باستثناء بعض نفر قليل من ناس الخرتوم، باقي بيوت السودانيين في الحلآل والمُدن في الماضي كانت لا تخلو مِن قفص جداد، بُرج حمام، زريبة غنم، والبعض يضيف أرانب، أو بط وهذا قليل .
الجدادة لآمِن تكون دايرة ترمي بتكون مزعجة جداً بالزآت منتصف النهار والحر يفسخ ؤ تلقى زول بيسارق في نسمة كان يلقالو غمدة، ثم فجأة جدادة يجيها المخاض ؤ تقعُد تكاكي، تكاكي، تكاكي، ثم تكاكي، وما أن يجد صاحبنا منها غفلة يروّح لآفِحا بالسفنجة أو المركوب . دي كانت وآحدة من الدرامات البتحصل في البيوت السودانية ولا تنتهي إلا بعد ان تِتحلّ الجدادة بالسلآمة ؤ يرسلونا نحن السغار في مهمة البحث عن جنا الجدادة وأين دستو، ؤ غالباً ما نلقى البيضة جنب الخُمارة أو في ركن المارقون ...
10-22-2017, 09:45 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ما اوردناه في صدر البوست بخسوس رمي الجدادة، وفي هذه الفرقة سوف نتطرق إلي مرحلة أُخري من المراحل التي تمر بها الجدادة وهي في مقتبل العمر وعنفوان الشباب وهي مرحلة (الكتكتة)، اي عندما تصبح الجدادة كاتة. والجدادة عندما تكِت تكون في حالة إستعداد لتفقيس البيض حيث تعلو عندها هرمونات الكتكتة فتصير اكثر إزعاجاً من الجدادة الدايرة ترمي بيضة، ولا تسكت من الكتكتة حتي يلمو ليها كمية من البيض في حُفرة جنب الخُمارة برضو، ما عارف السر في حكاية الخُمارة دي شنو !، يمكن عشان التخمير ؤ كدا . أها، بعد يلِمولآ البيض دا ؤ تحضنو بهدي من الكتكتة ؤ بتبقى عشرا في بيضا، ؤ بالمناسبة بتكون شرسة جداً والخوف بيُنزع من قلبها تماماً، يعني بالرآحة ممكن تكاتل الكديس ...
10-22-2017, 09:56 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ثم بعد الكتكتة بتجي مرحلة الفِقيّس وليس الفِنقيّس كما أضاف بعض الزملاء هنا حرف النون زوراً وبُهتانا . والفِقيّس هو الكراك الذي يحدث في البيضة وتخرج من خلآلة السوسيوة للحياةوتبدأ مشوار البحث عن مستقبلها . ليس كل البيض الذي تمّ جمعه ينتج سِوِسيو، فالنذر القليل منه يفشل ولا يكون صالح لشئ حيث يُرمى في الزبالة ؤ دا بيسموهو (البيض الخايس). أها، الجدادة في المرحلة دي بتكون مُهتمة بصغارها أكتر من بعض النسوان ؤ بتحميهم حتي من الحِدية يساعدها في ذلك الديك، ؤ بتكون طول اليوم بتبحبِت في الكوش والمزابل كي توفر لهم سبل العيش الكريم، والذي يهمنا في عملها الدءوّب هذا البحبتة المستمرة ومتابعة السواسيو ليها كأنهم ظلها ...
10-22-2017, 09:47 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
كلم الجماعة ما يجو خامين نونهم ويجوك هههه مرات في جداد غتيت بفقس عند الجيران والجيران يلبدو بالبيض فعلا تلقاها تكاكي ولافه يقول ليك حارقها البيض تعب الولادة كعب !!
10-22-2017, 09:51 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
كلام كبير .. اتا يا جلالدونا متواضع وقاعد معانا هنا مالك لازم تروح للناس التانين ديلك وتتفاهم معاهم محل الجداد دا لا يتناسب مع فخامة كلامك الكبار دا .. خخخخخخخخخخخ
يا ود المدير جدادك دا تبيع ؟ ..
10-22-2017, 10:15 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25108
السواسيو صغيرة وحركتا بطيئة مرات كتيرة بتنوطي تلقي السوسيو مات تحت كراعك كم حزنت على سواسية اندعست وفِي القراءة التحت السطور لفها الصمت واحتواها الخجل وسوء التقدير والمصير وسلام يا صديقي...
