ضبط سوداني بالقاهرة في تهريب سبائك دهب و”40″ ألف ريال
03-01-2018 02:07 PM
تمكنت إدارة الجمارك بمطار القاهرة الدولي، أمس الأربعاء، من إحباط تهريب سبيكتين ذهبيتين بوزن (5) كيلو و(300) جرام ذهب و(40) ألف ريال سعودي و(5) آلاف دولار، عن طريق راكب سوداني عبر رحلة طيران بدر بالرقم (684) القادمة من الخرطوم. وأشارت مصادر، بحسب مواقع مصرية، إلى أنه تم الاشتباه في الراكب وبتفتيشه وجدت بحوزته المعروضات تلك، وأُحيل للتحري واتخاذ الإجراءات في مواجهته.
اليوم التالي. التعليقات #1747587 [الجنرال Team Corner] 5.00/5 (1 صوت)
03-02-2018 03:35 AM عيييييييييك وقبلو وقبلو وقبلو كم كم لتركيا مصر الامارات وانت ماشي انت قايلين البلد وقعت من سكات
#1747572 [عودة ديجانقو] 5.00/5 (1 صوت)
03-02-2018 01:27 AM ما يعجبنى فى هذه التعليقات كووووووولها تتحدث شئ واحد ألا وهو كيفية خروج هذه الشحنه من هرار الخرطوم الدولى. تلقاهم هسع زعلانين من وصفهم بالمرتشين...طيب ما تزعلوا نقول عليكم مرتشفين وأهى كلها شفط يشفطوكم بشفاط بلاعات لأنكم أوسخ من الوسخ
#1747565 [اوكوشا] 0.00/5 (0 صوت)
03-02-2018 12:32 AM الحرامي لشاعر الشعب الراحل محجوب شريف: صحيت بالمؤذن وحالتك تحزن مرقت وسرقت الوبال معكز ملكز بسيخة ونعال مكتف ملتف بأغلظ حبال وغيرك بخزن جميع الغلال يسرق ويهرب جمال باسمه اللواري تهد الكباري تباري الجبال سيادته يتدبر شئونه الأماسي يرش الحديقة ويرص الكراسي ما بين الغواني ورنين الخماسي تعاين تشوفه تقول دبلوماسي يمضي ويرضي ويهدي المحال كمان لو تلاحظ صديقه المحافظ وقالوا الملاحظ عيونه الجواحظ تباري الريال حليلك بتسرق سفنجة وملاية وغيرك بيسرق خروف السماية فى واحد تصدق بيسرق ولاية ودا أصل الحكاية وضروري النضال ضروري النضال
#1747547 [ود الموية] 4.50/5 (2 صوت)
03-01-2018 10:02 PM غريبة ناس مطار الخرطوم مفتحين شديد !!!! ديل جمركوا لي بخاختين و علبة دواء ضغط وقربوا يسجنوني عشان حبتين بندول كانوا في جيب البنطلون !!! طيب خمسة كيلو ذهب دي مرقت كيف دي دايره ليها إحتمالات ١- ناس التفتيش كانوا في صلاة التراويح ٢- الملائكة الكانوا بيحاربوا في الجنوب وصلوا الذهب الطيارة ٣- وداد البشير ودعت الزول ده لحد الطيارة و نست دهبهه معاهو !! أصل أختها نسيت شنطة فيها مائة الف دولار !! ما في زول سأل مرقت كيف ٤- الزول ده كان خاتي الذهب في سندويتش و ناس التفتيش إفتكروهو جبنه شدر ٥- طبعاً الزول ده كوز..... و داير يتخارج بعد ما شاف إن أيامهم إلي زوال لكن لغفوها ناس شمال الوادي..... و لكن القاضي هاني رجع ثمنها بتغريم ستات الشاي خمسمائة جنيه كل واحده .... و بذلك عالجت الحيكومة المجاعة .
#1747546 [عبدالعزيز عبدالباسط] 4.00/5 (1 صوت)
03-01-2018 10:02 PM مش قلت ليك يا قوش كلو بطلع و ادخل تحت شنباتك؟ سبيكتين ذهبيتين بوزن (5) كيلو و(300) جرام ذهب و(40) ألف ريال سعودي و(5) آلاف دولار، طلعت تحت شنباتك و ملايين الجنيهات السودانيه السودانية المزيفة بتدخل السودان تحت شنباتك و ما خفى اعظم..يا اهل السودان الكرام ثورا من اجل مستقبل اولادكم ضد هذا النظام حتى اسقاطه..#لقد حانت ساعة الخلاص..موتوا ابرار او عيشوا احرارا.
الرد على [عبدالعزيز عبدالباسط]
#1747478 [Koj Akej Koj] 4.50/5 (3 صوت)
03-01-2018 05:46 PM حسبنا الله ونعم الوكيل كيف خرج الرجل بكل هذا من مطار الخرطوم؟؟؟؟؟؟؟؟ الفساد معشعش في دولة المشروع الحضاري من بيت أصغر جربوع حتى قمة الهرم ألا وهو الحثالة الراقصة!!!!! حكاية الفادنية و عمليات تهريب الدهب على الخطوط الجوية الإماراتية ليست هي الأولى من نوعها بل التهريب ضارب في القدم منذ أن أوجد الله السودان الحديث ولكن المختلف في الآونة الأخيرة هو دخول الدولة نفسها ممثلة في المتنفذين والجرابيع التي تقتات من تحت أرجلهم في العملية منذ فجر 30 يونيو 89 ولم يتركوا شجراً ولا حجر و لا ثعبان ولم يهربوه عبر المطارات و المواني و الحدود و حسبنا الله و نعم الوكيل اللهم أحسن خلاصنا عاجلاً غير آجل
الرد على [koj akej koj]
ردود على Koj Akej Koj United States [ABU] 03-01-2018 10:18 PM Ameen.......Ameen........Ameen
#1747464 [مواطن سوداني بالحيل] 4.50/5 (2 صوت)
03-01-2018 04:53 PM ياناس الجمارك ،الذهب والعمله مرقت من مطار الخرطوم كيف ؟؟؟؟؟؟؟؟؟؟ انتم شركاء في هذه التهريبه ويجب محاسبتكم . السفريه معروفه وموعد اقلاعها من الخرطوم معروف بعد دا شوفو ورديه الجمارك من رئيس الورديه لاصغر عسكري جمارك !!!!!)!))
الرد على [مواطن سوداني بالحيل]
ردود على مواطن سوداني بالحيل United States [ABU] 03-01-2018 10:20 PM I do vociferous your call
Saudi Arabia [جركان فاضى] 03-01-2018 09:04 PM هههههها والبشوفوهم هو زاتو راس الحية
#1747455 [أبو محمد] 0.00/5 (0 صوت)
03-01-2018 04:33 PM السؤال موجه لمعسكر الأمنى المقيم فى المطار من أمن واستخبارات وجيش وجمارك وجهاز الأمن الوطنى كيف خرج هذا المواطن مع كل الذهب والأموال الاجنبيه طبعا الجواب نحن عارفنه لأن كل الموجودين فى المطار خونه وحراميه من المدير إلى الخفير وانا بحكى عن تجربه
#1747454 [جركان فاضى] 0.00/5 (0 صوت)
03-01-2018 04:32 PM يعنى كل دا خرج من السودان دون حسيب او رقيب!!!!!!.....معليش الظاهر الدهب والمال لكوز كبير من الكيزان ... بكرة بخمش ليه خمشة فاهمة من مال الشعب وبعوضها
#1747449 [هدهد] 0.00/5 (0 صوت)
03-01-2018 04:19 PM الله والله دي كنز كبير ضاع على الكيزان .... تلقاهم يتحسروا حتى الان كيف طلع هذا الشخص من مطار الخرطوم ولا يعلمون ا ن هذا الشخص دفع نصف مليار جنيه بالخطار كرشوة حتى استطاع الخروج . هي لله هي لله .
#1747436 [SS] 0.00/5 (0 صوت)
03-01-2018 03:39 PM طلع كيف من مطار الخرطوم؟
#1747428 [كاسـترو عـبدالحـمـيـد] 4.00/5 (2 صوت)
03-01-2018 03:11 PM اصـح يا قـوش وخـلـيك معـانا .
#1747425 [السوداني الخطر] 0.00/5 (0 صوت)
03-01-2018 02:53 PM ناس مطار الخرطوم اخذو رشوة وطلعوه
حسبنا الله ونعم الوكيل
03-04-2018, 08:17 AM
Hassan Farah Hassan Farah
تاريخ التسجيل: 08-29-2016
مجموع المشاركات: 9215
ومازال تهريب الذهب عبر مطار الخرطوم متواصل إحباط تهريب (14) كيلو من الذهب إلى الامارات عبر مطار الخرطوم
أنباء حول تواطؤ شركة مملوكة لنافذين في العملية 03-03-2018 09:13 PM الخرطوم: الراكوبة أحبطت السلطات الأمنية تهريب (14) كيلو من الذهب من السودان إلى الامارات العربية المتحدة، عن طريق صالة كبار الزوار بمطار الخرطوم. وعملت (الراكوبة) من مصادر واسعة الاطلاع أن السلطات الأمنية تمكنت من إحباط عملية التهريب في آخر لحظة، وتحديداً عند صعود حامل الذهاب إلى سلم الطائرة، وذلك بعدما أكمل إجراءات سفره عبر صالة كبار الزوار التي تديرها شركة (كمون) الموصولة بالقيادي بالمؤتمر الوطني كمال عبد اللطيف. وقالت المصادر إن أحد أفراد الأمن اشتبه في الشنطة التي يحملها أحد المسافرين، وذلك بعدما لاحظ أنها ثقيلة الوزن مع أنها صغيرة الحجم، مما اضطره لإعادة تفتيشها. وشكك صحافيون وسياسيون في شركة (كمون) واشاروا الى أن إدارتها لصالة كبار الزوار تسببت في حدوث عمليات تهريب واسعة. في وقت رجّح فيه بعض الصحافيين حدوث تواطؤ في عمليات التهريب من قبل شركة (كمون)، مشيرين إلى أن المسافر الذي ضُبط بحوزته الذهب اجتاز كل مراحل التفيش بعد ان تم إطفاء كل أجهزة المراقبة عمداً.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hassan Farah
فيس بوك
تويتر
انستقرام
يوتيوب
بنتيريست