|
Re: تحية مستوصف اليمامة الخاص كوستي (Re: عبدالحفيظ ابوسن)
|
امس وبعد صلاة الجمعة مباشرة ، اتصلت بي زوجتي هلعة خائفة علا دة تعبان شديد اجبتها بكلمة واحد حاولت ان تكون باردة متماسكة خلاس انا جاي وكنت في الشغل عشرات سيناريوهات تعبان مرت بذهني ، وكلها لم تكن مطمئنة . دارت عشرات الافكار السوداء في رأسي وزادها سوءا ان اليوم جمعة ورمضان ، تتوقف الحياة في مثل هذا اليوم اوصلتني افكاري المضطربة للبيت في زمن حسبته قياسي ولم اشعر به كانت الافكار المتشائمة تتناوب حملي ، وعقلي يدور كترس سريع واضعا خطة العمل لأي توقع ماذا سأفعل ؟ واليوم جمعة ورمضان ؟ وصلت المنزل وانا بحالة يرثي لها من الداخل ومتماسك جدا من الخارج عندو ضيق نفس ، يتنفس بصعوبة ، فاقد للنشاط والحيوية ، يبدو عليه الاعياء
| |
|
|
|
|
|
|
Re: تحية مستوصف اليمامة الخاص كوستي (Re: عبدالحفيظ ابوسن)
|
تسلم زهير اليوم جمعة والامة ضاربة النوم عشان رمضان ، لكن مافي سكة ، الحالة حرجة والموقف يعطل الحساسية الذوقية والاتوكيت ، اخصائية الاطفال وزوجها اخوان واصدقاء بالنسبة لي الحوادث ينعق فيها بؤس الخراب وصمت الاموات اتصلت بالدكتورة فلم ترد ، فصعبت علي نفسي واحسست بقلة ذوقي . وانغلق مخي بغتة ثم بدأ في داخلي خيارات اخري . وتذكر ممن اعرف من الاطباء حتي خارج السودان .. المودر فتش خشم البقارة وحين عزمت علي الاتصال بأحدهم عادت لي الدكتورة باتصال معتذرة وانا كنت اسيرا للاحراج اعتذرت جدا رغم صداقتنا البائنة ثم انا جاي عليك في البيت حبابك ألف تشرف
| |
|
|
|
|
|
|
Re: تحية مستوصف اليمامة الخاص كوستي (Re: عبدالحفيظ ابوسن)
|
التشخيص بعد الفحص ... ازمة كما نسمبها كتبت علاجات ومن الضمن الذهاب للمستشفي لاخذ جرعة بواسطة جهاز المنوبلايزر وحق بالوريد واكسجين دي الا مستشفي بس دة الخايف منو لكن يا دكتورة مافي سكة تجليني من المستشفي دة ؟ الدنيا جمعة ورمضان لا والله مافي سكة ياخد تلاتة جرع في ظرف ساعة . وبعد داك يواصل علاج . الازمة غدارة لكن هي عاد المستشفي فاضي؟! امشو اليمامة انا اخو اليمامة واليوم جمعة وانا جيت جاري جري ما مستعد للنهاية . ما كمان المنطق منطق وانا اخاطب في نفسي قلت ليها جدا مرقنا ركشااااا ركبنا والمخ مدور .. طيب انزلهم في المستوصف وابدا الاجراءات وامشي السوق اجيب قروش واجي . لكن ياربي بقبلو ؟ وانا احسب في جيبي سرا عندي 978 ج . يا زول بتتحل النصل اول وصلنا مشيت لناس الحسابات قروا التشخيص والارشادات طوالي قال لي خش الباب الاخدر علي يمينك استغربت جدا كنت بدفع اول حتي اخش يا زول خير امكن الحساب بعد تاكل ما بتطلب من الكاشير ويديك ورقة 😆😆😆
| |
|
|
|
|
|
|
Re: تحية مستوصف اليمامة الخاص كوستي (Re: عبدالحفيظ ابوسن)
|
مشيت الباب القالوا دفرتو لقيت دكتور اديتو الورق .. ورقتين تحديدا عاين فيهن قوي .. والله انا من الخلعة شايلهم ولا عاينت ليهم مسك ورقة ورجع لي ورقة دي امشي الاجزخانة جيب لينا الادوية دي ودخل الولد الطواري انخلعت طبعا عندكم طواري ؟! ايوة علي يدك اليمين فعلا كانت في وشي وانا داخل ويافطة ضخمة تعلوها علا وامو اختو خشو الطواري وانا مشيت جبت الادوية معاملة راقية واهتمام وبنات صغار سيسترات عارفات شغلهن وتعاملن بكل ادب واحترافية وتهذيب معانا ومداعبات مع علا وونسة فقلت حدة توترنا اخدنا علاجاتنا ومرقنا قريب صلاة المغرب وعلا نايم
| |
|
|
|
|
|
|
Re: تحية مستوصف اليمامة الخاص كوستي (Re: محمد حيدر المشرف)
|
