|
|
|
 Re: التمباك تلك المادة القذرة (Re: كمال معتصم احمد السيد)
|
الأعزاء دكتور كمال ول ابا قريمان صباحاتكم صحه وعافيه .
ما زال كبار بلدي يعلمون الصغار سف الصعوط وعندما استقصيت عن ذلك ...
الحكمة توفير اكبر قدر من المتعاطين لوقت القطعه ...
وهي عادة متوارثه الكثيرون من ابناء جيلي تعلموهـ بي ابقرشين ...
تمشي تجيب التمباك وتأخد الباقي وهو في حدود ابقرشين (الفريني)،
مقابل سفه ماكنه بعدها تستطيع ان تأخد سفه اتوماتيك قبل ترجع (الحُقه) وهي إناء حديدي من الألمونيوم ،
وبعد انتشار مسوح النيفيا والجيلسولويد وصويحباتهما... الي عهد الأكياس ...
بعدها تكون متعاطي بإمتياز سوف تُجلد إن سفيت من تلك الحقه التي أخذت مقابل سفه منها فريني 
بعد دخلنا المدرسه كان الغير متعاطين يوصفون بصفات غير أخلاقيه وأقلها عدم الرجوله ههههههه
ولي قصه في ذلك ساعود لسردها لاحقاً إن لم أجدها في الأرشيف.
:
:
:
:
مع التحيات لله الزاكيات .
| |
 
|
|
|
|
|
|
|
|
Re: التمباك تلك المادة القذرة (Re: كمال معتصم احمد السيد)
|
التحية لك الأخ كمال وجميع المتداخلين
والله فعلاً كلامك صح فالتمباك حاجة قذرة ومقرفة جداً جداً ، بغض النظر عن أضراره الصحية الغير مرئية
فهو عادة غير اجتماعية ، وأنا دائماً ما أتساءل عن حالة المتزوجة من واحد بسف تمباك كيف عايئة معاه ؟؟؟!!
| |
|
|
|
|
|
|
|
|
|
Re: التمباك تلك المادة القذرة (Re: Othman Al-Hasan Babikir)
|
سلام يا كمال،
مقارنة مع السيجائر، التنباك مفيد جداً للذين يقلعون عن التدخين، والحمد لله أنا بفضل التمباك أقلعت عن التدخين،
أما عن القذارة فأنا استعمل التمباك الهندي ورائحته كرائحة المسك والصندل.
اللهم أعشنا متنبكين، وأمتنا متنبكين
كسرة: والله يا كيمو تجرب التمباك الهندي أو الامريكي أو السويدي الجمبك ما بتديهو
| |
|
|
|
|
|
|
|
|
Re: التمباك تلك المادة القذرة (Re: عزالدين عباس الفحل)
|
Quote: أصدر المجمع الفقهي فتوى
بتحربم التمباك
بل ذهب إلى أبعد من ذلك
وهو أنه لا يجوز أخذ الزكاة
من أموال التمباك
لأنه مال خبيث
والله طيب لا يقبل الا طيبا
وهذه الفتوى اتفقت مع التحذيرات الطبية
بأن التمباك يحتوى على مواد مسرطنة
تتسبب في سرطان الجهاز الهضمي
......... |
المجمع الفقهي دا مش تبع المؤتمر ولا واحدا" تاني ...
المجمع الفقهي دا مش ياهو الفقه السرقة وحللا
بي فقه التحلل رحمة" بي منتسبي المؤتمر الحرامية ...
المجمع الفقهي دا أكان ناسو ديل جادين خليهم أول
شي يصدرو فرمان للحكومة بمحاربة إنتاج التنباك
عند اهلو في دارفور ومن ثم إصدار فرمان للحكومة
بقفل آلاف محلات بيع التنباك علي امتداد الوطن ...
