كتب الكاتب الفاتح جبرا المتوفرة بمعرض الدوحة
|
Re: الليلة مكارم بشير اتزلطت في اغنية العطبر (Re: Osman Musa)
|
مكام تعجبك بي الانفعال الصادق و التعايش مع الاغنيات . وفي اغنية العطبراوي فصفصت و ترجمعت المقاطع حرف حرف . وشتتت فيها ضريرة صندل عكلت عكلة جميلة في مقطع الختمة . عفارم عليك يا عسل . والله جد خليتي الامة تسرح في المسافة البين الدامر وعطبرة .
| |
|
|
|
|
|
|
Re: الليلة مكارم بشير اتزلطت في اغنية العطبر (Re: Osman Musa)
|
ياخ انت زول اضانك نضيفة مالك دايرني اغير رأى فيك!؟ مكارم كويسه بس الأغنية دي تحديداً اشتغلت فيها حق الباص بس و السبب انها حاولت فيها تعمل فيها العطبراوي و انها تتقمص شخصية صوتو ودي مسأله قاسية عليها شديد يعني لو غنت بطريقته هي كان اخير ليها. رحم الله حسن خليفة العطبراوي.
| |
|
|
|
|
|
|
Re: الليلة مكارم بشير اتزلطت في اغنية العطبر (Re: سفيان بشير نابرى)
|
اخونا الفرجيني الاصيل سفيان سلامات اكيد العطبروي كوم الغناء الكبير داك براو براو . لكن مكارم بت مجتهدة و حتتعلم وهي ما بعيدة من نواحي التعليم . قبل ايام يا سفيان قابلتها في رحلة بين الخرطوم و دبي و معاها اهلها . جيت قعد جمبها انضم عن شغلها قبل سنة في اغاني واغاني وشكرت ناس المنابر علي التشجيع و النقد و قالت بي روح رياضية هي تستفيد من كتابات كل الناس و تحاول دايما تعمل التقدر عليهو . والله يا سفيان لقيت مكارم شابة عندها طموح جيد
| |
|
|
|
|
|
|
Re: الليلة مكارم بشير اتزلطت في اغنية العطبر (Re: Osman Musa)
|
بعد الحلقة ما انتهت جاتني تلفونات تولول من عطبرة التحت . من السودنة و من داخلة العمدة السرور و من الحصاية فوق . المكالمات كلها عن كيف تجدعت مكارم في اغنية حبيب شعوب مدينة النار . شعوب عطبرة شعوب شيمتها الوفاء للفنان المناضل ابو علي . من المكالمات المستهبلة واحد قال لي في الدقيقة ٣ من عمر تنهدات مكارم في الاغنية عمك قدور دمع نفس دمعة المصري محمد صلاح بعد نزال راموس هههههها
| |
|
|
|
|
|
|
|