موجود ياخ وريسته آمنة مختار و معاها ناس تبارك و قيقراوي و كان معاهم فنحي البحيري بس اظن انشق و عمل الخضر بالنص لو ما خانتني الذاكرة لكن اظن الاتنين الخضر المحطة و الخضر بالنص ما مسجلات والله أعلم
11-01-2018, 06:10 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
فكرة فعلا السودان محتاج ليها الاهتمام بصحة و نظافة البيئة و التشجير و نظافة المدن و ختى سلامة و حفظ الانتاج الحيوانى و الزراعى و طريقة عرضه ليصل نظيفا للمستهلك لو كانت من اولوياتو ,يا الف مرحب بهذا الحزب الف مرحب بى رئاستك ليهو ومعاك لى اخر المشوار
11-01-2018, 06:11 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
ألف مرحب بالمستشار جلال، طبعاً الحزب زيو زي أحزاب الخضر في العالم من أولوياتو البيئة، كيف لنا في السودان الخروج من مأزق الفقر البيئي وتطوير الموارد وجعلها طوق نجاة من الفقر المادي
زعيم الحزب ود مدني نوفمبر ٢٠١٨
11-01-2018, 07:04 AM
عبدالله عثمان عبدالله عثمان
تاريخ التسجيل: 03-14-2004
مجموع المشاركات: 19192
حبيبنا أبوبكر .. تحياتي .. أنا عضو في حزبك .. بشرط أن تدخل الحوار الوطني مباشرة لأن الاغتراب خلاص وما عندنا مصدر دخل .. عايزين على الأقل وكيل وزير أو حتى متعمد في ضواحي الدنيا أحسن إستثمار اليوم تكوين حزب والدخول في الحوار الوطني .. وظيفة ، سيارة ، بيت ..
معاك أيها المستنير .. بس كمان نحن في آخر العمر ما تقول لي ( رب المجرات ) ركز على الحزب .. وجدوى الاقتصادية من تكوين الحزب ..
ح يكون حزب طويل اخضر قيافة وفايت الاحزاب مسافة يا خي وين تلقى وسط او مجال يعمل فيه الحزب؟ الا حزب مسلح غايتو اعتقد في اكتر من 100 حزب مسجل في دفاتر المسجل ولكن غثاء على كل معاك يا ريس ودربك اخضر سير سير يا مستنير
محاولات مستمرة للفت الأنظار من خلال غرائبية الطرح ! و في النهاية بقى زي توفيق عيسى مكي !! ... مافي مشكلة ، بتاع السواسيو دا يبقى ريّس لحزب الخضر او الخضرجية ! و توفيق امير الرايات الأربعة 😏 .... قوم على حيلك يا عاطل و بلاش فوضى معاك !!
11-01-2018, 12:19 PM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
حبيبنا ابوبكر سلااام المشكلة سياسية بامتياز ألقت بظلالها علي المشهد الاجتماعي والاقتصادي وقف الحرب يعني مزيد من التنمية الاقتصادية والبشرية الحل السياسي الحقيقي يخلق جو من الديمقراطية يساعدعلي الإبداع الحل السياسي يزيل الغبن والاحتقان الاثني الذي سيطر علي المشهد السوداني
11-01-2018, 06:24 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
احزاب الخضر فى بلادها عبر البحار اصبحت كالاحزاب الديمقراطيه (اللبراليه) هناك مجرد احصنه طرواده للاسلاميين . وهنا لا اظن قيام حزب لهم بعيد عن اصابعهم ..مالم تتبنى تاسيس وتسجيل الحزب - على مبادىء الخضر - ىشخصيات معروفه بتاريخها يصبح الامر فيهو شك وريبه
المزهجني في المنبر دا، انو الناس لا تعرف قدري! الناس هنا بتفتكرني زول تقليدي ساكت زيهم
موضوع الطاقة الساهلة ورخيصة مقلق بي من زمن طويل جداً، أعتقد انو قربت جداً من أن أحدث اختراق في موضوع البايوغاز بشكل عملي وسريع يناير ٢٠١٩ سوف أقوم بتشغيل أربعة وحدات بايوغاز بقرية النخيلة ريفي الدامر
-النخيلة دي الكانت فيها معركتنا نحنا والإنجليز ضد محمود ود أحمد زرت قرية الهودي المكان العسكر فيهو صديقنا كتشنر قبل توجهه النخيلة لمان أمر بالعربية بالليل جنب النخيلة، أصلاً ما بقيف للناس الواقفة على طرف الشارع يا زول، يقوم يقوم لينا بعاتي-
روايتي العظيمة تراكتر جون دير والبوست دا بوست المسكيت وهضربات كثيرة هنا وهناك بصبن في مجرى واحد
تغيير نمط الانتاج وبالتالي تغيير اجتماعي سياسي
11-01-2018, 09:40 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
الأستاذ عبد الله عثمان، لاقيت الأخوان بمطار الخرطوم في استقبال خالد، وزي كلامك عرفتهم من ثيابهم البيض، قصة علاقات الجمهوريين مع بعض وتواددهم في الزمن الصعب دا، موش حاجة تحيير؟!