المجمع الفقهي دا لا يصدر فتاوي وإنما فرمانات
للاخذ بها او تركها ... شخصيا" لا احفل بما يهرطقون.
| |
|
|
|
|
|
|
|
|
|
Re: التمباك تلك المادة القذرة (Re: النذير حجازي)
|
Quote: مقارنة مع السيجائر، التنباك مفيد جداً للذين يقلعون عن التدخين، والحمد لله أنا بفضل التمباك أقلعت عن التدخين،
|
الاخ النذير
وعليكم السلام
اضرار التمباك الصحية
لا تقل عن السجائر
أضف إلى ذلك
منظر التمباك المقرف
والغير اجتماعي
| |
|
|
|
|
|
|
|
|
|
Re: التمباك تلك المادة القذرة (Re: النذير حجازي)
|
تحياتي يا شباب
| Quote: فأنا استعمل التمباك الهندي ورائحته كرائحة المسك والصندل. |
بالله يا النزير ورينا بتجيبوا من وين
اقلاها نجرب ونقارن
من قمنا بنسف وما شفنا ليه مضار
جني وجن التنظير بدون فهم
| |
|
|
|
|
|
|
|
|
|
Re: التمباك تلك المادة القذرة (Re: محمد أبوزيد)
|
حسين ود خالتي بسف اظن مما فطموه
وجرب جميع انواع الحقق والأكياس
اها يوم بكب في الشاي ومدنقر على جدنا محمد الشيخ رحمه الله
بردلب الحقة تقع قدام جدي.
جدي شالها و تمعنها و قلبها كويس وعايين لحسين قايلا ومبتسما:
" ماشاء الله !كمان سويت لها ماعون؟"
| |
|
|
|
|
|
|
|
|
|
Re: هل من الضروري ان يتداخل العضو في جميع البو (Re: اشرف السر)
|
الفايق يهمّز .....
كل البلاوى دى زا شفت غير الصعوط
صحيّا ما شفنا اى ضرر صحّة منّو و لا سمعنا
شرعيأ غير مذهب للعقل
من حيث النضافى يساعد كثيرا على النضافة
بتغل يدّيك بعد دنكلة السفة و بتمضمض خشمك بالموية بعد ومى الشفّة
يعنى لو بتشف عشرة سفات فى اليوم يبقى دى عشرة مضمضات زايد ال 15 بتاعت الوضوء
يبقى ديل 25 مضمضة فى اليوم وما اظن فى نضافة اكتر من كده
كا اضيف ان العطرون ماده صحية و تساعد على هضم الطعام
و يستعملة كثيرا اصحاب تربية المواشى
____
دى مصيبة دى
اى واحد شوى ليهو دقن وحفظ ليهو آياين و حديث داير يحلّل و يحرّم على كيفو
| |
|
|
|
|
|
|
|
|
|
Re: هل من الضروري ان يتداخل العضو في جميع البو (Re: جلالدونا)
|
Quote:
الفايق يهمّز .....
كل البلاوى دى زا شفت غير الصعوط
صحيّا ما شفنا اى ضرر صحّة منّو و لا سمعنا
شرعيأ غير مذهب للعقل
من حيث النضافى يساعد كثيرا على النضافة
بتغل يدّيك بعد دنكلة السفة و بتمضمض خشمك بالموية بعد ومى الشفّة
يعنى لو بتشف عشرة سفات فى اليوم يبقى دى عشرة مضمضات زايد ال 15 بتاعت الوضوء
يبقى ديل 25 مضمضة فى اليوم وما اظن فى نضافة اكتر من كده
كا اضيف ان العطرون ماده صحية و تساعد على هضم الطعام
و يستعملة كثيرا اصحاب تربية المواشى
____
دى مصيبة دى
اى واحد شوى ليهو دقن وحفظ ليهو آياين و حديث داير يحلّل و يحرّم على كيفو |
بطمئن في نفسك في الفاضي
أوسخ لسة وأوسخ أسنان
تبع الناس البسفو
...
جيب واحد مدمن تمباك
واخر غير متعاطي
وقارن بين اسنانهم ولستهم
| |
|
|
|
|
|
|
|
|
|
Re: هل من الضروري ان يتداخل العضو في جميع البو (Re: اشرف السر)
|
Quote: المجمع الفقهي دا
حرم الشغلة دي.. وحرم الزكاة بتاعتا.
