تعقيبا علي ما نشره الدكتور صلاح بندر من أن التيجانى سيسى أصدر أوامره الى شركة ادارة العقارات فى مدينة لندن بالغاء عقد الأيجار لسكن بناته الثلاثة وذلك عقابا لاصرارهن فى محاسبة زوجتة فى السودان لاعتدائها على شقيقتهن خلال زيارتها للخرطوم . الى هنا انتهى ما كتبة دكتور صلاح بندر ، ليبدأ تعقيبنا على ذلك الخبر ، الانسان عندما يملك المال والسلطة بعد حرمان طويل وجهد جهيد وفجأة وبلا مقدمات وبحسابات السياسة المقلوبة أى التى تضع الرجل غير المناسب فى المكان غير المناسب ، وبحسابات السياسة التى أتت قهرا وظلما وبهتانا ، لتكتم على أنفاس شعب مقهورعلى أمرة ، ولا حول ولا قوة له مع زبانية غلاظ شداد ، أتى التيجانى سيسى ساعيا بل مهرولا لمصالحة الانقاذ ذات السياسة المقلوبة وغير العادلة والقاهرة للشعب والناس ، أتى لينال نصيبا وافرا وكبيرا من تورتة المصالحة وليزداد النصيب ويكتمل اشترك فيما يسمى اتفاقية الدوحة لسلام دارفور ، لينعم هو ومصالحية بأموال وهدايا اصحاب السمو والامراء القطريين وعلى رأسهم أميرهم الذى يبحث لة عن موطئ قدم سياسية ليدخل التاريخ ولينافس المنافسون على التدخل فى شئون الدول ولم يجد غير السودان المطحون ليزداد طحنا فية ، وبعد أن فعل التيجانى سيسى فعلتة بأسم ملايين المقهورين والمطحونيين بنار حروب دارفور من أهالى دارفور الكرام ، ولغف نصيبة من التورتة وكان نصيبا لا يحلم بة السيسى وفى نفس الوقت لم يكن قدر بيع قضية دارفور واهالى دارفور الذى باعهم التيجانى سيسى بثمن بخس وكان يادوب يكفى لبناء قصورة فى ضاحية كافورى ومزارعة التى ترعى فيها الغزلان والطيور على أشكالها وتهجن فيها الخيل العربية الأصيلة ،ولتكتمل الصورة للرجل وتصبح فى أبها حللها ولتذهب دارفور وأهل دارفور الكرام ألي ما يشاؤون ، كان لابد من الزواج وتجديد الشباب والدماء أيضا ورمى الماضى الاسرى القديم خلف الظهر ، وكانت العروس فى عمر أبنائة وكان هو يرذل فى نهاية العمرولأرضاء العروس ، كان لابد من تلبية كل طلباتها ، حتى ولو كان ذلك على حساب الاسرة السابقة والتى تحملت معة الماضى بكل مافية من حلو ومر ، ليكون نصيبهم الطرد الى الشارع وبكل جبروت ألغاء عقد الأيجار ، ةليذهبوا البنات أالى الجحيم كما ذهبوا أهل دارفور اهل العز والكرم ، ولكن عندما يمسك السيسى بزمام الأمور ، طبقا لمعايير السياسة المقلوبة يصبح كل شئ متاح عند السيسى حتى طرد بناته الى الشارع بدون حياء او اختشاء ، لأن اللى أختشوا ماتوا وبقى أمثال التيجانى سيسى لا يراعى فى بناته ألا ولا ذمة
03-21-2018, 05:23 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
ياربي البوست ده كلاكيت تاني مرة .. ولاّ بيتخايل لي ساي .. غايتو يامريم صلاح البندر داك عرفناهو .. استعانت بيهو البنت وقلنا أهو برضو سبب .. لكن انتي مكنكشة في الموضوع الأسري ده كده .. مش أمر مريب وغريب .. جيتي دشنتي بيهو مشاركاتك في المنبر !! .. وشغالة في نفس الموضوع درش تقيل .. السؤال البيقفز لذهن القاريء .. موقعك شنو من الأسرة دي .. وغبينتك شنو مع التجاني سيسي ؟ ..
جمال ود القوز انا في بوست صلاح البندر دافعت عن التجاني السيسي وقلت أن هذه الأمور أسرية بحتة ولا يجب الخوض فيها ..ولم اكن اعلم انه وبعد ان اغتنى من أموال الشعب ركل أسرته أولاده وبناته وتزوج من فتاة صغيرة ويلبي طلباتها ويطرد بناته القصر من الشقة المستأجرة في لندن..ولكن يبدو أنه يستحق الهجوم عليه وانتقاد تصرفاته المشينة لأنه شخصية عامة وهو نسي شهادة ومروءة الإنسان السوداني وتنمر وتنكر وجحد الجميل.. مع وافر التقدير والاحترام...
Quote: انا في بوست صلاح البندر دافعت عن التجاني السيسي وقلت أن هذه الأمور أسرية بحتة ولا يجب الخوض فيها ..ولم اكن اعلم انه وبعد ان اغتنى من أموال الشعب ركل أسرته أولاده وبناته وتزوج من فتاة صغيرة ويلبي طلباتها ويطرد بناته القصر من الشقة المستأجرة في لندن..ولكن يبدو أنه يستحق الهجوم عليه وانتقاد تصرفاته المشينة لأنه شخصية عامة وهو نسي شهادة ومروءة الإنسان السوداني وتنمر وتنكر وجحد الجميل..
تحياتي امتثال لم يتغيّر شيئ, حتى بعد قراءتك لمزاعم اغتنائه من اموال الشعب - وهذه مجال اثباتها وتناولها مختلف - تبقى مسالة زواجه و علاقته مع بناته أمر أسري و شان خاص ولا يهم أحد غيره و أسرته. ما يهمّنا هو أداؤه كشخصية عامة ومسؤولة عن مصالح الناس, هل قصّر فيها هل أدّاها كما ينبغي أم لا امّا مزاعم كونه اغتنى من أموال الشعب و الدوحة فهذا ما يهمّنا و يهمّنا اثباته بالوسائل المعروفة و إمّا محاكمته أو التوثيق لحين حدوث تغيير حقيقي ووجود قضاء مستقل وعادل يحاكم كل من اثيرت عليه شبهات فساد إمّا أدانهم أو برّاهم لكن فلان عرّس بت صغيرة أو بت عرب أو شاكل بناته و ابى يدفع ليهن الإيجار هذا امر شخصي ولا يهم إلّا من له علاقة شخصية أو اجندة ما بالسيسي
03-22-2018, 08:31 AM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
تسلمي امتثال .. من يملك حق التبشيع بتجاني سيسي والاساءة له ولأسرته عبر ممارسة هذا العمل اللاخلاقي ؟ ده السؤال هل يملك أحد من الجماعة الشايلين طار التجاني سيسي وبينقروا فيهو في منبر عام هل بيملكوا الحق ده ؟ لاحظي الناس دي ما بتبشتن في تجاني سيسي لانهم بيمتلكوا مستند يدينه بسبب تقصير في عمله او لنهبه اموال سلام دارفور مثلا أبدا ديل بيتناولوا سيرته سلبا لأمر أسري وشأن خاص لايملك أي أحد مالم يكن من أسرته التحدث بشأن هذا الأمر وحتى ان كان من الأسرة برضو يحتاج لموافقة من باقي الأسرة ان رام نشر الأمر ده في وسائط الكترونية أو نشره وتمليكه للآخرين لأنه ببساطة ليس ملكا لهم ولا له بسبب انه الاساءة لن تقف على شخصه بل ستمتد لتشمل كل افراد الأسرة وإلا لكانت حياة الناس وخصوصياتهم نهبا للآخرين الناس البتهاجم دي كان بكره ساي جاء زول تناول خصوصياتهم وأسرهم ما اظن فيهم زول حيرضى فالناس ماتمارس التناقض المريع ده المابترضاهو لي نفسك ماترضاهو حتى لألد اعداءك حكاية إنه شخصية عامة ده كلام عجيب وغريب شخصية عامة جاي من كوكب تاني مثلا !! ماياهو إنسان زينا كده عنده أسره وأولاد وبنات وأهل وقرايب وعنده مشاكل وخلافات أسرية كأي بيت سوداني يبقى البيدي الناس الحق شنو تحاسبه على شان أسري أو تجعل من الامر ده مسمار جحا كل شوية تخش منه عشان تهاجم تجاني سيسي في شخصه لو عند الناس ديل اعتراض على ممارسته للعمل العام أو ماسكين عليه حاجة اليجوا بالباب عديل ويفتحوا بوست يهاجموا تجاني سيسي بسبب تقصيره في عمله أو نهبه للمال العام أو اثراءه من أموال دارفورلانه هنا بيملكوا الحق لانه ده شأن عام لشخصية عامة من حقهم أكيد طبعا باثباتات ما ساي وكل زول يجيب اثباته عشان الكلام مايكون مطلوق في السهله ساي لكن اتخاذ شأن أسري سبب لمهاجمة الرجل ومحاولة فضحه ونشر أخبار أسرته في محاولة للتبشيع به لاي سبب كان ده فعل يفتقد لأدنى معايير الاخلاق العذرالأقبح بقى يجي أحدهم يقول ليك أنه ماعنده مع التجاني سيسي غبينة أو حتى معرفة أو سبب دي والله حاجه تدعو للرثاء طيب نحن البندافع عنه ديل هل هو قريبنا او من بقية أهلنا نحن برضو مابنعرفه ولاعندنا معاه اي ود او معرفة أو مصلحة لكن الناس بترفض الهجوم عليه لتثبيت مبدأ انه ده شان أسري وخاص ولايجب اتخاذه مدخل لمهاجمة الرجل والتبشيع به والاساءة لاسرته كونه يطلع بناته من البيت او يعرس أو يطلق ده موضوع يخصه هو وأسرته عشان كده انا سألت الأخت الشايله طار التجاني سيسي وبتنقر فيهو دي موقعها شنو من الأسرة ؟ .. تطلع شنو ؟ هل هي بنته مثلا ؟ منو الأداها الحق تتناول شأن أسري خاص زي ده ..
أستاذتنا نور تاور إنتي شخصية عامة .. هل لو زول تناول أسرتك وادخل الخاص في العام هل انت حتقبلي الكلام ده وحتوافقي عليهو ؟ هل حتقبلي مبرر انك شخصية عامة ومن حق الناس يدخلوا في خصوصياتك وحياتك ويتناولوا مشاكلك الأسرية أو يعايروك بتصرف بدر منك او من طرف آخر ما أفراد أسرتك هل بتوافقي على كلام زي ده ؟ هل حتقبلي صمت الأخرين واقرارهم لمبدا غير متسق زي ده عشان بس المعيار يكون واحد والمابترضاهو لنفسك لا ترضاه لغيرك مهما كانت درجة الخلاف والاختلاف ولو من قبيل النبل وشرف الخصومة الزول مفروض مايقبل تصرف غير متسق زي ده .. مع تاكيد احترامي لشخصك .. طبعا قريت رأيك في بوست آخر فاعذريني جبت ردي هنا ..
أود أن أرد على جمال ود القوز (أرجو أن يكون القوز وليس الكوز ) اولا الطار الذى شيلنه وننقز فية للتيجانى سيسى لأنه شخصية عامة وليس خاصة كان معارضا وعدوا لدودا للانقاذ ثم بقدرة قادر أصبح مؤيدا لها بكل ما يملك من تأييد خاصة بعد توزيع كيكة الدوحة وكان يترأس وفد أتفاقية الدوحة لسلام دارفور سنينا عددا ثم رئيس السلطة الأقليمية لأقليم دارفور لمدة خمس سنوات وحاليا عضو بمجلس الشعب السودانى عن دائرة ما بأقليم دا رفور ، أقتنعت الأن ان السيسى شخصية عامة من حق كائن من كان من الشعب السودانى أن يحاسبة على كل كبيرة وصغيرة ، كان السيسى يكاد أن يكون معدما لا يملك شروة نقير فى بداية عمله بالمعارضة سواء فى الداخل او الخارج فى مصر ( بداية المعارضة الخارجية ) بشهادة اثنين من الافاضل ردوا من داخل المنبر ، اخ قال انة لقاة فى المواصلات العامة ، الأن السيسى يركب مرسيدس أحدث موديل وتتبعها عربات دفع رباعى واخرى عربات بوكس لزوم المزارع ، من حقنا كمواطنين مستقلين لا ننتمى لأى أنتماء سياسى ، من أين للسيسى هذا ؟ كما ان ود القوز قد ازبد وارغى فى الناحية الأخلاقية لكاتبة المقال لانها تدخلت فى شئون السيسى الخاصة والاسرية أقول لود القوز لن أرد عليك فى هذة الناحية لأن العارف عزة مستريح ، ولكن سأخبرك لماذا نهاجم السيسى ، مع أن المفروض تكون فهمت ذلك لوحدك من كتاباتى التى أصبحت مثل الطار والنقز علية ، مشكلة السيسى كانت فى البداية مشكلة عائلية بين زوجتة الصفيرة وبنتة اللى قدرها ، وانهالت الزوجة على ابنة السيسى ضربا مبرحا وذهبت الابنة الى القضاء لتأخذ حقها بعد أن خذلها الوالد السيسى فى أخذ الحق وتطييب خاطرها وعندما أتى البوليس ليأخذ أقوال الزوجة تم طردة شر طردة من قبل السيسى رجل السياسة العام والتفت الى ابنتة قائلا أنت فاكرة نفسك فى لندن البوليس يأخذ حقة أنتى هنا فى السودان وانا سأشطب هذا البلاغ ولن يكون لة وجود ، فهمت يا ود القوز لماذا تشيل طار ووننقز به ضد السيسى ، لانه طغى وتكبر وأصبح يرفس القانون السودانى برجله بل كلتا رجليه ، ومن يرفس القانون السودانى ولا يعترف بة بعد ان أصبح من رجالات السياسة والمال والاعمال ، كأنة رفسنى أنا شخصيا برجليه بل كأنه رفس الشعب السودانى برجليه ، ود القوز .. كفانا رفس وترفيس من أشخاص لا يخافون أكل المال أكلا لما .
