|
Re: المدارس اكتظاظ مبالغة!!! (Re: عبدالمنعم الطيب حسن)
|
الادهي والامر يا منعم بعض المدارس عدد المعلمين المطلوب توفرهم للمدرسة قريت مدرسة قفلت لعدم وجود معلمين المعلمين كلهم ساكين يشتغلو في الخرطوم . والاستفادة من الدروس الخصوصية رسوم الطالب الواحد لدرس خصوصي في الشهر يفوق راتب المعلم في شهر
| |
|
|
|
|
|
|
Re: المدارس اكتظاظ مبالغة!!! (Re: عبدالحفيظ ابوسن)
|
مية طالبة في فد فصل!!!! الطالبة قاعدة فوق كراع اختا وفوق كراعا الفاضية خاتا كراسا وقلما وتكتب!!! مية طالبة في فد فصل!!! يستنشقنا زفير بعضهم وشوية اكسجين؛ الزحمة بشكل عام تولد الدبرسة وتخلق الزهج مابالك بفصل به مية طالبة!!! مفروض يكونن ريلاكس عشان التعليم دا كمان حار؛ عاوز فضاوة بال وعاوز هدوء وسكينة؛ عاوز طمانينة؛ ....... مية طالبة في فد فصل!!!! ياخ ديل المسكينات ديل لو اتنفسن يكون دا ازعاج
...... اخخخخخخخخ كما يقول صديقي طلحة؛
| |
|
|
|
|
|
|
Re: المدارس اكتظاظ مبالغة!!! (Re: عبدالمنعم الطيب حسن)
|
صديقي ود ابسن جاي ليك والموضوع ذو شحون يا صديقي الباشا خليك قريب... ........ هسع المدرسة المسكينة دي كيف تشرح لمية طالبة في مكان واحد؟ وكيف تصحح مية كراس؟ ووين تلقى الزمن ؟ ياخ دي لو عاينت لي كل طالبة في عيونا تكون الحصة انتهت!!!! ..... بعدين هسع المدرسة دي المسكينة دي تحفظ اسماء البنات ديل في كم يوم كم شهر؟ ..... وهن ذاتن اصاحبن كيف مع الزحمة دي، ياخ التعارف في تلتلة !!!! ......... اخخخخخخ الحقوق محفوظة لطلحة...
| |
|
|
|
|
|
|
Re: المدارس اكتظاظ مبالغة!!! (Re: عبدالمنعم الطيب حسن)
|
الزحمة دي في مدارس العاصمة وفي الريف القريب من المدينة الزحمة الف... عندنا في واوسي ٥٠ كلم متر من بحري.... كلمت اساتذة ومجلس الاباء هذا الصباح عرفت حقايق مرهقة في واوسي المتوسط ٦٥ اولاد وبنات اساس في ديري ريفي الجيلي وفي ابو طليح متوسط الفصل يتحاوز ال٩٠ كلمني واخد قريب من العملية التعليمية ان مدرسات الفصول الدنيا اولى وتانية وتالتة ياخذن وقتا اطول مع الطلاب لانو ببساطة ماعارف دا كتاب رياضيات ول دين ولا عارف وين كراسة العربي تضطر الاستاذة ان تذهب للتلاميذ ون باي ون ود بياخد الحصة كلها بالله كيف تتحكم مدرسة في كل الزحمة دي وكيف تجد وكت عشان تركز المعلومة لعشرات الطلاب في زمن ٣٥ دقيقة!!!! ........ انهم طلاب اميون مخرجات العملية التعليمية صفر... زيادة العبء على الاسرة المرهقة اصلا في البحث عما يسد الرمق.... ...... هنالك اشراقات على مستوى الافراد طلاب ومعلمات لمن المجمل بق زيرو لفكرة العلم والتعلم والتعليم ولد او بنت في الثانوي بالكاد يكتب جملة مفيدة وصحيحة؛ وقراءته كلها اخطاء وهو شبه امي.... ...... يا جماعة الراي شنو؟ اخخخخخخخ يا طلحة!!!
| |
|
|
|
|
|
|
Re: المدارس اكتظاظ مبالغة!!! (Re: عبدالمنعم الطيب حسن)
|
هذه مصيبة كبيرة في حق اجيالنا اللاحقة التعليم زي الموية وزي الهواء حق طبيعي ومقدس لاي انسان في هذا العالم هل هذه طريقة تعليم هل هنالك اي دولة في العالم فصول تلاميذها الصغار بهذا الاكتظاظ احد ابناء واوسي قرا هذ البوست وارسل لي صورا لتلميذات صغار في السنة يدرس في ضل فصل نعم برا في صقيعة الله دي وفي مدرسة لا يوجد بها حمام مغلق والموجود بابه متحرك تبرع به احد الاهالي هذا في منطقتنا ٥٠ كلم من بحري؛
اخخخخ طلحة
| |
|
|
|
|
|
|
Re: المدارس اكتظاظ مبالغة!!! (Re: Dr. Ahmed Amin)
|
الدكتور احمد امين انا لا اعتقد !!!! اقرا رد احد الابناء لي في قروب الحلة👇🏿 ................... سلام الخال منعم ياخ ذكر لي احد اصحابي في مدرسه خاصه في امبده من طوب اخضر و فالصف اكتر من 70 طالب . اها ديل كان جات مطره قوية وماصت الطين دا حيموتو كلهم
| |
|
|
|
|
|
|
Re: المدارس اكتظاظ مبالغة!!! (Re: عبدالمنعم الطيب حسن)
|
زي ما قال الباشمهندس المشكلة الكبرى في المناهج .. هل يعقل تلميذ في الصف الأول عمره لا يتعدى الست سنوات يكون مقرر عليه حفظ 25 سورة (أي والله خمسة وعشرين بالتمام والكمال ) ومعاني كلماتها .. دا غير الفقه والرياضيات والعربي
.............. وهذه مشاركة من صديق تنحى منحنى اخر عن المناهج الغريبة عن المجتمع وحاجاته وحاجات الطفل ودا مضوع طويل....
| |
|
|
|
|
|
|
|