أها أنا بحلم أترك أثر زي أثر محمود دا، لكن بشكل مختلف، أثر دنيا
ما رديت على إقتراحي بالإنشاد في خيمة الختمية شيء لله يا حسن يا حسن انت باب المنن يا استاذ الزمن
11-01-2018, 10:08 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
فكرت أشوف لي بت قيافة نخليها الريسة وأنا ريس فخري، نظام حركة كدا لكن بسراع نعلت الشيطان ورجعت لرشدي وتذكرت أن مقترح الحزب يساوي بين الحنسين والتعاطف الزايد مع المرأة يعتبر تمييز سلبي
غير المساواة الحزب حزب اشتراكي
11-02-2018, 05:10 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
صديقنا الجديد كمال على الله سعيدين بكونك بقيت مننا آها محتاجين لعدد ٥٠٠ عضو للتأسيس سل لينا السيرة الذاتية وصورة فوتغرافية يمكن يمكن نقبل عضويتك بعد التمحيص
أرجو من عضوية الحزب الأحمر والكيزان الصفر عدم محاولة اختراق الحزب الأخضر
11-02-2018, 05:27 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
كيفك ممدوح أبارو؟ وين الانقسامات بتاعت الليبرالي وددتك؟ لسّ تحت قيادة ميادة ولّ مع المجموعة التانية؟ لو مع ميادة وقفلتو دكان حزبكم، عليك الله، كلمني محتاج أضيف كلمة ليبرالي لاسم حزب الخضر
11-02-2018, 12:23 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
كمستشار و لدواعى سودنة الحزب اقترح اسم حزب الطبيعة عشان على دفع الله ده يلم فواكهو عليهو عارف نيتو السوداء كمعارض و امنة مختار ما تعترض على التسجيل و قد تحتويها فكرة اندماجية على اساس الخدرة زاملة الطبيعة و الصحراء استثناء وعشان برضو نحقّق مبدأ .. الريّس ريّس على طول ..
بكري اللخدر - أول استعمال للقب الجديد بعد صكه من ود دفع الله- الدنيا جمعة، تجيكن أمونة تخليكن توروقوا (الخدرا) للضمان نفذ مقترحات الأمين العام وتبقي ليك سترة وصلحة تحية للجميع ___ الحليلة
11-02-2018, 06:44 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
وقد تَرَبَّل الشجرُ قال ذو الرمة مُكُوراً ونَدْراً من رُخامَى وخِطْرةٍ وما اهْتَزَّ مِن ثُدَّائِه المُتَرَبِّل وخرجوا يَتَرَبَّلُون يَرْعَوْن الرَّبْلَ ورَبَلَت الأَرضُ وأَرْبَلت كثر رَبْلُها وقيل لا يزال بها رَبْل وأَرض مِرْبال كثيرة الرَّبْل ورَبَلَت المراعي كثر عُشْبُها وأَنشد الأَصمعي وذُو مُضاضٍ رَبَلَتْ منه الحُجَرْ حيث تَلاقَى واسِطٌ وذُو أَمَرْ قال الحُجَر داراتٌ في الرَّمْل والمُضاض نَبْت الفراء الرِّيبال النبات المُلتفّ الطويل وترَبَّلت الأَرض اخْضَرَّت بعد اليُبس عند إِقبال الخريف والرَّبْل ما تَربَّل من النبات في القيظ وخرج من تحت اليبيس منه نبات أَخضر
11-02-2018, 08:34 PM
Kabar Kabar
تاريخ التسجيل: 11-26-2002
مجموع المشاركات: 18537
عارف يا ابكر الطويل ، زمان وعدت ول ابا هاشم الحسن اكتب برنامجي الإنتخابي لرئاسة امسودان في انتخابات 2030.. ولكن مافي مانع نعمل شوية تعديل دعما لجدية صديقنا فرانكلي..
