|
Re: المواطن لو ما مرخص ما يتحاوم (Re: عبدالحفيظ ابوسن)
|
يعني زي ترخيص العربية لازم تكون مرخص ماعندك قروش تعمل بطاقة ما تمرق من البيت تقرش نفسك بعدينك الغرامة دي شكلها كيف ؟ في التو واللحظة ؟ ولا بتمشي معاهم ولا كيف؟ طيب لو ما عندك حق الغرامة ؟ حتبقي لحين السداد ولا الفهم شنو ؟ مع تأكيد علي أي مواطن استخراج بطاقة شخصية دة مافيهو كلام لكن بأسلوب غير دة
| |
|
|
|
|
|
|
Re: المواطن لو ما مرخص ما يتحاوم (Re: عبدالحفيظ ابوسن)
|
حلوة شديد يا ابوسن بكرة انا مارق ماشي الخرطوم hقوم hكوس رخصتي من اسا قبل ساعة من الآن ضربت لواحد من حلتنا ساكن مدينة النيل امدرمان وعندو عربيتو الخاصة بقى بتعيش بيها زي خدمات (ترحال) بس هو ما مسجل لانو عربيتو لا توافق المواصفات وكمان ما مرخصة على كل انا بتعاون معاهو دائما في مشاويري اليوم ضربت ليهو عشان يقضي معاي مشوار بكرة للخرطوم رايح جاي قال لي : يا زول الشرطة حايمة اليومين دي آخر تفتيش عشان كدا مشاويري كلها بالليل شوف عربية غيري؟ يعني كان ممكن انا والعربية وهو تقضبنا الشرطة ############################### عادة الشرطة تراجع بطاقات من تشبه فيهم وليس الشارع كله وحتى من الناحية العملية هذا من المستحيل تطبيقه بس يبدو أن الخزينة جفت والحكومة عايز ماني money
| |
|
|
|
|
|
|
Re: المواطن لو ما مرخص ما يتحاوم (Re: عبدالحفيظ ابوسن)
|
خلاص بكرة مارق ماشي الخرطوم ، سجن سجن غرامة غرامة وان شاء الله الله يعمي ابصارهم حتى نعود لاسرتنا ارادوا ان يزرعوا في قلوبنا الرعب ############## جاتني فكرة جهنمية اسا وانا بكتب في مداخلتي هذه واهديها لاخينا بابكر دقنة وزير الدولة بوزارة الداخلية (جزب امة وكلنا انصار) ان تصدر وزارة الداخلية مرسوماً بان لا يخرج أي مواطن من منزله إلا وفي جيبه عشرون جنيهاً. ########## ودا ممكن يكون الحد الادنى للغرامة
| |
|
|
|
|
|
|
Re: المواطن لو ما مرخص ما يتحاوم (Re: Amira Hussien)
|
يا محمد ابراهيم مافي شك في اهميتها لكن ما بطريقة الكشات والحملات والغرامات اظن في كل العالم بتشيل اوراقك الثبوتية تحسبا .. ولا بسألوك منها الا لضرورة تقتضي ذلك انت عارف الصورة ما بتحلك هنا . يعني لو شايل صورة من الاوراق الثبوتية كأنك ماشايلها لازم الاصل بعدينك مافي سهولة انسياب للحصول علي البطاقة القومية . صفوف ما تديك الدرب لسلحفائية الاجراء والشبكة طاشة انا مع استخراج الاوراق ومع حولها لكن ما مع الحملات التفتيشية والجبائية . ماممكن المواطن طوالي عرضة للاتهام والغرامة هل انا ممكن اكون بمثل خطر لو ما شايل بطاقة مثلا؟ هل المطلوب يكون عندي بطاقة ولا اكون شايلها معاي؟ ما معاك بطاقة في جريمة ولا اتهام تتمسك ولامن يجيبو بطاقتك تكون اتعرفت منو . لكن ماممكن يكون عدم حمل البطاقة جريمة
| |
|
|
|
|
|
|
Re: المواطن لو ما مرخص ما يتحاوم (Re: محمد أبوالعزائم أبوالريش)
|
سلام يا ابسن
Quote: لكن حكاية كشات اثبات شخصية دي اظنها في السعودية بس .
|
هنا ذاتها خلوها أنا على الأقل لي سنتين مافي زول سألني من إقامة إلا لإجراء رسمي
لا اعتراض على تنبيه الناس بضرورة حمل الهوية وتسهيل إجراءات الحصول عليها بس حاجات الحكومة دائما مرتبطة بتحصيل القروش وهنا بجي التشكيك مفروض يسبق الإجراء حملات توعوية مكثفة لعدة شهور تمكن الناس من استخراج هوياتهم بعدها ممكن يكون العقاب
شوف قرار قيادة المرأة للسيارة في السعودية أُعلن قبل سنة من تطبيقو عشان الناس تكون جاهزة لحظة التطبيق ما مكن ياخ قرارات فو فو أصدرك طبقك
| |
|
|
|
|
|
|
Re: المواطن لو ما مرخص ما يتحاوم (Re: معاوية الزبير)
|
اها شايف في تكذيب للاعلان المن امس دة ومن المكتب الصحفي كويس برضو واعتذر اذا كان الاعلان من امس مفبرك وطلعو التكذيب الليلة او الاعلان حقيقي وتم التراجع عنو برضو نشكرهم منو القال سودانيز ماعندها تأثير!؟
| |
|
|
|
|
|
|
|