Quote: الصدى وغير الصدى من صحافة المدرجات هى السبب في الخراب الواقع على الكورة السودانية وحصرها في نطاق الهلال غلب المريخ والمريخ غلب الهلال إلى ما لا نهاية ........... أفسدت ذوق القارئ وجعلته أسيرا لانتماءات ضيقة بالكاد يلمح من خلالها جانب الطريق إلى حيث آفاق أرحب .. والدليل أهو عندك المنبر دا شوف الفرحة والمظاهرات العاملنها الهلالاب عشان فريقم فاز وكأنو دي أول مرة الهلال يفوز على المريخ ويحصل على لقب كأس الطين دا .. مع انو مما قمنا في الدنيا وعرفنا الكورة دي لقينا الفريقين الوضيعين ديل بتبادلوا الفوز على بعض ومحتكرين الألقاب المحلية قبل أن يتحولا إلى نعامة مريضة في البطولات الخارجية لا تكاد ترفع رأسها حتى تعيده إلى حفرة الانكسارات والانتكاسات والخذلان والفضائح الخادشة للحياء .. خخخخخخخخ
يا ود البشري من كل قلبي أتمني الدلقون غدا يتخطيء أهلي شندي حتي يقابلنا يوم الخميس عشان نحلق ليهم بقزازة المرة دي ومن ثم زوووووووط أكثرو من الزوووطات الايام دي فأنها تريح الاعصاب وتغيظ العداء
11-26-2017, 05:45 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
عارف ليه سوفي ! عشان الثقة المبالغ فيها و المقترنة بإستهانة لا مبرر لها بالهلال و لاعبيه مع التطبيل الغريب و الكاذب في اغلبه للاعبي المريخ مما ادى لإنتفاخهم غرورا و ظنهم ان مسالة هزيمة الهلال بالخمسة مسالة وقت ليس إلّا ودا البخليني اختلف مع ود الباهي في ثقته من طبق الحنة يوم الخميس بل ازيدك من الشعر بيت انا اخشى ان يطقنا هلال الابيض اليوم ولا نصل حتى الخميس نتيجة الاسترخاء بعد الشد الرهيب الكان فيه اللاعبين و الادارة و جمهور الهلال قبل القمة و اتوقع ان يتحوّل الضغط الذي افضى لطاقة ايجابية للهلال و اخرج افضل ما عند لاعبيه منة حماس و رجولة في القمة ان يتحوّل للاعبي المريخ بعد كمية الهجوم الذي تعرض له اللاعبين في الاعمدة و القروبات و ان ينتفض لاعبي المريخ فينتصروا اليوم ويوم الخميس.
خليني ارجع لقولة احر غلب, يقابلها عندنا دا اغلى لقب ممتاز في الاربعطاشر الفاتن لأنه تعبنا فيه وكان قاب قوسين أو أدنى من أن يضيع منا لكن بدأ التفاؤل و استعادة الأمل بهدف بوي المليئ بالرجالة و الإصرار في الخرطوم تلاتة الطريقة الخطف بيها الكورة من الحارس و هو البديل الاضطراري و تهديفه ثم جريه نحو الالتراس و دموعه بعد المباراة ثم تشابك ايدي اللاعبين و الجهاز الفني بعد المباراة في سنتر الملعب و اصرارهم على الفوز كان له ما بعده
ثم الأداء الحماسي و المسؤول في مباراة القمة و الرجولة و الجدية اللتي لعب بها خط الدفاع بأكمله و الإنضباط و المجهود الكبير للوسط و الهجوم منذ انطلاقة الصافرة و ضح ان الهلال اتى ليفعل شيئ ووضحت الخلعة في لاعبي المريخ و العجر بعد قطع التواصل بين خطوطه هذه المباراة كان ممكن ان تنتهي بنتيجة تاريخية لو وفق رماة الهلال في استغلال الفرص ولو لم تكن العارضة رحيمة بالمريخ و تفوقت على دفاعه وهي تنقذ الاهداف
11-27-2017, 07:56 AM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9252
أخ محمد في حضرة النبي يستوجب الادبا وانت به عليم وهذا ما كتبتُ في طرح آخر ليلة انتصاركم المستحق
Quote: وخسر المريخ وفاز الهلال ألف مبروك للهلال والهلالاب داخل وخارج السودان من مريخابي على السكين بس فوزكم بدقدو براسنا والكورة نصر وهزيمة وهارلك المريخ فلم تكن في يومك واعتقد أن المريخ أحرز نتيجة مشرفة لأن الهلال حصل على الدوري الممتاز بفارق نقطة خاصة أن المريخ أصبح مكشوفاً من الناحية الإدارية ومر لاعبوه بمواقف صعبة منها عدم دفع مستحقاتهم وكذلك ما نتج من اضرار نفسية نتيجة تجميد السودان تضرر منها المريخ ولأخطاء ليس له فيها يد كما أن المفوضية لم تفت حتى الساعة في رئاسة المريخ واصبح الامر معلقاً لشهور وكل ذلك تحس كأن المريخ مستهدف من جهات محسوبة واحمل الصدى فهي سبب هبوط حماس اللاعبين لأنهم حتى ولو فازوا فبشرتهم الصدى أن نقاط اهلي عطبرة ستخصم من المريخ وتذهب إليه وما كان عليها أن تروج لخبر كهذا حتى ولو كان صحيحاً أنا شخصياً احبطني هذا الخبر فور قرأته منقولاً عن الصدي اكرر تهنئتي للهلال واثبت انه فريق بطولات ونتمنى له بالفوز بالبطولة الافريقة هذا العام لأنه في النهاية نصر للكرة السودانية
11-27-2017, 08:39 AM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
الأخ علي الكنزي طابت اوقاتك بكل خير شائفك علقت بهناك وهنا بتنتقد بعض عباراتنا وهذا من حقك ومن حقنا أيضا أن نكتب ما نراه مادام ليس فيه ما يمس الشعور العام والادب ودي مناكفات طبيعية بتحصل حتي في البيت الواحد فما تحمل الموضوع أكثر مما لا يجب مقدرين روحك الرياضية وتهنيئة الهلال بالفوز لكن مني أنا ما تعشم أهنيء مريخابي بفوز سواء كان علي الهلال ولو جبتو كأس العالم للاندية اللهم هذا قسمي فيما املك فلا تلؤمني فيما تملك ولا املك .
11-27-2017, 08:48 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
مبروك للهلال وهاردلك للمريخ .. والصراحة الغلب المره دي حار زي النار ..
ديل زوطين مصلحات بالشطة الملهلبة .. خصوصا الزوووط بتاع سمؤال ده مبالغة .. زوط من بره خط الـ 18 .. مبروك ود البشرى .. غايتو كان لحقوا طبقوا ليهم الحنة .. بتكون عملية مش مقبولة ولا معقولة ..
ما حصل يوم تيم الهلال كان كعب .. الا وسجّم المريخ ودعكوا بالواطة ..
11-27-2017, 09:32 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18010
يوم الخميس المريخ ح يغلب الهلال وما ادراك ما الهلال .. الهلال فريق ضعيف مهلهل مكع كع مبشتن ككارو قديمة عندها لستك مطرقش ويجرها حصان اعرج عندو أبو الشهيق لا تفرح يا سيد جرجير فيوم ليك وعشرة عليك .
المريخ ح يغلب الهلال لو اتقابلوا يوم الخميس .. ولو ما اتقابلوا الله حلاكم حاول كمل النطيط والهرجي وأحرق أكبر كمية من العمم قبل اليوم الموعود .. خخخخخخخ
المريخاب ديل او ما ادقو يشبكوك الله قال والرسول قال والمثل والاخلاق ..وهم زاتوم الدخلو الدجل والشعوذه في الكورة ..ما خلو ليهم طالب خلوه حايم ماجابوهو في استادوم دا
حالتوم تستحق الدراسه
11-27-2017, 12:58 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
ياود البشرى الكلام بالظبط كلآتى .. كنت فاتح بوست على إمتلاء الفيسبوك بالكورة وأنا ما عندى أى حماس للكورة ولست من متابعى أى كورة ، ولا حتى كأس العالم .. إتفاجأت بإنو صفحات الفيسبوك انقلبت blue
أها قام الحبيب طلحة قالى ناس المستنير وهبة وجرجير مامخلينا نمشى لقدام مع زووووط وجووووط بتاعتهم دى ..وقال كمان فى كلمة تانية خليها فى سرك (صراحة ماسألته منها خوفاً على مشاعرى الرقيقة :)) قمت قلت ليهو أنا ذاتى خايف أدخل المنبرتلاقينى زوووط طايرة فى عنوان عشوائى وكده ..
إذا هبّـت رياحك فاغتنمها! اللاعب السوداني ما بستر حال ويلعب بنفس المستوى مباراتين ورا بعض, عشان كدا متأكّد الهلال بخذلك وبدّيهم فرصة يتسدّوا وحتى ذلك الحين لابد من عصرهم عصر الجن وبعدها الله كريم :)
11-28-2017, 06:29 AM
khaleel
khaleel
تاريخ التسجيل: 02-16-2002
مجموع المشاركات: 30134
ههههههههههه الله حلاكم .. ربنا لطيف بيكم ما عايز يمسخ عليكم غلب الضربو رمو دا .. المريخ كان غلبكم أقلاها تلاتة معروف ان غلب الفريقين لبعض ضربة حظ ولا علاقة له بفريق قوي وفريق ضعيف لأنو الفريقين وضيعين جدا كما تؤكد ذلك كل الشواهد والتجارب السابقة واللاحقة . رجة الرجرجة فرح الحزانى في بلد الموتى خخخخخخخخ
11-28-2017, 10:14 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
والله خايف للمريخ من زعمطة هلال الأبيض .. تبقى عوجة عديل .. ههههههه .. اللهم أنصر المريخ .. لانه الشغلة حتبقى مسيخة يعلم الله .. ولن يصمد المريخ امام توالي الزوطات المشتتة دي ...
11-28-2017, 10:08 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 24986
Quote: أبو حسين كمان جاي تتكلم أمرق مرق جلدك دا بوست كاسات عندكم شنو الموسم دا
والله قون شندي التالت دا يعمل هبوط لا حولااااااا
يا وهم المحلية دي نحن بنعتبرها تمارين للكاسات الدولية و القارية و الاقليمية ... فا شنو اخدو راحتكم فيها و افرحوا بيها شديد لانها غايتكم و اكتر شي ممكن تحلموا بيه .... 😂😂😂😂😂😂😂😂😂
11-28-2017, 06:07 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: سلم مجلس ادارة نادي المريخ اتحاد الكره اليوم خطاب يفيد بانسحاب فريق شباب المريخ من مبارته المعلنه مساء الاربعاء باستاد الخرطوم امام شباب الهلال في ختام دوري الشباب وااذي فاز ببطولته شباب الهلال قبل ختام المنافسة باسبوع.. ولم يبرر مجلس المريخ اي سبب لانسحاب شبابهم.
أجي يا كدا !! هسّي دا يقولوا عليه شنو؟ خوف من بتدقّا ولاّ شنو الحكاية! أها ودي تستاهل زوووط ولاّ حيييي أنا ولاّ واي واي مادايرين ولاّ كدا يا ابردا! ولاّ تجري يا كبييير ! انا بقول حيييييييي أنا مناسبة ولاّ رايكم شنو؟
11-29-2017, 03:48 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
سوف يبدا بابتسامه صغيره يتخللها بعض المزاح باليد والضرب على الظهر يعني صاحبك وكده... ومن ثم يروح يسألك اسئله يحاول يبعدك عن موضوع الكورة... مثلاً يعني يقول لك تصدق الاسبوع دا طويل او تصدق انو إستلمنا الراتب بي جاي وطار بي جاي ؟!
انتبهو يخدعوكم بمثل هذا السلوك اطرح عليه سؤالك المدمر بكل ثقه
تعرف سمؤال؟ 😂😂😂😂
11-29-2017, 04:51 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا أبوحسين .. مهاجم خطير رغم تفرغ خمسة مدافعين مازالت النتيجة التعادل بوست جميل أنا أحب أقرأ عكننة الاخوانيات ومن أجب البوستات بالنسبة لي =============
مع التحية للحبيب ود البشري .. أنا من مشجعي الهلال من بداية الستينات ولكني اليوم لا اعرف حتى أسماء اللاعبي الهلال ... العمر .. وما زلت مع الهلال ..
لكن معجب بردود أبوحسين .. لديه مقدرة على إحتواء الهزة المريخية ..
واصلوا هذا البوست الجميل ..
11-29-2017, 04:59 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا ودالبشرى .. مودتي .. مشجعي الكورة في مقاهي جدة أجمل ناس ليتهم كتبوا تلك عكننة والاخوانيات الرائعة في سودانيز ناس خطيرين ومتخصصين في التشجيع نحن ما علينا إلا السمع والتفاعل .. عندما تكون معهم تنسى الغربة نهائي .. لا كفيل لا إقامة .. ناس جميلين .. الكابتن ماجد هداف المريخ التاريخي ( رحمه الله رحمة واسعة وأسكنه فسيح جناته ) كان يجمل ليالي جدة وجلسات الكورة .. كان زول سوداني أصيل ود بلد ( الله يرحمه كان فاكهة مجالس وليالي جدة ( الله يرحمه ) الرائع سبت دودو كان يظهر في ليالي جدة ولكنه عكس ماجد دائماً صامت وقليل الحركة ..
كمان بكرة الخميس في قهوة كسلا تجد السودان بكل تفاصيله ..
آسف الاطالة .. وشكراً حبيبنا البشرى ورحم الله صديقي ماجد رحمة واسعة وأسكنه فسيح جناته ..
واصلوا البوست ..
11-30-2017, 08:36 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
لا زال بعض كتاب زنطور يحلمون بالفيفا و يهاتون بنزع لقب الممتاز من الهلال الذي استحقه بعد الدقّة المعلومة احد بائعي الوهم و مختصي التخدير هيثم كابو كتب التالي :
Quote: * لم تقل لنا لجنة (المناورات) من هم المقصودين بالحريق، ومن الذين تنتظرهم المحرقة والموت بالغاز، وعلى مجلس المريخ تصعيد الأمر للفيفا والاستدلال ببيان مجلس إدارة الهلال الذي أظهر الاتحاد وكأنه (مشارك في الجريمة) حتى يحسم الاتحاد الدولي الأمر برمته فيجرد (النازيين الجدد) من كأس الممتاز ويعصف باتحاد ناس باني و(خلي أمانة الشباب تشوف ليها ناس تاني)..! نقوش متفرقة * أنقذوا شداد فالاتحاد يتحكم فيه بعض التعلمجية و(أصحاب الأجندة الخفية)..! * مؤسف حقا أن يكون موقف اللواء عامر عبد الرحمن بكل هذه السلبية، وهو من الشخصيات المعروفة بالحكمة وقوة المواقف و(ما ممكن يكون الرئيس مغيب والنائب الأول ما عارف)..! * بيان حسن علي عيسى ادان الاتحاد العام ولم يبرئ الهلال، و(محرقة العقوبات قادمة والحال بطال)..! * إن لم يجرد الاتحاد الهلال من كأس الممتاز، فعليه أن يستعد للفيفا خاصة وأنه مدموغ بالتساهل والانحياز ..! * قال حسن علي عيسي في بيان مجلسه الفطير أن الهلال منذ نشأته بعيد عن السياسة و(تاني ما تقولوا لينا نحن جماعة التصدي للمستعمر والحركة الوطنية لانو البيان قال القصة دي كلها كاميرا خفية)..! * كان الله في عون الحركة الوطنية التي تم انكارها في أول منعطف حقيقي، و(حباب الحريق البجيب الضيق)..! * تصعيد الأمر للفيفا مسؤولية المريخ، والإعلام العالمي قام بواجبه على الوجه الأكمل، ومع الحرمان من التمثيل الإفريقي سيكون (الحريق أجمل) ..!
شوف الامنيات المترعة بالوهم و الخيال, قال يسحب الاتحاد إن لم يسحب اللقب ستعاقبه الفيفا! معقولة بس يا زنطور !