طيب ..المبدأ بتاعنا في السياسة (اليومين ديل ، فشنو اخير تلحق السوق قبال نغير رأينا) هو: امسك لي واقطع ليك..بالعربي البسيط (براغماتية للطيش)..!
دحين تدفع كم؟
عرضنا* كالآتي:
اولآ: اذا قررت تخوض انتخابات 2020 ح نسلمك خمسين نائب/ة منتخب انتخاب جماهيري نزيه بالمواصفات التالية ( العمر اقل من خمسين سنة + تعليم حد ادني بكالوريس + محو امية الكمبيوتر+ وزن اقل من ستين كيلوجرام/رشاقة للطيش) وبالتالي تقدر تكون معارضة اكتر من احزاب الفكة الحايمة الآن في برلمان امسودان..!
ثانيا: في انتخابات 2025 ح نسلمك اضافة للخمسين (نائب/ة) عدد 250 نائب/ة منتخبين انتخابات جماهيرية حرة ونزيهة وبنفس المواصفات المذكورة..وبالتالي يكون عندك 300 نائب/ة في البرلمان ومنها ضمانة اغلبية تخليك تشكل حكومة على كيفك..
ثالثا: في انتخابات 2030..ح نديك دولة عميقة تتفسح فيها زي ما تدور..
رابعا: في انتخابات 2025 ممكن نديك بيت الأشباح دينق اخوان كوزير دفاع +وزير خارجية مقرب لأمريكا (عشان تضمن شر القوى العظمى واسرائيل ، والأهم لو اسرائيل ضربت امسودان في عهد حكومتك تلقى الشماعة جاهزة والتي ستكون وزير الدفاع طبعا..!)..
خامسا: نضمن ليك دعم دولة لوكسمبرغ بصورة مطلقة..!
اذا العرض ده ما نفع معك ..ممكن نفكر انو نعمل ليك.. Political endorsement ساكت..وده ، لو حصل ح يكون مجاني..!
والسلام..
كبر
______________________
* هذا العرض خاص بي ول ابا ابكر الطويل..باقي الأحزاب ما في داعي للإتصال او المنافسة او السؤال او عرض دفع اكثر مما يدفع ابكر الطويل.
11-03-2018, 02:38 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
شكلك لقيت البلد ناشفة وغبشا وعدمانة البيئة.. غايتو لو سميتو (حزب الأخدر الليموني) ممكن الأسم يذكِّرني بي حنوني البقوِّم علي جنوني وطوالي ببقا من أصدقائكم الأوفياء.. الوفاء دا بس حدو طالما ما حتعملوا انقلابات:)
وكمان إن بقيت جادي يعني، فأول شيء راضي لينا آمنة وتبارك ومن سبق في الدرب اللّخدر، ثم أمسك قوي في كلام أخوك كبر، وخليهو اليقطع ليك حسب الحاجة، ومن واقعنا ما من أقاصي المجرات.. الزول دا بعرف في اسرار أم سودان وفي اسرار بيئته، من أول شجرها وقطاطيها وفوانيس انتخاباتا ولحدِّي مكاجرات كجرا وكنجالات كجورا..
11-03-2018, 06:43 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
خلوني أحتفل بأغنية هدى عربي السميح القمرة ونشوف بعدين =========
والله أنا خايفك بعد الأغنية دي، تبقا مشتاق زينا وزي "الشتيل الرندل" واحد، يعني تطش بي وشك من مسجل الأحزاب ومن خندق "الموضوع" زاتو..
