اي زول يقول كلام من الآتي عايز يصرفك عن مكان الازمة الحقيقي ويشتت الكتمة وهو شريك حقيقي في ازمتنا :
-معتز فشل في ادارة الاقتصاد وعليه الاستقالة وعلى البشير حل الحكومة وتكوين حكومة ازمة. -التجار جشعين يتاجروا بازمات الناس وبي يدسو السلع و هم الوصلونا لما نحن فيه. -مضاربات تجار العملة هي التي ادت لتصاعد الدولار وديل سبب الارتفاع الجنوني. -خلافات معتز وصلاح قوش وصلاح قوش عايز ينتقم من معتز ويفشله. - على جهاز الامن عدم التراخي وان يضرب بيد من حديد للمتلاعبين في الاقتصاد. -نحن بعدنا عن الدين والشريعة ، والمظاهر السالبة على الوصلتنا لهنا وتوبو واستغفروا يفتح عليكم رزقكم . - الناس تتكاتف وتتراحم وما تظلم وما تتجاوز في الصفوف والهلع هو الخلق الازمات. -المصريين او اي دولة تانية هم سبب الازمة زوروا العملة .. فتحو جبهة ارتيريا احتلوا ارضنا .. الخ - اي كلام يفتح عن علاقات بين السودان و اسرائيل في التوقيت ده واضح الغرض منو. - بوستات الصوفية والسلفيين البتتفتح في التوقيت ده. ....... كمان أي صحفي او كاتب رأي مهما اظهر من تعاطف واحساس بالأزمة يدور مضمون عموده حول واحدة من الفوق ديل يا ارزقي وهم الاغلبية عينة الهندي وضياء والطاهر التوم . او خايف من خطوط جهاز الامن الحمراء عينة عثمان ميرغني. ................... الازمة مكانا معروف و المتسبب فيها الاول والاخير معروف .. ياهو الزول البتحاوم من اثيوبيا لبيلا روسيا وصورو واضح عليها الفرح والسعادة ولا حاسي بأي انين ومعاناة نركز كلنا مرة واحدة ونخلص منو خلاص حقيقي للابد.
الهادي بورتسودان - فيسبوك
12-15-2018, 02:59 PM
مني عمسيب
مني عمسيب
تاريخ التسجيل: 08-22-2012
مجموع المشاركات: 15691
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة