ) متابعين تحركاتها . مرة في سودانيين لموا ليهم في غزالة في الخلا بين العين ودبي لموا فيها ضبحوها وقبل ما يتهنوا بيها ناس الهيئة ديك جوهم لأنو لقوا مافي حركة من خلال متابعتها عبر الشريحة الألكترونية :) وعقوبة الصيد عقوبات رادعة جدا" . ده بالنسبة للحيوانات بس وقس على ذلك بالنسبة للمواطنين وقارن بينم والسودان وليس لنا الا التعجب |
| |
|
|
|
|
|
|
|