يا ابنتنا العزيزة دكتورة وضاحة الزول دا قال كلام زي العسل واي انسان ممكن يفهم مرماه والمابفهم كلامو دا يراجع مستوى ذاكاءهو واسا انا بشرح ليك الكلام دا بالبولد اي الاسود الغامق وكان بعد دا ما فهمتي يكون الرماد كال حماد الوالي قال لاحمد البلال: القصة انو السلامة للبلد وعشان الناس تاكل رغيف بسعر مخفض لازم يمشو الفرن ويقعودو جمب ست الشاي والقيمات ذاتا غلت بس بقت على الرغيف اسا لمن ولدي ركب الفور وايل دريفر for while dirver اها شفتي فهمي راقي كيف بالترجمة كمان لمن ولدي ركب الفو وايل دريفر كان عندو شوال رغيف تصور يا احمد الولد وزع الرغيف كلو في الشارع وجاني يدينو فاضية امو قامت فيهو قلتا ليها سيبي الولد يحتك بالشارع عشان يعرف نبض القلب مش السودان قلب افريقيا دي مش غنية يا احمد (يقصد احمد البلال) طيب اسا انحنا يوم منعنا الغني ما اهو من الفلس الشعب بقا كلو بغني وبرقص بالليل وتقول شعب فقير يا اخي دي اهم مؤشر للسلامة في اي مجتمع اسا امسك دول الخليج دي بالله فيها زول بغني خلي العيش حرام يا اخي الناس قالت العيش حرام طيب الحكومة لو غلتو غلتانة؟ شوف يا احمد الجماعة ديل يجو مكتبي انا ممكن اعمل ليهم حفلا ويسمعو غنا بعض بس خلي العيش حرام دي حقو ما يغنوها عشان الامن وسلامة المواطن ودي اهم حاجة بعد الاكل والشراب بالله اسا موية البحر نقصت؟ طيب الناس ما تشرب موية بس ليه البذار في العيش الحرام؟ غايتو ممكن نتم حوارنا دا مرة تانية لانو متغدي في بيت الرئيس وامس اتعشيت معاهو يا زول التربيزة كلها مليلانه رغيف قلتا للرئيس ليه يعني كدا؟ ما كان ناكل شعيرية ومكرونة زي الشعب ما بياكل اليومين دي يا اخ عمر؟ بالله تصور الرئيس سألني: انت بصحك يا عبدالرحيم الشعب عندو مشكلة في الرغيف؟
01-27-2018, 09:56 PM
وضاحة وضاحة
تاريخ التسجيل: 01-16-2005
مجموع المشاركات: 9116
في حارتنا ثمة ديك أمى يرأس احدى الميليشيات لم يتعلم الا الغزو والا الفتك والا زرع حشيش الكيف وتزوير العملات كان يبيع ثياب أبيه ويرهن خاتمه الزوجي ويسرق حتى أسنان الأموات في حارتنا ديك كل مواهبه أن يطلق النار من مسدسه الحربي على الكلمات في حارتنا ديك عصبي مجنون يخطب يوما كالحجاج ويمشي زهوا كالمأمون يصرخ من مأذنة الجامع يا سبحاني يا سبحاني فأنا الدولة والقانون
عزيزي الصادق عبد الله الحسين اسمح لي ان اقول انك واحد من كتابي المفضلين هنا فلك مني التحيه وصف نزار وصف دقيق للحال الان في السودان فامثال هؤلاء الديكه الغبيه تجدهم هم اصحاب القرار في كل المؤسسات عاطلين عن المواهب وخالي الاذهان الا من هم غرائزهم النهمه في الدماء وكنز المال لاهم لهم ولا انسانيه عندهم فكيف سننهض وتتقدمنا الديكه الاقزام
01-28-2018, 09:55 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
وضاحة ازيك .. أنا غايتو فهمت انو الزول ده لما يتكلم بتفتف ، وقطع شك المذيع غسل وشيهو بعد المقابلة بالديتول واتخيل لي كلامو ما حايزيد عن تفسيره لضرب مصنع الشفاء لما قال: ( الشئ الضرب البتاع خلى الهناي يطفي)
01-29-2018, 03:41 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
Quote: وضاحة ازيك .. أنا غايتو فهمت انو الزول ده لما يتكلم بتفتف ، وقطع شك المذيع غسل وشيهو بعد المقابلة بالديتول واتخيل لي كلامو ما حايزيد عن تفسيره لضرب مصنع الشفاء لما قال: ( الشئ الضرب البتاع خلى الهناي يطفي)
ود التاج الرتاني عوير والله صحي😂😂 بلد هاملة زي دا ما فاهم نفسوا هو زاتوا بقول في شنو يجي يبقي والي الخرطوم بالجد شي بحير🤔
02-04-2018, 06:52 PM
باسط المكي باسط المكي
تاريخ التسجيل: 01-14-2009
مجموع المشاركات: 5475
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
علي محمد الفكي
Ali Alkanzi
الصادق عبدالله الحسن
عمر التاج
باسط المكي
فيس بوك
تويتر
انستقرام
يوتيوب
بنتيريست