05:24 AM January, 23 2018 سودانيز اون لاين Osman Musa- مكتبتى رابط مختصر بول الناقة البكر بدري الصباح علاج قديم جديد للكتير من الأمراض الباطنية ما عليك إلا تسد نخر تك وتنتح الكورية بعد ما تلاقيها الناقة . والناقة السودانية فقط والانجع ناقة بوادي الكبابيش . قالوا السر في عشب المنطقة . سبحان الله .
فى مزرعة فى شرق النيل بتاعة ابل وفيها زول متخصص فى علاج السكرى وأمراض تانى ببول الابل انا ما كنت مصدق لغاية ما لاقيت ناس اتعالجو هناك و اكدوا الكلام ده
01-24-2018, 09:27 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيز نا آب ذر سلامات ياخ الحسن ود العجب حلف حليفة قال : الحساسية والنزلات زمن ما فكتو إلا بعد ما نتحلو كورية . قال : طلاق بعد دأك جدع ليك ال amoxicillin هناك ههههههها
01-24-2018, 09:32 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25108
عثمان، عاين، البول عرفناهو لكن ال (بِكر) دي مقصود بيها الناقه ول البول زاتو؟ يعني الناقه كبيرة اخواتا أم الناقة التي لم يسبق لها الزواج يا ابن شيبه؟ أما البولة البكر فهي الصباحية كما ورد في مؤلفات عكرمه باستير صاحب أجزخانة عكاظ بمضارب بن جرهم.. كما ترى في الفيديو أدناه ، قيل أنه يطيل الشعر ويصحح البشره و ينفخ الرغيف وأرجو ألا تقرأ بناتنا هذا الكلام.. قيل أيضا أن بِستِله منه بإشراف المستنير تخليك حنين تتكرَّع كرياتينين .. صديقنا الزاكي عبدالحميد في بوست شهير هنا تشتم رائحته قبل ما تفتح الكومبيوتر قال إن رئيس الهند الأسبق سئل عن سر طول عمره ونشاطه فقال - بحضور الزاكي وجمع كبير من الصحافيين - إن السر يكمن في تناوله بوله هو بصورة منتظمه..
عموما لو عرفت ليك بول إبل ولا بول بريمر يعالج الفي بالي وبالك* كلمني في الهاتف أو (أديني سِلِك) كما يقول جيل اللنغاز..
-
* الفي بالي وبالك دا أقصد به الفي بالي وبالك..
آخر الدعاء: اللهم لا تزنقنا أكتر من كدا..
allowfullscreen>
01-25-2018, 04:30 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيز نا أستاذ محمد المرتضي سلامات رحم الله أخونا خالد شاور والله حزين علي موتو بعد ما انتهي من الماجستير في ال clinical nutrition من جامعة شيكاغو ومع تعبو في شغل المستشفي وشغل التاكسي برضو كان يبحبت في أسرار بول النياق ولبن النياق وعلاقتو بعلاج السرطان . ... الناقة البكر يعني البكره يعني الحاشية يعني البتول ويعني ال virgin . طبعا الحاشي نديدا يعرف كل أسرار الحاشية من شمة واحدة يشمها ويتكرف . وبعد ما يتكرف طوال يعرف الحاصل . بالمناسبة يا محمد في اغنية أمريكية عجيبة عن قصة الشمة والتكرف دي . تقول كاتب الأغنية الأمريكية دي سواها في بادية الكبابيش .