..
طيب ليه الحكومة ما زالت تأحذ الزكاة منه؟؟
وتأخذ غير الزكاة من ضرائب باهظة على المزارع وعلى التجار؟؟؟
حيكومة تأكل الحرام ليه؟؟؟ |
اسئلة وجيهة
نتمنى من ود الباوقة
الناطق الرسمي باسم الحكومة
يرد عليها
| |
|
|
|
|
|
|
|
|
|
Re: هل من الضروري ان يتداخل العضو في جميع البو (Re: كمال معتصم احمد السيد)
|
اجيب واحد ليه
معاك انا ذات نفسى
الحمد لله بعد العمر ده كلو
الاسنان تمام واللثة تمام
و بالعموم الصحة تمام التمام و الحمد لله
اس مشاكل اللثة و الاسنان هو عدم النظافة
الصعوت محفّز لنظافة الفم بزيادة عشرين مرة عن المعدل المطلوب لغسل الفم فى اليوم
غسل اليدين يزيد عشرين مرّة عن المعدل المطلوب لنظافة الايدى فى اليوم
امتصاص مادة العطرون يساعط فى عملية الهضم
عشان كده قيلت الحكمة الخالدة .. لو جعان ما تسف حتى لوكنت من المدمنين
كما يساعد المهووسين جنسيا على تخفيف شهوة الجنس و ضبطها فى معدلها الطبيعى
وده حاصل فى المعسكرات الطويلة المدى ... بيضيفو العطرون فى طبخ الطعام لضبط شهوة الجنس
ده من حيث النظافة و الصحة
من نجيث الشرع جيب دليلك على تحريمو
| |
|
|
|
|
|
|
|
|
|
|
Re: هل من الضروري ان يتداخل العضو في جميع البو (Re: بلدى يا حبوب)
|
التحية لحبيبنا كمال ..
(( تأصيل للتمباك))
أذكر زمان عندنا في الشمالية نوع من التمباك ( تمباك أخضر بالنوبية .. تومباك دسييه )
وكان هناك نوعان منه ( تومباك بلدي .. وتومباك القعب ) .. عبارة عن أغصان نبتة خضراء مجففة
كان يحمل في كيس صغير من القماش ومخلوط به عطرون يسمى ( جدي Gaddi ) ربما بالعامية ( جردقة .. ما متأكد )
وهذا النوع من العطرون كان يستخرج من الأرض في مناطق معينة وارض غير صالح للزراعة ( عطرون ) عبارة
عن قطع صغيرة لونها يميل إلى البياض .. وفي حالات كثيرة كان يستخدم كعلاج يتم خلطه بالماء ثم عصر الليمون عليه
ويحدث نوع من الفوران ويتم تناوله مباشرة مع الرغوة .. خاصة في أيام عيد الاضحية حيث سوء الهضم ..
المهم كان يستخدم لعلاج آلام المعدة .. ( حتى ظهر دواء إسمه .. أندروس الفوار )
والتمباك الأخضر كان يستخدم من قبل كبار السن من الرجال والنساء ( الحبوبات ) وكان هناك تجار مشهورين بزراعة وتجارة التمباك
=====================
أما التباكو الذي يستخدم في التدخين كانت زراعته على ضفاف النيل في الجروف تحت مسمى ( القمشة أو توللي Tolli )
وكان يستخدم في لف السيجارة بورق صغير رقيق مستورد من مصر (ورق السجاير ) .. ثم ظهر بعد ذلك ورق الشام ..
ولقرب مناطقنا من مصر كان التدخين من العناصر التي دخلت إلى مجتمعاتنا في وقت مبكر جداً .
