|
Re: بيان الصادق المهدي حول زيارة أردوغان .. لو (Re: يحي قباني)
|
اما " الشعقيبة "
فهي تتعلق بالجنس الاخر عند ختان احدى بنات الفريق يقومن صاحباتها بنات الفريق يشيلن صحن عليه (ضريرة) مكونة من صندل ومحلب وكركار ويتحاومن الفريق والسوق ويعرضن الصحن فيقوم المارة بوضع النقود على الصحن (قرش وتعريفة) ويحضرن القروش الى المحتفى بها
| |
|
|
|
|
|
|
Re: بيان الصادق المهدي حول زيارة أردوغان .. لو (Re: MOHAMMED ELSHEIKH)
|
اعتقد المقال واضح وبصراحه كثير من النقاط معقولة جدا
الشعقيبه (فال) وعادة تحدث عند دق الريحه في الزواج والختان حيث يأتي الشباب علي نساء ( دق الريحة) فيقمن بتعطيرهم ومع الزغاريد يدفع الشباب ويقال له ( مشعوق) قال الشاعر الفحل / محمد طه القدال .......في قصيدة الرصينة كلام الرتينه بت سالم في حنة علي الشاشوق
وعيط ود مجمر زين عشان الزينه رقصت زين وفي الشعقيبه كان بازمالو شبالين
| |
|
|
|
|
|
|
Re: بيان الصادق المهدي حول زيارة أردوغان .. لو (Re: يحي قباني)
|
سلام مربع
يا يحيى قباني .. غايتو المرة دي جليتها
ياخي أهم جزئية معقولة تكون مرت عليك ساكت
قال ليك الزيارة بتاعة أردوغان دي الحكومة جيرتها لنفسها وكانت زيارة حكومية بإمتياز ولم يتركوا مجال للمشاركة للقوى الشعبية ذات الوزن
شفت كيف ؟ يعني ما يكلموا الصادق المهدي ليه يجي يقابل معاهم أردوغان أو بالميت كدا ولده عبد الرحمن !
الناس ديل عايشين جوه ذاتياتهم بعمق !
مع تحياتي،،،
عاصم فقيري
| |
|
|
|
|
|
|
Re: بيان الصادق المهدي حول زيارة أردوغان .. لو (Re: Asim Fageary)
|
Quote: آل المهدى شتتوا التُرك
شتتو الكورة لحدى ما (برتغان) ده فهم حاجة
سيدى المهدى شايت كى
وبنتا الإسمها مريم المنصورة من جوادها شايتها كى
وولد المهدى زااتا الإسما عبدرحمن مستشار البشير شايت كى
كل سنة وانت طيب يا يحى.. |
و انت بألف خير يا جميل ...
أبو كلام لقى رقبتو قاعد بره الشغلانية ...
قام مسك فلسكاب و رجع لي ورجغتو القديمة ...
بالجد بقى ممل ...
| |
|
|
|
|
|
|
Re: بيان الصادق المهدي حول زيارة أردوغان .. لو (Re: الطيب رحمه قريمان)
|
الشعقيبة هي المساعدة الاجتماعية البقدموها للمحتفي به وكانت قدح ما صحن . والدي الله يرحمو لامن توفي يقول ليك رسلت ليهم قدحي وبقت هسة شوبس اظنها جاية من الانجليزية show والسودانية بس وزي مال قال العزيز مستذكرا القدال في قصيدة الرتينة بت سالم وفي الشعقيبة كان بازمالو شبالين اما بالنسبة للصادق فهو كما قال المحجوب اظنه لو رأي جنازة كثر مشيعوها لتمني ان يكون مكان الميت معقولا اردوغان يجي ويرجع وهو برة الحيصة دي ما بتجي ياخ اردوغان زاتو شن طعمو
| |
|
|
|
|
|
|
Re: بيان الصادق المهدي حول زيارة أردوغان .. لو (Re: عبدالله عثمان)
|
جوك النوبيين يا ود ابسن هسة ويقولو ليك هي "شوبش" وهي موجودة من قبل أن ينطق الغال والجيرمان بلسان غير نوبي مبين لعلك تذكر قصة د. أبو في كوستي والشوبش وهي أشهر من أن تذاع لو ما سمعتها أسأل منها عرمان أو جلال الجزار (:)
سلام وتحايا .. أخي عبدالله عثمان .. نعم هي شوبش كلمة نوبية
مع تحياتي،،،
عاصم فقيري
| |
|
|
|
|
|
|
Re: بيان الصادق المهدي حول زيارة أردوغان .. لو (Re: Asim Fageary)
|
Quote: في خطابي في مناسبة 25 ديسمبر تطرقت لهذه الزيارة ولكن ما رشح عن كلامي في بعض الصحف كان انتقائياً، لذلك أصدر هذا البيان توضيحاً للموقف:
|
لإكتمال الصور وين خطاب ميلاد المسيح فى 25 ديسمبر؟ فالبيان تعقيبا وتوضيحا لبعض ما جاء فيه
وأيضا مرتبط بمطالبة أوردغان بالإعتذار عن أحداث ما قبل قرن من الزمان؟
| |
|
|
|
|
|
|
|