محاولة في شكل سؤال؛ عشان بس ارجعّك قريب من الموضوع.. أو أبعد.. ثم ما رأيكم، ككبير للخضر الجدد، في موضوع بناء محطات لتحويل وانتاج الطاقة الشمسية. الموضوع دا عاجبني.. وطاقة الرياح، في الركن الشمالي الغربي من السودان بالتحديد؟
11-05-2018, 08:22 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
عندما تعود يا "جومو" تخضّر أغصان الكاكاو* --- هل تعرف يا مستنير أن بعضا منهم، ما بين مليح الزي وطاحونة الدي، يتوقون لعهد ما فيه ثمة نار -- قال في ذلك، وليس غيره من قائل: وقد خلفنا وراءنا عهد الدم المسفوح، في معنى ما خلفنا العصر الناري، وأصبحنا نستقبل تباليج صبح النور المفاض.. بل إن هذا النور قد استعلن على القمم الشواهق من طلائع البشرية، ولن يلبث أن يغمر الأرض من جميع أقطارها.. === * عندما تعود يا "جومو" تخضّر أغصان الكاكاو غناها الكينيون ربما بالسواحيلي ولربما اللاوندي أو الكينوبي أو غيره لن يطول ....
11-06-2018, 06:17 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
بس من تجربتنا، أحب أذكرك إنه قوانين اللعبة السياسية عندنا في السودان تختلف عن أي قطر في العالم.. كل أقطار العالم سواء النامية منها والنايمة. وكذلك لا يفوتني أن أنبهك بأن الجماعة ( الما طيبين) عملوا حزب سموه حزب الخضرالسوداني - آآآي بنفس إسم حزبنا مخصوص علشان يدخلوه الحوار... وديل اكتشفت بالصدفة حوار لرئيس حزبهم منشور على موقع حزب المؤتمر الوطني ... وطبعا ما بيدخلوه الحوار لو ما سجلوه لدى مسجل الأحزاب.
(ومااا أعتقد ديل ناس فتحي البحيري ديلك براهم الإنشقوا مننا ..أو هذا ما نأمله ) .
ولكن بالطبع كل هذه العوائق ليست عذرا أمام تنظيم جاد وطموح. فقو أهيد.
* أما بالنسبة لحزب الحالمين.. أعني حزبنا كما وصفتنا. فنحن لازلنا نتقدم رغم كل العوائق من لوجستية وغيرها كما هو معلوم. وقد صرنا معروفين عالميا وتوجه لنا دعوات لمؤتمرات القلوبال قرينز وكذلك تجمعات تنظيمات الخضر حول العالم ، وصرنا عضوا في فيدرالية تنظيمات الخضر الأفريقية وعضوا في فدرالية خضر شمال أفريقيا. وذلك رغم كوننا حزب غير مسجل لدى مسجل الاحزاب في الداخل. فناس الخارج يفهمون تعقيدات سياستنا الداخلية . وكذلك هم يفهمون ويدعمون الفكرة والطموح والرغبة الحقيقية في إصحاح البيئة السياسية والطبيعية والإجتماعية والاقتصادية. عكس ناسنا في الداخل.. الذين تتحكم بهم قواعد اللعبة السياسية لهذا النظام ، والتي تعتمد على قواعد النفوذ والعلاقات الاجتماعية وتوفر الماديات.
* أما فيما يتعلق بمشروعنا السياسي : فلطالما كررنا ولا زلنا.. أن حزبنا لا يسعى لإصحاح البيئة الطبيعية فقط بمعزل عن إصحاح البيئة سياسيا واجتماعيا واقتصاديا. فالبيئة لا تنفصل عن الإنسان وكذلك الإنسان إبن بيئته.. وبث وتطوير وعي الإنسان بذاته وحقوقه.. أتوماتيكيا سيجعله مدافعا ومصلحا لبيئته ومجتمعه ووطنه. ولذلك أحزاب الخضر حول العالم لم تنجح وتحقق رؤاها إلا بعد تحولها من خانة جمعيات تصارع في سبيل إصحاح البيئة الطبيعية ..إلي تنظيمات سياسية لها مخالب تصارع بها في غابة السياسة لانتزاع حقوق غابة الطبيعة وكل كائناتها من إنسان وحيوان وجماد.