وألاحظ اليوم بعض الهنود والباكستانيين يستخدمون تبغ شبيه جداً بما كان لدينا زمان
مع التحية للجميع .. نوع من التأصيل في مجال الكيف
وكانت لدينا مقولة بالنوبية أحاول ترجمتها بالعربية ( الحيوانات هي الوحيدة التي فقط تأكل وتشرب المياه ) يعني بدون كيف
تحياتي للجميع ..
| |
|
|
|
|
|
|
|
|
|
Re: هل من الضروري ان يتداخل العضو في جميع البو (Re: كمال معتصم احمد السيد)
|
لا ما تصطاد فى الماء العكر
هو مهدئ جنسى و لا علاقة له بالعجز الجنسى
اسباب العجز الجنسى غير يا هذا و ممكن تصيب اى انسان و فى اى مكان فى الكرة الارضية
اما عن الضعف الجنسى فهاك الاسباب لو تلقى التمباك من اسبابها
_______
ما هي أسباب هذا الضعف الجنسي؟
هناك أسباب مختلفة، ومنها بالنسبة لشريحة كبيرة من الرجال التقدم في العمر، إذ أن ضعف الانتصاب يزيد بنسبة واحد في المائة كل عام.
كما أن بعض الأمراض تؤدي هي الأخرى إلى الضعف الجنسي وعلى سبيل المثال، السكري وأمراض الأوعية الدموية والاضطرابات العصبية
والاكتئاب وأمراض الكلي. بالإضافة إلى ذلك فإن بعض الأدوية مثل مضادات الاكتئاب والأدوية التي تساعد على زيادة معدل التبول من شأنها
هي الأخرى أن تتسبب في مشاكل الانتصاب. ولا ننسى عوامل أخرى تزيد من حدة الإصابة بالضعف الجنسي مثل التدخين والكحول والمخدرات أو عدم ممارسة الرياضة.
_________
بالمناسبة
بالباذنجان و العجوّر من المهدئات الجنسية
يعنّى نببطّل ناكل سلطة اسود و سلطة خضار
| |
|
|
|
|
|
|
|
|
 Re: التمباك تلك المادة القذرة (Re: كمال معتصم احمد السيد)
|
ههههه بوست ظريف.
والأظرف منو الفتوى بتاعة علماء السلطان.
ضحكتني مداخلة الأخ قلقو..
ياخ ديل تقول عاملين كونتراكت مع ربنا ، تعالى عن ذلك علوا كبيرا.
لكن ، حقيقي الشي دا مقرف.
بالذات منظر الشلوفة المنفوخة.
انتو مش قبل فترة في صورة لجمعية مزراعي التمباك يرحبون بالبشير في دارفور وللا حاجة زي دي ؟
| |
|
|
|
|
|
|
|
|
|
Re: التمباك تلك المادة القذرة (Re: AMNA MUKHTAR)
|
| Quote: انتو مش قبل فترة في صورة لجمعية مزراعي التمباك يرحبون بالبشير في دارفور وللا حاجة زي دي ؟ |
تجّار يا آمنة .... تجار وليهم إتحاد.
الشغلة دي أكبر من إنو يحاربوها بي فتوى علماء السلطان ... لأنو فيها تدوير أموال ممكن تسند بلد بكاملها
| |
|
|
|
|
|
|
|
|
|
Re: التمباك تلك المادة القذرة (Re: محمد أبوالعزائم أبوالريش)
|
الطيب .. من نواحي العيلفون كان رجا ذا طرفة
حكي اما جمع غفير من الناس قال ان جده كان مقاتلا شرسا في جيش المهدية وانه في معركة حامية الوطيس
كان يضرب ذات اليمين وذات الشمال وفي تلك المعمعة فاذا برأسه قد قطع وان جده من شدة حر المعركة كان لايعلم ان راسه قد قطع
إلا بعد أن جلس في الظل تحت شجرة وطلع الحوقة و«دردم» سفة.. ورفعها إلى فمه ليجد أن رأسه قد قطع.
| |
|
|
|
|
|
|
|
|
|
Re: التمباك تلك المادة القذرة (Re: كمال معتصم احمد السيد)
|
لا شك أن التمباك مقرف وقذر وذو رائحة كريهة
مضر بصحة الأنسان ، يتلف بياض الأسنان
ويصدر من متناوله زفير غير طيب
مع المدة الطويلة يتلف الأعصاب
فاعرف الكثير من المتعاطين ، الذين لا يستطيعون
أن يتحكموا في مسكهم للأشياء وترى أطرافهم تترتجف
بعض بدرجة خفيفة وبعضهم بدرجة رجفان عالية .
