|
|
|
 Re: الجلد في الحفلات ( البُطان ) من العادات الض (Re: ود الباوقة)
|
العزيز ود الباوقة التحية والإحترام شاكر المرور والتعليق ربما كان البُطان في زمانٍ علامة علي الشجاعة ولكنه اليوم لا يمكن إعتبار تحمُّل الأذي وحده يقف دلالة علي الشجاعة بل ربما يدل علي عدم الإحساس بالألم وهذه مشكلة أما الشجاعة فهناك طرق كثيرة للتعبير عنها وليس تحمل الجلد واحد منها بطبيعة الحال
| |
 
|
|
|
|
|
|
|
|
Re: الجلد في الحفلات ( البُطان ) من العادات الض (Re: وليد التلب)
|
من العادات الضاره اقتصاديا" ...
السوداني لبستو فيها 20 متر قماش ...
جلابيه5 وعراقي 4 وسروال 3
وعمه 5 او9 وملفحه 2 ياردة
23 ياردة تعادل 20.7 متر ...
شوفتو البزار دا كيف ... هههه ..
رايكن شنو نغير ونلبس تي شيرت
وبنطلون جينز ... حريم علي رجال ...
وناخد الجنسيه الفلبينيه ونرتاح من
عاداتنا الدفشه دي ....
الخميس كنتا في حفله دمها برررررا
كل الفي الحفله الما إدقا عايز يدقو
والإدقو كايسين الزياده ... قانون
ما اظن يمشي شوفو فتوي شرعيه
امكن تظبط ...
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Salah Zubeir)
|
العزيز Salah Zubeir التحية والإحترام الفتاوي ليست ملزمة فمن شاء عمل بها ومن شاء تجاهلها لكن القانون ملزم وسيكون فعّال جداً وهذا يعتمد علي الجدِّية في التطبيق وعندها علي الأقل لن يتم ممارسة هذه الظاهرة في العلن كما هو حادث الآن ولكنه سيتم في الخفاء وهذا أقل ضرراً
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: وليد التلب)
|
العزيز وليد التلب التحية والإحترام مع إحترامي لرأيك فالبطان والشجاعة خطان متوازيان إنما المقصود بالبطان هو إظهار شجاعة مدعاة أمام النساء وزغاريدهن لكن الشجاعة الحقيقية تبرز حين لقاء العدو حيث لا نساء ولا زغاريد ولا متفرجين وربما ثبت رجل في البُطان وأطلق ساقيه للريح في الحارة! بعدين ما الفرق بين البُطان والتطبير الذي يمارسه الشيعة في إيذاء أنفسهم ضرباً بالسيوف والآلات الحادة في ذكري كربلاء وهل ذلك أيضاً يدل علي الشجاعة؟
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Salah Zubeir)
|
العزيز صلاح الزبير ليس من واجب الدولة التدخل فيما يلبس ويأكل ويشرب الناس لكن من واجبها التدخل لتوعية المواطنين بخطورة الجلد بالسوط وما ينقله من أمراض وكذلك واجب الدولة منع إنتشار المرض وهو ما يفعله الجلد بالسوط وإن إقتضي الأمر إصدار قانون لمنع ذلك فضرر الجلد بالسوط يتعدي المجلود إلي غيره ممن يشاركه الحلقة إذا كان مريضاً مرضاً ينتقل عن طريق الدم
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: فتحي عباس نقد)
|
العزيز فتحي عباس نقد التحية والإحترام أسئلة في غاية الأهمية التي وجهتها لمؤيدي الجلد إذا كانت لديه فوائد الإجابة قطعاً ليس لديه أي فائدة بل كله أضرار أقلاها إيذاء النفس وإيذاء الآخرين وفي هذا شئ من سادية أما الشرع فرأيه واضح وملخّص في القاعدة الفقهية لا ضرر ولا ضرار فأي ضرر يفوق تسبب الأذي للنفس وللآخرين؟
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
سلام محمد الحسن حمدنالله
يعني عادتنا السيئة وقفت عند البطان .. دا تراث ويجب الحفاظ عليه
كتب الطيب صالح في رواية بندرشاه
جمع حمد ثوبه حول هيكله النحيل وقال:
" حين كنا صبية ندرس القرآن في مسجد حاج سعد، كان مختار صبي عاجباه نفسه، مفتول العضلات مرهوب الجانب. نجتمع بعد الدرس تحت شجرة السيال الكبيرة الموجودة إلى يومنا هذا، ويقف مختار وسط الحلقة عاري الظهر يركز للمبارزة. كانت تلك الأيام أيام فروسية ومرجلة والولد الخواف لا يقدر يعيش وسط أولئك التماسيح، والمبارزة بإيش، سوط طول الذراع من عروق السنط. اللهم صل على نبينا؛ ما كان صبي يحتمل أكثر من سوط أو اثنين بالكتير من مختار ود حسب الرسول، أما هو فكان ظهرة زي ظهر عجل البحر..نا ما كنت أحتمل الضرب أبداً، أقف بعيدا لا بي ولا علي وكفى الله المؤمنين شر القتال. طول النهار مختار راكز وسط الحلقة والأولاد يدخلوا واحد ورا واحد.
