|
كتب الكاتب الفاتح جبرا المتوفرة بمعرض الدوحة
|
|
 Re: الفضائيات السودانية خسارة قروش وضياع وكت (Re: عبدالعظيم عثمان)
|
في برنامج في قناة أمدرمان بيقدمه حسين خوجلي
ياخي دا واحد من أكثر البرامج سماجة وبرنامج يستعرض فيه مقدمه
عضلاته وأفكاره المتناقضة وعامل فيها ناقد وهو لا ناقد ولا حاجة
وعامل فيها بيجلد في ذاته ويقدم نصائح وكل شوي تخونه الفكرة
ويحاول تمرير بعض الفزاعات ويتحدث عن أهمية بقاء الإنقاذ في السلطة
وأن الأمن وإذا فاتت الإنقاذ السودانين ديل دمهم يسليل في الشوارع
ويقعد يونس في نفسه بي كلام في الهواء ساي ..
| |
 
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
الفضائية السودانية الرسمية :- دي قصتها قصة ومحنتها سيحكي عنها الناس
لا لون لها ولا طعم ولا رائحة , رتابة وملل عجيب , أتوقع أنها ستأخذ
جائزة المحطة الأكثر مللا في العالم .. ديكور زي الزفت
برامج مكررة , ومقدي برامج بلا أي موهبة ( كأنما هنالك عمل مقصود لقتل هذه الفضائية)
أخبار يقدمها عواجيز ( ما عندهم طاقة للكلام)
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
برنامج الصباح :- الشروق \النيل الأزرق \سودانية24\التلفزيون القومي
تكرار ومحاكاة كل يوم فاصل من المعط والكلام المكرر
كأنما هذه المحطات يفكر لها شخص واحد عديم الموهبة بلا إبداع
ما معقول نفس المواضيع بالكربون ونفس الحوار الركيك في كل هذه المحطات
إعداد ضعيف , ومقدي البرامج زي الروبوتات بلا أي تفاعل أو تلقائية
متخشبين وكل واح يعاين في الورقة عشان يقرأ سؤال بسيط
منتهي الملل
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
مع المحطات البيض دي تتمني ما يجي المساء كله كله
برنامج للمساء قمة في المعط في النيل الأزرق
بنيات متلمعات ومكربات التوب كويس ورؤوسهم خاوية
برنامج قمة في الملل واللاموضوع .. وفواصل غنائية
ويعيدوا ويكرروا في الحوارات الضعيفة , أوقات بكون في ضيف
ممكن يضيف للحلقة ولكن ضعف الحوار مع البنات الغمرانات ديل
بيصبح الملل مضاعف
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
ســلام وتحية أخي عبدالعظــيم ..
قرأت خبراً قبل إسبوع تقريباً يقول أن كثير من الشركات التي لها عقود مع قنواتنا لبث الدعاية لهم قاموا بالغاء العقود
والسبب إنخفاض عدد المشاهدين بصورة ملفتة ..
والكل يعلم بان الفضاء اصبح مفتوح والناس تختار الأفضل ..
لا خيار لقنواتنا للمنافسة وكسب عدد كبير من المشاهدين الا بتجويد العمل والإرتقاء بمستوى المادة التي تقدم ..
فعلا برامجنا مملة لدرجة كبيرة ..
انا عن نفسي وأسرتي لن تصدق ان قلت لكـ باننا من النادر ان نشاهد القنوات السودانية ..
أرجو ان يكون هذا البوست مفيد لقنواتنا ,ان تبدأ رحلة تصحيح جادة ..
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: Dr. Ahmed Amin)
|
والله ما عند شغله .. ذي ما تفعل هنا في المنبر ..
هل تصدق 28 سنة ما قعدت أمام قناة سودانية عشان أستقي الأخبار أو المعلومات .. دي شغل لناس الأقاليم البعيدة الما عندهم وسائل أتصال.
| Quote: عند المقارنة بالمحطات في الشرق الأوسط والخليج .. |
قلت لي العرب ككيف؟ .. كيتاً في الزناجنة ..
بريمة
| |
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
تشترك جميع المحطات الفضائية في أنها مملة حد الموت
لا أفكار جديدة ولا صورة زي الناس لا ديكور لا ترتيب لا إضاءة
تعاين للمحطات دي تحس إنك في ثمانينيات القرن الماضي (يعني متأخرين تقريبا 30 سنة)
سلامات استاذ عبدالعطيم
والله ماقلت الا الحق
اعتقد الحكاية عدم ابتكار وعدم فهم وتقليدية
وعدم ادراك لدور الاعلام فى ترقية حياة الناس
ويقولو ليك الامكانيات - شماعة بس
ابسط حاجة الاضاءة ياخى
نحن ناس سمر مرات الواحد ماتشوف الا سنونو
وبعدين البرامج نصها نقة - نضمى نضمى نضمى ورتيييييب وممل
اسئلة وأحوبة كأنك فى محكمة
والبنات اهتمام بالمكياج زيادة من اللازم
والتصوير دايما من زاوية واحدة
اما المديح دا خليهو براهو - دا بقى ناسو كتاااااار زى الفنانين
صراحة تلفريونات السودان تصلح لانسان العصر الحجرى
اعتقد الحكاية من بعضها تدهور فى كل شئ ومنو المسئول ربك أعلم
بعدين اكتر شئ بيغيظ حكاية التهميش للثقافات السودانية
يعى مستحيل تشوف برنامج او حلقة كاملة بلغة عير العربية
مع انو السودان دا فيهو مية لغة - وثقافات متعددة
وحتى لما يقدموا برنامج عن ثقافة منطقة من مناطق السودان يكون مقدم البرنامج شمالى من الوسط
وقد يكون ماناقش اى حاجة عن ثقافة الناس البيتكلم معاهم
يعنى ليه مايكون فى يوم للبجه - بى لفتهم وبقدموهو هم
وهكدا برمانج للدناقلة وبرنامج للزغاوة والفور بلفتهم وبقية الاثنيات والثقافات
يعنى حتى لو ساعة كل يوم لثقافة مختلفة ولغة مختلفة
مش كان كل واحد لقى نفسو فى التلفزيونات دى وزادت نسبة المشاهدة
غايتو وزير الثقافة عندنا اكيد يكون زول ماعندو اى علاقة بالثقافة زى بقية الزوراء
الواحد تلقاهو دكتور اسنان وزير الطرق والكبارى
تحياتى
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: محمد المرتضى حامد)
|
شكرا ضيوف البوست برجع ليكم (واحد واحد)
اليوم الجمعة شوي ويبدأ المعط الصاح ..
مداحين وشايلين الطار ( وشغالين زي الوري الوحلان في الرملة)
يحلكم الله من خالد الصحافة الخلا الغنا وقلب بقا مداح
كدي زول يفهمني قصة المديح الشغالة في التلفزيون لأكثر من 40 عام
دا شنو دا ؟
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: محمد المرتضى حامد)
|
سلامات عظمة
مرات بتلقي برنامج حواري شغال و لحدي ما ينتهي البرنامج لا بقولوا
اسم الضيف و ولا بتكتب في الشاشة و لو قالوهو بقولوا الاسم الاول
باعتبار ان الضيف معروف .
الفنانين الكتار و مساخ بتلقي واحد بغني ولحدي ما ينتهي ما بتكون عارفو دا منو.
و برضو ظاهرة هجمة الصحفيين و الصحفيات على التلفزيون
كلهم فاشلين و يفتقروا لابسط مقومات المهنة، ممكن يكونوا صحفيين ناجحين ولكن ليس بالضرورة مقدمي برامج.
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: Nasser Amin)
|
عبد العظيم،
Quote: السبب الرئيسي لكل ذلك "العطالي من أولاد أمدرمان" الورثوا التلفزيون
وشغالين فينا معط الزمن دا كله
عاملين فيها مبدعين بي ريسانهم الفاضية دي |
اها .. بالله أنزل في هؤلاء جوز .. وما تنسي أولاد الخراتيم ..
أبعد من العروبة .. تكون أحسن ..
بريمة
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: Biraima M Adam)
|
كمان يا عبد العظيم في ملاحظة في البرامج الحوارية بتاعة المذيعن الشباب
نطق الجيم كدا ch! بدت عند المذيعات و اتلقفوها المذيعين الشباب
بالنسبة للقنوات سودانية 24 مميزة خاصة في برنامج حال البلد و بالطبع قناة الهلال تحتل المرتبة الأولى و الباقي اديه البحر
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: محمد المرتضى حامد)
|
الحقوا هسي المعط شغال ( في تلفزيون السودان)
مداح شايل طار إسمه "الحبر" ووراه شيالين لابسين قفاطين خضراء
وتحتهم سجاد أخضر , وشغالين يترنموا بي قافية سودانية دارجية
وكواريك .. أشك في أن هنالك من يستمتع بهذه الجوطة والكواريك وعويج الخشم
مع كل قفلة ..
يبدو أن الأمر عبارة عن تقليد وبرمجة قديمة دون إعادة النظر في نوع هذه البرامج
الناس البستمتعوا بالمديح ديل ماتوا زمان , عشان كدا ما تقدونا بالمدايح في التلفزيون
شوفوا ليكم شغلة ثانية
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
Quote: فعلا برامجنا مملة لدرجة كبيرة ..
انا عن نفسي وأسرتي لن تصدق ان قلت لكـ باننا من النادر ان نشاهد القنوات السودانية ..
أرجو ان يكون هذا البوست مفيد لقنواتنا ,ان تبدأ رحلة تصحيح جادة .. |
سلامات أحمد أمين
ياخي إنت ريحت نفسك وأسرتك بمقاطعة الفضائيات السودانية
البوست لن يكون مفيد لهذه الفضائيات ولا حاجة لأنه من يقود هذه الفضائيات
بيكون متخيل نفسه هو من خلق الإبداع وأن هذه المحطات تقدم المفيد والمتنوع
وبيكون مستغرب لمثل هذا الحوار.. عشان كدا ما تعشم ساي
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
Quote: وقد يكون ماناقش اى حاجة عن ثقافة الناس البيتكلم معاهم
يعنى ليه مايكون فى يوم للبجه - بى لفتهم وبقدموهو هم
وهكدا برمانج للدناقلة وبرنامج للزغاوة والفور بلفتهم وبقية الاثنيات والثقافات
يعنى حتى لو ساعة كل يوم لثقافة مختلفة ولغة مختلفة
مش كان كل واحد لقى نفسو فى التلفزيونات دى وزادت نسبة المشاهدة |
تعرف يا حسن حماد دي نفس العقلية الفشلت في السياسة
هي نفسها العاوزة تفرض علي الناس المادة الإعلامية
عشان ما حيقدروا يطلعونا من الملل الشغال دا
السودان بلد زاخر بالثقافات وشعوبة المختلفه متنوعة
للأسف الشديد حتي أبناء الثقافات السودانية القديمة نفسهم
بينسلخوا من ثقافاتهم ويتحولوا الي بياعين لي ثقافة مركزية مستوردة
الموضوع في الذهنية التي تدير هذه الأجهزة الإعلامية
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
Quote: والله ما عند شغله .. ذي ما تفعل هنا في المنبر ..
هل تصدق 28 سنة ما قعدت أمام قناة سودانية عشان أستقي الأخبار أو المعلومات .. دي شغل لناس الأقاليم البعيدة الما عندهم وسائل أتصال. |
بريمة الأفريقي العامل فيها عربي
خير فعلت
الفضائيات السودانية مملة لأبعد الحدود لكن نعمل شنو
مرت كدا بتكون مشتهي أي شيء من السودان
أرقد عافية يا حفيد ترهاقا ويا سليل أعزم الحضارات الأفريقية
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: عبدالعظيم عثمان)
|
=
| Quote: و برضو ظاهرة هجمة الصحفيين و الصحفيات على التلفزيون... |
الظاهرة التي أشرتم إليها يا عبد العظيم لم تكن موجود لدينا في السودان حتى العام 2013
وفي هذا البوست :
Re: زميل البورد الفنان طلال حلفا يقدم برنامج جميل بقناة ام درمان -فيدRe: زميل البورد الفنان طلال حلفا يقدم برنامج جميل بقناة ام درمان -فيد
لم نكن نظن وقتها أنها ستصل إلينا برغم تخوّفنا من احتمالية ظهورها عندنا..
لكن يبدو أنه مع كثرة الفضائيات السودانية وتوالدها كالفِطر من جهة
وفقر الساحة السودانية من الكوادر الإعلامية المؤهلة والمدربة،
إضافة إلى هجرة المتميزين من المحترفين إلى المنافي القريبة والبعيدة
فقد ضعفت مناعة الجسد الإعلامي السوداني، بما جعل الجرثومة التي كانت
محدودة الانتشار في فضائيات الجوار العربي، والتي سبق أن التفت إليها الدكتور
الفنان إبراهيم عبد الحليم في هذا البوست وهو يتحدث عن
زميل البورد الفنان طلال حلفا يقدم برنامج جميل بقناة ام درمان -فيديو زميل البورد الفنان طلال حلفا يقدم برنامج جميل بقناة ام درمان -فيديو
لم نك نظن أنها قد تسللت ونجحت في العبور والانتقال إلينا، ولسوء الحظ صادفت
جسداً واهناً وتمكنت، وبتنا اليوم نشاهد كل رئيس تحرير صحيفة قد أزاح القلم جانباً ليفرض
نفسه على ستديوهات التلفزيونات كوسيلة يعتاش منها ويحقق زيادة في الدخل وليس هناك
من يحاسبه على كلامه إن أطلق القول على عواهنه وهو يُمسك المايك بيديه الاثنتين
إما كمضيف ومقدم برامج، أو كضيف ثقيل الوزن والدم يتم تقديمه كـ"خبير كبير" في كل شأن خطير..
كما أصبح كل كاتب عمود، أو مندوب إعلانات يتفرجخ ويملأ الشاشة ويصفعنا
وجهه يومياً وينثر أمام المشاهدين نصيبهم من كلامه "الخارم بارم"
وهو منتفخ الأوداج والجضوم، وكأنه يتكرم على المتابعين بـ"طلته البهية"
أضافة إلى أنه يظن نفسه أنه يُلقي إليهم بنفيس الدُرر.
فالمسألة يا عبد العظيم لا تعدو أن تكون جزءاً من الخراب الضارب الأطناب
في كل مفاصل الدولة السودانية: فضائح في الجسد الدبلوماسي سار بذكرها الركبان،
وعفانة بالاسكايب في هيئة علماء السودان، وفي وزارات التعليم والصحة .. إلخ
وأشياء كريهة الرائحة في كل مكان بما فيها مكتب رئيس الجمهورية
فكيف يستقيم ظل الإعلام والعود من قمة رأسه أعوج؟!
تحياتي لك وضيوفك
...
..
.
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: Nasser Amin)
|
Quote: سلامات عظمة
مرات بتلقي برنامج حواري شغال و لحدي ما ينتهي البرنامج لا بقولوا
اسم الضيف و ولا بتكتب في الشاشة و لو قالوهو بقولوا الاسم الاول
باعتبار ان الضيف معروف . |
سلامات يا ناصر
مرات كدا تحس الموضوع دا مقصود وأن الأمر ليس عفويا
القصد التخريب والتدمير وليس فشلا فقط لعدم الموهبة
لانه ما ممكن الموضوع يكون بالسوء دا كله كله
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: الأمين عبد الرحمن عيسى)
|
Quote: وبمناسبة صورة بروفايلك التي تسر أخي عبدالعظيم.. ورتابة مذيعينا وقنواتنا..
إليك هذه الصحفية ومقدمة حلقاتها غير العادية في قضايا إفريقيا
التحية لها ولهذا الرئيس الهمام..ولك أخي عبدالعظيم وضيوفك, |
سلامات الأمين عبدالرحمن
ياخي ياريت لو عندنا رئيس زي ماغفولي بتاع تنزانيا
ياخي زي الرئيس دا هو الممكن تخت صورته في صالون البيت
لأنه إصلاحي وقائد وزعيم حقيقي مش زي الحرامية العندنا الله لا جاب باقيهم
بعدين البت الفي الفيديو خطيرة وتلقائية وعندها حضور قوي
وملكاتها في توصيل الفكرة ولغة الجسد زي دي بتقدر توصل فكرتها بقوة
مش زي بناتنا الواحدة زي الخشبة مصبوبة في الكرسي صب كل شوي تصلح التوب
| |
|
|
|
|
|
|
|
|
|
Re: الفضائيات السودانية خسارة قروش وضياع وكت (Re: Asim Ali)
|
Quote: لايوجد مناخ جريه. لذلك اصبح مايقدمه الاعلام فاقد النكهه واللون
االمناخ الحر والديمقراطى يسمح بتعدد نوعيه البرامج وتنوع مواضيعها والابداع. |
نعم يا عاصم الحريات شرط أساسي للإبداع
لكن برضه في تفاصيل صغيرة لا علاقة لها بالحريات
ما تعرف الموضوع دا ليه علاقة بالذوق السوداني أو بشنو ما تعرف
| |
|
|
|
|
|
|
| |
عبدالعظيم عثمان
Biraima M Adam
حسن حماد محمد
Asim Ali
الأمين عبد الرحمن عيسى
محمد المرتضى حامد
Nasser Amin
محمد البشرى الخضر
الصادق عبدالله الحسن
فيس بوك
تويتر
انستقرام
يوتيوب
بنتيريست