ومع ذلك ، نلاحظ هنا أنكم طرحتم بعض المقترحات الوجيهة بيئيا والتي يمكن العمل من خلالها ، ونرحب بالتعاون مع كل ذي فكرة نيرة.
* أما عن نقطة علاقة تلاقي أحزاب الخضر بالليبراليين ، فقد كتبت حولها مقالا سأنشره هنا لاحقا.
وختاما ، مرحبا بك حليفا أخضرا. وكذلك بكل من يرغب. .............
ومؤخرا تم نقاش جدي بيننا ، وتم إقناع غير المؤيدين لتسجيل الحزب لدى مسجل أحزاب هذا النظام ( وكنت من ضمنهم) . لذلك قررنا السعي لتسجيل الحزب رسميا ليتسنى لنا العمل من الداخل حسب الحرية المحدودة كما تفعل باقي الأحزاب المسجلة. وذلك نسبة لتلافي عقبات شتى ،إضافة لموازنة انتشار الحزب داخليا بالانتشار الخارجي والذي تحقق بالفعل. ولأن العمل الداخلي هو هدفنا في الأساس ..فينتظرنا عمل كثير جدا وقد تأخرنا بما فيه الكفاية.
ورغم ذلك تظل تجربتنا كحزب خضر سوداني هي الأنجح والأكثر استمرارية وعزما رغم المعوقات ، مقارنة بتنظيمات الخضر السودانية الأخرى التي أنشئت خصيصا سواء كان للمشاركة في انتخابات أو حوار..
11-07-2018, 05:01 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
Quote: هدي عربي ادت الاغنية بشكل جميل وموسيقي اجمل... ولازلت اسمعها
يا حفيظ الأغنية دي قعدت مدورة لمان كملت على البطارية لمرات وأنا أرجع أشحن وأسمع فيها.. لحدت ما في الآخر لقيتا كمّلت علي كوتة الانترنت.. حسّع مستلفو من الجيران.. وبرضو لا زلت أسمعها.. الحق حق؛ لقد أجادوا!
ثم إنها أغنية بيئيــة خالص، قيزان ورندلة وحراية وتصحر وإعصار عاطفي والنينو زاتو، ليهو حق الأخضر بيحتفل بيها..
+++++
(وأصبحنا نستقبل تباليج صبح النور المفاض..) لا حولا .. من البشارة ومن ألفاظها! علي الإيمان يا ود عتمان لقد أوتي صاحبكم مفاتيح الكلام! تباليج تباليج.. مافي شك حتفيض بي البقراها وبي البسمعا،، (ولن يلبث أن يغمر الأرض من جميع أقطارها)..آمين .. آمين.
+++++
آمنــة، ياخي بالمختصر المفيد: واحشانا هنا، وغيبتك من المنبر ما حبابا. ياخي بقيتي ولا حتى بتهتمي بردود الفعل على افاداتك النادرة في زياراتك المتباعدة! طبعا ممكن تكوني مشغولة أو أي حاجة من حاجات الحياة والسودان، عاذرنك.. لكن كمان، الخوف تكوني بقيتي (نخبة وصفوة) وبالتالي متخذة موقف من منبر من لا منبر لهم دا!!
بمناسبة كلامك عن الـ "دعوات لمؤتمرات القلوبال قرينز وكذلك تجمعات تنظيمات الخضر حول العالم" مرة (أليكس دي وال) قال عن الجيل الجديد من السياسيين السودانيين؛ إنهم منشغلون بالمنظمات والمؤتمرات أكتر مما هم منشغلون بالتغيير! ومن هنا فإنني أثمن أنه قد "تم إقناع غير المؤيدين لتسجيل الحزب لدى مسجل أحزاب هذا النظام ( وكنت من ضمنهم)" بالتسجيل.. حوار وإقناع وديمقراطية وواقعية.. من هنا تبدأ السياسة.. باقي الوصول للناس في محل العائد السياسي.. زي في جهات فوراوية وانقواترا.. هذا سوى أن أبابكر قد سبق وكتب "لا أعتقد أن الحل يبدأ بتغيير سياسي"!! ودي محتاجة لحيثيات.. والإشارات إياها قدامنا، خضراء.. قال أبوبكر: "الحل يبدأ بتغيير نمط الحياة الإنتاجية" و"ونحتاج لتفكير خارج الصندوق لحل مشكلة جيوش العطالة". سوى إنني متشائم بخصوص استجابة هذة الدولة الريعية، لأي مقترحات إيجابية، أو لن تنهمر عليهم مباشرة، بالأخضر فوق الأخضر.. المهم.. قلنا نسلم عليكم ونحمّس أفكار أبي بكر وكمان نبارك التسجيل يا آمنة..
