|
|
|
 Re: المخرجة إيمان هاشم بدرالدين تحصد جايزة أف (Re: Osman Musa)
|
ما هو مصدر هذا الخبر؟؟؟؟ ومتى كان هذا الإحتفال؟
على العموم هناك تضخيم للمهرجان
فجائزة مهرجان اتوا للأفلام الرقمية 500$ في حدها الأدنى بالإضافة لحصيلة رسوم التسجيل ومبيعات تذاكر الحضور. (فرانكلى)...
...
أحدهم لفت نظرى الى هذا البوست..
فأنا لم أنتبه اليه من قبل...
و لقد دخلت لآقول رأيى حسب معرفتى التامة بالشابة ايمان هاشم بدر الدين..
فقد عرفتها منذ أن كانت طفلة فى الثالثة عشر من عمرها..
فى منزلهم العامر..
و شهادتى لله..
هى أن هذه الشابة النابغة..
تقضى معظم وقتها فى شيئين..
و منذ نعومة أظافرها..
و الشيئان هما الدراسة و العمل..
حتى أنهت تعليمها العالى فى زمن قياسى..
فهى حادة الذكاء..
مجتهدة..
غاية فى الادب..
جادة فى حياتها..
تفهم الحياة بشكلها الصحيح..
عكس الصغيرات فى سنها..
وهى ايضا اية فى الجمال..
و هى فوق ذلك..
و رغم البعد عن السودان الذى لا تعرف عنه كثيرا...
الا انها تواظب على صلاتها..
و تصوم...
وتحفظ القران..
وتلازم والدتها فى مناسبات السودانيين العامة فى أتاوا..
بأختصار شديد..
ايمان نموذج للسودانيين الجدد..
الذين ولدوا وترعروا فى الغربة..
فاستفادوا من كل الفرص المتوفرة لديهم..
وهى بذلك قد اصبحت شخصية عالمية..
بسلوكها المتحضر الراقى..
و تمسكها بجذورها السودانية..
أما جائزة مهرجان اتاوا..
فهذه اقل بكثير من أمكانيات أيمان هاشم بدرالدين...
الفضل يرجع للست الوالدة..
التى تصارع الاهوال فى الغربة..
حتى نجحت نجاحا باهرا فى أن تخرج للعالم ثلاثة زهرات جميلات و مبدعات..
و و لد يفخر به كل من سنحت له الفرصة بلقائه..
ثم نأتى لفرانكلى..
فأنت يا فرانكلى لم تفرح لنجاح شابة سودانية فى مقتبل العمر ترسم مجدها بيدها..
و تبدع فى واحد من المجالات الذى يمكن أن تسّخره لخدمة السودان فى يوم من الايام..
كل الذى همك...
هو التشكك فى الجائزة..
و تكذيب الخبر..
كل هذا لانك لم و لا ولن تسطيع أن تربى ابنائك على هذا النهج....
لآنك انسان سئ الخلق و عنيف و ضعيف و مشوش...
لذلك تشعر بالغيرة من أى نجاح أنت لا تستطيع أن توصل ابنائك اليه..
فمن يقرأ العنف الذى تنشره فى هذه الصفحة..
و مساندتك للظلم و الظلمة..
يعرف تماما أى نوع من البشر أنت..
و أى نوع من الابناء هم ابنائك..
و على العموم..
هؤلاء هم السودانيين الجدد..
و هؤلاء هم مستقبل السودان..
و هؤلاء هم عزاؤنا الوحيد فى ما فعلته الانقاذ فى شعب السودان..
و ألف مبروك يا ايمان..
فرحت ليك من كل قلبى..
| |
  
|
|
|
|
|
|
|
|
Re: المخرجة إيمان هاشم بدرالدين تحصد جايزة أف (Re: Frankly)
|
انت سمعت قصة الفيل فوفو والفار فوكو ولا ما سمعتها يا فوكو
معليش ياعتمان اعذرني ما بقدر امسك نفسي من الناس للبخربوا الحفلات ...
ما عايز ازود عليه حتى ما احرف البوست
كنت فاكروا اكثر خبث ويفهم الرابط لكن طلع
ماجور زي جمل عصارة السمسم..يكوضم ويلف
ولو بالغ بينيخ...
| |
|
|
|
|
|
|
|
|
|
Re: المخرجة إيمان هاشم بدرالدين تحصد جايزة أف (Re: Frankly)
|
فرانكلى...
يا خادم الخدم عايزين مصدر من موقع كندي أو موقع الجائزة أو مصدر من صحيفة محلية تقوم تجيب لي رابط للراكوبة؟
...
يا فرانكلى ات ما بتسوى قرش تعريفة عندى..
خاصة بعد تحريضك للحكومة انها تكتل المتظاهرين فى انتفاضة سبتمبر...
ولكن برد على مداخلتك التافهة دى..
عشان خاطر ايمان..
و البت دى هى و عائلتها غاليين على كتير..
ثم أوضح للرأى العام..
الجهة المنظمة للاحتفال و اللى منحت الجائزة اسمها...
Ottawa's Digital Filmmaker's Festivals
و الجائزة منحت تحت اسم..
Best Director
Eman BadrEldin
و موضوع اللمنافسة اسمه..
Red River.
و هى اصغر director للعام 2017
الصور موجودة عندى..
بس ما عارفة انزلها..
الا ارسلها لى منى عمسيب وهى تقوم شاكرة بانزالها..
شفت كيف نيتك عاطلة ؟
شفت كيف قلبك وسخان..
بدلا من تشجيع الشباب أول حاجة تعملها تشكك فى الخبر..
قايل الناس كلهم انقاذيين كذابين و مزوراتيه و عايشين فى بيئة فاسدة زيكم ؟
أها..
أيمان دى ان شاء الله حتنتج أفلام عن السودان فى فترة الانقاذ..
ضمن نجاحاتها فى اى مادة الاخرى..
ديل السودانيين الجدد...
اللى هزموا الانقاذ...
ويهزموا مليون انقاذ..
| |
|
|
|
|
|
|
|
|
|
Re: المخرجة إيمان هاشم بدرالدين تحصد جايزة أف (Re: الصادق اسماعيل)
|
يا سلاااااام يا الصادق اسماعيل..
ألف شكر..
حليت لى مشكلة كبيرة..
ولو كملت جميلك و نزلت صورها وهى يتحمل الجائزة..
يكون ما قّصرت تب..
اهتمامى بى ايمان..
و الجيل بتاعها..
فدا لانه دا جيل عمالقة وعباقرة بالجملة...
لا بيعرفوا المستحيل..
و لا حتى عندهم وكت عشان يشتكوا..
و عندهم قدرة على الصبر و طولة البال غير عادية..
و نظرتهم للحياة واااضحة و محددة..
أحنا جيل الاجتهادات..
و الصراع من اجل البقاء..
و الرحيل المبكر من الدنيا..
أو نحمل كشكول من امراض القهر على اقل تقدير..
صدقنى دا جيل عندو قصص نجاحات لو عرفناها..
ما حنصدق انه السودان يطلع منه كل دا...
ويييينك يا فرانكلى ؟
| |
|
|
|
|
|
|
|
|
 Re: المخرجة إيمان هاشم بدرالدين تحصد جايزة أف (Re: nour tawir)
|
Quote:
ثم نأتى لفرانكلى..
فأنت يا فرانكلى لم تفرح لنجاح شابة سودانية فى مقتبل العمر ترسم مجدها بيدها..
و تبدع فى واحد من المجالات الذى يمكن أن تسّخره لخدمة السودان فى يوم من الايام..
كل الذى همك...
هو التشكك فى الجائزة..
و تكذيب الخبر..
كل هذا لانك لم و لا ولن تسطيع أن تربى ابنائك على هذا النهج....
لآنك انسان سئ الخلق و عنيف و ضعيف و مشوش...
لذلك تشعر بالغيرة من أى نجاح أنت لا تستطيع أن توصل ابنائك اليه..
فمن يقرأ العنف الذى تنشره فى هذه الصفحة..
و مساندتك للظلم و الظلمة..
يعرف تماما أى نوع من البشر أنت..
و أى نوع من الابناء هم ابنائك..
|
وجع........
| |
|
|
|
|
|
|
|
|
|
Re: المخرجة إيمان هاشم بدرالدين تحصد جايزة أف (Re: حيدر حسن ميرغني)
|
أولا انا بعتذر للاخ صاحب البوست..
لانى استلمته وبقيت سّته بدون حتى استئذان..
لسببين..
أولا لان ايمان وجيلها ديل الفائدة الوحيدة الطلعنا بيها من مقص الانقاذ وبهدلة الحكومات السودانية لينا..
تانيا لانى استغربت تصرف فرانكلى رغم انى اعرف تركيبته النفسية من كتاباته..
الا و انى ما كنت متخيلة انه (...) للدرجة دى..
و على العموم..
حصلت ايمان على فرصة للتدريب فى الاخراج السينمائى فى تورنتو فى شهر يناير المقبل..
و من هنا يبدأ المشوار..
مشوار مخرجة سينمائية عالمية حتنقل السودان الى مصاف العالمية..
خاصة وانه سوداننا دا لحدى هسى خامة..
و لسه الناس ما عرفتو..
و حتى لو اختارت أى مجال تانى..
برضو حتبدع فيه..
و فى كل الاحوال..
وفى السنوات القليلة المقبلة ان شاء الله..
نحنا موعودين بأبداع سينمائى ما بعده ابداع..
و بالتوفيق يا ايمان..
و يا عثمان موسى كتر خيرك...
وفرت لينا فرصة لنشهد بالحق..
و خليتكم عافية..
دورى هنا خلاص انتهى..
الا اذا ابليس غشى فرانكلى وجا راجع..
| |
|
|
|
|
|
|
|
|
|
Re: المخرجة إيمان هاشم بدرالدين تحصد جايزة أف (Re: عمر نملة)
|
الآخ الفاضل عمر نملة..
استغربت تصدى فرانكلى للمخرجة السينمائية الشابة ايمان هاشم بدرالدين..
رغم ما وصل اليه السودان من تزوير فى الشهادات العلمية فى زمن الانقاذ...
و لم يفتح المولى عز وجل عليه ببوست واحد يتيم ينبه الناس الى خطورة هذا الآمر..
ولكنه لا يتورع فى اتهام الشرفاء..
فالحصول على الشهادات فى زمن الانقاذ..
و صل الى الحضيض..
و قد ابتدعوا اساليب جديدة للحصول على الشهادات العلمية دون عناء...
و ذلك بأن يدفع طالب الشهادة مبالغ معينة لشخص متخصص..
ليقوم بالدارسة و اعداد الشهادة..
هذه لم تلفت نظر فرانلكى..
وداد زوجة عمر البشير اعطوها دكتوراه رغم جهلها بمادة الدكتوراة..
و عمر البشير اعطوه شهادة فخرية فى مجال ما..
و الاف الشهادات مزورة فى زمن الانقاذ..
و بكل تحدى..
فهم لا يهمهم أى شخص..
و لا يهمهم أى شئ..
لذلك يتخيل فرانكلى ان كل السودانيين مزورين مثل الكيزان..
مصيبة يا عمر نملة..
و ماعارفة الكيزان ديل حيقعدوا فى قلوبنا تانى قدر شنو..
| |
|
|
|
|
|
|
| |
Osman Musa
Deng
أمير فرح
Omer Abdalla Omer
Frankly
احمد حمودى
MOHAMMED ELSHEIKH
nour tawir
Elmoiz Abunura
عمر نملة
الصادق اسماعيل
Hassan Makkawi
حيدر حسن ميرغني
Imad Khalifa
فيس بوك
تويتر
انستقرام
يوتيوب
بنتيريست