حكى لنا الاخ الاعلامي اللامع الزاكي عبد الحميد انه قد سافر ، في اوائل ثمانينيات القرن الماضي ، الى الهند مبعوث من وكالة السودان للانباء لتغطية مؤتمر صحفي لرئيس الوزراء الهندي الذ يبلغ عمرا ناهذ التسعين
وحكى لنا ان جميع الاسئلة التي طرحها الاعلاميون على رئيس الوزراء الهندي تتعلق بالنزاع الهندي الباكستاني حول جزيرة كشمير
قال لينا بعد انتهى الاعلاميون من اسئلتهم انبرت صحفية من الاكوادور بسؤال شخصي جدا لمعالي الوزير فقالت ليهو ( انت الان يا معاليك بلغت عمرا تحسد عليه و ما زلت حاضر البديهة و مشحون بحيوية و نشاط نحن الشباب ما عندنا فلو سمحت ممكن نعرف وصفتك الغذائية؟
شكرها معالي الوزير على السؤال وقال ليها انا عندما اقوم من النوم في كل صباح بشيل فنجان فاضي بدخل بيهو الحمام بملاهو من بولي لحدى شلاليفو واقوم اقرطع الفنجان دا كلوووووووووو
اها يا عثمان السر موش في بول الناقة السر في بولك انت ذاتك اخد ليك منه جغيمات كل صباح بخليك تنقز براك زي عتود البرمة ههههههههه
01-25-2018, 06:36 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
والله ضحكت لامن إنبسطت خاصة بعد قراية مداخلة أستاذنا ود المرتضى وصديقة اللدود ود شيقوق، بعدين تماها لينا ترهاقا الله يديه العافية.
براى قلت فى نفسى يا ربى نحنا لحقنا مرحلة "العودة إلى الجذور" البهيمية وللا عثمان أخوى داير يرجعنا لـ"طبيعة الأشياء" بتاعة حبيبنا حساس محمد حساس، ود الريح. خاصة وقد طوفت بنا ياأبن عفان من قبل فى خواص البان الإتان (أو الحمير) بعدين كدى شوف التحذير دا
Quote: تحذيرات حديثة من بول الإبل من خلال دراسة فيروس كورونا الذّي انتشرَ مؤخراً في الشرق الأوسط حذرت مُنظّمة الصحة العالميّة مرضى داء السكري، والفشل الكلوي، وأمراض الرئة المزمنة، والأشخاص الذّينَ يُعانون من نقص المناعة من مُخالطة الإبل، ونصحت بتجنُّب شرب حليبها النيئ أو بولها، أو حتّى أكل اللحم الذي لم يُطهَ على النحو السليم، لذلِكَ على الأشخاص الذينَ يُعانونَ من إحدى هذهِ المشاكل الصحيّة تجنُب بول الإبل قدر الإمكان حتّى لو كانَ لأغراضٍ صحيّة واستطبابيّة، واستبداله بالأدوية التي يصفها الطبيب لهم، فكما يُقال: الوقاية خير من قنطار علاج
والله يديكم العافية
01-25-2018, 05:51 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
ههههه يا جماعة حد يصحي ود المدير يحصل سوق الناقة بدل الحقن الملخت كتفينو دي .. التحية ليك يا عثمان وزوارك الكرام.. يا حيدرنا المستنيير تخصصو جمال في الأنعام والعكس في الباقي.
01-25-2018, 06:20 PM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
(يا حيدرنا المستنيير تخصصو جمال في الأنعام والعكس في الباقي.)
لا والله يا مولانا الملك، تجدني لا أتفق معك في هذه فالمستنير الذي عرف موضع جمال النوق كفيل برصده في (أنجدينا ) جولي وكذا في غير ذلك من خلق الله ، مع حالات استثنائية من القبيحين يعلمهم الكافه، وحدة وجود وكده..
المستنير عندو اسكانر للجمال..
هامش: يا مولانا البوست دا ماشي بوتوكس بتناغم في ودالمدير لشنو؟ هسه يجي يتكلم عن معايير الجمال عند السودانيين ويسقِّط جولي ويقول ليك فلانه الكانت تمشي الهوينا في عطبره راكيل ويلش ما تاكل معاها رغيف ولا عصيده.. خليهو..
01-31-2018, 08:41 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عان يا استاذ محمد المرتضي عليك ألله بعدين أحدف علي دكتور عثمان بعد ينتهي من العيادة وأسالو من حقيقة بول الناقة البكر ية بي Strepsils . اهلنا في البادية قالو ربع كورية بول بعمل نفس مفعول ال ستربسلز . وتأ ني سنة كاملة لا التهاب لوز تين ولا نزلات برد . حكمة والله و حكاية . .. تشغل الناس في النياق .
01-31-2018, 07:39 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيز نا محمد ع طه الملك سلامات يا ملك المصارع الحريف و المحبوب للكبار و الصغار جون سينا فطورو عبارة عن 8 حبة بيض مع صحن زيتون و جك برتقال وشرائح جبنة الحمير . يعني مع الوجبة دي لو لقالو كورية بول بكرية كان جلد الحلبة كلها ههههها
01-30-2018, 07:04 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيز نا بروف عبدالرحمن علم السودان الشامخ في بوسطن ياخ سلامات و ليك القومة و ليك التبة . أي بالحيل . الإخوان المستشارين ود حامد و ود شيقوق أصحاب . الحرابة واقفة بيناتن سلك . والاتنين مستفين معلومية وفهم و في أي شي من الكنان و الصرار ولي جربكس المرسيدس ماي باخ 2018 . عرفتك ح تكنكش بالضحك في ملعقتين الخميرة حقات أخونا الموسيقار ترهاقا . ألف شكر علي الفيديو المفيد مع وافر السلام
01-27-2018, 12:23 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
عزيز نا الموسيقار ترهاقا سلامات داير يا اخوي تسوط ليهم ملعقتين خميرة في الجردل ؟ عليك أمان الله إلا أي واحد يمسك درب الأربعين من باديتنا دي وما يقيف إلا في أسيوط في صعيد مصر .
01-26-2018, 07:07 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
يا محمد المرتضي اخوك شيقا طول من لبن النوق . سنين ودنين وهو في هجولة الغربة ما اتكرعلو كورية نص النهار . تكرع اللبن أنصاص النهار قالوا بيجلي النظر يا صاحي . لكن عند ناس الطب البلدي في بورتاريكو قالوا المحبة نص النهار بتعمل عماش في الشبكية . سمعت يا محمد عن كاتب من الغرب كتب كتاب عن قوة السمع و البصر في مناطق ناس شيقا و لا حد الحدود الحبشة . قوة سمع ما موجودة في أي مكان في العالم والله دي حقيقة . كدي يا محمد خلي شيقا يلكد جارو دكتور عثمان يديهو السر . في عرب قالوا ده بي سبب لبن الجمال البتا كل اللوبيا الأخضر .. وفي ناس قالوا من البتا كل شجر الأراك . ونشوف كلامو عن الدوبالة .
عزيز نا المستشار شيقوق والخبير الشامل للسعية والمال والحلال . النشمي الطيب العلمان في بصاير الحليب و الصرار والكنان . يا زول سلامات وشن خبرك في بلود العربان . قلت لي الهندي ظال حاضر البديهة بعد ما طقاها التسعين . الهنود يا اخوي عندهم السحر واكيد بتم فنجان بولو بي بول كديس أزرق . هههههها
01-30-2018, 11:59 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
عزيز نا الأخ محمد جبره سلامات هههههها . شق الشلوفة بكون معاها من تطلع من بطن أمها لكن تتبدل الحاجات بعد ما تصل سن الرشد . وبالمناسبة الجماعة ديل عندهم احتفال واضح في مناسبات الأفراح و الأتراح و عندهم طقوس حزن علي الفراق والرحيل . و الجمال عموما عندهم اخلاص ما بعدو اخلاص . وفي حكاوي عجيبة عن طباع الجمال . ..... مشكور كتير أخونا جبره وفي انتظار نجاحات الباحثة السعودية
02-01-2018, 05:44 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
ود العم العزيز أستاذ الفاضلابي سلامات . الحاشية البكره واضحة جدا في اكتر من خمسة علامات . والحاشي يقدر يتعرف علي الحبيبة الحاشية من فد شمة بول . هي لازم تكرم الحاشي بي بول . و بعد ما الحاشي يتكرف طوالي يعرف انو زمن الربيع حلاء وفتح الزهر بسام .
09-06-2018, 05:56 AM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة