|
Re: بالوثيقة ..لله درك يا مأمون حميدة ... (Re: MOHAMMED ELSHEIKH)
|
الاإنتهازيين
دقش بخيتة أمين ود الباوقة
يمدحون في مامون حميدة، الشخص الذي يتاجر بصحة المواطنين ويخاطر بها.
في أي دولة محترمة، لا يمكن أبدا أن يكون شخص يملك مستشفى وزيرا للصحة في نفس الوقت. ولكن في دولة الكيزان من الممكن أن يحصل أي شئ.
ود الباوقة،دقش وبخيتة أمين
أختشوا
| |
|
|
|
|
|
|
Re: بالوثيقة ..لله درك يا مأمون حميدة ... (Re: Omer Abdalla Omer)
|
Quote: يا ابا حسين دا قون عبده الشيخ في المصرين هههههههههههههه |
بالله انت من الزمن داك يا عمر ....؟؟؟؟ يعني ما براي الديناصور في المنبر دا ... 😂😂😂 طمنتني ياخ .... ياخ جيل عبده الشيخ دا الجيل القدم مهارات في كرة القدم و فنون ما اظن الشعب السوداني حا يشوفها تاني في الميادين السودانية .. بحكم اني مريخابي على السكين كنت لا بفوت مباراة و لا تمرين ... و الله حقو الزول يبكي ليك اسي .... 😭😭😭😭😭
| |
|
|
|
|
|
|
Re: بالوثيقة ..لله درك يا مأمون حميدة ... (Re: Omer Abdalla Omer)
|
Quote: Quote: الراجل يشكر و مرتو تشكر ..... العمودين ديل كانت ونستهم في البيت و ل شنو ...؟؟؟؟
يا ابا حسين دا قون عبده الشيخ في المصرين هههههههههههههه |
و الله التعليقين ديل أوسكار بلونسكي عديييييل كده و إن شاء الله ود الباوقة يرجع السودان و يمسكو اسهال مائي ويرقدوهو في مستشفى مأمون حميدة عشان يعرف الوثيقة.
| |
|
|
|
|
|
|
Re: بالوثيقة ..لله درك يا مأمون حميدة ... (Re: ود الباوقة)
|
مسكين الشعب السوداني بوجود مطبلاتية ذي ديل ،ما قادر افهم أين المهنية في برنامج مامون حميدة..بدل ما يناقش تردي الوضع الصحي الي أسفل درك ،مع هجرة السودانيين زرافات ووحدانا الي مصر القريبة لتلقي ابسط انواع الفحوصات والعلاج..
| |
|
|
|
|
|
|
Re: بالوثيقة ..لله درك يا مأمون حميدة ... (Re: د.نادر عديل)
|
Quote: بالله انت من الزمن داك يا عمر ....؟؟؟؟ يعني ما براي الديناصور في المنبر دا ... 😂😂😂 طمنتني ياخ .... ياخ جيل عبده الشيخ دا الجيل القدم مهارات في كرة القدم و فنون ما اظن الشعب السوداني حا يشوفها تاني في الميادين السودانية .. بحكم اني مريخابي على السكين كنت لا بفوت مباراة و لا تمرين ... و الله حقو الزول يبكي ليك اسي .... |
مين عبدو الشيخ ده ؟
| |
|
|
|
|
|
|
Re: بالوثيقة ..لله درك يا مأمون حميدة ... (Re: يحي قباني)
|
ههههه عليك الله إنت شوف تابلوهات الشايب قباني! قال ليك عبده الشيخ دا منو ههههههههه!
Quote: و الله حقو الزول يبكي ليك اسي ... |
و لا يهمك يا ابا حسين، والله المجد عائد إن شاء الله و تشوفو في حياتك العامرة دي و عمرك المديد دا إن شاء الله. شوف الأثيوبين إيش عملوا في ربع قرن؟
| |
|
|
|
|
|
|
Re: بالوثيقة ..لله درك يا مأمون حميدة ... (Re: ABUHUSSEIN)
|
في البداية اتغشيت في الراجل بسبب بساطة اسلوبه لكن في مرة تكلم مريض فشل كلوي عن تجربته مع الصمغ العربي وأنه خفض نسبة الكرياتينين في الدم فالتلفت دكتور حميده أضيفت وقال وهو يدحرج ضيفه للذهاب صوب رفض الفكرة بقوله مطنطنا أن هذه الأمور لم تثبت علميا!!!! نقول لدكتور حميده شغلك أنت شنو ! والصعب شنو! في أن يثبت أو ينفي بالتجربة الجادة الأمنية! بأن يعرضوا عدد من المرضى للتجربة بأن يتناولوا جرعات من الصمغ وغيره مما هو قيل أنه مفيد لمرض الكلى ويفحص المرضى قبل وبعد تناول الجرعات خصوصا وأن الصمغ والليمون والبقدونس ليس لهم أي مضار فهذه أغذية طبيعية ليس بها سموم ويستخدم الصمغ في الحلويات والليمون عصير وغير ذلك والبقدونس في السلطة. فهذه التجارب البسيطة يثبت علميا جدوى أو عدم جدوى تناولها كدواء لمرضى الفشل الكلوي بالتجربة المباشرة والمصريين والسعوديين منذ سنوات أخذوا الفكرة من السودان وطوروها ونحن منتظرين أولاد جون يجيبوها لينا في كبسولات ويقولو لينا بعد سنوات خلاص نفذوا . وهذه عدم أمانة أو كسل وبيروقراطية جوفاء وأصرار على أن نظل في ذيل الأمم.
| |
|
|
|
|
|
|
Re: بالوثيقة ..لله درك يا مأمون حميدة ... (Re: منتصر عبد الباسط)
|
مرة من المرات زمااااان يا عمر و ابو حسين ...
كان عندي عربية اوبل ريكورد تمشي الحال الوكت داك ... كوناكت النور في الرجل ...
و كان معاي شباب و شابات في العربية حايمين نرب في العاصمة ...
الساعة الجات العربية المتسوبيشي ( قبل الكورولا ) مارة جنينا و سايقها الغزال الاسمر داك و الافرو مظبط ...
واحدة من البنات مرقت من القزاز و تكورك ... عبدو الشيخ
قلت ليها عاجبك فوقو شنو ... ضعيف كده و شعرو الشين ده ...
قالت لي حرام عليك ... بالله شوفو قيافه كيف و كمان عربيتو جالانط ...
| |
|
|
|
|
|
|
Re: بالوثيقة ..لله درك يا مأمون حميدة ... (Re: Amira Hussien)
|
Quote: Quote: مين عبدو الشيخ ده ؟
واحد جارنا ....... أجيب ليك بزه يا أبو الياء ...؟؟؟؟ |
صدق يا أبوحسين أنا أبداً ما إستغربت في سؤال قباني دا و أخدت السؤال بجدية شديدة
ناس قباني ديل بكونوا آخر عهدهم بمعرفة لاعبين الكورة زمن ناس صديق منزول 😄😄😄
| |
|
|
|
|
|
|
Re: بالوثيقة ..لله درك يا مأمون حميدة ... (Re: Hafiz Bashir)
|
.Quote: كان عندي عربية اوبل ريكورد تمشي الحال الوكت داك ... كوناكت النور في الرجل ... |
اها الاوبل دي آخر عهدي بيها في تمانينات القرن الماضي ... سايقها قاضي في شارع الموردة و دخل غلط في الشارع و قمت عصرتو العصر مصحني من النوم مرسلني الخرطوم قام سبقني و انا طنشتو ... الثقيل اشتكاني للعسكري بتاع كبري امدرمان وقفني العسكري و كب لي نقة كتييييييييرة قمت عصرت ليه (5) جنيه ضحك و خلاني امشي ... 😂😂 بعدين جنها تكسر ركبه ....
Quote: ههههه عليك الله إنت شوف تابلوهات الشايب قباني! قال ليك عبده الشيخ دا منو ههههههههه! |
قباني من زمن الاوبل و يقول عبده الشيخ دا منو ... ؟؟؟ ياخ الكونتاك البلكراع دا انا ما شفتو الا في لواري التراب ... 😂😂😂 يعني عمك قباني كان بعاكس الجكس بي كراعو ... 😂😂😂😂
Quote: ناس قباني ديل بكونوا آخر عهدهم بمعرفة لاعبين الكورة زمن ناس صديق منزول |
يازول قباني دا صديق منزول بكون صاحبو و دفعتو كمان لكن لحق نفسو اتخارج من السودان و ضرب طراوة كندا دي حافظ على باقي عمرو ما زي ناسنا .... 😂😂😂
| |
|
|
|
|
|
|
|