|
|
|
 Re: العنصرية حتى بين الاكادميين واساتذة الجا� (Re: عمر دفع الله)
|
عمردفع الله
ده كان "مخطط إستراتيجي" وحاليا بقى مدير كلية جامعية. ده الكلام البتقال في الغرف المغلقة، والان صار يتسرب للخارج.
لسخرية القدر
الاسماء التي زكرها وأنتقد أصحابها هي أسماء لسودانيين أصيلين، وأسمه الاول كما زكره في التسجيل "عثمان" و عثمان ليس أسم سوداني أصيل.
هذا الرجل رجل عنصري وجاهل في نفس الوقت.
قال إستراتيجية قال
| |
  
|
|
|
|
|
|
|
|
Re: العنصرية حتى بين الاكادميين واساتذة الجا� (Re: Deng)
|
أنا عندي قصة ظريفة مع ناس الجوازات في الخرطوم.
وأنا في أولى ثانوي عالي، مشيت أجدد الجواز في الجوازات في الخرطوم.
الضابط المسئول من التجديد كان ملازم أول وجالس جنبه نقيب، الملازم أول مسك الجواز و قراء أسمي وقال لي بكل ثقة مستغربا "أسمك جورج"؟ رديت عليه نعم ده أسمي، قام رد وقال لي أسمك ده ما أسم سوداني، قمت عاينت لي أسمو في االبدلة العسكرية، لقيت أسموا الاول كان محمد، قمت رديت عليه وقلت ليهو برضوا أنت أسمك ما أسم سوداني! الملازم أستغرب جدا ورد علي بكل عجرفة، كيف أسمي ده ما أسم سوداني؟؟
قمت أنا رديت عليه وشرحت له الاسماء السودانية هي تيراب،ادروب،دينق وملوال. لم يستطيع الملازم أن يفتح فمه بكلمة، ولكن النقيب ضحك على الملازم وقال له الولد ده أفحمك وأداك حصة في التاريخ السوداني. وبعدها الملازم ضحك و جدد لي الجواز وذهبت لحالي.
الذي أريد قوله هنا أن هنالك توجد كثير من المعلومات المغلوطة تم نشرها بين الناس في السودان وبموجبها يتحكم بعض الناس على الثروة والسلطة في السودان.
وعملية تزوير التاريخ السوداني صار واضح وضوح الشمس.
| |
|
|
|
|
|
|
|
|
|
Re: العنصرية حتى بين الاكادميين واساتذة الجا� (Re: Deng)
|
كلام قبيح وعنصري.. دي نظرة كثير من العنصريين في السودان.. مصيبة كبيرة.. الكلام دا متجذر في الثقافة السودانية ومتوارث..
يبدو أن سنوات التيه للسودانين العنصريين ستطول أكثر من 40 عام يتيهون في الأرض ويحملون هذه الأمراض
| |
|
|
|
|
|
|
|
|
|
Re: العنصرية حتى بين الاكادميين واساتذة الجا� (Re: عبدالعظيم عثمان)
|
الزول ده اسمه اصبح معروف ومكان عمله معروف وهو مدير كلية جامعية
أطالب واحد من ناشطى حقوق الانسان ومناهضى العنصرية في الداخل ان يقوم بفتح بلاغ ضد هذا العنصرى ويكون هذا التسجيل هو دليل اتهامه ويتم حشد الناس لحضور جلسات هذه المحاكمة عشان تكون عظة وعبرة لاى عنصرى قبيح
قرف الله يقرفه المتخلف الجاهل ده !!!
| |
|
|
|
|
|
|
|
|
|
Re: العنصرية حتى بين الاكادميين واساتذة الجا� (Re: خالد حاكم)
|
عشان نعرف حجم مصيبتنا في السودان، التفاعل مع الموضوع دا تحديدا بدينا مؤشرات لوعي المثقفين بقضايا البلد الكبري.. المؤسف حقا أن يهمل المثقفين في المنبر هذا الموضوع بكل ما فيه من قبح وخطر علي النسيج الإجتماعي في البلد .. غايتو السودان دا بلد الهرج الأكبر بلا منازع
| |
|
|
|
|
|
|
|
|
|
Re: العنصرية حتى بين الاكادميين واساتذة الجا� (Re: Deng)
|
والله كنت يا دينق عايز اشوف انواع التعليقات على فيديو طفل الحضانة في بيروت
وفي فيديو الخبير الاستراتيجى دا واتفرج في المفارقات دى .
ادانة العنصرية عندنا وعند غيرينا لا تكفى بل الاهم هو القيام بحملة
واسعة لوضع قوانين تُجرّم العنصرية ووضع مواد في المناهج الدراسية
لتوعية الصغار ودورات تدريبية في حقوق الانسان للاساتذة ، من مرحلة الاساس
الى اساتذة الجامعات . هسي زى المخطط الاستراتيجى دا ما كشف انو البلد منتهية بالمرة من كُبارا....
| |
|
|
|
|
|
|
|
|
|
Re: العنصرية بين الاكاديميين ومدراء الجامعات (Re: Hani Arabi Mohamed)
|
| Quote: يبدو أن سنوات التيه للسودانين العنصريين ستطول أكثر من 40 عام يتيهون في الأرض ويحملون هذه الأمراض |
اربعين سنة دى ما كتيرا يا عبدالعظيم
يعنى تزيد شوية عن الفترة الزمنية ( للجيل )
لكن اذا وضعت المعالجات من هسي ، اكيد سنكون في وضع افضل واكتر انسانية من حالنا المايل دا...
| |
|
|
|
|
|
|
| |
عمر دفع الله
Deng
عبدالعظيم عثمان
خالد حاكم
حاتم إبراهيم
Hani Arabi Mohamed
فيس بوك
تويتر
انستقرام
يوتيوب
بنتيريست