وكان مختار كلما يلقاني يهزأ بي يناديني باسم أمي من شدة الاستحقار، يقول لي يا ود حليمة متين تبقى راجل تدخل الحلقة مع الرجال؟
المغصة تحش قلبي زي السكين، وأزعل غاية الزعل، لكني أنا قليّل وكحيان. كيف العمل؟
يوم من الأيام حزمت أمري موت حياة ما علي شي وأخير من قولة ود حليمة، أقول لك بني آدم مصيبة معلقة بالسببية إذا دست على طرفه ما يغلب حيله أبدا.
بعد الدرس جريت إلى بيتنا، كيس شطة يمكن رطل، شلته وانطلقت فوق الخلاء لحد ما البيوت ظهرت رهاب رهاب، شطة حمراء نار الله الموقدة أكلتها كلها وقلعت عريان ومسحت بيها جسمي كله، العياذ بالله من النار الولعت في بدني، نار الجحيم انطلقت وأنا أصيح بطول حسي واي واي والدنيا خلاء ولا حد سامع وأبرطع وأتمرمغ في التراب، والعرق نازل شل شل. يا زول ألم أجل الله السامعين شي يمخول العقل، بعد داك لم يهمني أبدا، أدخل النار ما أحس بأي شي، جريت وقميصي في أيدي وعيوني شرار والرأس ورمان قدر الزير.
وصلت السيالة لقيت مختار ود حسب الرسول أل ما يخفى علي راكز عامل عنتر خلص على الجماعة كلهم، تش دخلت ووقفت قدامه وركزت، عاين لي باحتقار قال ود حليمة اليوم بقيت راجل؟
أنا ما أقاشط واحد ولد مره.
الله أكبر رمقته بي عيون زي الشرر، قلت له أبقى راجل اضرب، اتبسم وضحك، وعاين جاي وجاي والجماعة يضحكوا صبركم بالله؛ ود مفتاح الخزنة وود رحمة الله ضحكهم عالي، قالوا ود حليمة راح في داهية؛ مسك السوط وختاه بين ايديه الاثنين، وفرقعه في الهوا وج وج، بعدين لف حوالي ونقرني بالسوط نقرات خفيفة هنا وهنا، عاوز يزعزعني، وأنا راسي فيه ستين ألف عفريت، وبعدين ركز وضرب رجله اليمين في الأرض ولولح السوط ونزله، وحياتك نزل علي بردا وسلاما بعد نار الشطة؛ جلدي خدران كأنه ميت، إذا جرحته بالسكين ما يحس، هبدني بالسوط الثاني والثالث وأنا راكز زي الحيطة، إذا كان الباب دا يحس أنا أحس، وقت وصل السوط السابع وقف، زح لي ورا وعاين لي باستغراب.
حدرته بنظرة زي سم الله الهاري.
بلع ريقه، صاحبي بدا يتزعزع، بعد ما في ضحك، الناس سكتوا بم، ضحك ود مفتاح الخزنة وود رحمة الله يبس في حلوقهم.
عليك أمان الله حسيت زي كان شيطان مارد في بطني بقى يتحرك ويكبر ويفرهد ويفرد جناحاته فوق العالم كله، حسيت كأني جبار شمهورش إذا كان سقف السما وقع أسنده بإيدي.