من أسوا العادات الاجتماعية .
وأغرب ما في الأمر أن سكان تلك النواحي المنتجة والمصدرة
للتمباك لا يستخدمونه .
لا أستطيع أن أجزم حرمته ولكن ربما يدخل في باب ( ولا تلقوا بأنفسكم للتهلكة) ، والله أعلم .
| |
|
|
|
|
|
|
|
|
|
Re: التمباك تلك المادة القذرة (Re: Ahmed Yassin)
|
Quote: بالله يا النزير ورينا بتجيبوا من وين
اقلاها نجرب ونقارن |
سلام يا ود أب زيد،
لو في السودان، خلي ناس دبي يرسلوهو ليك، وبرضو موجود في البحرين،
أنا لو جيت السودان بجيب ليك من كل بستان زهرة
عاشت أخوة التمباكة
| |
|
|
|
|
|
|
|
|
|
Re: التمباك تلك المادة القذرة (Re: النذير حجازي)
|
| Quote: النذير والله الف مبروك اقلاعك عن التدخين. |
الله يبارك فيك يا أبو السيوف، بالله عليك الله كلمهم
كل معارفي في زول بقدر يصدق إني تركت الدخان؟
للناس الما كانوا بعرفوني: أنا كنت بدخن 60 سيجارة في اليوم الواحد
بمبلغ 400 دولار في الشهر الواحد
وبفضل التمباك قدس الله سره تركت التدخين،
وحاليا بدأت أترك التمباك واستعمل لببان (علكة) النيكوتين
بدل التمباك
أنا ممنون للتمباك
كسرة: طبعاً يا أبو السيوف برضو عملت عملية قص معدة ورجعت للوزن المثالي، ورجعت رياضي في العشرينات من عمره
أخوك شغال في نفسو صيانة تقيلة هههههههههه
| |
|
|
|
|
|
|
|
|
|
Re: التمباك تلك المادة القذرة (Re: اسامه العريفي)
|
أهلنا زمان قالوا (راساً بلا كيف أريتو بالسيف ) ............................
..وسمعت طرفة ظريفة جداً ..قالوا حبوبة شايقية سمعت مرثية حليل موسى يا حليل موسى ..لحد ما سمعت : لا بياكل ملاح أخضر ..ولا بشرب خمر يسكر ......أها قالـت بلجة أهلنا الشايقية المحببة: نان حليلو في شنو
يا حجازي أنا عشان أترك التدخين بقيت أسف لكن بالكلينكس ......هل يجوز؟ ...
| |
|
|
|
|
|
|
|
|
|
Re: التمباك تلك المادة القذرة (Re: محمد عمر محمد)
|
Quote: سلام يا ود أب زيد،
لو في السودان، خلي ناس دبي يرسلوهو ليك، وبرضو موجود في البحرين،
أنا لو جيت السودان بجيب ليك من كل بستان زهرة
عاشت أخوة التمباكة |
تحياتي يا النزير
تسلم كتير والله
نحن ناس السعودية
فدحين اي واحد يصلنا مرحب بيه
وجزى الله صاحب البوست خير الجزاء
أتوقع بوست مضاد بعنوان (متضامنون مع التمباك)
الناس ديل شانين عليه حملة هوجاء
بعضهم يقول ليك بيغير الاسنان واللثة ورائحة الفم الكريهة
يا شباب دي اظنها نظافة شخصية لا علاقة لها بالتمباك البتة
تحياتي للجميع
| |
|
|
|
|
|
|
|
|
|
Re: التمباك تلك المادة القذرة (Re: محمد أبوزيد)
|
Quote: للناس الما كانوا بعرفوني: أنا كنت بدخن 60 سيجارة في اليوم الواحد
بمبلغ 400 دولار في الشهر الواحد
وبفضل التمباك قدس الله سره تركت التدخين،
|
النذير حجازي
ده لانك جمهوري علماني
عايش في حالة توتر عصبي واكتئاب
عشان كده
لجأت إلى التدخين والتمباك
لانك بعيد عن ذكر الله
....