10-22-2017, 10:12 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: كلم الجماعة ما يجو خامين نونهم ويجوك هههه مرات في جداد غتيت بفقس عند الجيران والجيران يلبدو بالبيض فعلا تلقاها تكاكي ولافه يقول ليك حارقها البيض تعب الولادة كعب !!
نعم يا ود اب سِن، الغتاتة عند الجدادة تحدث احياناً، وهي اساسيّة جداً في موضوع البوست الأساسي ...
10-22-2017, 10:16 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: السواسيو صغيرة وحركتا بطيئة مرات كتيرة بتنوطي تلقي السوسيو مات تحت كراعك كم حزنت على سواسية اندعست وفِي القراءة التحت السطور لفها الصمت واحتواها الخجل وسوء التقدير والمصير وسلام يا صديقي...
منعم يا صديق، عجبتني القرأة التحت يأخ فيها حصافة شديدة . بس دعس مافي سوف يكون الجو فرايحي ...
10-22-2017, 11:08 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
تعاميك عن الرد على مداخلاتى لن يغير واقع الحاضر وماضى التاريخ من وين جبت معلومة انو الجدادة بتكتكت قبل ما تركض الما معقول اى زول شاف ليهو جدادة يجى يعمل فيها ابو الفهم فى امور الجداد و متناسيا دور الديك فى هذا الملف ___ مافى داعى اخت ليك وش ضاحك
10-22-2017, 11:21 AM
Rami Abdelkareem Rami Abdelkareem
تاريخ التسجيل: 10-17-2017
مجموع المشاركات: 142
سلام ودالمدير وجميع المتداخلين عندي سؤال محيرني ليه زمن هل كل بيضه تحت ظروف معينه بتطلع منها سوسيوه وللا لازم تكون البيضه مخصبه لانه مره شفت لي في فيديو الصينين ديل بدخلو البيض في حضانت صناعيه وبعد اسبوع بتطلع منو سواسيو
10-22-2017, 11:21 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: تعاميك عن الرد على مداخلاتى لن يغير واقع الحاضر وماضى التاريخ من وين جبت معلومة انو الجدادة بتكتكت قبل ما تركض الما معقول اى زول شاف ليهو جدادة يجى يعمل فيها ابو الفهم فى امور الجداد و متناسيا دور الديك فى هذا الملف ___ مافى داعى اخت ليك وش ضاحك
من شر حاسد إذا حسد
10-22-2017, 11:40 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
يا خبير أنا أعتقد الديك في الحتة دي دورو ينحصر في نفش ريشو لتمكين الناحية الفيسلوجية واشاعة جو من الرومانسية بما يحفز الهرمونات الأنثوية لدي الجدادة ويثير شبقها قبل أن يقفز قفزته المهولة على ضهرها ليقيم علاقته المشبوهة في الهواء الطلق معلنا تأسيس حياة عامرة بالمح والجنا جداد .. الديك المتسلبط الزير أبو عين طايرة لا يتورع في تطبيق نظرياته الفاحشة هذى على أية جدادة لافة في أي جخنون وملف على الأرصفة والأزقة .. غير مبالي باخلاقيات ولا مبادىء ولا وفاء وقد قيل في المقام : من آمن العقوبة أساء الأدب . خخخخخخخخخخ
10-22-2017, 12:41 PM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
ياطلحه اجابتك بليغه جدا الديك المتبختر ده بعد ان يفعل فعلته الشنيعه دي التي لاتستمر سوى ثانيتين يمشي مفرود الجناحين كانو عمل حاجه ياخالد انا برضو في انتظار الاجابه يمكن الجداد الصيني دي فهمو براهو
كان في واحد في حلتنا عينو حاره خلاص عندنا جارتنا عندها جداد بطري الابيض داك جا داخل عليهم لقى الجداد يتجارا بي جا وبي هناك قال ليهم الشي شنو ممرضات بعد ساعتين الجداد كلو وقع واطه وللا وحده سلمت من عينو معليش يامعاويه استلمنا بوستيك
10-22-2017, 01:08 PM
وليد التلب وليد التلب
تاريخ التسجيل: 04-22-2009
مجموع المشاركات: 4004