الشطة أجارك الله وحرقة القلب، صرخت فيه يا زول بي صوت ما أعرف جاني من وين، قلت له يا وليد ميمونة، أحقره باسم أمه، أبقى راجل واضرب بالسوط، قسما النهارده يا أنت يا أنا يشيلوه من هنا للجبانة.
الناس ساكتة صن.
ضربني التامن والتاسع والعاشر، ضرب بي غل، ضرب القوي لما يعرف إنه ضعيف، ضرب الضعيف وقت يعرف إنه ضعيف؛ لما وصل تلاتين، جدك وبندر شاه الله يمسيهم بالخير وقفو، مسكو السوط من أيده، قالوا خلاص انت أخذت حقك، الضرب لي حمد.
أنا أخو البنات؛ يا زول، حسيت كأني زي سر عسكر الترك، بقيت أنفخ وأقدل، قلت لهم خلوه يضرب، قسما بسورة كاف لام ميم، شوف عندك جنس قسم، ود ميمونة الليلة لازم يشيلوه جنازة. جدك وبندر شاه قالوا أبدا، تلاتين سوط كفاية. مسكت السوط لقيته مليان دم، الله أكبر. هزيته فوق الحاضرين ولفيت في الحلقة لفتين وأنا أقدل وأتبختر.
ود مفتاح الخزنة وود رحمة الله منكمشين يعاينوا للأرض من الخوف، نقرت كل واحد بالسوط فوق راسه، بعدين طلقت الزغاريد..
أيوي أيوي أيويا.
عاينت لي مختار ود حسب الرسول لقيته راكز متماسك لكين جبهته ندت بالعرق، بقيت أدور حواليه وأنقبشه بالسوط مرة مرة، وأصرخ وأبرطع بعيد وأجيه راجع، وأقيف قدامه وأنط في الهواء عملت ليه حرب أعصاب، لحد ما اتأكدت زولي خلاص حالته بقت حالة.
ود مفتاح الخزنة وود رحمة الله بعد ضحكهم ما كان ضدي بقى معاي، الوحيدين أل بقوا يضحكوا وراي كل ما ضحكت؛ الله يخيبهم، دايما مع الغالب.
رفعت السوط فوق ونزلته شر، عليك أمان الله كأنك شرطت لك قماش، مختار ما اتزعزع لكين عينه رمشت.
نزلت السوط الثاني سمعته قنت، أنا أخوك يا السمحة.
أديته الثالث زح ورا شوية.
السوط الرابع اترتع.
السوط الخامس وقع بب غمران.
الناس ساكتة ولا حس، مبهورين؛ أنا التعبان الكحيان حمد ود حليمة أهزم مختار ود حسب الرسول، الفارس المغوار والبطل الهدار.
أقول لك شعرت كأني سيد الكون، مالك الليل والنهار. والحكاية كلنا أطفال أكبرنا عمره ما يحصل ثمانية سنين. بقيت أضرب من طرف، وأغير يمين وأغير شمال، أجوط بي جاي وبي جاي، أكتر ضرب ضربته ود رحمة الله وود مفتاح الخزنة؛ يا زول، ركبني جن، وقفت وسط الحلقة وختيت رجلي فوق مختار، وهو راقد جثة هامدة، زي كأني أسد واقف فوق الفريسة، بقيت أتكلم كلام خارم بارم ذكرني بيه جدك وبندر شاه بعدين، قالوا خلاص كفاية.
جدك قال لي خلاص عرفنا إنك راجل.
رد عليه بندر شاه قال إذا كان ود حليمه يفتكر إنه راجل، في أرجل منه، وما أحس إلا وضربة في بطني من بندر شاه، بعدها ما عرفت حصل شنو.
وقت صحيت لقيت نفسي في بيت بندر شاه، على عنقريب وجنبي راقد مختار، والألم أجارك الله، أنا أصرخ واي، ومختار يصرخ واي. "
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
في ناس في الدنيا دي لمن يطربوا بحصل ليهم توتر وإنفعال عصبي
شديد ولازم يحسوا بألم جسدي عنيف ليعودوا لتوازنهم .
