|
|
|
 Re: الصلاة في محطات الوقود (Re: عبدالحفيظ ابوسن)
|
ماذا قال الشيخ الكاروري عن أزمة الوقود في خطبة الجمعة ؟؟
تحدث الشيخ عن الابتلاءات العظيمة التي مرت بالمسلمين ، وطلب من المصلين أخذ العبر من غزوة الخندق عندما حاصرت قريش وحلفائها من اليهود المسلمين في المدينة ، وكيف تبدل الحصار لفتح قريب ، فهزم الله الأحزاب ، ويقول الشيخ ما اشبه الليلة بالبارحة ، فقد تكالبت قوى الشر والعدوان فوضعت المشروع الاسلامي في السودان امام تحدي كبير ، تلك القوى كانت تراهن ان الشارع المسلم في السودان سوف ينقلب على حكامه وبدأت دوائرهم تتحدث عن ايام ويسقط النظام ، لكن الشارع الصابر المؤمن ضيع فرصتهم ، تحولت محطات البنزين لدور للعبادة في مشهد ذكرنا بعهد دولة الخلافة ، ولام الشيخ الوزراء الذين يتحدثون عن نضوب الموارد في الدولة ...كيف عرفوا ذلك ؟؟ وطلب من الوزراء عدم الحديث لوسائل الاعلام وخلق بلبلة بين الناس ، وعليهم ان يستعينوا بالكتمان لقضاء حوائجهم ، وتحدث الشيخ الكاروري عن فتح عظيم ينتظر أهل السودان ، وطلب من المصلين احياء شعيرة الاستسقاء ، وقال أن هذه الشعيرة لا تخص الماء فقط ، وانها شعيرة عامة يُمكن ان تطبق على المحروقات وكل ما ينقص من احتياجات ، وقد طلب من الحضور التمسك بالحاكم وعدم الانصات للشائعات .
| |
 
|
|
|
|
|
|
|
|
Re: الصلاة في محطات الوقود (Re: muntasir)
|
لا تكن قاسيا عليهم يا منتصر
لا تدري اي قهر وعنف واجهه هذا الشعب البسيط
أي خوف دخله من المستقبل
الزول بلاقي مشكلتو براهو
يتجدع في السجن ولا الحراسة ويبيت اطفاله القوى
انت مطالب تحل مشكلتك براك
وناس الوعي والاستنارة مشغولين بقضايا الصوالين الثقافية !
| |
|
|
|
|
|
|
|
|
|
Re: الصلاة في محطات الوقود (Re: عبدالحفيظ ابوسن)
|
صلاة الجمعة الحصلت في الطلمبة دي في تقديري تطور كبير جدا جدا في فهم الدين
نقلة ما كان لها ان تتم في ظرف مغاير
انا شفت تشدد السودانيين في صلاة الجمعة وصحة شروطها وفق ما يقول لهم الفقهاء . واسئلتهم حول صحة صلاة احدهم
الاسئلة تشمل الامام زاتو والمكان
وفي حالة السفر
اسئلة لا تنقطع
اها هسة تجاوزو كل دة وصلوا
اتمني لهم القبول
القلب عامرا بالايمان دون مسجد للنور !!
| |
|
|
|
|
|
|
|
|
|
Re: الصلاة في محطات الوقود (Re: محمد البشرى الخضر)
|
خلاس جيت يا المبروك 😆😆😆
ممكن ياودو
مابعيد
حتي حكاية يتجاوزو الصلاة في الجامع او بالاصح صلاة الجمعة دون المبيحات المحفوظة
قول صلوها ضهر جمعة . دة زاتو خروج من سلطة الفقهاء وكون ان الدين يسر
| |
|
|
|
|
|
|
|
|
 Re: الصلاة في محطات الوقود (Re: عبدالحفيظ ابوسن)
|
يا الشيخ الفكرة الرئيسة هنا تعتمد على أن اللقطة الحايمة دي لصلاة جمعة! مش كدا
طيب سألتك هل متأكد ولاّ الناس بعد تتناقش و تتجادل والفتاوي تتطاقش و البوست يعمل صفحتين نكتشف انه ما كانت في صلاة جمعة ولا يحزنون !
| |
|
|
|
|
|
|
|
|
Re: الصلاة في محطات الوقود (Re: محمد البشرى الخضر)
|
ياودو انت عارف في السودان الصلاة الوحيدة البوقفو ليها الشغل هي صلاة الجمعة
وبدون اوامر ولا موجهات حكومية كون انو الناس بتحرص جدا علي اداء الصلاة . وقت صلاة الجمعة بالتحديد وليس غيرها .
ومعروف زمن مافي ازمة طلمبات البنزين بتقيف وقت الصلاة
العمال بقفلو الطلمبة
| |
|
|
|
|
|
|
|
|
|
Re: الصلاة في محطات الوقود (Re: عبدالحفيظ ابوسن)
|
| Quote: ماذا قال الشيخ الكاروري عن أزمة الوقود في خطبة الجمعة ؟؟ |
لقد طالما تحدثنا عن أن مساجد قد أصبحت ملوثة بجهالات رجال عقولهم خربة ، و نفوسهم مريضة ، و هؤلاء الرجال هم اليوم أئمة المساجد و معلموهم الدين..،،
الأستاذ محمود محمد طه
من خطاب الأستاذ محمود محمد طه للدكتور عبدالرحيم محمود أبو عيسى رئيس نادي الخرجين بمدينة ود مدني
| |
|
|
|
|
|
|
|
|
|
Re: الصلاة في محطات الوقود (Re: عبدالله عثمان)
|
يا عبدالله بصلي الجمعة بدون خطبة
لو حضرت الخطبة ممكن امرق قبل الصلاة تصدق
رغم انو الامام قال المابحضر الخطبة بكون مرق بي ديك بس .. والبحضرها بمرق بي جمل
وعاين كمان القياس
صلاة استبزان
بديلا لصلاة استقساء
وممكن صلاة استدوار للدولار
| |
|
|
|
|
|
|
|
|
|
Re: الصلاة في محطات الوقود (Re: يحي قباني)
|
ياودو انت عارف في السودان الصلاة الوحيدة البوقفو ليها الشغل هي صلاة الجمعة
وبدون اوامر ولا موجهات حكومية كون انو الناس بتحرص جدا علي اداء الصلاة . وقت صلاة الجمعة بالتحديد وليس غيرها .
-------------------------------------------------------------------
يا عبد الحفيظ يمكن ناس الخرطوم ما مؤمنين عشان كده بيوقفو الشغل يوم الجمعة بالقانون
ده القانون :
عملاً بأحكام المادة 41 من المرسوم الدستوري الحادي عشر لسنة 1996م أصدرت حكومة ولاية الخرطوم القانون الآتي نصه:
الفصل الأول
أحكام تمهيدية
اسم القانون وبدء العمل به
1/ يسمى هذا القانون قانون النظام العام بولاية الخرطوم لسنة 1996م ويعمل به من تاريخ التوقيع عليه.
عدم جواز فتح المحال التجارية في أوقات الجمعة
21 / لايجوز فتح المحال التجارية أو البيع في الفترة ما بين الثانية عشر ظهراً والساعة الثانية ظهراً من يوم الجمعة.
26 / يعاقب كل من يخالف أحكام هذا القانون بواحدة أو أكثر من العقوبات الآتية:
أ-السجن بما لا يزيد عن خمس سنوات.
ب- الغرامة.
ج-العقوبتين معاً.
د-الجلد.
| |
|
|
|
|
|
|
|
|
|
Re: الصلاة في محطات الوقود (Re: kamal omer)
|
نعم كمال دة قانون موجود
بطبقوهو حسب الحالة والمزاج . وبعنجهية
تقفل دكانك عديل او محلك وبجو لافين
ناس المحلات من زمان قبل الانقاذ زاتها . في ناس بقفلو خالص وناس بخلو زول يحرس ليهم
حتي الآن ما بقفلو خالص . الجوامع اوقات صلاتها مختلفة . تمشي تصلي وترجع وجارك يمشي جامع تاني
الطلمبات والافران بتقفل تماما
دي كوستي غايتو
| |
|
|
|
|
|
|
|
|
|
Re: الصلاة في محطات الوقود (Re: عبدالحفيظ ابوسن)
|
الصورة الحايمة فعلا لصلاة جمعة ، لأني شفتها فيديو وحضرت جزء من الخطبة كان بتكلم عن حسن الخلق
اظن الصلاة كانت بعد شكلة كاربة في الطرمبة
الصلاة زي ما قلت اخ عبدالحفيظ قديكون فيها تجاوزات فقهية ، لكن الشعب اتجاوز الأصول زاتها فما مشكلة الفروع
ممكن يلقوا ليها تخريجة في مذهب ذليل بن المستعبد الخنعي امام المذهب الخامس
| |
|
|
|
|
|
|
| |
عبدالحفيظ ابوسن
kamal omer
Hani Arabi Mohamed
عمر سعيد علي
محمد البشرى الخضر
Salah Zubeir
عبدالله عثمان
يحي قباني
احمد الشيخ
فيس بوك
تويتر
انستقرام
يوتيوب
بنتيريست