|
|
|
 Re: الرغيفة ب 2 ج (Re: عبدالمنعم الطيب حسن)
|
اخونا اب سن سلامات
ياخ 2 جنيه وين ؟
والله امس في عطبرة ولا بي 3 مافي تصدق ؟
والليلة رجعت صفوف العيش في الخرطوم . وعان جاي
حبوب السكري مافي كلوكلو . والاسبرين لقيانو فيه صعوبة .
بعدين وانت ماشي في امدرمان يوقفك واحد يسالك يا ابن العم
باقيلك الخرطوم فيها جاز لو مشيت ؟
و وزير المالية الجديد ضارب ام فريحانة ما جايب خبر
| |
  
|
|
|
|
|
|
|
|
Re: الرغيفة ب 2 ج (Re: عبدالحفيظ ابوسن)
|
ما مرّ عام و(السودان) ليس فيه جوع!!
يا أبا سن
أمر محزن أن يكابد أهلنا يومهم كله لتأمين لقمة خبز!!!
----
تعزّوا بالسياب وسيبكم من الحاصل (:)
وفي العراق جوعْ
وينثر الغلالَ فيه موسم الحصادْ
لتشبع الغربان والجراد
وتطحن الشّوان والحجر
رحىً تدور في الحقول ... حولها بشرْ
مطر ...
مطر ...
مطر ...
وكم ذرفنا ليلة الرحيل ، من دموعْ
ثم اعتللنا – خوف أن نلامَ – بالمطر ...
مطر ...
مطر ...
ومنذ أنْ كنَّا صغاراً ، كانت السماء
تغيمُ في الشتاء
ويهطل المطر ،
وكلَّ عام – حين يعشب الثرى – نجوعْ
ما مرَّ عامٌ والعراق ليس فيه جوعْ .
يا الله للسودان!!
| |
|
|
|
|
|
|
|
|
|
Re: الرغيفة ب 2 ج (Re: عبدالله عثمان)
|
صحي يا عبدالله
تصدق لي اليوم في مطر !!
لكن الناس هجرت الزراعة . من تزرع ولا قبل تزرع الحكومة تسل ضنبها عليك
تعرف مع السكري بعد صلاة الضهر باكل سندوتش طعمية بي 5 ج
امس قال لي بي 7 ج
ليه ؟
العيشة بقت بي 2 ج
طيب قول بي 2 ج يعني مفروض السندوتش بي 6 ج
لم يقنعني ولم استطع افهامه
تركت السندوتش
| |
|
|
|
|
|
|
|
|
|
Re: الرغيفة ب 2 ج (Re: عبدالعظيم عثمان)
|
ضيق جد يا عظمة
يعني الميزانية زادت 100% فجأة
طرقة الكسرة الواحدة ب 1.5 ج تصدق حليل زمن الريكة
العواسة ليست حلا عشان ما ينط مسؤول يقول ارجعو للكسرة
الغاز 200 ج غير متوفر وسوق اسود ب 250 ج
شوال البصل 1800 ج والربع بي 140 ج
الزيت 40 ج الرطل
تكلفة الحياة موت بس
تكلفة العلاج موتين
واوعا من عملية
الولادة ادناها عشرة ألف ج او عشرة مليون قديم
| |
|
|
|
|
|
|
| |
عبدالحفيظ ابوسن
elhilayla
كمال معتصم احمد السيد
عبدالمنعم الطيب حسن
Osman Musa
عبدالله عثمان
عبدالعظيم عثمان
Sayed Bekab
فيس بوك
تويتر
انستقرام
يوتيوب
بنتيريست