Quote: سلام ودالمدير وجميع المتداخلين عندي سؤال محيرني ليه زمن هل كل بيضه تحت ظروف معينه بتطلع منها سوسيوه وللا لازم تكون البيضه مخصبه لانه مره شفت لي في فيديو الصينين ديل بدخلو البيض في حضانت صناعيه وبعد اسبوع بتطلع منو سواسيو
كويس يا ود المدير .. عرفنا معلومات كتيرة عن الجدادة.... وبالمناسبة ما بس زمان الناس كانوا بيربوا الجداد....ايه رايك لهسع عندنا قفص جداد في حوش البيت وفيه اكتر من ٥٠ جدادة.... والان عندي سؤالين: ١~ هل الكلمة الصحيحة جداد ولا دجاج ٢~ ليه لمن عاوزين تعرفوا البيضة السليمة من البيضة الفاسدة بتختوا البيض في صحن مويه إوتقولوا البيضة البتغطس في المويه سليمة والبتطفح فاسدة،،،،ليه،،،السر في كده شنوا؟؟ ودمت بالف خير وصحة وعافية
10-22-2017, 11:22 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
الجميل في البوست دا إنّو أصبح ذو شقين، الشِق الأوّل مرتبط بالتشبيه والمُشبه بِهِ هو الجدادة المفقسة وسواسيوها وسوف نطلعكم علي المُشبه، أما الشِق الثاني فمرتبط إرتباط مباشر بالجداد وأحواله ...
10-23-2017, 08:12 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ما عارف ليه حاسي البوست دا مشى في اتجاه جداد غير ما يود صاحب البوست الشفيف؛ اللهم هذا حدسي في ما املك.... حيث ان ود المدير عميق؛ وهو يملك من النباهة والحصافة ليرجع البوست لمساره القويم!!
10-23-2017, 09:40 AM
جلالدونا جلالدونا
تاريخ التسجيل: 04-26-2014
مجموع المشاركات: 9390
عبد المنعم الطيّب يتجلّى و يفهما طايرة ايوه خليك كده فى لحظة تجلّى تقع عماقة ود المدير و عماكتو حدّها البيضة تفقس اها بعد داك فى شنو فى تكتيك جدادة الخلا انت قايل التكاتيك دى مكتوب فوقا حصرى ____ و طلحة كعادته لا ببيّض لا بركض و المصيبة بكتكت جدادة كرتونية بس
10-23-2017, 09:36 AM
الزاكى المغيرة الزاكى المغيرة
تاريخ التسجيل: 03-21-2017
مجموع المشاركات: 135
طيّب، نرجع للشِق الأوّل من البوست . عملية الأرشفة الآخيرة التي حدثت تُعد أضخم عملية أرشفة منذ تأسيس سودانيز اونلآين وإشتملت علي كم كبير جداً من البوستات المتنوعة الأغراض، وكانت ساحتها أكبر مُعترك (أكشن) يشهده المنبر منذ تأسيسه، لذلك كان لا بُدّ من التطرُق لأكثر ظاهرة لفتت إنتباه أعضاء المنبر والقراء معاً الآ وهي ظاهرة الجدادة المفقسة، مع الإحتفاظ للذين يودون التبحر في علم أحوال الجداد بحقهم كامل غير منقوص ...
10-23-2017, 10:07 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
لا شكّ إنو حاتم ابراهيم كان هو الشخصية المثيرة للجدل في الربع الشحمان الفات وما زال علآمة إستفهام كبيرة للبعض حتي هذه اللحظة، وظلّ ينتهج أُسلوب جديد علي أساليب الطرح السائدة في المنبر إتفق معه البعض وإختلف معه البعض الآخر، وظلّ هو يمثل دور الجدادة المفقسة والمختلفون معه والمتفقين معه علي الحد السواء يمثلون دور السواسيو، خاصةً وهو يجيّد البحبتة في مزبلة قوقل ...
10-23-2017, 10:22 AM
عباس محمود عباس محمود
تاريخ التسجيل: 11-26-2004
مجموع المشاركات: 1441
فترة الفقس هي ثلاثة أسابيع والجدادة بتركض عشان توفر للأجنة ظروف تساعد علي نموه دخل البيضة درجة حرارة ....رطوبة...... تهوية ... تقليب... وده اللي بيحصل في المفاقس الآلية. حتي لو كل البيض مخصب في الغالب لا ينتج كله كتاكتبت لأنه ممكن يحصل موت لأجنة خلال اال 21 يوم ما قبل الفقس وده لأسباب كتيرة . طبعا يا ود المدير أخدت جانب واحد من البوست قدر فهمي لك التحية والتقدير.
10-23-2017, 10:29 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
ظاهرة حاتم إبراهيم دي بالضبط زي ظاهرتي مكواة الفحم القدييييمة دِييييك وظاهرة ابو القُنفُد . في فترة من الفترات ناس السودان تركوا الوراهُم والقِدآمُن وأصبح شغلهم الشاغل مكواة الفحم، ثم بعد فترة تكرر نفس الشي ليتركوا كل مشاغلهم ويصبح همهم ابو القُنفُد والحصول علي ابو القُنفُد، علماً بأنّ المكواة وابو القُنفُد كليهما لا يفيد في شئ، وهذا بالضبط حال ناس المنبر مع حاتم إبراهيم ...
10-23-2017, 12:29 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا خبير أنا أعتقد الديك في الحتة دي دورو ينحصر في نفش ريشو لتمكين الناحية الفيسلوجية واشاعة جو من الرومانسية بما يحفز الهرمونات الأنثوية لدي الجدادة ويثير شبقها قبل أن يقفز قفزته المهولة على ضهرها ليقيم علاقته المشبوهة في الهواء الطلق معلنا تأسيس حياة عامرة بالمح والجنا جداد ..
ههههههههههههههههههههه، يا عمّك الديك المكار دا عامل فيها مؤذن ؤ مشبع الناس فسو . وراء كلو بيضة ياكُلآ زول فسية ...
10-23-2017, 12:39 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
بوست جلالدونا ذو الطاشر صفحة والإمتداد للبوست الذي قام بتحريره أبو حسين في هذا الربع، وكمية البراميل من الحبر التي إندلقت والخصومات التي قامت ومبادرات الصلح التي عُقدت والإتهامات المابتديك الدَرِب كل هذا حال حاتم منه كحال المتنبئ في قوله، أَنا الَّذي نَظَرَ الأَعمى إِلى أَدَبي ******وَأَسمَعَت كَلِماتي مَن بِهِ صَمَمُ أَنامُ مِلءَ جُفوني عَن شَوارِدِها ******وَيَسهَرُ الخَلقُ جَرّاها وَيَختَصِمُ
أما فيكم رجل رشيّد !!!. كان المتنبئ مُصيباً في قوله حيث أنتج ما يدعو الناس للإلتفاف حوله وأخذه مأخذ الجد محاولين سبر أغواره، فحاتم لم ينتج شئ ولم ينطق في الأمر بشئ !!!...
10-23-2017, 01:57 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: أيوة .... الحضانة الصناعية ممكن تعملها إنت في البيت ... ما لازم صينيين. في الحالة دي الحضانة (بتركض) بس ما (بتكاكي) بس لو الصينيين قدروا يلغوا دور الديك ... يبقوا عملوا حاجة جديدة. _____ * متأكد أسبوع واللا تلاتة أسابيع؟
10-23-2017, 02:17 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
الجدادة تكضكت أيضا في حال حصولها علي فتات أكل أو حبات عيش حينها تبدأ في تكسيره وتفتيته ثم الشروع في الكتكتة لدعوة وجمع صغارها لمائدة الطعام ! تقول حبوبتي عن إهتمام وحنية الجدادة " حن الكت" تقرأ الكض بضم الكا " حن الكت بلا لبن ! وتضربه مثلا لكل من يدعي الحنية والإهتمام باللسان والكلام فقط من دون فعل ودفع قروش ! ** وتكتكت الجدادة لتنبيه صغار عن إقتراب الخطر " حدية، كديسة" الخ ولحظة الدفاع عنهم تنفش ريشها - ووتسن منقارها وتشرع في الكتكتة والصوات لإثارة الخوف في نفس المهاجم ! * - المشاركة دي بعيدة عن إي تشبيهات أو مقارنات منبرية !
10-23-2017, 05:57 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
Quote: كويس يا ود المدير . عرفنا معلومات كتيرة عن الجدادة.... وبالمناسبة ما بس زمان الناس كانوا بيربوا الجداد....ايه رايك لهسع عندنا قفص جداد في حوش البيت وفيه اكتر من ٥٠ جدادة.... والان عندي سؤالين: ١~ هل الكلمة الصحيحة جداد ولا دجاج ٢~ ليه لمن عاوزين تعرفوا البيضة السليمة من البيضة الفاسدة بتختوا البيض في صحن مويه إوتقولوا البيضة البتغطس في المويه سليمة والبتطفح فاسدة،،،،ليه،،،السر في كده شنوا؟؟ ودمت بالف خير وصحة وعافية
بسمات يا بنتنا، والله مشتاقين . بس خلآس عِرِفنا، أنا اليوم اللنزل اتبرا حا إتقلب صبرة وامشي ادوّر في القفص دا شوي إن شاء الله . من ناحية اللغة العربية طبعاً الكلمة الصحيحية دجاج، وجداد عامية جرت علي لِساننا . راجعي مداخلة الأخ عاصم والفيديو المُرفق .
الله يعافيك منكل شر وبلاء ...
10-23-2017, 10:48 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
ود المدير ود حلتنا وبدون ما تفتش، يومك التنزل فيه لعطبرة ادينا خبر ووصفنا لينا البيت في السيالة وحنجيب ليك خمسة جدادات هدية،، ،بس الحاجة المستغربة ليها الكتاكيت دي ما بتموت في الحضانة الصناعية دي وانا شايفة في الفيديو كيف الالات دي بترمي الكتاكيت بالقسوة دي.. .يا ربي هل في مصانع حديثة زي دي في السودان في مزارع الجداد ولا هم بيفقسوا البيض زي ما نحن بنعمل في البيوت!؟ بوست فيه فلسفة رائعة وهو ربطك لموضوع البوست الرئيسي بالجدادة المفقسة،،، ودمت بخير وصحة وعافية
زمان عندنا واحد لما يكون في زول بيطلع ويدخل كتير من الغرفة بيقول ليهو
مالك غالباك القعدة زي الجدادة الحارقاها البيضة
لكن من وجهة نظر (علمية أ) عتقد إنو دي حالة فطرية في الدجاجة عشان تسهل نزول البيضة بالحركة الكتيرة والدخول والمروق الكتير دا لدواعي أمنية عشان تتأكد إنو مافي بني آدم جيعان حيشوفها لما ترمي البيضة في الغرفة
10-24-2017, 06:38 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: يا سلاااااام يا ود المدير ياخي في حضرة جدادك يطيب الجلوس ومكتكت امامك يكون الكلام منو العاش في بوادي السودان ولم تتعفر يداه بمخلفات الجداد وليس الدجاج ومنو الما كان بفرز البلدي من البطري من الرومي اييييييه زمن كنا نرتبط بجدادنا ارتباطاً وثيقاً لدرجة اننا لا نرضى مجرد الاهانة لجدادنا وكم طربنا وحدانا الشجن لمن تغنى بـ: يا جدادتي كاك كاك واللكلك يصيبو الهلاك دم بخير يا صديقي في القفص وكاكي كاكي كاكي في بوستك حتى تفقس الجديد المفيد تحياتي
حباب الغالي ود الغالي . بمنسبة الإرتباط الشديد بالجداد دي، عندي بِت عمتي زمان عندها ديك مسمياهو كحوش، هجمت عليهو الصبرة في ذات ليلة من الليالي وذات غفلة منه وقامت بإختطافه، فرسته بِت عمي بمرسية يدمي لها الفؤاد لم أذكر منها غير مطلعها والذي تقول فيه، جروح قلبي اللبت تبرا ؤ كحوش ختفتو الصبرة .
دا بالنسبة للجزء الخاس بالجداد، أما بالنسبة للجزء الخاس بموضوع البوست بجي امُوصلك الفِطيريّة ...
10-25-2017, 07:03 AM
الزاكى المغيرة الزاكى المغيرة
تاريخ التسجيل: 03-21-2017
مجموع المشاركات: 135
الصبرة والصقُر كنا بنشرَك ليهو بمصران الدجاج والحمام لما يضبحوهن في البيت كنا نملا المصارين بالصاعوت ونكشحن تحت العمود بتاع الكهرباء قدام البيت عليك أمان الله اول ما يجغمن بقعد يطوطح وبرررردلب يجينا واقع .. وهاك ياعذاب كمَل لينا جنيات البط والجداد
10-25-2017, 09:57 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ما عارف ليه حاسي البوست دا مشى في اتجاه جداد غير ما يود صاحب البوست الشفيف؛ اللهم هذا حدسي في ما املك.... حيث ان ود المدير عميق؛ وهو يملك من النباهة والحصافة ليرجع البوست لمساره القويم!!
منعم يا صديق، البوست سوف يكون له ملحق إن شاء الله ...
10-27-2017, 10:01 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
فترة الفقس هي ثلاثة أسابيع والجدادة بتركض عشان توفر للأجنة ظروف تساعد علي نموه دخل البيضة درجة حرارة ....رطوبة...... تهوية ... تقليب... وده اللي بيحصل في المفاقس الآلية. حتي لو كل البيض مخصب في الغالب لا ينتج كله كتاكتبت لأنه ممكن يحصل موت لأجنة خلال اال 21 يوم ما قبل الفقس وده لأسباب كتيرة . طبعا يا ود المدير أخدت جانب واحد من البوست قدر فهمي لك التحية والتقدير.
عباس محمود، لك مني السلآم وحياك الغمام . ألف شكر علي المعلومة القيّمة .
إسمك مطابق لإسم زول بالحيّل ما ساهل ...
10-27-2017, 10:17 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الجدادة تكضكت أيضا في حال حصولها علي فتات أكل أو حبات عيش حينها تبدأ في تكسيره وتفتيته ثم الشروع في الكتكتة لدعوة وجمع صغارها لمائدة الطعام ! تقول حبوبتي عن إهتمام وحنية الجدادة " حن الكت" تقرأ الكض بضم الكا " حن الكت بلا لبن ! وتضربه مثلا لكل من يدعي الحنية والإهتمام باللسان والكلام فقط من دون فعل ودفع قروش ! ** وتكتكت الجدادة لتنبيه صغار عن إقتراب الخطر " حدية، كديسة" الخ ولحظة الدفاع عنهم تنفش ريشها - ووتسن منقارها وتشرع في الكتكتة والصوات لإثارة الخوف في نفس المهاجم ! * - المشاركة دي بعيدة عن إي تشبيهات أو مقارنات منبرية !
ألف شكر يا كمال علي المداخلة الجميلة الشحمانة، نأخذها في صياغها ولا مانع أن نقتبس منها إذا دعت الحاجة أو نتمثل ببعض ما ورد فيها ...
10-30-2017, 09:27 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: مديرنا زمان عندنا واحد لما يكون في زول بيطلع ويدخل كتير من الغرفة بيقول ليهو مالك غالباك القعدة زي الجدادة الحارقاها البيضة لكن من وجهة نظر (علمية أ) عتقد إنو دي حالة فطرية في الدجاجة عشان تسهل نزول البيضة بالحركة الكتيرة والدخول والمروق الكتير دا لدواعي أمنية عشان تتأكد إنو مافي بني آدم جيعان حيشوفها لما ترمي البيضة في الغرفة
حمدنا،
الحالة الفطرية دي في البشر في برضو لذلك المرا لآمِن تكون علي وشك وضوّع بيخلوها تتمشى في انحاء البيت عشان الجنين ينزل، ؤ برضو قد لا تكون دي حالة فطرية عند البشر باعتبار إنهم ماخدنها من الجدادة ...
10-30-2017, 11:43 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: البط ....كيف يا معاوية المدير الفي الجداد اتعرفت !!!! اوعى النسر ام البطة ؟
النسر واللآ الأمل !، يا عادل حيدر حسن ميرغني طلع تفتيحة ؤ عرف من اين تطلّع القروش في اتبرا عشان كدا كان بيبيع البط للأقباط، بينما نحن طلعنا فارات بارينا الجداد ...
10-30-2017, 12:01 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
عبدالحفيظ ابوسن
جلالدونا
محمد أبوالعزائم أبوالريش
andamp;
وليد التلب
طلحة عبدالله
حيدر حسن ميرغني
عبدالمنعم الطيب حسن
Khalid Saeed
Asim Ali
الزاكى المغيرة
عباس محمود
كمال عباس
عبداللطيف حسن علي
عبدالعزيز الفاضلابى
حمد عبد الغفار عمر
adil amin
MOHAMMED ELSHEIKH
فيس بوك
تويتر
انستقرام
يوتيوب
بنتيريست