|
Re: المجهول ... (Re: محمد المسلمي)
|
وبعدين .. حاتم .. ح يجئ يطق طقك ذي ما حصل حاجة .. والباقي أمشي للفارس حميدتي في الميدان، عشان يتم ليك الخياطة بالحرير .. ويوريك المكشن بلا بصل ..
عالم قاعدة إلا للنقة والفارغة ..
بريمة
| |
|
|
|
|
|
|
Re: المجهول ... (Re: Biraima M Adam)
|
محمد المسلمي سلامات ياخي طبعا أنا اتصلت عليك قبل سنتين تقريبا بخصوص عربية ، ولكن للأسف ما لاقيتك وجها لوجه ، فهل ياترى التلفون داك بنفي مني شبهة الشبحية ولا بد من الزيارة الميدانية؟
| |
|
|
|
|
|
|
Re: المجهول ... (Re: عمر التاج)
|
الاستاذ عمر التاج سلامات عندك شهود لما اتصلت عشان تنفي التهمة غايتوا في شبح قالوا في زميل بعرفه 🤣🤣🤣 المهم لو متذكر معاي الاستاذ الزميل منصور المفتاح قابلناك في صالة المعلم في زواج زميلة هنا
| |
|
|
|
|
|
|
Re: المجهول ... (Re: محمد المسلمي)
|
اخونا بريمة سلامات يا اخا العجم
Quote: والباقي أمشي للفارس حميدتي في الميدان، عشان يتم ليك الخياطة بالحرير .. ويوريك المكشن بلا بصل .. |
عليك الله يابريمة راجل مثقف ومتعلم زيك كده مابخجل يقول الفارس حميدتي؟ حمدتي ده في رايك اكتشف الذرة ولا حرر القدس عشان تختو مثلك الادنى؟ يا اخ ده ما مجرد رئيس عصابة أي رباطي في الخلاء ممكن يشتغل شغلو ده .. وبعدين يا اخ انت ما شايف اللستة الكبيرة الفوق ديك جاي ناطي لي طوالي في حميدتي يا أخي اقولك .. تبا لحميدتي وتب .
وأقولك انت ولك مناصري الشبح .. حاكم البركاوي ده: 13 19 32 و 33 كمان هواده يلا أمش لقاموس حاتم الفوق ده وفسر وماتقصر ترد بمثلها ..
| |
|
|
|
|
|
|
Re: المجهول ... (Re: عمر التاج)
|
حبيبنا المسلمي كيفنك يا اخي ..
Quote: عندك شهود لما اتصلت عشان تنفي التهمة غايتوا في شبح قالوا في زميل بعرفه |
غايتو على الأقل الناس عارفني من بورداب الخرطوم .. بس لزنقة الشغل ما شاركت إلا في منشط واحد وناس بورداب السعودية ماقصروا ، وبورداب قطر نزلوا برنامجهم هنا ، وبورداب أمريكا ولندن وهولندا كلهم بقوا مشهورين ما شاء الله بس فضلوا بورداب الضلمه ، وديل الا قاعدين يعملوا مناشطهم في (الترب)
.. .. المجهولية طبعا ماحرام ، ولكن في عالم الانترنت ارتبطت بالانتحال وجرائم الاحتيال .. وأنا غايتو ما بفهم واحد يتخفى في الانترنت إلا للأسباب التالية .. 1- ناشط سياسي ضليع أو داعية ديني متطرف خايف من السلطة أو المهووسين ، أو عواقب أقواله وافعاله 2- عالم وباحث محترف يقوم بأبحاث خطرة ويخشى من سرقة أبحاثه أو استهدافه من قبل أعداء الوطن. 3- أنثى صريحة وجريئة تريد التعبير عن آرائها الصريحة وتخشى على نفسها من أمراض الجندرة. 4- عضو في جماعة أمنية أو متطرفة، يريد التخفي وسط جماعات أخرى لتفريقهم أو اشغالهم بأشياء تخدم أجندة جماعته وأهدافها .. 5- أخرى (تذكر)
كدي يامسلمي أختار رقم الإجابة الصحيحة التي تعتقد أنها السبب الرئيسي في تشبيح الشبح وانتبه بالله عليك ماتلخبط بين أرقام الشتائم فوق وأرقام الأسباب هنا ..
| |
|
|
|
|
|
|
|