|
|
|
 Re: الصيام النظر !!! (Re: MOHAMMED ELSHEIKH)
|
سلام عليكم
سعودي"مستنير " قال كمان حقو يربطوهو مع السنة الميلادية ويكون موعد الحج في فترة تكون درجة الحرارة مقبولة.
الزول دا كلامو كانو مافى مسلم الا فى منطقتو .
السنه القمريه ودورانها على الفصول يخلى رمضان رحمه للناس على امتداد الارض
مثلا رمضان السنه دى صيف عندنا شمال خط الاستواء وبارد وشتاء /معتدل على ناس جنوب خط الاستواء..
طيب لو كان ثابت ومربو ط بالسنه الشمسيه معناها الناس العندخم رمضان صيف يكون كدا لى يوم الدين والناس البيجيهم شتاء اواو جو معتدل يكون كدا لى يوم الدين .
لكن كدا رحمه للبشرمن المسلمين جميعا على امتداد العالم كلو حتى لو كانفى ناس فى القطب الشمالى مثلا وماجاوره مره يجى وكت الشمس طالعه 24ساعه ومره وقت اليل 24ساعه.
.
بالنسبه لاعتماد الحساب فى تحديدمواقيت بدايات الشهر القمرى ومواسم العباده صوم وحج فهو حاصل .
عندنا فى السودان دكتور معاويه شداد قبل رمضان بيطلع بيان يعلقو فى لوحه اعلانات قسم القيزياء وبنشرو بعض الصحف.
فى البيان دا يبين موعد حدوث الاقتران - قبل الغروب اوبعد الغروب - وموعد بدايه رمضان حسب المدارس الفقهيه.
اضافه الى دا بيكون جزء من اللجنه المجتمعه بهذا الخصوص وطبعا الفلكى المشارك دائما بيكون عندو اسئله يتقين بيها من صدق صاحب الرؤيه مثلا وضع الهلال استدارته مفتوحه لاعلى ام لاسفل.
.
اما تحرى الرؤيه حسب وجهه نظرى انها سنه حسب حديث الرسول (ص)
عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ذَكَرَ رَمَضَانَ فَقَالَ : " لا تَصُومُوا حَتَّى تَرَوْا الْهِلالَ وَلا تُفْطِرُوا حَتَّى تَرَوْهُ فَإِنْ غُمَّ عَلَيْكُمْ فَاقْدُرُوا لَهُ " رواه البخاري.
.
وطبعا دا المتعارف عليهو حسب رؤيه عدول اما البعض الاخر لايصوم او يفطر الابرؤيه الهلال واضخا للعين المجرده (ممكن يكون يوم 2 او يوم 3 ومثال على دا بعض المسلمين من نيجيريا .
واذكر حاجه من الفلاته كانت تاتى للمنزل للغسيل زارتنا فى صباح احد الاعياد وعيدت علينا ولما قدمنا ليها الحلاوه والشربات امتنعت وقالت انها صايمه.
.
اما ختلاف الدول فى زمنا دا غالبا بسبب اسياسه وصراعاتها وليس بسبب جهل بتحديد موعد رؤيه عيانا او حسابا.
| |
 
|
|
|
|
|
|
|
 Re: الصيام النظر !!! (Re: Asim Ali)
|
شكر ا عاصم على المداخلة الثمينة واتفق معك في كل ماقلته واضيف ان سنة الرؤية النظرية كانت في القرن السابع
ومعاها كمان سنة يبقى ظل كل شيء مثله.
هل لدينا حبل لقياس موعد صلاة العصر مع الظلال ام دخول الوقت يعتمد كليا على الوقت الساعي؟
هل يقف المؤذن لينظر للسماء ليتبين الخيط الأبيض من الأزرق لصلاة الفجر ام يصحو من فراشه على صوت المنبه ثم على المايك.
المفترض يكون هناك تقويم فلكي معروف تعرف متى يكون عيد الأضحى في العام 1500 هـ .
بالمناسبة زولك القال يثبتوا رمضان في درجة حرارة معقولة دكتور بتاع فلك!!!!!
لك تحية وأاقول:
الحج عرفة" ...واضيف انا :الضحية فتوار"
| |
|
|
|
|
|
| |
MOHAMMED ELSHEIKH
Asim Ali
فيس بوك
تويتر
انستقرام
يوتيوب
بنتيريست