|
|
|
 Re: القراية ام دق (Re: حسن ادم محمد العالم)
|
*القراية ام دق*
*محمد عبدالماجد*
*أغنيات حكومية*
(1)
>إبراهيم الميرغني.
> كانت أيام سعيدة ــ يا ربي مناي تعيدها.
(2)
> مبارك الفاضل.
> الحنين البي ليه ما قدرو .. ما قدرو العمر من وين يشتروه.
(3)
> عبد الله حمدوك.
> نحن في بداية طريقنا ليه تقول لي مستحيل.
(4)
> أحمد بلال.
> وأنا يا طير محل ما تطير بشوفك.
(5)
> إبراهيم غندور.
> نسيتني أنا وخلاص يعني ما في طريق يرجعني.
(6)
> محمد عثمان الركابي.
> دنيا الريد غريبة ناس أفراحها زايدة وناس بتألمو.
(7)
> كمال عمر.
> كل ما أقول قربت ليك تلقاني بادي من الألف.
(8)
> علي الحاج.
> وتغلطوا إنتو يا حلوين نجيكم نحن بالأعذار.
(9)
> الحسن الميرغني.
> بتفوت ولا حتى تودع ساي.
(10)
> عبد الرحيم محمد حسين.
> أفارقكم .. أودعكم لا لا ما بقدر..
> أودع أودع كيف ؟ أفارق أفارق كيف ولسه الشوق بعيش فيا أودعكم لا ... أفارقكم لا لا لا أنا ما بقدر أودعكم دموعي بتغطي عينيا لكن اه.. لكن آه وآه بتزود الآلام.
(11)
> حسن إسماعيل.
> تحرمني منك وإنت عارف إني منك لا الزمن بقدر يحول قلبي عنك لا المسافة ولا الخيال يشغلني عنك.
(12)
> أمين حسن عمر.
> ما قالوا عليك حنين بس نان وينها الحنية.
(13)
>غازي صلاح الدين.
> قاسي قلبك علي ليه.
(14)
> بحر إدريس أبو قردة.
> خليتني ليه عشت الشقا قبال أعرفك من زمان.
(15)
> ميادة سوار الذهب.
> ما بنختلف.
(16)
> حاتم السر.
> تاني ما تقول انتهينا.. نحن يا دوب ابتدينا.
(17)
> الصادق المهدي.
> ارجع تعال عود لي.. رجع حنانك لي.
(18)
> عثمان محمد يوسف كبر.
> رجعنالك.
| |
 
|
|
|
|
|
|
|
|
Re: القراية ام دق (Re: حسن ادم محمد العالم)
|
نماذج اخري من موضوع ساره رحمة
حليل سارة يا حليل ساااارة
حليل سارة للبنات ضاااارة
********
حليل سارة في مهيرة تحوم
حليل سارة نصهن بتنوم
حليل سارة واللهيج مختوم
حليل سارة والمزز بي الكوم
*******
حليل سارة لملمت أسرار
حليل سارة واقدة فيهن نار
حليل سارة تابعوها كتااااااار
حليل سارة لامة كل شمار
********
حليل سارة يا بنات الفيس
حليل سارة ورطت كم كيس
حليل سارة قرقرة وجكيس
حليل سارة وصلوها الميس
*******
حليل سارة دقست للناس
حليل سارة هالة من إحساس
حليل سارة زينة ما بتنقاس
حليل سارة خطرة شايلة الكاس
*****
حليل سارة يا حليل سارة
حليل سارة للبنات ضاااارة
| |
|
|
|
|
|
|
|
|
|
Re: القراية ام دق (Re: حسن ادم محمد العالم)
|
موضوع حمدوك
مسطول بسأل في صاحبو: حمدوك القاعدين يحنسوا فيهوا دا شن نفرو؟
قال ليهو قالوا كان زول شاطر في وزارة المالية جوا ناس الانقاذ شالوهوا للصالح العام قالوا شيوعي.
قال ليهو واها اسي الجد شنو حمدوك إهتدي ولا صبأت الإنقاذ؟!
لا هذا ولا ذاك لكن المشروع الحضاري حصل مشروع الجزيرة
| |
|
|
|
|
|
|
|
|
|
Re: القراية ام دق (Re: حسن ادم محمد العالم)
|
واحد قال حكاية عدم وجود اللمبي في
الحكومة علي غير العادة مجهجهني
ومقلق بي شديد ....
زي لما تكون بتصلي وتكون قدامك نملة
اب ريش تقوم تسجد وترفع راسك من
السجود ماتلقاها قدامك!!
تكون عايش في جهجهة وقلق شديدين
يا ربي النملة دي مشت وين!!
تحياتي الأخ حسن ...
| |
|
|
|
|
|
|
| |
Salah Zubeir
Asim Ali
فيس بوك
تويتر
انستقرام
يوتيوب
بنتيريست