++++++
أبوبكر يا أخضر النيّات.. سؤال تاني.. جادي زي الأول.. ماهي العلاقة التي بين التصحر ودولة هربرت كتشنر؟ لو ما عجبك السؤال.. باصر لينا مقاربة للسؤال التحت دا، سؤالك، وأقطع لينا فيهو قطع أخدر، الله يخدِّر ضراعك.. (كيف لنا في السودان الخروج من مأزق الفقر البيئي وتطوير الموارد وجعلها طوق نجاة من الفقر المادي؟)! عارفو سؤال صعب والله.. لكن الأصعب هو أن تلتف الإجابة على معطيات الواقع السياسي.. جرِّب!!
11-07-2018, 11:38 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
هاشم الحسن كيف حالك ؟ وكتر خيركم على التفقد والسؤال إنت وهيثم غالي. الغياب بسبب الانشغال في مشاريع خاصة.. وأخرى عامة. لكن مرات مرات بطل وسبحان الله دايما بصادف جدعاتك الحريفة هنا وهناك التي تثري وتقيم اعوجاج بعض البوستات والكتابات..
أليكس دي وال كلامه صحيح مية المية..وهو نفس كلامي من زمان الكنت بنتقد فيهو بعض دكاكين المنظمات الطوعية وبعض التنظيمات السياسية .. لكن صدقني دا احنا غلااابة.. وكللل الدعوات الجاتنا جاتنا في صمة خشمنا.. بعد سعينا الطبيعي والمشروع للتشبيك مع الخضر حول العالم. ومعظم هذه الدعوات لم نتمكن من تلبيتها نسبة لعوائق مادية وأخرى تتعلق بالفيزا. مش قلت ليكم العلاقات والنفوذ والسلطة والقروش بتلعب دور في فعالية التنظيمات في اللعبة السياسية عندنا بأكثر مما عندهم ؟.. ولكننا رغم ذلك متفائلون.. وغير مستعجلين على الحاجات من يومنا البدينا.. وبنبنيها طوبة طوبة وعارفين ماشين وين وجايين من وين. . فدرب التغيير حتى لو شائك حا نعبده غصبا عنه هههههه وبالمناسبة أصلا ما وقفنا ولا يوم على العمل على التغيير.. لكن بس يمكن شوفنا للتغيير بيختلف عن شوف سياسيينا التقليدي..
-------- وقول لأبكر الطويل على قول كبر : معطيات الواقع السياسي ما ياها الكنتة ذااااتها... فورينا حا تقدر تنجز حاجاتك القلتها دي كيف بدون تغيير سياسي ؟ وحكومتك الريعية بتاعة هات هات في كل ملف وصغيرة وكبيرة دي حا تتصرف معاها كيف ؟
نفس المعضلة دي هي الصنعت تنظيمات الخضر السياسية على فكرة وجعلتها تخوض غمار السياسة علشان تقدر تمتلك آلية لتحقيق رؤاها. راجع تاريخ نشوء فكرة أحزاب الخضر. وانا صغيرة زمااان قريت لقاء مع رئيسة أول حزب خضر ألماني ومن خشمها من اليوم داك عرفت التحديات وبسببها جاتني الفكرة.
علشان كدا يا أبكر الطويل دايما بضحك على الناس البيقولوا ما دايرين سياسة.. هو في شنو غير السياسة في الدنيا دي ؟!! لا مفر منها حتى بالنسبة لراعي الضان في الخلا أو ربة المنزل جوه بطن بيتها. فبركة السياسة دي لازم تغطس فيها وتستحم بيها كمان لأنه في الواقع المجرات نفسها تدار سياسيا.