03-23-2018, 12:10 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27490
حلوه منك @@ هههههه قالوا لي هنا قبل كده شيوعي خخخخ عموما مافرقت كتير يا أختنا وحاتك بس دي اسمها قلة حيلة وفقدان منطق وده بالظبط سبب قرايتك الخاطئة للأمور الشغلة اصلا لا علاقة لها بالتصيف الحزبي أو السياسي أياً كان كوز أوشيوعي او بعثي المواقف لا تتجزأ ياستي عادي جدا ممكن أدعم من يخالفني أو حتى من يعاديني إنتصارا لمباديء وثوابت أعتقدها فعقلية القطيع لاتناسيني البتة بل لا تناسب حتى من به قليل فهم وحصافة واتساق فلليلة ولي بكره كل السرديته بخصوص مواقف وأفعال التجاني سيسي كشخصية عامة مابيديك الحق تتناولي موضوع أسري شديد الخصوصية والقيام بنشره في وسائط واسعة الانتشار في محاولة للنيل من الرجل والتبشيع به وبأسرته عندك أي رأي سالب في التجاني سيسي كشخصية عامة تعالي قوليهو وجائز جدا نشاركك الرأي ده لكن الخلط المريع البتمارسيه ده فيهو نوع من الابتزاز وعدم الاتساق فعليه كل الكلام الفوق ده يعتبر آوت أوف بوينت وخارج سياق المشكلة تماماً وعشان كده سألتك قبيل وبسألك تاني علاقتك بأسرة تجاني سيسي شنو ؟ وسبب غبينتك معاه شنو ؟..
Quote: كما ان ود القوز قد ازبد وارغى فى الناحية الأخلاقية لكاتبة المقال لانها تدخلت فى شئون السيسى الخاصة والاسرية أقول لود القوز لن أرد عليك فى هذة الناحية لأن العارف عزة مستريح
أولا : تقبلي اعتذاري التام ان فهمتي أي اشارة سالبة من كلامي لم اعنيها .. ثانيا : كاتبة المقال دي منو ؟ إنتي يعني بتنقلي عن زول تاني !!! طيب دي شنو الغبينة القدر الليلة وباكر الماش تشقك دي ذكرتيني قصة الزول المشى للعرضحالجي يكتب ليهو مشكلته ففآجئه العرضحالجي وكتّر المحلبية لامن خلاهو يبكي ويأسى على سوء حاله الاصلا ما وصل المرحلة المتأخرة دي عموما أنقلي لمن تنقلي عنه إنه ما بالضرورة لكي أتعاطف معها او اكون داعم لمشكلتها أن أتنازل عن ثوابتي فممكن جدا أكون متعاطف معاها ومشفق لحالها هي واخواتها وأكون متسق وحقاني فضلا عن إنه نشر الموضوع بالصورة السالبة دي فيه تأزيم للمشكل وزيادة طين المشكل بله لو اصلا هناك طريق للحل لازم ياتي عبر استرضاء الأب ومحاولة تهدئته والوصول لصيغة حل أسري دون اللجوء للقانون أو محاولة تركيع الأب والتبشيع به فهو في النهاية أب ان زال غضبه رجع زي أول وأحسن أما تداول المشكلة مع الآخرين بالصورة السالبة دي لاحل يرجى من وراءه ونسأل الله ان نسمع خيرا عن حل هذا الاشكال قريبا وكامل تعاطفي مع الاخوات لكن كل هذا لا يعطيك ولايعطيهن الحق في النبيشة القاعدين تسووا فيها دي ولا تملكوا أصلا أي حق في خلط العام بالخاص وتمليك مشكلة أسرية عادية تحدث في كل الأسر والبيوت لهذا الكم الهائل من البشر عبر وسائط الكترونية لا ترحم كل هذا بسبب تصوركم أن لا حل للمشكلة ولفشلكم وقصر تجاربكم وحيلتكم في حل مشكلة أسرية أعتقدها بسيطة جدا وممكن تتحل في جلسة أسرية وبلا أي أطراف خارجية قد تكون لديها مآرب وتتحين الفرص لتصفية حسابات سياسية ولا يفرق معاها كتير ان يتم حل المشكلة أو حتى أن تتفاقم أفهمي كلامي ده سمح وأعقليهو زي الناس لأن الايام القادمة ستثبت لك مدى صحته .. فتك بي عافية
جلابيات تيترون ولاّ بوليستر .. ههههه .. يا بريمة يأخ بتبالغ .. ده كلام شنو ده !! .. دي مشكلة أسرية ماأظن فيها بُعد عنصري .. فبطّل تركب حمير الضيفان من طرف ..
Quote: نشر الموضوع بالصورة السالبة دي فيه تأزيم للمشكل وزيادة طين المشكل بله لو اصلا هناك طريق للحل لازم ياتي عبر استرضاء الأب ومحاولة تهدئته والوصول لصيغة حل أسري دون اللجوء للقانون أو محاولة تركيع الأب والتبشيع به فهو في النهاية أب ان زال غضبه رجع زي أول وأحسن أما تداول المشكلة مع الآخرين بالصورة السالبة دي لاحل يرجى من وراءه ونسأل الله ان نسمع خيرا عن حل هذا الاشكال قريبا وكامل تعاطفي مع الاخوات لكن كل هذا لا يعطيك ولايعطيهن الحق في النبيشة القاعدين تسووا فيها دي ولا تملكوا أصلا أي حق في خلط العام بالخاص وتمليك مشكلة أسرية عادية تحدث في كل الأسر والبيوت لهذا الكم الهائل من البشر عبر وسائط الكترونية لا ترحم كل هذا بسبب تصوركم أن لا حل للمشكلة ولفشلكم وقصر تجاربكم وحيلتكم في حل مشكلة أسرية أعتقدها بسيطة جدا وممكن تتحل في جلسة أسرية وبلا أي أطراف خارجية قد تكون لديها مآرب وتتحين الفرص لتصفية حسابات سياسية ولا يفرق معاها كتير ان يتم حل المشكلة أو حتى أن تتفاقم
كلام سمح .. لكن أسمع كلامي الذي نقلته أنت فوق .. تجاني سيسي إلا يصبأ .. يازوول .. دي معركة داخلات فيها بنات حواء الجلابيات .. الغرابيات الله قال بقولهن .. أنت طبعاً فاكر .. فلانة النباحة دي واقفة مع البنات تعاطفاً .. العكس هي واقفة مخانقة عدييل مع تجاني سيسي .. عشان يفعل المزيد .. لازم يقطع علاقة الأبوة ببناته .. وشوف الأمر لو ما وصل لحدي هناك حتى تنتهي المشكلة من طرف الجلابيات!
بريمة
03-23-2018, 04:58 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
اذا اصلا التيجاني السيسي اغتنئ من اموال الدوحة والشعب السوداني وأصبح الطريق امامه ممهدا بعد هرولته الي الانقاذ اذن لماذا نريد التيجاني السيسي أن يستمر في دفع مال من اموالنا المنهوبة ولماذا نتبني قضايا اسرة ظلت تسترزق من حر مالنا انا شايف اصلا الموضوع ده مستحمي ولندن وحكومة لندن رحيمة بمواطنيها وضيوفها هناك لا يظلم احد في رايي الموضوع لا يخرج من كونه تصفية حسابات ونشر غسيل عودنا عليها صاحب الخيط
03-23-2018, 05:04 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: أنت طبعاً فاكر .. فلانة النباحة دي واقفة مع البنات تعاطفاً ..
ده الفهم الواضح وماتشي به مداخلات فلانة ..
Quote: العكس هي واقفة مخانقة عدييل مع تجاني سيسي ..