مثل هذا الشخص لوتركته ح يتعبط في أعتى واحد في الحفلة ويعمل معاه مشكلة .
الناس دي لو ما إدقت ودمها سال بتفرتق الحفلة .
الكلام ده ليس في السودان فقط . موجود في كل العالم
إلا نحن بحكمتنا عالجنا الموضوع .. أدينا العريس السوط وقلنا ليه أرضي الجماعة .
مع البطان من أجل إستمرار الحفلة
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Amin Eltaib)
|
العزيز Amin Eltaib التحية والإحترام كلامك بخصوص بعض الناس لامن يطربوا بحصل ليهم توتر وإنفعال عصبي شديد ولازم يحسوا بألم جسدي عنيف ليعودوا إلي توازنهم وأن الكلام دا موجود في كل العالم! هل ما قلته يستند إلي أساس علمي أم هو إجتهاد شخصي؟ لأني أعيش في بريطانيا وهي جزء من العالم الذي ذكرته والحفلات والطرب فيها علي مدار الساعة ولكني لم أسمع عن تلك الفئة من الناس التي ذكرتها! علي أنه لو وُجد مثل هؤلاء الأشخاص الذين ذكرتهم فمكانهم الطبيعي هو مصحة الأمراض العقلية والنفسية وليس الحفلات وكلامك هذا يؤكد أن الذين يمارسون البُطان بهم شئ من سادية تتطلب العلاج لا تلبية رغباتهم تحت ستار الحفاظ علي التراث والعادات والتقاليد
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
في حديث مع بعض الشباب الذين يعملون في حراسة الديسكوهات في أوربا
ذكروا أن هناك شخصيات يمكن ملاحظتها .
بعد الطرب والنشوة تبدأ في إستفزاز الآخرين ليدخلوا معها في عراك
وغالباً الشخصيات دي مكعكة وكحيانة
يقوموا الحرس يلقطوا الشخصية دي يمسكوها يكرفسوها ويرموها بعنف
في الشارع .
يقوم يتنفض ويصلح بشتنته ويمشي عدييييييييل
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Amin Eltaib)
|
العزيز أمين الطيب ما ذكره لك الشباب الذين يعملون في حراسة الديسكوهات صحيح لكن سبب المشاكل الأساسي في البارات والملاهي الليلية هو تعاطي الكحول وليس بسبب الطرب للغناء والكحول هنا تكلِّف الدولة بلايين الدولارات في شكل معالجة المصابين المخمورين في المشاجرات بينهم وعلاج الأمراض التي تسببها الخمور من تليّف للكبد والإدمان وخلافه
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
في حديث مع بعض الشباب الذين يعملون في حراسة الديسكوهات في أوربا
ذكروا أن هناك شخصيات يمكن ملاحظتها .
بعد الطرب والنشوة تبدأ في إستفزاز الآخرين ليدخلوا معها في عراك
وغالباً الشخصيات دي مكعكة وكحيانة
يقوموا الحرس يلقطوا الشخصية دي يمسكوها يكرفسوها ويرموها بعنف
في الشارع .
يقوم يتنفض ويصلح بشتنته ويمشي عدييييييييل
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Amin Eltaib)
|
تحياتي محمد الحسن
مر علي قبل فترة في الاتساب مقطع مصور لحفل وفيه بطان احد الشباب تحزم وخلع و لف العراقي حول وسطه ودخل يعرض طالبا البطان كان معه احدهم يحاول اثناءه و باصرار لا ادري السبب لكن وضح الاصرار الشديد على اثنائه و قدر ما الشاب المتحمّس يحاول يتجنبه و يزح منه دا لاصق فيه و يتلايق, فما كان من صاحبنا و هو في عز حماسته و عرضته نفسها إلّا و أن تتقمصه روح جون سينا و يشيل زوله فوق و يدق بيه الواطة في حركة سوفلكس امامية الشهيره, ثم ينقض عليه بلكمات متلاحقة و أخيرا لمّا جو الحجّازين يقوم من فوقه ويقفز بقدميه على رأسه في حركة أخيرة ثم ويا للعجب يواصل في عرضته على إيقاع الدلوكة عادي كأنه لم يفعل شيئ و ترك صاحبنا مكوّم على الأرض يحاول الحجّازين اسعافه
لا اعلم تفاصيل الحادثة في الفيديو لكن من الواضح ان من يحلف عليك و يحاول اثناءك عن التعرض للجلد بهذا الإصرار هو اخ أو قريب او على الأقل صديق دفعه خوفه عليك ربما لحالة صحية هو يعلمها عنك أو شيئ آخر لإثنائك عن إلحاق الضرر بنفسك ورغم هذا لم يتورّع جون سينا في غمرة حماسه عن ضربه بهذه القسوة ممّا يدل على مدى الحماسة التي يكون عليها طالب البطان للدرجة التي تعميه عن الألم و الأذى الذي يتعرّض له و يعرّض له الآخرين
يبقى التوعية اهم من القانون و الذي احسب انه لو تم سنّه فسيحلو البطان وينتشر أكثر و يجذب اليه فئات اكثر فالآن لم يعد بطانا فقط وفراسة بل فيه تحدّي للسلطة كمان
| |
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد البشرى الخضر)
|
العزيز محمد البشري الخضر التحية والإحترام شاكر إضافتك التي تلقي الضوء علي مخاطر الجلد في العقل الباطن للمشاركين في البُطان فتجد مسألة منع الكبار للصغار مثلاً من الجلد في الحفلات مسألة عامة وهي تعني شفقة المانع علي الممنوع من قسوة الجلد وما يترتب عليه من آلام وأضرار أتفق معك في أن التوعية والتعليم هما من الأدوات الناجعة لمحاربة ظاهرة البُطان لكن تدخل القانون هنا ليس المقصود منه منع الظاهرة فحسب بل منع إنتشار الأمراض مع مجئ الإنقاذ كانت الحفلات تستمر حتي الساعات الأولي من الصباح حتي أصبح ذلك جزء من العادات والتقاليد والتراث فصدرت الأوامر المحلية بإنتهاء الحفلات الساعة ١١ مساء ماذا حدث بعد ذلك؟ إنصاع الناس تماماً للأمر لتنفيذه بالجدية المطلوبة مع إني ضد ذلك من حيث المبدأ صدّقني نفس الشئ سيحدث للبطان إذا تم منعه بالقانون لأن قطاع كبير من المجتمع ليس راضياً عن الظاهرة بدليل إنحسارها في الريف وعدم وجودها في المدن إلا نادراً
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: Amin Eltaib)
|
العزيز Amin Eltaib قد يستبد الطرب بالشخص فيفعل به ما لا تفعله الخمر كما قلت لكن مهمة الضوابط القانونية هي كبح هذه التجاوزات ومبلغ علمي أن من موانع المسؤولية الجنائية الجنون والصِغر والنوم وليس من بينها الطرب! لذلك لا يصح الدفع بالطرب كمانع من موانع المسؤولية الجنائية
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
السلام عليكم جميعاً و لصاحب البوست كذلك و أجل التقدير..
غايتو القصة دي ما بتقيف إلا توقفوا تأليف غناء الحماسة و الدلوكة خلاف كده بتدفقوا
مويتكم على الرهاب.
النحكي ليكم الحكوة دي :-
قدام قصر الشباب و الأطفال العربات داخلة على الكبرى ماشة الخرطوم اوقفها شرطي المرور ليمرر الإتجاه الآخر الجاي من داخل السلاح الطبي و ماشي شارع الموردة ام درمان ، كانت هناك عربية في الصف الداخل على كبرى الخرطوم صاحبها مشغل كاسيت دلوكة حارة جدا جدا و أغنية حماسة بصوت الفنان محمد الحسن قيقم( الزول دا كمل ضهر أهلنا في نهر النيل تب) المهم الأغنية شغالة بصوت عالي وكان في عمك كده قاطع الزلط من قصر الشباب ماشي الاتجاه الشرقي على مجلس الشعب و قام سمع الدلوكة و حالتو قلبت و بقى يعرض في نص الزلط و يطير فووق و يجي الأرض و يتب و تاني يعرض لافوق المهم الراجل عرض عرضة سمحة و الله فجأة كده الشارع فتح و العربات مشت داخلة على الكبرى و الدور بتاع الحركة وصل لصاحب العربية المشغل الكاسيت اها صاحب العربية دا رفض يتحرك كلو كلو وحرن و العربات وراهو اصطكت و بقى يضربو في البوري و زولنا داك يعرض سااكت بتاع المرور جاء لصاحب العربية قاليهو يازول اتحرك زولنا حلف ما يتحرك قاليهو كيف اقطع للزول عرضتو! ؟ بتاع المرور قطعوا إيصال.