تحية ليهم مش عشان علا ولدي عشان شغالين طواري مجانا وهم مستوصف المستشفيات الحكومية داقة جرس في الطواري وقصص عن ناس تم رفضهم في الطواري من المستوصفات عشان كدة وجب تحيتهم طواري علي مستوي راقي جدا وبنات مؤهلات ولطيفات حتي الدكتور كان مهتم جدا نيابة عن اهل كوستي اتقدم بالشكر ليهم لكل طاقم الطواري ولادارة المستوصف ومالكيه تصرح الحكومة بمجانية الطواري ثم لا تقدم شيئا
| |
|
|
|
|
|
|
Re: تحية مستوصف اليمامة الخاص كوستي (Re: عبدالحفيظ ابوسن)
|
يا ود ابسن بعد الشر لعلاء وام علاء واسرة علاء وعلى رأسهم الوالد والف الف تحية لاسرة مستوصف اليمامة ولسا في البلد ناس نبيلة تدفعك للفخر بهم بالمناسبة انا من المأزومين اي ورثة الازمة من امي منذ صغري إلى يومنا هذا تأتيني نوبات ولكن اتخارج منها ب (الفنتلين ventolin) بخاخ ولكن اكتشفت ان الفنتولين الهندي والمصري والاردني الفي السودان اي كلام عشان كدا برسلوا لي اولادي من جنيف أن حببت فلا مانع عندي من مدكم بما عندي الأن وفي المستقبل كلما جاءتني جرعة يكون لعلاء حظ فيها واسأل الله له الشفاء التام وان لا يكون مثلي فترافقه الازمة حتى كهولته ورمضان كريم
| |
|
|
|
|
|
|
Re: تحية مستوصف اليمامة الخاص كوستي (Re: معاوية الزبير)
|
الف سلامة لابننا علاء وربنا يشفيه شفاء تاما وما يشوف شر ..
التحية لكل انسان يحترم انسانيته اولا ويعمل من اجل الآخرين ..
تحية خاصة لكل العاملين في مستوصف اليمامة .. وهذه من الإضاءات الجميلة في زمن البؤس هذا
وكل عام وانتم بخير
| |
|
|
|
|
|
|
Re: تحية مستوصف اليمامة الخاص كوستي (Re: Dr. Ahmed Amin)
|
آمين معاوية فعلا بستحقو الاشادة والشكر لعل كون المساهمين فيه من كوستي كانت سببا في هذا الاجراء . يا بسمات المستوصفات عموما تمتص ما تبقي من دم المواطن بعد تجاهل الحكومة للمستشفيات العامة ، لو كنتي متابعة للاخبار نشأت كم مشكلة ومأساة في الخرطوم لرفض المستوصفات استقبال الطواري، مافي مجانا كلو بقروش بل بعضهم دخل في مأزق كون انه او احد اولاده تعرض لحادث وتم ادخاله لاقرب مستوصف وتمت مطالبته بمبلغ ضخم ، اعرف حادثة من تلك الحوادث . التحية لهم احمد الامين ولكل من يعلي من شأن نفسه بإعلاء قيم الانسانية
| |
|
|
|
|
|
|
Re: تحية مستوصف اليمامة الخاص كوستي (Re: عبدالحفيظ ابوسن)
|
. ألف حمد لله على سلامة علاء والتحية لمستوصف اليمامة.. وخدمة الطواري دي شغل حكومة ...في البلد الأنا فيها دي أطلب الإسعاف في أي وقت وأي ساعة... في ظرف عشرة دقايق بيكون معاك ... لأن هنالك موقع اسعاف في كل حي مجهز بغرفة للطاقم ومظلة للإسعافات ..عند الإتصال بحاول يسألك تلاته اربعة أسئلة وهو في هذا الوقت بعمل على تحديد اللوكيشن.... يعني بعد كده ما بتحتاج تقول ليهو يمين شمال.. عشرة دقايق بيقيف قدام البيت ... طاقم الإسعاف بيقوموا بالإجراءات الأولية نحو المريض وبياخدوه للطواريء مع مرافق واحد... هذه الخدمة بالإضافة لما يتم عمله للمريض بالطواريء مجانية... ولا فرق بين مواطن ومقيم... يحدث ذلك في قطر . ألف سلامه لعلاء يا ابسن
| |
|
|
|
|
|
|
Re: تحية مستوصف اليمامة الخاص كوستي (Re: محمد فضل الله المكى)
|
حمد لله علي سلامة المدام مع الأماني لها وأسرتها بمزيدا من الصحة والعافية - معا من مجانية العلاج والتعليم والصحة وأن توجه موارد الدولة - كأولوية - نحو الإنسان - صحته وتعليمه بدلا من إهدارها - تبديدا وفسادا - وحصر معظمها لتغذية الأجهزة الأمنية ومن أجل حماية الكرسي -
| |
|
|
|
|
|
|
|