معقوله !! .. اصلا زاوية منعرجة زي دي مافكرت فيها .. ممكن أكون فكرت في منحى تاني قريب من ده .. برضو في النهاية لقيت المحصلة (مع تغيير الوجوه ).. ياها ذاتا مافي اختلاف - زولة / زول .. بيدافع عن موقف بالأصالة أو بالنيابة .. عن شخص يهمه أمره او لجأ إليه مستنجدا .. أو عنده مصلحة افتقدها أو عنده حسابات .. عايز يصفيها مع التجاني سيسي .. اصالة عن نفسه أو نيابة عن آخرين .. ومالاقي مدخل فقال النخش من هنا .. حتى إن افتقد المدخل ده لنبل الخصومة .. أو ان اجتمعت بعض المواقف ليس هناك مايمنع ..
Quote: لازم يقطع علاقة الأبوة ببناته
مافي زول بيرضى بي كده .. يعني انت قصدك إنه دي الجلابية ذاااتا .. خخخخخ .. طيب والبندر حيسمح كيف يبنو فوق الساس الراميهو .. إنت ماشايفه بي غادي أمّن على حاجة زي دي !! .. كلامك ده انا باقي لي بعيد ومامنطقي ومامبلوع ..
ماتكون عايز تتذاكى علّي يابريمة .. أخوك واقع من السما سبعة مرات ..
نداء إنساني لتجاني سيسي .. إنه لازم يتراجع في مسألة دفع الايجار دي .. فالبنيات في غربة وغريبات ديار .. وبعيدات عن الأهل .. فأي بلد وإن نلت جنسيته وجوازه ماببقى بلدك .. فالوطن أهل وليس حيز جغرافي جامد ..
نسأل الله يبأسمائه الحسنى وصفاته العلى .. أن يحنن قلب الوالد على بناته .. ويخرس كل صاحب غرض ومكر سيء ..
03-23-2018, 05:57 PM
بشير أحمد بشير أحمد
تاريخ التسجيل: 03-21-2008
مجموع المشاركات: 10017
(مشكلة السيسى كانت فى البداية مشكلة عائلية بين زوجتة الصفيرة وبنتة اللى قدرها ، وانهالت الزوجة على ابنة السيسى ضربا مبرحا وذهبت الابنة الى القضاء لتأخذ حقها بعد أن خذلها الوالد السيسى فى أخذ الحق وتطييب خاطرها وعندما أتى البوليس ليأخذ أقوال الزوجة تم طردة شر طردة من قبل السيسى رجل السياسة العام والتفت الى ابنتة قائلا أنت فاكرة نفسك فى لندن البوليس يأخذ حقة أنتى هنا فى السودان وانا سأشطب هذا البلاغ ولن يكون لة وجود ، فهمت يا ود القوز لماذا تشيل طار ووننقز به ضد السيسى)
مصدرك شنو للكلام دا؟؟
هل هذا الكلام مدون فى محضر الشرطة ؟؟
هل كنت شهود عليه ؟؟
هل سمعتيهو وقريتويهو فى الوسائط الاسفيرية ؟؟
هل هناك رواية أخرى لماذا تعدت زوجة السيسى على البنت اصلا؟
هل صدرت من البت اساءة لزوجة السيسى جعلتها تخرج من طورها ةتصفع بت السيسى ؟
وهل ادتا كف ولا شلوت ولا بنية ’
عندنا فى السودان الولد ولا البت لو قلا ادبو يترصع كف زى ما حصلت حاجة ؟
يعنى لو أصلا الناس حريصة على الحكم بعدالة فى هذه المسألة لابد من التقصى
والنظر للحكاية من كل ابعادها _ مش بس نردم السيسى على واقعة لسنا شهود عليها ولا حتى نعرف ما هو مصدرها !!!
وشفعنا المولودين برا السودان عادى لو اديتو كف يرفع التيلفون ويتصل بالبوليس ؟
Quote: يعني انت قصدك إنه دي الجلابية ذاااتا .. خخخخخ .. طيب والبندر حيسمح كيف يبنو فوق الساس الراميهو .. إنت ماشايفه بي غادي أمّن على حاجة زي دي !! .. كلامك ده انا باقي لي بعيد ومامنطقي ومامبلوع ..
ماتكون عايز تتذاكى علّي يابريمة .. أخوك واقع من السما سبعة مرات ..
أنا لا أجزم بأنني صاح وأنت غلط .. دي زاوية شوف يمكن تكون فايته عليكم .. تعزيز موقف النباحة بموقف دكتور البندر .. برضوا ما صحيح .. دكتور بندر .. حاتيها قرض مع تجاني السيسي سياسياً .. ودا غرض معروف .. والسياسة قذرة ممكن تصدق أو تكذب .. كله وارد.
أما موقف فلانة .. هو أخذ موقف بندر والبناء عليه في تشتيت الكورة ما بين السيسي وبناته .. مسألة فرق تسد .. ومن السهل جداً قراءة مسألة فرق تسد .. البوست الأول عن البنت التي دقوها في السودان وجرت تكورك في لندن .. هذا البوست .. عن أبوها الذي رمي ببناته .. وأكل مال سحت من حق أهل دار فور وبني قصور الحمراء في كافوري ..
لا يفوت عليكم يا ود القوز .. أن موقف دكتور بندر مهما كان مأخذنا عليه أنه تدخل في مساءل أسرية .. إلا إنه واضح يقف في صف المستضعفات .. البنات ..
أها .. فلانة لا مع البنات .. لا مع أبوهن .. والأكثر إستغراباً ضرب علي رقاب الأثنين .. مثل هذا العمل لا يأتي إلا من زول شمشار همه الفتنة .. وهذه الفتنة أصلها الجلابية .. سواء فلانة هي الجلابة ذاتها أم واحدة "بروكسي" بالنسبة لها .. أو زول همه تدمير السيسي وبناته بضرب عصفورين بحجر .. وممكن يكون همه تدمير حتى الجلابية ذاتها التي أستولت علي المال السايب .. ورقدت فوقه قفا .. المهم الموضوع فيه لخبطة .. مقصود بها شيئ في غاية التفاهة ..
بريمة
03-23-2018, 09:01 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27490
حبيبنا ود القوز ومازلت علي رأيي .. أن السيسي غرابي .. لازم يصبأ للجلابية .. أو حياته تكون في جحيم .. المسألة .. شيئ نحن أبناء الغرب لدينا فيه تجارب كثيرة .. بنات الجلابة .. الواحدة "تدورك في رقبتك" فقط .. ولازم تقطع علاقتك بأهلك الأقربيين .. زول ما يعتب باب بيتك إلا إذا أنت ميت .. ولكي يتحقق هذا الغرض .. لابد أن يتم أبتزاز .. الرجل .. ويتم التحرش بأهله الأقربين "البنات" في هذه الحالة ..
ودقي يا مزيقا .. حتى يصبأ الغرابي ..
بريمة
03-24-2018, 05:03 AM
Kabar Kabar
تاريخ التسجيل: 11-26-2002
مجموع المشاركات: 18537
مريم..حبابك يا صديقة ومرحب بيك في منبر سودانيز اونلاين.. وبعد..