11-08-2018, 09:22 AM
هاشم الحسن هاشم الحسن
تاريخ التسجيل: 04-07-2004
مجموع المشاركات: 1428
آمنة جيدن جيتي، لكن، بالله ما تدخلي لينا من باب السياسة وفقط.. أمس قرأت مقالك في صفحة المقالات، سياسة http://sudaneseonline.com/board/7/msg/1541539396.html وقلت سأرجع أقرأ تاني بعدما تتفاهمي مع صاحبنا، الغائب بقراره برضو، عليش الريدة:) رغم إني، والحق يجب أن يقال: تخوفت من طغيان خطاب (اللبرالية الإجتماعية)، الخطاب برجوازي التعلقات والتطلعات أيضا (حقا، وليس توصيفا سياسيا فقط)، على خطاب الأولويات! لكن،،، المهم؛ كما قد سيقول صاحبنا:). ======= أبكر، تعال أسمع كلام آمنة دا وصلتا معاك حد معترك المعارج السياسية
في الواقع المجرات نفسها تدار سياسيا. ======= غايتو أنا عجبني كلامك التالي دا، لأنو صاح وشجاع كالعادة، حتى لو الدنيا ماشة (عكس عكس):) أليكس دي وال كلامه صحيح مية المية.. وهو نفس كلامي من زمان الكنت بنتقد فيهو بعض دكاكين المنظمات الطوعية وبعض التنظيمات السياسية ..
هذا، مع إني متأكد من وجود واستمرار وتكاثر هذه الدكاكين.. وأيضا من التواطؤ النظامي مع فكرة دكاكين الصفوة لتجارة السياسة بالقطاعي.. ======= أما هذه، فتحول لعناية المستنير الأخضر، حيوافق شنّها طبق كلامو الأولاني. لكن بس يمكن شوفنا للتغيير بيختلف عن شوف سياسيينا التقليدي..
11-08-2018, 12:41 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3480
في شيوعيين راكبين طيارة ووقعت بيهم في جزيرة نائية، بعد اتنفضوا من الطين سألوا ناس الجزيرة: منو الحاكمكم؟ ناس الجزيرة قالوا ليهم: ما في زول حاكمنا وما عندنا حكومة رد الشيوعيين: برضو نحن معارضة
فشنو؟ البرجع السودان ويعيش فيهو بكتشف سودان تاني
سودان داير ساس لمعيشة الناس من أول وجديد ما في حزب سياسي حي لا يوجد كيزان الناس الذين يشغلون الرظائف السياسية يجدون فيها مخرج من الفقر الشخصي عادي لو عفوك من المنصب ممكن تجعر، البلد محتاجة لافكار جديدة وتجارب ذكية تنشل الناس من الفقر، عشان الناس تُمارس سياسة لازم تلقى لقمة أول
المهم يا هاشم، نحن لا نختلف مع آمنة الا زي ما قلت الأولويات
المعارضين القاعدين خارج السودان يتمنون شيء واحد؛ الانتقام من الكيزان المشكلة الميزان ذاتهم غير موجودين
11-08-2018, 12:51 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
ابوبكر عباس وشركاه من هسي حيرفضوا ليك الاسم ناس تسجيل الاحزاب انا لي سنين بحاول اسجل وبيرفضوا بحجة ان الاسم غير مناسب ويدعوا لشنو كدة ماعارف بس عشان فيهو كلمة (شباب)
11-08-2018, 01:39 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
محمد البشرى الخضر
جلالدونا
علي دفع الله
MOHAMMED ELSHEIKH
عبدالله عثمان
Deng
علي عبدالوهاب عثمان
Kamal Alalla
Yousuf Taha
Asim Ali
محمد على طه الملك
ممدوح أبارو
elhilayla
Frankly
Kabar
هاشم الحسن
عبدالحفيظ ابوسن
حاتم إبراهيم
Ahmed Yassin
محمد محمد قاضي
فيس بوك
تويتر
انستقرام
يوتيوب
بنتيريست