|
Re: تفوق الخرطوم اشارة سالبة (Re: عبدالحفيظ ابوسن)
|
البلد كشت والخدمات والتعليم والعلاج اقتصر على العاصمة والدائرة ماشة تضيق بعد شوية يمكن الشغلة تصفصف على مددارس واحياء معينة ما عارف لكن اعتقد وفي عهد الكيزان نتائج الشهادة السودانية تتعرض لـ (تشذيب) ولـ(تجميل ) لزوم الشو والتغطية الاعلامية البقت مصاحبة للحدث امس والد طالبة احرزت مرتبة متقدمة بيقول رفعتو لراسو من سجدة الشكر لقى ناس التلفزيون قدامو
جمعة مباركة وتقبل الله منكم ومنا الاخ ابوسن
| |
|
|
|
|
|
|
Re: تفوق الخرطوم اشارة سالبة (Re: مهدي صلاح)
|
وطن الكيزان يا حفيظ .. وطن الانقاذ ..
ما يحدث في السودان هو حالة من انحسار الدولة وحصرها في مساحة ولاية الخرطوم ..
ياخ ديل عملو جيش بديل من خارج دولة الخرطوم للقيام بمهام الجيش السوداني خارج الولاية ..
داخل ولاية الخرطوم تشاهد انحسار الدولة وحصرها داخل اجزاء من الولاية .. وتلاحظ بسهولة تامة من داخل الخرطوم وجود كبير لثنائية المركز والهامش وبحيث يكون المركز محصورا في الخرطوم الادارية واحياءها الضرورية الرياض والطائف والمنشية والعمارات وكافوري وبعض الاحياء المتفرقة في الخرطوم و كم حي في أمدرمان وبحري..
لهذه المساحة المحصورة تتوفر مقومات الدولة التعليم والبيئة والصحة من خلال مؤسسات موازية لمؤسسات الدولة .. وحول هذه المساحة يدور كل الاعلام الرسمي ناس البلو نايل و سودانية 24 الخ .. ببناتها السمحات واستيديوهاتها الفخمة وبرامج طبخها ومساءاتها الجديدة العامرة بالغناء
للامر علاقة بسيكلوجية الدولة المستبدة عندما تبلغ من الفشل عتيا ..
| |
|
|
|
|
|
|
Re: تفوق الخرطوم اشارة سالبة (Re: محمد حيدر المشرف)
|
سلام على الجميع تصدق يا حفيظ فتحت بوست في الفيس بنفس الفكرة و المضمون بس انا زدت المدارس شوية .... الأوائل يا حفيظ كانوا بيجوا من رمبيك الثانوية و كسلا بنين و عطبرة بنات ... سنتين على التوالي الأول من كوستي بنين.... ذي ما قالوا الشباب السودان في حالة تقلص و انكماش ما في حل غير يعملوا شهادة خرطومية و شهادة سودانية عشان تكون فير شوية....
| |
|
|
|
|
|
|
Re: تفوق الخرطوم اشارة سالبة (Re: محمد جبره)
|
امس خالد السيد فتح بوست عن درجات مادة الفيزياء
وقال ملاحظين شنو ؟!
مافي زول تداخل ولا هو رجع للبوست
في نفس اليوم وجدت تعليقات معلمين في الفيس
عن تطابق الاجابات مع الكتاب
ويمكن ربط ذلك مع التفوق بالخرطوم ومدارس معينة
| |
|
|
|
|
|
|
Re: تفوق الخرطوم اشارة سالبة (Re: عبداللطيف حسن علي)
|
التضييق التنموي في مساحة الخرطوم و اهمال باقي الوطن بين الحروب و الفقر المدقع هي اثبات لقضية الهامش و المركز التي اصبحت واضحة للعيان و رغم ان التعليم فقد مصداقيته الان ان الفوارق تزداد و هذا يعضد صراع قادم من الولايات ضد الإحتلال العاصمي
| |
|
|
|
|
|
|
Re: تفوق الخرطوم اشارة سالبة (Re: نزار النظيف السائر)
|
أدناه منقول من الواتس ... عفوا" إذا بطنك طمت وشعرتا بي دوخه ..
Quote: الكلام دا خلى نشوف تعليق د.محمود ميسره السراج على مؤتمر الشهادة السودانية
اذا تابعت المؤتمر الصحفي الذي اعلنت من خلاله نتيجة امتحانات الشهادة السودانية ستكتشف ان معظم اوائل الشهادة وبنسبة ساحقة ماحقة قد تركزوا في ولاية واحدة فقط..بل ستكتشف ان مدرسة وحيدة في سنتر الخرطوم ، الخرطوم المدينة وليس ام درمان وليس بحري ، يقبل لها الطلبة المتفوفون الذين يقطنون في دائرة قطرها اقل من اتنين كيلو متر حول هذه المدرسة كان لها نصيب الاسد في المائة اسم الاوائل الذين تم الاعلان عنهم ..فقبل كل طالب من مدرسة اخرى يتم الاعلان عن طالب في هذه المدرسة وبعد كل طالب من مدرسة اخرى يأتي احد طلبة هذه المدرسة..هذا شئ غريب جدا لا تفسير له الا بواحد من اثنين: اما ان كل العقول العبقرية اختارت بطريقة غامضة ان تسكن حول تلك المدرسة في سنتر الخرطوم حتى يتسنى لابنائها ان يحظوا بالقبول فيها بعد الانتهاء من امتحانات مرحلة الاساس ، بحكم القرب الجغرافي الذي على اساسه يتم توزيع الطلبة على المدارس ، او ان معلمي هذه المدرسة تحديدا هم من السحرة والجن المصرم (المؤمن)..اما اذا لم يكن ايا من التفسيرين آنفي الذكر واقعيا فان اسئلة مشروعة ينبغي ان تطرح وان تقدم لها اجابات وتفسيرات منطقية..لماذا حدث ويحدث هذا وكيف؟ شكوك عظيمة تدور حول العملية التعليمية بمجملها في زمن الانقاذ هذا..فمنذ ان بدأ التمكين وانتقل بالتوازي بعد السيطرة على الخدمة المدنية الى تركيز ثروة البلاد بمجملها لدى اسماء بعينها وتركيز الثروة البشرية - ان جاز التعبير - في مدارس بعينها تحت عنوان ابليسي شديد الغموض اسمه المدارس النموذجية..فكرة المدارس النموذجية يا سادتي وبالطريقة التي تم ويتم تطبيقها في هذا البلد المنكوب انتهت وبضربة واحدة من شئ اسمه المنافسة الشريفة ، مرة والى الابد..هذا الشئ ليس وليد هذه السنة بل انه يتكرر وبنفس السيناريو مع تنويعات قليلة جدا في التفاصيل في كل سنة..يتكرر منذ تلك اللحظة التاريخية التي تفتقت فيها عبقرية الانقاذ عن ما يسمى بالمدارس النموذجية ..يستحيل ان يقبل عقل انه ومن بين اكثر من نصف مليون طالب وطالبة درسوا وتوزعوا وامتحنوا في آلاف المدارس في مختلف ارجاء الوطن الحبيب تصبح بقعة صغيرة في سنتر الخرطوم لا تزيد مساحتها عن كيلومترات قليلة جدا هي المضخ الحقيقي والمصنع الاكبر والينبوع الاوحد للعبقرية والنبوغ.. هنالك فساد عظيم جدا لابد ان ياتي اليوم لكشف الغطاء عنه اصاب العملية التعليمية في هذا البلد في مقتل.. عندما امتحنا الشهادة الثانوية كان أول السودان من خورطقت..وتوزع العشرة الاوائل على مختلف ولايات السودان..ومن بين حوالي 200 طالب وطالبة تحصلوا على الدرجات الاعلى في المساق العلمي احياء، وعندما تم تسكيننا في البركس في داخلية اربعات تجمعنا نحن القادمين من ام درمان في غرفة..الغرفة التي تلي غرفتنا مباشرة كان فيها طلبة من كسلا والتي تليها من نيالا ثم من دنقلا ومن الفاشر ومن الجزيرة ومن بورتسودان ومن ومن ومن..بعد انتقالنا من البرلم لتانية (اتشكت) المسألة مرة تانية فكنت تجد في غرفة واحدة طلبة يمثلون مختلف سحنات الوطن الحبيب بمختلف مدنه واريافه..وقتها كنت تقف في منتصف المجمع الطبي فتلاقي كل السودان..كل السودان حرفيا..وقتها كانت هناك منافسة عادلة..وقتها كان هنالك صدق ولم يكن من الوارد ابدا ان تجد في كلية واحدة او جامعة واحدة طلبة يمثل معظمهم منطقة لا تتجاوز مساحتها بضعة كيلومترات مربعة في سنتر الخرطوم.. قليل من العدل يا الهي |
| |
|
|
|
|
|
|
Re: تفوق الخرطوم اشارة سالبة (Re: Salah Zubeir)
|
سلام يا حفيظ في كلام جاني بي الواتس عن تصريحات للوزيرة المبجلة تذكر فيه أنه يوجد تطابق غرييب في الاجابات وكلام تاني كتير حول نسب نجاح مشكوك في صحتها كدي شوف لينا الموضوع حسب خبرتك النشوف فيه شنو وهل هو صحيح كلام الوزيرة ولا هو شتل واتس ساي مع العلم أنه معظم ما ورد من شكوك وتحايل في امتحانات الشهادة لهذا العام صحيح
بالجد مهزلة تفوق التصور
| |
|
|
|
|
|
|
Re: تفوق الخرطوم اشارة سالبة (Re: عمر أبوعاقلة)
|
دا كلام الواتس:
Quote: العجب العجاب تقوله وزيرة التربية والتعليم!!!!! معظم الطلاب تفوقوا بنسب تفوق ال 90% مما يثير الشكوك !!! تطابق عجيب في الاجابات على أسئلة الامتحانات !!!
المشتركون في المركز الأول وصل الى 2700 تلميذ لذا تأخرنا في إعلان النتيجة لإيجاد حل ..
الوزيرة : للأسف في ناس حيتظلمواك لأنهم جابوا النمرة الكاملة باجتهاد وشطارة وسننقص نمرهم تماما مثل من غشوا لكي نوزن النتائج ؟؟؟ !!!!! كلام عجيب جدا !!!! معظم الطلاب درجاتهم تفوق ال 90% مما يثير الشك ويصعب التعامل معه ... هذا تصريح الوزيرة
من أين لمعظم الطلاب 90% متي كان يحدث هذا التفوق من قبل... امتحان مكشوف ونتيجة مشكوك فيها أم كان هناك تساهلا في التصحيح وكلفتة ؟ أم أن الامتحان كلو كان مكشوف وليس الكيمياء فقط و لاحظ عبارة التطابق التطابق الهائل في الاجابات حسب تصريح الوزيرة وحسب كلام الوزيرة المشتركين في المركز الاول 2700 طالب عشان كدة اخروها عشان يشوفو حل بس للاسف في ناس مسكينة حاتتظلم يعني في ناس فعلا جايبة النمرة الكاملة باجتهاد وشطارة حينقصو نمرهم زيهم وزي الغاشين عشان يوزنو النتيجة
هذه نهاية كل شئ جميل في السودان ياربي بعد دا برحلو ولا لسه عندهم شئ تاني دايرين يدمروه هذا تعليق على حديث الوزيرة من معلم من الجيل القديم في التعليم
منقول |
| |
|
|
|
|
|
|
Re: تفوق الخرطوم اشارة سالبة (Re: عبدالحفيظ ابوسن)
|
زمان يا حفيظ كان التعليم قائم على المدرسه وبالتالي على المعلمين وما كان للبيت اي دور في المسأله دي او دور ضعيف فما في واحد من الناس الهنا ديل كمثال امو راجعت ليهو او ابوهو شرح ليهو قد تكون حتة ابوهو دي حصلت مره او مرتين الان الدور الاكبر في التعليم على البيت الامهات ربنا يديهن الصحه الطفل من يجي من المدرسه تبداء معاهو تدريس وشرح او كمان الاب يطلع قروشو ودروس خصوصيه ومعلمين خاصين فالمنهج حشو وقائم على الحفظ لا ابداع ولا تفكير ودي اشاره سلبيه غالب المتفوقين في السابق كانوا اولاد الفقراء والطبقه الوسطى الان اغلبهم ابناء الاغنياء وكبار الموظفين المدارس النموذجيه من زمان كان طلابه بحتلوا قائمة المتفوقين دا ما جديد وخور عمر دليل وهي حقيقه كانت المدرسه النموذجيه الوحيده ميزة خور عمر انها بتقبل من كل السودان والمدارس النموذجيه الان في الخرطوم بس ودي اشاره سلبيه قصة انو الخرطوم متفوقه دا لانو الخرطوم بتركز فيها نص سكان السودان وطبعا دا بي سبب تركيز الخدمات فيها ودي الاشاره السلبيه الكبيره ولو رجعت لي اغلب المتفوقين بتلقى اصولهم القريبه في الاقاليم يعني ما بتلقى للواحد جد في الخرطوم الغريب في الامر انو 20 طالب من ال 30 الاوائل من مدرسه واحده فهناك سر في المدرسه غير انها نموذجيه
| |
|
|
|
|
|
|
Re: تفوق الخرطوم اشارة سالبة (Re: علي محمد الفكي)
|
Quote: تفوق الخرطوم اشارة سالبة |
سلام يا حفيظ
خلينى آخد تفوق الخرطوم من زاوية اخرى . التفوق يرجع الى اعداد هائلة من الطلاب والطالبات الذين اتى بهم ذويهم من الخارج من امريكا وكندا واوربا ودول الخليج وافريقيا وآسيا وهؤلاء اسرهم يقومون ومن اجل نجاحهم بالسعى الى اشراكهم فى مجموعات الدروس الخصوصية , وايضا لاتنسى اولاد المقتدرين فى الخرطوم وايضا القادمين اليها من الاقاليم ذووهم يقومون بادخالهم فى مجموعات الدروس الخصوصية .. يعنى بالواضح يا حفيظ الدروس الخصوصية ايضاً لها دور فى تفوق مدارس الخرطوم .
| |
|
|
|
|
|
|
|