12-05-2017, 12:50 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20358
بينما لازال بعض كتّاب زنطور يبنون من الخيال أحلام بمعاقبة الفيفا للهلال بسبب التيفو النازي و سحب اللقب المستحق و منحه إيّاهم نسوا أو تناسوا التهديد الحقيقي من الفيفا بتطبيق العقوبات المتعارف عليها حال الإخلال بالتعاقدات مع المحترفين و المدربين اثر تتالي الشكاوي على زنطور من جانب المحترفين السابقين و المدربين بقت لجنة اللاعبين في الفيفا ما عندها شغلة كل يومين تلاتة غير ارسال خطاب للإتحاد السوداني بإنذار المريخ لتسديد مستحقات فلان أو علان مع مهلة وإلّا التحويل للجنة المعنية و تطبيق العقويات المعروفة و التي تبدأ من خصم نقاط و منع التسجيل وحتى الهبوط للدرجة الأدنى !! يوم 15 على المريخ تسديد مبلغ 20 الف دولار لوورغو متبقي استحقاقه وفي الإنتظار عدد من المحترفين السابقين منهم ديديه ليبريه ثم تالا و مارسيال و هناك مطالبات المدربين السابقين غارزيتو ولوك ايمال, مجموع الديون على زنطور تتراوح بين الـ 400 و الـ 450 الف دولار لو فشل زنطور في سدادها أو جدولتها سيتعرض لموقف حرج مع الفيفا وبعد دا تلقى كتاب الوصيف حايمين يبشّروا و يتمنّوا معاقبة الزعيم سيد البلد بحجة التيفو بل و نزع اللقب كمان! ياخي تخ
12-21-2017, 06:04 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: اعتباره المريخ مهزوم من أهلي عطبرة في قضية باسكال
أكدت لجنة الاستئنافات في اتحاد الكرة السوداني عدم صحة تسجيل اللاعب الايفواري باسكال واوا في صفوف المريخ للموسم الماضي بعد نظرها للاستئناف المقدم من نادي أهلي عطبرة ووفقاً لذلك تم اعتبار المريخ خاسراً مباراة أهلي عطبرة ومن حسن حظ اتحاد الكرة ان الخسارة لا تؤثر في ترتيب فرق الدوري الممتاز بعد ان حسم الهلال اللقب في مباراة الديربي أمام المريخ.
وأوضح محمد أحمد البلولة عضو لجنة الاستئنافات حيثيات حسمهم للقضية من خلال حديثه للاذاعة الرياضية، حيث جاءت الافادة قاطعة للجنة من رئاسة الجمهورية بأن نادي المريخ عبر مجلس ادارته السابق قدم طلباً واضحاً لسحب الجنسية من اللاعب باسكال واوا وتمت الموافقة على الطلب، ولم يعد اللاعب يحمل الجنسية السودانية عند تسجيله للمريخ كلاعب وطني نهاية العام الماضي.
هههههههههههههههه
12-21-2017, 06:13 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
بالله دا الفاظ دا! المريخ يطلب سحب الجنسية من اللاعب بشكل رسمي, تقوم الحكومة تستجيب للطلب و تسحب الجنسية بعد كم سنة المريخ يعمل رايح و يقدمه للاتحاد كلاعب مجنس ليعيد تسجيله! ينكشف الأمر و تتقدم الفرق بالشكاوي و المستندات الصادرة من رئاسة الجمهورية يقوم الزنطور للغلاط يقول ما كلمونا! لا و النكتة امينه العام عصام الحاج قال المكتوب في الخطاب سيرجيو باسكال واواوا ما سيرجيو باسكال واوا ياخي تخ
باسكال خخخخخخخ
12-21-2017, 06:41 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
استلم المكتب التنفيذي بنادي المريخ اليوم خطاب من الاتحاد الدولي لكرة القدم (الفيفا) بواسطة الاتحاد السوداني يمهل فيه المريخ فترة شهر من استلام الخطاب الخاص بشكوى الايفواري ديديه ليبري ومطالبته بمستحقات مالية طرف المريخ تبلغ 35 الف دولار . وكانت الفيفا قد هددت المريخ بسحب 6 نقاط من رصيده في الدوري السوداني في حال لم يفي بالتزامات النيجيري وارغو.
اللهم لا شماتة! ويقول ليك راجين الفيفا تعاقب الهلال و تسحب اللقب! ياخي تخ
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة