|
|
|
 Re: السواقة في شارع sudaneseonline (Re: عبدالحفيظ ابوسن)
|
تكون سواق هادئ ومتزن وعاقل
سايق ليك في تراب
بسرعة معقولة
يجيك واحد كاشي من وراك . اسرع منك وكسواق بتعرف ضوابط السواقة تفتح ليهو يمشي قدامك
يكتحك كتيحة جد . ترخي عشان يمشي .. يرخي معاك !؟
مصر يكون قدامك .. مع رخيتو تشد عربيتك . شافك شديت هو زاتو يدي عربيتو ابنص
وتبقا المساككة
علي بالجزيمة بحصل حادث
يا اتطاقشتو
ولا في ملف واحد عربيتو طوحت ودق الدلجة
| |
 
|
|
|
|
|
|
|
|
Re: السواقة في شارع sudaneseonline (Re: عبدالحفيظ ابوسن)
|
يقول ليك قرصتو في الشارع
يعني ضايقو ضيق شديد لامن مرق من الزلط
المرقة دي ممكن تخليهو يعمل حادث . الزلط عالي او وجود مارة بجمبة الشارع
او يقيف ويخلي يمشي
ويشعر القارص بلذة الانتصار
ويمشي يتونس بيها بفخر دلالة علي شفتنة السواقة
الود مقطعها
| |
|
|
|
|
|
|
|
|
|
Re: السواقة في شارع sudaneseonline (Re: عبدالحفيظ ابوسن)
|
ياود ابوسن سلام
عندي قريباً لي سواق لواري وتخصص سواقة لواري سفرية
قال كان بسكر في اول قهوة من خروجه من اي مدينة
ويصل مرحلة يرفعوا في التندة رفع .. بعداك يبدأ السواقة
ويقطع القوز عادي وعمره ماعمل حادث ولا انقلب . شفت
كيف المهم حتي الجلابي بكون راكب معاه قدام ومقتنع
وشايفه سكران . شفت ادب السواقة والسكر ماشين كيف
-----
البوست ده ماعايزنه سبيل زي الفات 🤣🤣
| |
|
|
|
|
|
|
|
|
|
Re: السواقة في شارع sudaneseonline (Re: محمد المسلمي)
|
سلام لك و لضيوفك الاكارم
وكون ان المنبر الهدف الرئيس منه هو الحوار و تبادل الافكار
لكن مع اختلاف الاتجاهات وبروز بعض الذين عندهم هوية المحاصصة
في كل كبيرة و صغيرة برز ما يشبه حاجة الشخص في القيادة المنبرية
بشوية حرفنة حتى لا تقع ضحية حوادث حوار تماماً كحوادث السير.
عموما كان يغيظني اصحابنا الشباب في السفر في الطريق السفري الطويل
كلما عاكس احدهم ونال منه شعر بنشوة الانتصار ويقول ليك: ختيتا ليهو عشان يآمن
واعتقد البعض عقلاء في الطريق ويقابلهم هذا الصنف كثيرا
لذا يفصحوا المجال و يتوخى الصدام الذي لا طائل منه
كما بعض الحكماء هنا يدركون ان لهم رسالة يقدمون طرحهم
ثم ياخذون طرفاً.
صراحة الواحد بعض النماذج في المنبر تجعله الى انه محتاج لحرفنة
والدخول في تكتلات والهدف سواقة الناس حسب رأي الاغلبية تماما
كما البرلمانات والاغلبية الميكانيكية وما شابه.
وهذا ليس الهدف الاساسي من الحوار و ليس بالصدام تتحاور الاقلام
تحياتي ابو سن
| |
|
|
|
|
|
|
|
|
|
Re: السواقة في شارع sudaneseonline (Re: Khalid Abbas)
|
مصداقا لكلامك يا مسلمي شفت ناس الواحد يرقد دلقان . يرفعوهو وهو يتخرت . يشيلو يختو في القبينة يسوق لي بيتهم . لكن هناك الا يحبي حبيان حتان ينزل
الشاهد حافظ عربيتو وطريقة سواقتها وحافظ محل بيتهم في اللاوعي حقو . لكن قطع شك لو غير شارعو بعمل حادث
اها الدروب لامن تكتر دايرة وعي
| |
|
|
|
|
|
|
|
|
|
Re: السواقة في شارع sudaneseonline (Re: عبدالحفيظ ابوسن)
|
صحي يا احمد
السواق بكون عارف هدفو /نقطة وصولو . ماشي من كوستي للخرطوم
يا البص مليان وما عندو وقفة . ولا بتحرك قشاش يرفع من الشارع ركب وينزل
اها
هنا زي ما قلت في قلة ما تقدر تعرف هم سايقين وين .. يأشر يمين وما يلف زاتو ولو لف تلقاهو لفة غلط
| |
|
|
|
|
|
|
|
|
|
Re: السواقة في شارع sudaneseonline (Re: محمد البشرى الخضر)
|
Quote: عندي خاطرة عن حزب / أحزاب البعث, ممكن أكبّها هنا ولاّ بكون مسّختها
|
ودالبشري سلام ياصاحب . اها الخواطر عن القيادة القومية ولا القطرية ولا عن المؤسس قبل إسلامه ولا فترة وجوده في سوريا ولا فترة هروبه من سوريا ووصوله العراق ولا الحزب في السودان قبل الانشقاق ولا بعده
--------
ود ابوسن اظن بوستاتك بقت مسكونة 🤣🤣
| |
|
|
|
|
|
|
|
|
|
Re: السواقة في شارع sudaneseonline (Re: محمد المسلمي)
|
هههه لا يا مسلمي الخاطرة عن جماعتنا الهنا ديل الرافعين شعار أمة عربية واحدة يعني عايزين يوحدّوا الأمة العربية بي زر أبوها وهم عاجزين عن توحيد حزب في السودان فانشق لأربعة قابلة للزيادة
لكن كدي في اللول قريبك دا يدينا الإذن 
| |
|
|
|
|
|
|
|
|
Re: السواقة في شارع sudaneseonline (Re: محمد المسلمي)
|
سلام يا حفيظ
وبما إنه المنبر مساحة للحوار زي ما قال احمد عمر
المانع شنو تكون سواقة الناس زي قطع الخيران في الخريف
بمعنى يسوقوا البوست زي الكونفوي
لحدي ما يعبر (الخور) بسلام
والمحتاج دفرة .. الغرز .. الميّل .. الوحّل
المهم الناس تكون واااااااااااعية وتتفادى المزلقانات
كسرة:
يعجبني صوت النيسان في الطين تحس انه بيبكي
وخاصة نص الليل .. لا ويقولوا ليك دي سواقة فلان
وبعض الكتابات كذلك .. تعرفها من صوت الماكينة
مودتي
| |
|
|
|
|
|
|
|
|
|
Re: السواقة في شارع sudaneseonline (Re: عبدالحفيظ ابوسن)
|
ههه لا يا منتصر ياخ .. اخوك داير يكتب رد في بوست بتي لقيتو محكر هنا وديتو محلو
بعدينك انا زاتي اتعقدت .. بكون الموبايل مسكون
وبمناسبة البركاوي
مش الشاعر قال
ولو قنعت بشيشي
ما بعجل علي الكلمة الدراشة
هو فيها شنو غير جمال الذكري
| |
|
|
|
|
|
|
|
|
|
Re: السواقة في شارع sudaneseonline (Re: أحمد الشايقي)
|
بيقولوا ان اصعب سواقة سيارات في الدنيا السواقة في الخرطوم...ومع ان شوارع الخرطوم ما ممكن يكون فيها اكثر من مليون سيارة لكن الحوادث فيها اكثر من الحوادث في شوارع نيويورك معانه شوارع نيويورك تسير فيها اكثر من ٦٠ مليون سيارة والسبب
ان شوارع نيويورك يتحكم فيها القانون وشوارع الخرطوم فيها يتحكم فيها مزاج السواق والقانون في اجازة طويلة ...
والبعض بيقول ان ازمة البنزين نعمة كبيرة من الله سبحانه وتعالى عشان الحوادث تقل في شوارع الخرطوم...
اما السواقة في شارع سودانيز اون لاين بقت زي السواقة في شوارع الخرطوم،،،
مع وافر التقدير والاحترام
| |
|
|
|
|
|
|
|
|
|
Re: السواقة في شارع sudaneseonline (Re: امتثال عبدالله)
|
(عندي قريباً لي سواق لواري وتخصص سواقة لواري سفرية
قال كان بسكر في اول قهوة من خروجه من اي مدينة
ويصل مرحلة يرفعوا في التندة رفع .. بعداك يبدأ السواقة
ويقطع القوز عادي وعمره ماعمل حادث ولا انقلب . شفت
كيف المهم حتي الجلابي بكون راكب معاه قدام ومقتنع
وشايفه سكران . شفت ادب السواقة والسكر ماشين كيف)
شوف زي دا يا ابوسن، ناس طيران اللمارات واللتحاد ، شفت ليك سواق بيرفعوهو التَندَه؟ السواق يا المسلمي بقعد في القبينه زي ما قال ليك أبوسن والتنده دي صندوق مسور بالسيخ فوق القبينه محجوز للمساعد وربما بعض الأصحاب بل بعض المسافرين إذا دعا الحال لكن أكثر ما يكون توظيفه كمخزن مع تغطيته بالمشمع درءا لما قد تفعله الأمطار. أبوسن ، بالله كلم بكري يعمل لينا صفحه كهول وأما شباب عصر الديجيتال زي محمد المسلمي ديل خليهم يتونسوا عن اللوفتهانزا براهم..
صراحة الواحد بعض النماذج في المنبر تجعله الى انه محتاج لحرفنة
والدخول في تكتلات والهدف سواقة الناس حسب رأي الاغلبية تماما
كما البرلمانات والاغلبية الميكانيكية وما شابه.
التكتلات هنا ما حبابا يا أبوحميد.. يمكن حسد مني ساااي لأنو الواحد هنا ما عندو أوركسترا ومستمعين وشغال صولو لي روحو.
كسرة:
يعجبني صوت النيسان في الطين تحس انه بيبكي
وخاصة نص الليل .. لا ويقولوا ليك دي سواقة فلان
وبعض الكتابات كذلك .. تعرفها من صوت الماكينة
شايف يا ابسن عمر أبوعاقله قال شنو؟ ياخ ليه تمشِّي ليهو كلامو ساااي كدا هو والمسلمي؟ أبو عاقله، صوت المكنه المركبين ليها كوز ، بيظهر في القيزان وقد سبق وكتبت حول الموضوع في بوست (النهود الجميله) وصدقت أنه بيبكي في الليل وتسمعه من على بعد عدة كيلومترات ويقولوا ليك دا نيسان ود النعيمه أو أوستن – هوستن - (أبيض ضميرك) أو بيدفورد ( أو سفنجة ) أو(سفنوج) مكي ود مكين.
لكنك أبدعت يا عمر في أن (بعض الكتابات تُعرف من صوت المكنه)..
أوسكار.
| |
|
|
|
|
|
|
|
|
|
Re: السواقة في شارع sudaneseonline (Re: محمد المرتضى حامد)
|
سلام يا أهلنا،
والله كلامك صحي ...
عندي صاحباً لي، أيام (النعمة السالت فوق قيزان الرملة) كان بيشرب ويغرّق. في يوم كنا مساهرين في مناسبة وشكلو ما عجبني ... أصلو ما شكل زول ممكن يسوق ... لكن طبعاً أصر يمشي بيتهم سايق وقال لي إنت بس وصلني للدركسون ... سايرتو وتكّلتو لحدي ما قبض في الدركسون واتحرك ... جريت على عربيتي وتابعتو من بعيييد لحدي ما وصل بيتهم ودخل العربية في القراش.
تاني يوم جاني من الصباح وصرف لي بركاوي تقيل ... قال لي أقول ليك مسكني الدركسون تقطرني في شوارع الخرطوم؟
ده برا ... وده برا
| |
|
|
|
|
|
|
|
|
|
Re: السواقة في شارع sudaneseonline (Re: عبدالحفيظ ابوسن)
|
صحي يا محمد المرتضى .. التشبية مبالغة لكن اخوك كان قايم بي نمرة خمسة ما شايف زاتو كويس
وحقيقة زمان بربطو علبة الاناناس .. والقصة دي بتكيف منها المساعد . لذا يشتري علبة اناناس مخصوص عشان الفاضي يربطو كوز
كنا في شارع الدويم ونحن اطفال يجي الابيض ضميرك فاتح فتح صحيح ويئن انين مع تغيير التعشيقة .. ووواي ووواي واي ونحن كلنا بي صوت واحد
ارفع
بي الله التقول راجينا
يخت الترس ونحن زاتنا نتكيف ونجر نفس
اها
مرات هنا كدة برضو
تقرب تقول للزول
ارفع
السواقة هنا مرات فيها ملفات حارة لو ما مسكت فرملة وختيت ترس تقيل بتقلبها
| |
|
|
|
|
|
|
| |
عبدالحفيظ ابوسن
ABUHUSSEIN
محمد المسلمي
احمد عمر محمد
محمد البشرى الخضر
عمر أبوعاقلة
أحمد الشايقي
محمد المرتضى حامد
محمد أبوالعزائم أبوالريش
سفيان بشير نابرى
فيس بوك
تويتر
انستقرام
يوتيوب
بنتيريست