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: سفيان بشير نابرى)
|
العزيز سفيان بشير نابري التحية والإحترام قصتك التي رويتها ذات مغزي كبير وهي أن أغاني الحماسة لها أثر كبير علي معظم السودانيين لكن كم عدد الذين يطربون لأغاني الحماسة لكنهم لا يربطونها بالجلد؟ لا شك أن الكثرة الغالبة تطرب لأغاني الحماسة لكن لا رابط عندهم بين العرضة في أغاني الحماسة والركز للجلد الذي يعتبره الكثير من الناس شئ من الماضي عندنا مثال حي اليوم في فعالية القانون في محاربة العادات الضارة وهي ظاهرة ختان الإناث فمن كان يجرؤ في الماضي علي مجرد الحديث عن وقف ختان الإناث؟ الآن الممارسة تم منعها بالقانون والإستجابة من المجتمع السوداني مشجِّعة جداً لا أزعم أن الجميع أذعن للقانون لا بل هناك من سيستمر في ختان الإناث في الخفاء خاصة في البوادي والأرياف لكن قطعاً ستنتهي الظاهرة يوماً ما وسيعود الفضل في ذلك إلي القانون الذي جرّم الممارسة والأمر نفسه سيحدث للبطان إذا ما تم حظره مودتي وتقديري
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: سفيان بشير نابرى)
|
ذكرتني نكته حايمة يا سفيان
واحد من ناس حجر العسل ديل جاء سوق ام درمان في زريبة البصل يبيع البصل بتاعو.. المهم لحدي ما خلص كان المغرب اذن .. قاموا للصلاة صلي بيهم ولد صوتو جميل جدا .. بعد الفاتحة قام قرا الاية الفيها .. عباد الرحمن الذين يمشون علي الارض هونا .. في نص القراية الزول دا طلع من الصف وزبط عرضة حااارة وبشر في الامام .. ورجع الصف تاني ..
بعد الصلاة الجماعة شبكوهو انت يا زول بتعرض وتبشر في الصلاة مالك؟ قال ليهم ياخ الناس في الفارغة تعرض انا فوق كلام الله ما اعرض؟ 😂😂
Quote:
السلام عليكم جميعاً و لصاحب البوست كذلك و أجل التقدير..
غايتو القصة دي ما بتقيف إلا توقفوا تأليف غناء الحماسة و الدلوكة خلاف كده بتدفقوا
مويتكم على الرهاب.
النحكي ليكم الحكوة دي :-
قدام قصر الشباب و الأطفال العربات داخلة على الكبرى ماشة الخرطوم اوقفها شرطي المرور ليمرر الإتجاه الآخر الجاي من داخل السلاح الطبي و ماشي شارع الموردة ام درمان ، كانت هناك عربية في الصف الداخل على كبرى الخرطوم صاحبها مشغل كاسيت دلوكة حارة جدا جدا و أغنية حماسة بصوت الفنان محمد الحسن قيقم( الزول دا كمل ضهر أهلنا في نهر النيل تب) المهم الأغنية شغالة بصوت عالي وكان في عمك كده قاطع الزلط من قصر الشباب ماشي الاتجاه الشرقي على مجلس الشعب و قام سمع الدلوكة و حالتو قلبت و بقى يعرض في نص الزلط و يطير فووق و يجي الأرض و يتب و تاني يعرض لافوق المهم الراجل عرض عرضة سمحة و الله فجأة كده الشارع فتح و العربات مشت داخلة على الكبرى و الدور بتاع الحركة وصل لصاحب العربية المشغل الكاسيت اها صاحب العربية دا رفض يتحرك كلو كلو وحرن و العربات وراهو اصطكت و بقى يضربو في البوري و زولنا داك يعرض سااكت بتاع المرور جاء لصاحب العربية قاليهو يازول اتحرك زولنا حلف ما يتحرك قاليهو كيف اقطع للزول عرضتو! ؟ بتاع المرور قطعوا إيصال.
|
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: الطيب عباس)
|
العزيز الطيب عباس التحية والإحترام شاكر مرورك وإضافتك معارضتك للجلد في الحفلات هو الفطرة السليمة التي تبعد عن أذي النفس وأذي الآخرين والذين يؤيِّدون الجلد سيتركونه غداً في حال سن القانون ليس قناعةً بذلك ولكن خوفاً من العقوبة أرجو شاكراً إذا كان ذلك ممكناً إنزال الرابط الخاص بالبوست الذي كتبته عن نفس الموضوع هنا لتعم الفائدة مودتي و تقديري
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: الطيب عباس)
|
الأخ/ محمد الحسن
رجعت ليكم تاني (زي ما بقولوا)
بس فكروا في موضوع (العادات والتقاليد) والجلد (البطان) ليس من العادات والتقاليد لماذا؟
الجلد (كعقوبة) (أنزلها الله سبحانه وتعالى في القرآن) وبنفس الطريقة التي كان يطبق بها حد الجلد (وهي تجمع جميع أهل المنطقة لمشاهدة الشخص الذي يقام عليه حد الجلد مثلا)
أتمنى أن يفيدنا وخاصة من أهلنا الجعليين بسؤال كبار السن عن معرفتهم بهذا (التراث كما يقولوا)
ولي عودة
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: فتحي عباس نقد)
|
معك أخي فتحي عباس نقد في تساؤلاتك المشروعة ويبدو أن إنتظارك سيطول في الحصول علي إجابة مقنعة وأغلب الظن ستكون الإجابة عادات وتقاليد😀 كما تقول المرأة السودانية في لقاء مع إحدي القنوات العربية عندما سألها المذيع لماذا تؤيدين ختان الإناث كانت إجابتها حاضرة وفي كل مرة يتردد السؤال وهي عادات وتقاليد و دون أي مبرر!
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: محمد الحسن حمدنالله)
|
تحياتي صاحب البوست وضيوفه
عادة البطان صعب محاربتها وزي ما ذكروا المتداخلين لانها مرتبطه بغناء الحماسه والدلووكه والسيرة...
ولانها سلوك فردي حتى لو ما كان العريس لديه سوط ،للراغبين جلب سوط ويقوم البطان بينهم من غير تتدخل العريس .
الشباب يكتسبون عادة البطان من البيئة التي هم فيها غالبا تربية الارياف وخاصة شمال الخرطوم...
نحن في كل اجازة عيد نرجع الجامعه وضهرنا لا يحتمل الجلوس .من البطان
الان وقفنا بالطان بعد الزواج لانو يعتبر عندنا ..مرحلة شباب ومع الصبينه او مرحلة ما قبل الزواج الصبيان..
انا حاليا لمن احضر حلفة فيها بطان لا انجلد ولكن لا اجلس في كرسي
بل اقوم واعرض وانظم الشباب في شكل صف واي زول يحجز برجعو ...
اذا عاوز تحارب عادة البطان الا توقف الغناء في الحفلات..لانو التتطريب والطرب هو السبب..بجيب الشعرة
والرجفة ...من غير ما تحس تلقي نفسك ترجف ..وفي البيت ممكن يكون واحد زول بطان اخوانه ليس لديهم اهتمام يكتفوا بالمشاهده ود حال الاغلبية المتعه في المشاهده ايضا..
حسب متابعتي وبيئتى التي عايش فيها.. بها بطان كتير جدا جدا....