يبدو ان لك مشكلة شخصية مع اخونا دكتور التجاني السيسي ، وكان يمكن ان تحل المشكلة دون اللجوء لهذا الأسلوب الدعائي الذي يهدف الى التشهير بدكتور التجاني دون مبرر . الحل يا مريومة ، كلنا مهما اتعلمنا واتوظفنا واتطنقعنا : دوما عندنا كبارنا الذين يحسمون الأمور ، وهذه ثقافة يعرفها كل ابناء وبنات غرب امسودان ، وبقية اقاليم امسودان الأخرى..واخونا دكتور التجاني سيسي لن يكون مطلقا اكبر من مناصحة اهلنا الكبار ، يعني بهدوء ممكن يسمع كلام الناس..اما اذا الحكاية جابت ليها تشهير ونشر في المنابر العامة فهذه تحسمها المحاكم والقانون ، وصدقيني قانون بريطانيا وليس قانون السودان.
اخطأ اخونا دكتور صلاح البندر بالإشارة الى انهاء عقد الإيجار بين دكتور التجاني السيسي وشركة العقارات في لندن (وانت تعرفينها جيدا)..لأن عقود ايجار العقارات وعقود بيع العقارات هذه عقود خاصة بين طرفين ، والمعلومات فيها محمية بالقانون وأي نشر لهذه المعلومات في وسائل النشر العامة (حتى ولو من قبل طرفي العقد) ستكون مشكلة قانونية. يعني دكتور التجاني السيسي ممكن بكل بساطة يشيل مواضيعك ومواضيع البندر ويرفع دعوى في شركة العقارات على اساس انها قامت بافشاء معلومات سرية لا ينبغي ان تفشى وتنشر في وسائل النشر العامة (ومؤكد صلاح البندر ليس طرف في عقد الإيجار بين التجاني وشركة العقارات ، اللهم الإ ان يكون البندر وكيل مأذون ومصرح ومخول له من قبل طرفي العقد اواحدهما ، ومؤكد البندر ليس وكيل للتجاني السيسي..!!)..
التجاني يشكي الشركة ، وبعد داك ممكن تكون دعوى تانية يكون فيها التجاني والشركة رافعين دعوى ضد البندر ومريم فضيل ، ولو المحاكم الإنجليزية اخدت علم بوضعية البندر القانونية في بريطانية ح يشرب وما يروى..حتى ولو كان لورد في البرلمان البريطاني..!!
لو حدث كده ، ح تبقى ميتة وخراب ديار..!!
نصيحة لوجه الله والمحبة: لمي الدور يا مريومة..!!
او بي قول اهلنا الطيبين من امسودان العظيم: البيوت اسرار يا صديقة..!!
كل مشكلة وليها حل ، ودي مشكلة بسيطة للغاية..بس شوفي ليك سكة تانية عشان الناس تقدر تتضامن معاك..لكن لو قعدتي تباري الشيوعيين الضحك شرطك..لأنهم رومانسيين ما بيعرفوا تعقيدات واقع الثقافات في امسودان..!!
ودمتي طيبة يا مريومة..
كبر
03-24-2018, 06:24 AM
مريم فضيل مريم فضيل
تاريخ التسجيل: 03-03-2018
مجموع المشاركات: 16
فات عليك يا كبر وانت بترعبنا بان التجاني سيسي حيجي يرفع علي وعلي د. صلاح دعوي في المحاكم البريطانيه فات عليك ات التجاني سيسي لو بيعترف بالقانون ما كان عطل القانون وكان خلي القانون ياخد مجراه وما قال لابنته انه حيشطب القضيه. و كلامك انه حيشتكي في لندن مش في السودان يبقي انت ذاتك للاسف بتحقر قانون السودان والنظام القضائي في السودان زيك وزي التجاني سيسي بالظبط. و احنا بنحترم قانون السودان العطلو التجاني سيسي لمصلحه زوجتو المتهمه وبنحترم القضاء السوداني. وبنحترم القانون السوداني وبنوضعو علي قدم المساواه مع القانون البريطاني - العاجبكم ده - بس ما دام التجاني سيسي حيلجا للقانون ياخد حقو من الناس ليه نكر علي بنته انها تاخد حقها بالقانون و ده بياكد ان ده ديدن التجاني سيسي الكيل بمكيالين لما يكون في مصلحته يدخل المعارضه ويلعن سلسبيل ابو الانقاذ. ولما تبقي مصلحته وماكلته مع الانقاذ يصالحها ويلعن سلسبيل ابو المعارضه و يلعن الدول المجاوره البتعكر دم الانقاذ حتي دوله جنوب السودان ما سلمت من انتقاده واتهامه.و عشان يضمن تجاني سيسي نصيبه من كيكه المناصب البتتفضل بها الانقاذ عليه وعلي امثاله والبشير يرضي عنو ويرمي له منصب دستوري شال دلكتو وغني للبشير ومجده في الانتخابات الرئاسيه غنا فات فيه غنا الحكامات.و لو لجأ التجاني سيسي لقانون السودان كمواطن سوداني او جه التجاني سيسي المواطن البريطاني الذي يحمل الجواز البريطاني ولجأ لمحاكم بلده بريطانيا في الحالتين بنقول للتجاني سيسي ولك برضو يا كبر مرحبتين حباب العدل والمساواه ... امام القانون
(عدل بواسطة مريم فضيل on 03-24-2018, 06:29 AM) (عدل بواسطة مريم فضيل on 03-24-2018, 06:43 AM)
03-24-2018, 07:15 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
البت البتمشي المحاكم وبتعرف تقلع حقوقه اكيد ما قاصرة زي ما انكتب في المنبر ده انا والله برسل ليهم رسالة هوي يا بنات السيسي كفاية دلع عايزات تسكنن في شقة في لندن وعلي حساب مواطن ما لاقي يسكن في بلدو ياخ عيب عليكم وكفاية اللهط الفات وموضوع الغا عقد الشقة ده ياريت يبقي ليكم طريق للخلاص من المساهمة في لهط مال الشعب اتوكلن علي الله وواحدة فيكن او اتنين يتحزمن يشتغلن زي ما كثير من المهاجرين شغالين حتئ البدرسوا هناك اذن اشتغلن وتعالن احكن عن الفتح المبين الخلصكم من حق عرق جبين المواطن السوداني ولا ما قدرتن علي العيشة هناك ارجعن السودان داقشن مع الداقشبن شغل قراية تعب شقاء اهم شي انه الواحدة فيكن بتكون راضية عن نفسها والمواطن والوطن راضي عليها ابوكن زعل عليكم هو ومرتو قومتن الدنيا كيف الحال وشعب كامل كل يوم بكيل اللعنات والسب للسلطة دي ومنسوبيها واسرهم بالله اصححن شوية وما تدن ناس الغرض والمرض فرصة فيكم وفي مواضيعكم الخاصة البندر غير سيرة الاسر وخلق الله ما عنده شغلة وشفتن الشعب السوداني الحاولتنن تزحموا بيي قضاياكم الخاصة ده عبر وسائل التواصل لمجرد عقلة من زوجة السيسي ما عارفين اسبابه شنو كل يوم بندق وكل يوم بيهان وبذل من الانقاذ وابوكن قابض قبيضو وحامد سيدو وانتن كمان متهنيات في لندن واخر شقق يوم واحد ما سمعنا ليكن بوقفة تضامنية ولا قولت بغم ساكت انا ما عايز اكون شامت واقول ليكن كتر خير الدقة لكن في قضايا اهم بيواجه بيها المواطن والوطن اتسقن معاها ومع قضايا الشان العام اولا وبعد داك طالبونا بكلمة حق والد رفض اعالة ابنائه اذا لزم الامر شي مؤسف انه المنبر يتحول لفلانه معطت فلانة وفلانة واقفة مع بنات السيسي لانها جارية ورا السيسي والجلابيات والغرباويات يا ادارة المنبر اوقفوا هذه المهذلة
Quote: و ده بياكد ان ده ديدن التجاني سيسي الكيل بمكيالين لما يكون في مصلحته يدخل المعارضه ويلعن سلسبيل ابو الانقاذ. ولما تبقي مصلحته وماكلته مع الانقاذ يصالحها ويلعن سلسبيل ابو المعارضه و يلعن الدول المجاوره البتعكر دم الانقاذ حتي دوله جنوب السودان ما سلمت من انتقاده واتهامه.و عشان يضمن تجاني سيسي نصيبه من كيكه المناصب البتتفضل بها الانقاذ عليه وعلي امثاله والبشير يرضي عنو ويرمي له منصب دستوري شال دلكتو وغني للبشير ومجده في الانتخابات الرئاسيه غنا فات فيه غنا الحكامات
وده ببيت القصيد يازول انت وزولك .... الشغلة كلها تصفية حسابات سياسية وموضوع البنات ما هو إلا قميص عثمان .. الآن من تحت القميص المشقوق ده بانت عورة توجهات الحملة المغرضة دي .. وبالمناسبة هي ليست بعيدة عن انتماءات التجاني سيسي الحزبية .. ولا بعيدة عن اقامتة السابقة بلندن ونشاطه السياسي فيها وتقاطعات هذا النشاط .. الناس هنا ما عندهم قنابير ولاينقصهم ذكاء فتمرير الباسويردات بين البلدان .. وتبادل المعلومات ولبس الاقنعة وتقمّص الأدوار شغلة واضحة ولا تمر على أحد.. فأخير تسيبوا شغل المراهقة السياسية البتعملوا فيهو ده وتنضجوا شوية ..
03-24-2018, 08:50 AM
Kabar Kabar
تاريخ التسجيل: 11-26-2002
مجموع المشاركات: 18537
مافي حاجة فايتة علي يا مريومة ، اللهم الإ اذا كنتي بتتكلمي عن امسودان ما بعد نبتون او تجاني سيسي من السما الطلاطاشر..!!!
بت ابا مريومة (المظلومة)..حبابك يا صديقة
عدل ومساواة بتاعة فنلتك يا مريومة..!!
بالعكس يا مريم ، انا لم ارعبك واخوفك انت اوغيرك ، وانما اهديتك ثغرة قانونية ممكن تسقط حجرك انتي والبندر..!!..عقد الإيجار يحظي بحماية قانونية..معلومات خاصة..أي افشاء ليها في وسائل نشر عامة بجيب مشكلة قانونية..ولو فعلا قاعدة في بريطانية امشي البرلمان البريطاني وقبقبي ليك أي لورد حايم واسأليهو من المعلومة دي..!
انتي يا مريم لاحريصة على بنات التجاني السيسي ولا حريصةعلى مصلحة بنات التجاني السيسي..وانما موضوعك مشكلة شخصية مع التجاني السيسي..وقلنا ليك اخير تصفيها بعيد..!!
التجاني السيسي واسرتو في السلطة منذ 300 سنة يا مريم..يعني فاكرة روحك ح تورينا التجاني السيسي منو وشنو..؟..
صلاح البندر يا مريم فضيل..ناسو اتعصروا في مجوبكة حيكومة امسودان في اليومين ديل..وده صراع عيال مركز ضد عيال مركز..شنو الدخل التجاني السيسي فيهو؟..ناس الجبهة الإسلامية عرسوا وطلقوا..وارتكبوا المظالم في حق عيالهم وبناتهم..اشمعنا التجاني السيسي؟.. وعشان نتم الحك للطيش..بنات السيسي اعمارهم كم (وانا بعرف التجاني بصورة انتي ما بتتخيلها ، ولا التجاني ذاتو عارفها..)..!!
البتسوي فيهو يا مريم ، درب شين للغاية..ولا انتي ما عندك كبار و ولاد عم يقولوا ليك البغلة في الأبريق؟؟..
استاذنا نبيل عبد الله ، اخطأ في نشر التفاصيل ، دكتور صلاح البندر عجبتو الدلوكة فقال اخير اعرض واخطأ في نشر معلومات يحميها القانون البريطاني..و مريومة (المظلومة) لسه ساكة السراب...!
كذابة يا مريومة..ووكيل النيابة القام بشطب البلاغ في امسودان اشرف منك ومن صلاح البندر ونبيل عبد الله..وبقية جوغة الشيوعيين والشيوعيات..ونبيل عبد الله لم يكن شجاع البتة عشان يجيب ليك ليه النيابة شطبت بلاغ بت التجاني السيسي..وزي ما انتي عاملة فيها بتحترمي مؤسسات القانون السوداني ..نحن مؤسسات القانون السوداني عندنا شباب وشابات زي الورد عرفناهم بحق وحقيقة..ومافي حاجة بتملأ عينهم..وعينهم ما بيملاها الإ التراب يا مريومة..!!
فجأة بقا القانون السوداني مرجعك ، يا مريومة ، وكمان بتحترميهو؟..مش قبل شوية كنتي بتقولي انو التجاني السيسي ضرب بعرض الحائط مايسمى بالقانون السوداني..!!!!!!!!!
وبالواضح ، عشان نتمها للطيش..بت التجاني الإنضربت (زعما)في امسودان عمرها كم؟..وبنات التجاني السيسي الشال منهن البيت في لندن ، عمرهن كم (راشدات ولا لأ)؟..ومريومة علاقتها شنو بالتجاني السيسي: طليقتو مثلا؟.. يا مريم..الشيوعيين ضلهم ميت يا بت ابا..وانتي قاعدة تتبعيهم وتمسكي ضنبهم بالحق وبالكذب..!! (دكتور البندر بقايا شيوعيين ، استاذنا نبيل عبد الله تبعهم..وامسودان ابعد عنهم بفراسخ ضوئية..!!)..
مشكلتك شنو يا مريومة مع اخونا دكتور التجاني السيسي؟..
وعشان نعرف اكتر: بريمة مسكين ولا مريم فضيل المسكينة؟..علاقتك شنو يا مريم فضيل بالتجاني السيسي؟..لو خجلانة ممكن نرشها ليك هنا زي الترتيب..!! ما فعله صلاح البندر خطأ..ما فعله نبيل عبد الله(المحامي) خطأ..ما فعلته مريم فضيل خطأ..!! كبر
03-24-2018, 09:22 AM
Kabar Kabar
تاريخ التسجيل: 11-26-2002
مجموع المشاركات: 18537
يا ود القوز .. تعال شوف الشيوعي أبو روضة .. فهم نص الدرس .. أغلب الشيوعيين فهمهم ناقص .. ممكن الشيوعي يفهم ربع الكلام .. تلته .. لكن يفهم نصف الكلام دا يكون زول شيوعي فهامة عديل
Quote: شي مؤسف انه المنبر يتحول لفلانه معطت فلانة وفلانة واقفة مع بنات السيسي لانها جارية ورا السيسي والجلابيات والغرباويات يا ادارة المنبر اوقفوا هذه المهذلة
نصف الحقيقة .. في أن الصراع .. دخل مرحلة الجلابيات والغرابيات .. "الغرباويات" .. طبعاً أبو روضة مصدر الجمع في غرباويات لديه يأتي من مفردة الغرب .. الجهة .. زول جهوي من حيث لا يدري .. أما صيغة الغرابيات .. تأتي من مفردة غرابي .. وهى أسم علم .. أي إنسان ولد وترعرع في الغرب .. وكلمة غرباويات بتاعت أبو روضة تصح إن كنا نتحدث عن جهويات .. لكن الحقيقة الصراع هنا صراع مع شخص .. أثنياً غرابي .. ومع بنات أثنياً غرابيات .. ودا سبب سخونة المعركة .. معركة فيها كسر عظم أو ظهر الغرابيات والغرابي ذاتو سبب المشكلة.. ونحن أبناء الغرب يجب علينا أن نعترف وبالذات أبناء قبائلنا غير العربية في غرب السودان .. جاكيين جك .. بل ويلهثوا لهث خلف الجلابيات .. والأمثلة علي قفا من يشيل .. زمان في ناس روسيهن كبار .. وآملين فيها راسته .. الأن تم الأستيلاء عليهم ..
تيجاني حفيد السلاطين .. تدور معركة حامية الوطيس في عقر داره .. وانا متابع معركة كسر العظم هذي ..
كلامي دا ليس فيه عنصرية .. المسألة أجتماع سوداني .. وبس .. أو قولوا من المسكوت عنه .. مرقت أختكم مريم فضيل من "أوت أوف ذا بلو" تعنى الكثير في هذا المضمار ..
وأنا جاييكم لكلام ول أبا كبر ..
بريمة
03-24-2018, 01:56 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27490
أرجعوا لمداخلات ول أبا كبر .. كم مرة سأل هذا التساؤل .. وأنظروا صمت القبور .. من مريم فضيل ..! .. وبالمناسبة هذا الأسم .. أسم وهمي ساكت ذي بقية الأوهام التي تأتي إلي هنا .. متخفية تحت أسماء مستعارة .. لكن التساؤل الأهم في نظري .. من جانب ول أبا كبر .. هو ..
Quote: فجأة بقا القانون السوداني مرجعك ، يا مريومة ، وكمان بتحترميهو؟..مش قبل شوية كنتي بتقولي انو التجاني السيسي ضرب بعرض الحائط مايسمى بالقانون السوداني..!!!!!!!!!
طبعاً أنتم عارفين .. لو ول أبا كبر كتب سطر .. وأنا نقلته نادر ما أضيف عليه شروح .. وهنا لا أضيف جديد .. لكن أزيد في أستغراب ول أبا كبر .. أستغراب مغلظ من جانبي .. كيف زولة فتحت بوستين .. فقط .. الأول يناقض التاني .. ويتقاطعان عمودياً في مواقع كثيرة .. أتفرجوا في كلام مريم فضيل ..
Quote: قلنا ونحب ثانيا نذكرهم ان السودان بقي للدق فقط .. وليس هناك حقوق تأخذ ولكن هناك كرامة تهان وحق يسلب .. ومم من .. من كبار المسئولين والساسة وذوي المناصب الحساسة والعليا .. وبنت د. التيجاني سيسي التي يعاب عليها انها اندقت في السودان وجات لندن تكورك .. نحب نذكركم ثالثا بأن هذة البنت متربية وعايشة في لندن منذ نعومة اظافرها واتمت تعليمها حتي المرحلة الجامعية فيها .. اذن لندن هي بلدها الاول وليس الثاني وعاصمة البلد التي تحمل جنسيتها .. أذن من حقها بل من حق حقها .. عندما اندقت في السودان ولم تجد الحماية القانونية اللازمة بل وجدت خرق رهيب ومهول للقانون وتنفيذه علي يد اقرب الناس إليها والموكل الوحيد بحمايتها .. مما ادخل الرعب والخوف في قلبها
ثم تأتي لتقول ..
Quote: لماذا تشيل طار ووننقز به ضد السيسى ، لانه طغى وتكبر وأصبح يرفس القانون السودانى برجله بل كلتا رجليه ، ومن يرفس القانون السودانى ولا يعترف بة بعد ان أصبح من رجالات السياسة والمال والاعمال ، كأنة رفسنى أنا شخصيا برجليه بل كأنه رفس الشعب السودانى برجليه
معقولة بس .. تقول بلد ما فيها قانون غاب .. تندق وتنضرب وليس هناك أي حماية .. ثم تأتي وتناقض كلامها .. من رفس القانون السوداني رفسني ؟!! .. هاك الرفس ..
هل أجابت علي ول أبا كبر .. ؟ لم تجب ..؟ .. ونحن منتظرين .. هي عايزة تصل لشنو .. ؟ .. ودا كله بخلينى حسب أجتماعنا الغرابي .. أن المسألة مكاوشة علي غرابي نجح .. ومعطه من جذوره .. ومحاولة شتله في بيئة أخري ..
بريمة
03-24-2018, 02:13 PM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
يا أبو روضة، أستهدي بالله .. ليه لا تنظر إلي النصف الملئ من الكوب ..؟
Quote: .. تعال شوف الشيوعي أبو روضة .. فهم نص الدرس .. أغلب الشيوعيين فهمهم ناقص .. ممكن الشيوعي يفهم ربع الكلام .. تلته .. لكن يفهم نصف الكلام دا يكون زول شيوعي فهامة عديل
هههاي ..
بريمة
03-24-2018, 03:35 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
غايتو أتمنى قبل ما ربنا يتوب عليّ و أفرتك من المنبر ده اعرف كبر وبريمة ديل الشيوعيين كاتلين امهم ولّ ابوهم اوعى بس يكونوا مفتكرنهم عيب وكفار وما بِصلّوا خخخخ
03-25-2018, 06:42 AM
مريم فضيل مريم فضيل
تاريخ التسجيل: 03-03-2018
مجموع المشاركات: 16
سألنى كبر علاقتك شنو بالتيجانى سيسى ؟ وأنا هنا وبكل وضوح وشفافية أقول لة لم أجاوب على هذا السؤال ما لم تجاوب أنت أولا على سؤال لا يدور فى ذهنى أنا فقط بل يدور فى أذهان الكثير من الشرفاء من أبناء الشعب السودانى ،حيث أعترفت بكل وضوح وشفافية أيضا انك تعرف التيجانى معرفة فوق ما يتصورة خيالى أو حتى يعلمة التيجانى سيسى . ومن منطلق هذا الأعتراف الواضح والصريح كما قلنا ، نود أن نلقى عليك السؤال التالى .. من أين للتيجانى سيسى كل هذا الثراء الفاحش والفاضح مع انة كان لا يملك شروة نقير بل كان فى خانة المعدمين بعد أن ترك وظيفتة فى جامعة الخرطوم ، ليذهب معارضا فى مصر وبعدها لندن ، وفى لندن وبشهادة الشهود كان لا يملك ثمن تذكرة البص العام ، من أين للتيجانى سيسى ، كل هذا المال الفاحش والثراء الذى يزكم الانوف ، فى السودان يعيش الأن التيجانى سيسى فى قصرة الفخم وتحيط بة الحدائق الغناء ذات النوافير بمساحة تسكن عدد لا بأس بة من أفراد الشعب السودانى الذى يعانى ما يعانى ، وأمام باب القصر يقيف عدد من الحراس لحراسة السلطان حتى لا يدخل الية الا ما يريدة هو فط ، هذا القصر يقع فى ضاحية كافورى حيث يعيش أثرياء السودان الجديد بعيدا عن غوغاء الشعب ومشاكلة ، وفى داخل القصر متعدد الادوار والطوابق ومتعدد الصالونات والجلسات حيث يحاكى فى ذلك أثرياء الخليج الذى مكث معهم فتره لتوقيع اتفاقية الدوحة لسلام دارفور وللان لم تنعم دارفور لا بلامن ولا بالسلام ولكن نعم التيجانى سيسى بعيشة القصور المؤثثة بالكامل من أفخم وأحدث المفروشات من دبى ،واذا حاوانا ان نعطى فكرة ولو بسيطة عن فخامة القصر وتأثيثة ، نجد أن هناك لوحة مشتراة من دبى معتقة على جدران القصر ثمنها خمسة ألف دولار ، أفتنى يا كبر من أين للتيجانى سيسى هذا ، وفى مطبخ القصر الفسيح نجد أن هناك عدد لا بأس بة من الطباخين المهرة لأعداد الطعام للتيجانى سيسى وزوجتة فط ، هذا غير الخدم والحشم للنظافة القصر متعدد الطوابق والغرف ، أما فى فناء القصر حدث ولا حرج من المرسيدس أخر موديل وعربات الدفع الرباعى ، وقوفا فى فناء القصر مع سائقيهم فى حالة استعداد تام حتى يكونوا تحت أمرة مدام التيجانى سيسى ولتذهب دارفور وأهل دارفور الى ما يريدون ، بجانب هذا هناك عدد مزرعتين ليس لهما حدود بها من المبانى والمزروعات وأشجار الفواكهة والخضروات لتمد القصر بما يحتاجة ، وهناك أيضا مجموعة من الحيوانات النادرة والخيول العربية الاصلية فلا تكتمل الوجاهة والفشخرة الا باقتناء ذلك ، والى جانب هذا شركات فى السودان مسجلة بأسم زوجتة الجديدة والأخيرة أخر العنقود ، وهناك ايضا شركات مسجلة فى جبل على بدبى ، كل هذا غير السيولة البنكية فى بنوك لندن ودبى وامريكا وأخيرا وليس أخرا هناك بيت حدادى مدادى فى ضواحى لندن مسجلة بأسم زوجتة الجديدة أيضا . ....... كبر أرجو ان تجاوب على السؤال من معرفتك معرفة تفوق الخيال بالتيجانى سيسى .... من أين للتيجانى سيسى كل هذا وهو الرجل الذى عاش فى لندن وكان لا يملك ثمن تذكرة البص كما قلنا سابقا ، والأن يرفل فى النعيم رفل.أفتنى بالله عليك يا كبر .
03-24-2018, 07:03 PM
حسن حماد محمد حسن حماد محمد
تاريخ التسجيل: 08-08-2009
مجموع المشاركات: 3451
Quote: غايتو أتمنى قبل ما ربنا يتوب عليّ و أفرتك من المنبر ده اعرف كبر وبريمة ديل الشيوعيين كاتلين امهم ولّ ابوهم اوعى بس يكونوا مفتكرنهم عيب وكفار وما بِصلّوا خخخخ
هل تصدق يا معاوية .. أنا أقدر مجهود الشيوعيين في كثير من الأشياء .. لكن عندي حاجات مفصلة بالمسطرة والمقاس علي ناس محددين .. ما تبقوا يا أخوانا ذي القطيع لما يقولوا الشيوعيين تجوا جاريين كلكم .. تحسبون كل صيحة عليكم .. صيغة الجمع الواردة عن الشيوعيين هي أسلوب معروف لي .. مخاطبة الكل وإرادة الجزء ..
هوون يا معاوية علي نفسك .. والله نحن لن نسلبهم شيئاً ولا نغمض حقوقكم .. أنتم سودانيين ماليين مكانتكم .. ونعتز بكم كنفر سوداني عزيز علينا مثل كل بقية شعبنا .. لكن لذة المنبر .. في أن تكون مع خصومك الشحمة والنار .. وأبو روضة لم يصالحني بعد .. وأنا لسع ح أعصر عليه .. أصبروا ..
إن الله الغشاوة أنجلت ..
بريمة
03-25-2018, 00:42 AM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27490
Quote: نجد أن هناك لوحة مشتراة من دبى معتقة على جدران القصر ثمنها خمسة ألف دولار
غايتو الحرقة البتكتبي بيها عن السيسي و التفاصيل الدقيقة الذكرتيها دي - إن صحّت - فا قطع شك إنت يا المدقوقة يا احد المطرودات من شقة لندن ! وفي هذا تفسير
البوست دة والبوستات المشابهة ما عندي بيهن شغلة .. شئون أسرية رغم إنه في عدم منطقية تمخول الراس .. يعني يقولوا ليك حرامي وسرق مال الشعب وفي ذات نففففس الوقت يقولوا ليك ليه يحرم بناته من حق الإيجار ؟ يعني بدافعوا عن حق البنات في قروش الشعب ولا الفهم شنو؟ المهم الموضوع دة كوووولو كدة ما عندي ليه حاجة
دخلتني حاجة وااااااااااااحدة بس :) وحاة الله ما بتتفوت
Quote: جمال ود القوز (أرجو أن يكون القوز وليس الكوز )
Quote: انا في بوست صلاح البندر دافعت عن التجاني السيسي وقلت أن هذه الأمور أسرية بحتة ولا يجب الخوض فيها ..ولم اكن اعلم انه وبعد ان اغتنى من أموال الشعب ركل أسرته أولاده وبناته وتزوج من فتاة صغيرة ويلبي طلباتها ويطرد بناته القصر من الشقة المستأجرة في لندن..ولكن يبدو أنه يستحق الهجوم عليه وانتقاد تصرفاته المشينة لأنه شخصية عامة وهو نسي شهادة ومروءة الإنسان السوداني وتنمر وتنكر وجحد الجميل.. مع وافر التقدير والاحترام...
الأخت إمتثال, على حسب معرفتي الشخصية بالتجاني سيسي, فهو قبل إنضمامه لمحادثات السلام في الدوحة وقبل السلطة الإنتقالية كان يعمل في الإمم المتحدة وكان مسؤول مكتب الأمم المتحدة عن شمال وشرق إفريقيا وقضى فترة طويلة في أديس أبابا في هذا المنصب. هل تفتكري شخص يشتغل في الأمم المتحدة وفي هذا المنصب وما يقدر يجمع مال؟ مع العلم هو حتى الآن يتقاضى مرتب من الأمم المتحدة لتقاعده. ومعلومة أخذتها من صديق كان مسؤول عن مكتبه في الدوحة في خلال فترة محادثات السلام في الدوحة ما كان يتقاضى أموال من القطريين بصفته الشخصية في تلك الفترة وكان يعتمد على ما يتقاضه من مرتبه من الأمم المتحدة لتقاعده والله أعلم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مريم فضيل
جمال ود القوز
علي دفع الله
محمد البشرى الخضر
عبدالحفيظ ابوسن
Biraima M Adam
قسم الفضيل مضوي محمد
فرح الطاهر ابو روضة
بشير أحمد
حسن حماد محمد
Kabar
معاوية الزبير
aosman
فيس بوك
تويتر
انستقرام
يوتيوب
بنتيريست