|
كتب الكاتب الفاتح جبرا المتوفرة بمعرض الدوحة
|
|
 Re: تلغرافات الي شباب الثورة:اكتب تلغرافك حتي (Re: بكرى ابوبكر)
|
حـلـفـنـا يـمـيـن ...
والله يا عمر البشير
غرآك جد طول السنين
خلآك تتحدى الغلآبة الكادحين
ؤ تنفُخ، أكان دآيرننا
لاقونا في الشارع دحِيّن
بتدورنا نلحس كوعنا
يا حانث اليمين ؟؟؟
يا زول أقيّف
أسمع كلآم الشعب
جوّك متحزمين
أسمع هدير الشعب
جوّك متلزمين
حلفنا يمين، وتاني يمين
لا نجارا لا نضارا
ويّن شُفتُو القبور بتخوّف الميتيّن ؟؟؟
وويّن شُفتُو الشعوب
قهروها رقاصيّن ؟؟؟
يوم دآك دآيرنّك تمام
تركز تقيف
ما تجري يا ابقلباً رهيّف
ما تجري،
ارجى الصاقعة في عِزّ الخريف
اركز تمام،
يوم نصرة الحق المُبيّن
قسمنا يمين،
ونطبُق فوقو تاني يميّن
لا نجارا لا نصارا
ويّن شُفتُو القبور بتخوّف الميتيّن ؟؟؟
إنتبهوا هوّي يا غافليّن
خلّوا الصلف والكبرياء
لا يغركم زبد الحُكُم
اما الزبد يذهب جُفاء
ؤ ينساب علي وجه الأرض
عرق التعابا الأوفياء
يغسل فساد الفاسدين
ؤ يطمِس رُسُوّم حُكماً لعيّن
حلفنا يميّن، قسمنا يميّن
لا نِجارا لا نِضارا
ويّن شُفتُو القبور بتخوّف الميتيّن ؟؟؟
يا نافع قليل الشآن،
امرُق لينا في الميدآن
ؤ جيبو معاك علي السجمآن
جهاز الأمن يا وسـخـآن
ويا غوّش العميل ؤ جـبـان
يوم الحآرة ما تِدسوا يا خاينيّن
يوم الحآرة امرقوا برّة يا خايبيّن
حلفنا يميّن،
لا نجارا لا نِضارا
ويّن شُفتو القبور بتخوّف الميتيّن ؟؟؟
تجونا تحت ستآر الدِيّن
وإنتو في أصلكم فاسديّن
لباس الهيّبة فوقكم شيّن
عشان في أصلكم نجسيّن
يوم الحق يهِل ويبيّن،
عآد ما شيّن تقبلوا ويّن ؟
حلفنا يميّن، قسمنا يميّن
لا نِجارا لا نِضارا
ويّن شفتو القبور بتخوّف الميتيّن ؟؟؟
شباب العآزة،
أمرقوا في النهار الحار
سِلّوا الصارم البتآر
علي حُكماً تجبّر ؤ جآر
قسمنا يميّن، نخوض النار
نجيب التار،
نساند جُمّلة الأحرآر
نزرع في بلدنا سلآم
و ننضُم لوطنا كلآم،
كلآماً زيّن،
عديّل ورزيّن
يسعِد أهلنا السمحيّن،
ويفرِح جُملة الطيبيّن،
قسمنا يميّن
حلفنا يميّن
في درب النضال سايريّن،
و برب العباد حآلفيّن
لا نِجارا، لا نِضارا
ويّن شُفتُو القبور
بتخوّف الميتيّن ؟
؟
؟
؟
؟
؟
معاوية المدير ...
| |
 
|
|
|
|
|
|
|
|
Re: تلغرافات الي شباب الثورة:اكتب تلغرافك حتي (Re: معاوية المدير)
|
ثورة حتى النصر،،،
ولكن يجب اتخاذ الحيطة والحذر وعدم تخريب الممتلكات العامة، فهي اموال الشعب،، ولكن دمروا السجون والمعتقلات،،،
ولكن ايضا القضاة والمحامين والاطباء ،،لماذا لا يقودون المظاهرات ويعلنون العصيان والاضراب العام، واين المعلمين فيجب
عليهم اغلاق المدارس وحث الطلاب للاستمرار في المظاهرات،،،
| |
|
|
|
|
|
|
|
|
|
Re: تلغرافات الي شباب الثورة:اكتب تلغرافك حتي (Re: امتثال عبدالله)
|
أنشروا هذه المطالَب الآن لتصل لكل سوداني🛑
🇸🇩السودان أمانة في أعناقنا🇸🇩
المطالَب الأولية للشعب السوداني
اولا : استلام السلطة بواسطة الجيش والشرطة
ثانيا: التحفظ على جهاز الأمن والمخابرات بواسطة القوات المسلحة
ثالثا : التحفظ على قوات الجنجويد بواسطة القوات المسلحة
رابعا : إعتقال الطاغية عمر البشير و أسرته و أشقاءه
خامسا : إعتقال الوزراء الإتحاديين و الولائيين
سادسا : إعتقال جميع قيادات المؤتمر اللاوطني بالعاصمة و الولايات
سابعا : إعتقال جميع المعتمدين ورؤساء المجالس التشريعية المركزية و الولائية
ثامنا : حل كافة تنظيمات الدفاع الشعبي و أجهزة المؤتمر اللاوطني من اتحادات ونقابات ومنظمات
تاسعا : حل واعتقال جميع قادة الحركة الاسلامية
عاشرا : اعتقال كافة رجال الأعمال المنتمين للنظام
إحدى عشر : عدم المساس باي مواطن ومواطنة وحماية التجمعات السلمية في جميع أنحاء البلاد
اثني عشر : مصادرة جميع الممتلكات التي تم تحويلها من الشعب لفاسدي المؤتمر اللاوطني والحركة الإسلامية سوا كانت تنظيمية او شخصية وتحويلها لملكية الدولة
هذه المطالَب لا رجوع عنها وعاجلة جدا
❤السودان في قلوبنا ❤
🇸🇩الحملة الشعبية لاسقاط البشير ونظامه🇸🇩
| |
|
|
|
|
|
|
|
|
Re: تلغرافات الي شباب الثورة:اكتب تلغرافك حتي (Re: Hassan Farah)
|
انت حدد برنامج التغيير بتاعك من الاول عشان تعرف منو المعاك ومنو الضدك اسقاط النظام فقط ليس برنامج
الدولة الديمقراطية الفدرالية الاشتراكية المكونة من ستة اقاليم والمحكمة الدستورية الفاعلة ده المختصر المفيد للصراع في السودان بين الدولة المركزيةاالفاسدة والفاشلة والفاشية والتي تحكم السودان بالانقلابات والمشاريع المصرية من الاستقلال وبين الدولة المدنية الديمقراطية الفدرالية الاشتراكية التي بجب ان يكونها السودان ويتم اجهاضاا بواسطة نخب المركز كل مرة من اتفاق اديس ابابا 1972 الي نيفاشا 2005...اذا الوعي نوعين و بين علمين وعين فعلا والفزر يتم على هذا الاساس
ما تسالوني عايز تحرر السودان من منو!!
اسالوني عايز تحرر السودان من شنو!!
د جون قرنق
رؤية لا تموت
| |
|
|
|
|
|
|
|
|
 Re: تلغرافات الي شباب الثورة:اكتب تلغرافك حتي (Re: adil amin)
|
| Quote: مرت سنغافورة افريقيا اقصد رواندا بتجربة مريرة اشبه بتجربتنا و التي اقل مننا في مواردها و التي اصبحت اليوم سابع دولة في العالم من ناحية النمو الاقتصادي ولها طيران عالمي يجوب العالم و كل طفل في مدارسها يمتلك كمبيوتر ... |
ثورتنا لاتشبة غيرنا من شعوب المنطقة... يكفي انها ثورة سودانية مئة بالمئة ... السودانين ملهمين ومعلمين للشعوب وبالذات شعوب المنطقة، عندما يتعلق الامر بالثورات... لذا.. رواندا لاتشبهنا ... رواندا لم تحافظ علي ممتلكات الدولة كما فعلنا وسنفعل نحن .. رواندا منذ البداية اشتبكت الحكومة مع القبائل والقبائل مع بعضها البعض ثم حرقت الأخضر واليابس لأهم شيء في ممتلكات الدولة الا وهو الإنسان .. أبادت حدود المليون إنسان في غضون السنة الأولي لإندلاع الحرب....نظام الدولة برواندا ومناصريه والقبائل إشتبكوا يقتلون بعضهم البعض..ثم اختلط الحابل بالنابل... والشغلانة جاضت... السودان كشعب غير كدا .. لانه صبر بل لجم نفسو وترك نظام الدولة بتاع الإخوان المسلمين لوحدو هو الذي يقتل فيه بالأفراد، بالجماعات وبالقبائل لفترة ثلاثين سنة وهو صابر لم يرد عليه بالمثل، عل وعسي يفيق النظام من عنجهيته.. لكن الآن انتفض بعد صمتو وقام علي الاكواز ونظامهم فهو مؤكد لم يخرب ممتلكات الدولة بل ح يحافظ عليها كما حافظ علي الإنسان خلال الثلاثين سنه الماضية.
نصيحتي للثورة:
عبارة عن نداء لمليشيات النظام... بالذات... الدعم السريع، الدفاع الشعبي، كتائب نافع، كتائب علي عثمان، كتائب البشير، عليكم بتسليم كل عدتكم وعتادكم للثوار.. سلموا تسلموا...
يجب أن تشتعل الثورة في كل مدينة سودانية حتي تنهك وتشتت عساكر ومليشيات الأكواز علي اساس تدخل فيها الهزيمة بأسرع وقت ممكن...تولع في بورسودان لي اخر مدينة في الغرب وتولع في دنقلة لي آخر مدينة في الجنوب في وكت واحد..حتي ترهق آلة النظام وتشتت إنتباها حتي لاتركز في مدينة بعينها.
يجب علي اي مواطن محب لوطنو ان يقدم لسته كاملة وشاملة باسماء الاكواز الساكنين بحارتو للجهات المسئولة عن الثوار...حتي يتم ضبط ممتلكاتهم وفرزها امام القضاء بقانون؛ من اين لك هذا!!
ياريت، ربط شارات او مناديل صفراء للثوار تعبيرا عن تضامنهم مع الحراك العالمي للكادحين.. عالمنا جسد واحد إذا إشتكي منه عضوا واحدا تداعي له باقي الجسد بالسهر والحمي.
| |
|
|
|
|
|
|
| |
بكرى ابوبكر
عبدالمنعم الطيب حسن
جمال ود القوز
معاوية المدير
Hassan Farah
adil amin
Mohamed Adam
علاء سيداحمد
ترهاقا
عبدالعزيز الفاضلابى
فيس بوك
تويتر
انستقرام
يوتيوب
بنتيريست