في الفترة الاخيره دي البطان زاد وبقي منتشر اكتر من اول..تلقاهم ينجلدوا اطفال وافنديه ومدرسين زاتو
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: اباذر عبد العال)
|
العزيز أباذر عبدالعال التحية والإحترام مع تقديري لكل ما ذكرت في مداخلتك الوافية لم تتعرّض لمسألة خطورة الجلد ونقله للأمراض وهل الشباب المشاركين في عملية الجلد علي علم بهذه الخطورة؟ هذه واحدة والثانية إذا صدر قانون بمنع الجلد فهل سيخالف الناس القانون ولو كانت النتيجة الغرامة أو السجن؟ هناك مواد تُعاقب علي القسوة علي الحيوان في القانون الجنائي ذن من باب أولي أن تكون هناك مواد تُعاقب علي القسوة علي الإنسان أليس كذلك؟
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: اباذر عبد العال)
|
| Quote: العزيز أباذر عبدالعال التحية والإحترام مع تقديري لكل ما ذكرت في مداخلتك الوافية لم تتعرّض لمسألة خطورة الجلد ونقله للأمراض |
لك التحية السلام اخي محمد
بالنسبة للخطوره بالتاكيد موجوده لانو ضرب السوط في الجسم الكاشف وفي توقيت فيهو عدم تركيز من الشخص الضارب وقمة الطرب والاستفزاز الحاصل .عادي ممكن السوط في الاضان او الكلي او اليد ويحدث ضرر وحصلت كتير
وايضا قد يسبب السوط خٌراج يحتاج للعلاج ...وتصبح الحكه ابديه...انا لدي سوط في الضهر الان كل فترة تعمل حكه خاصة في السخانه ...
ايضا زي ما ذكرت انت حكاية نقل الامراض من ايدز وغيره ..لكن حسب تقديري بتكون بنسبة ضعيفة لانو الجسم لا يفتح مع الضربة مباشرة من شدة السرعه ..بعد مسافة حتى يطلع الدم.. والهواء يقتل جرثومة الايدز حالا اذا علقت في السوط .والله اعلم
| Quote: وهل الشباب المشاركين في عملية الجلد علي علم بهذه الخطورة؟ |
الشباب ليس من اهتمامتهم معرفة الخطوره لانهم في نشوة الشباب الذي يدرك الخطوره هو من تعدي مرحلة الشباب ..مافي توعية ليهم
| Quote: إذا صدر قانون بمنع الجلد فهل سيخالف الناس القانون ولو كانت النتيجة الغرامة أو السجن؟ |
ابدا لا يخالف الناس القانون...ولكن نحن في دولة خربانه من كبارها مين ل يسن قانون في موضوع محلي ومنحصر في فئة من الناس .. البلد مليانه مشاكل تحتاج لكثير من القانونين والاهتمام
ده عاوز دولة متطوره شديد ....كيف المتابعة المراقبة ...
| Quote: هناك مواد تُعاقب علي القسوة علي الحيوان في القانون الجنائي ذن من باب أولي أن تكون هناك مواد تُعاقب علي القسوة علي الإنسان أليس كذلك؟ |
كلامك سليم وصحيح ووممكن لكن وين في بلدنا دي لسه عاوزه ليها جكه..الجبهجيه اخرونا 28 سنه لي وراء ...خاصة في حكاية البطان والتعليم والوعي والثقافة وهضموا حقوق الانسان خليك من الحيوان
ياخ كل الشباب والشابات اصبحوا شعراء حماس وشكر ونمه ..واتفاخر وانتشرت القبيلة اكثر من اول ..
لك التحية وعوافي
| |
|
|
|
|
|
|
|
|
|
Re: الجلد في الحفلات ( البُطان ) من العادات الض (Re: اباذر عبد العال)
|
العزيز أباذر عبدالعال شاكر ردك المستفيض ومداخلاتك الثرّة التي أثرت البوست أعترف بأن موضوع البُطان مثير للجدل ومثل هذا النقاش مفيد في تسليط الضوء علي الظاهرة وإستعراض آراء الرافضين والمؤيدين لها للوصول إلي خلاصات تعين علي التعامل مع الظاهرة سواء من جانب المجتمع أو الحكومة مودتي وتقديري
| |
|
|
|
|
|
|
| |
محمد الحسن حمدنالله
وليد التلب
Salah Zubeir
فتحي عباس نقد
Khalid Elsayed
محمد البشرى الخضر
سفيان بشير نابرى
الطيب عباس
اباذر عبد العال
فيس بوك
تويتر
انستقرام
يوتيوب
بنتيريست