قال الله تعالى
ألا بذكر الله تطمئن القلوب
...
ذكر الله هو غذاء الروح
كما أن الطعام هو غذاء الجسد
....
وانت حرمت الروح من غذاءها
لذلك لجأت إلى المسكنات القاتلة
.....
هذا هوحال معظم العلمانيين
الذين تنطبق عليهم الآية
ومن أعرض عن ذكري
فأن له معيشة ضنكا
ونحشره يوم القيامة أعمى
| |
|
|
|
|
|
|
|
|
|
Re: التمباك تلك المادة القذرة (Re: كمال معتصم احمد السيد)
|
.
.
كنت مدمن للصعوط لفترة طويلة ولكني شاهدت قبل حوالي 10 سنوات حلقة برنامج صحة وعافية وعرضت فيه مناظر تخليك تكره اليوم السفيت فيه ...
.
.
المهم بعد تلك الحلقة عزمت على ترك الصعوط وقد استخدمت طريقة ساهلة جدا لترك الصعوط وهي احضار جنزبيل اخضر طازج وتقشيره وتقطيعه الى قطع صغيرة بحجم عقلة الاصبع ووضع قطعة واحدة في الفم وتحريكها بدون مضغ مع بلع اللعاب تستمر في تناول الجنزبيل وبعد يومين تلاتة بتلقى نفسك انك غير محتاج للصعوط واستمريت في تناول الجنزبيل لمدة شهرين تقريبا ولم افكر في تعاطي الصعوط مجددا والحمد لله ...
بعرف كتير من قرايبي تسبب الصعوط في اصابتهم بأمراض القلب والشرايين وقد نصحهم الاطباء بالتوقف عنه ...
.
.
نفس هذا العلاج يمكن استخدامه للاقلاع عن التدخين ...
| |
|
|
|
|
|
|
|
|
|
Re: التمباك تلك المادة القذرة (Re: قسم الفضيل مضوي محمد)
|
Quote: يا جماعة
ما سالتوا نفسكم
ليبيه ناس دارفور
البعملوا التنباك
ما بسفوا
او نادر تلقى منهم زول بسف
.....
ده لانهم عارفين المصائب والسموم المضافة للتنباك |
دي طبعاً رسالة الواتساب الساذجة.
العمل الرسالة دي قصد يحارب السعوط ... لكن كلها كضب
بعدين منو القال ناس دارفور ما بيسفوا؟
الحاجات دي العايز يخليها بيخليها والما عايز لو ختيت ليهو السيف ما بتقدر تجبرو.
أنا دخنت أكتر من 35 سنة وتركت التدخين في 2011 .... بس لأني قررت أخليهو.
واحد قريبنا كان بيشرب ... وقف من الشراب في بداية التمنينات .... لما جعفر نميري أعلن إسلامو ومنع الخمور ... قام رجع، قال (أخليهو براي وبي مزاجي مش بي مزاج نميري)
| |
|
|
|
|
|
|
|
|
|
Re: التمباك تلك المادة القذرة (Re: كمال معتصم احمد السيد)
|
انت يا اخ كمال معتصم نصيح؟او بتتناصح؟
Quote:
هذا هوحال معظم العلمانيين
الذين تنطبق عليهم الآية
ومن أعرض عن ذكري
فأن له معيشة ضنكا
ونحشره يوم القيامة أعمى |
انت صيدلي وﻻ دجال وﻻ مشعوذ او تتنبأ بالغيب
ومن قال لك ان المدخن او البتعاطى التمباك له معيشة ضنكة
ومن اين تعرف ان غير المتعاطى يرفل في رغد العيش
مدختين ومتعاطين وبياعين سجائر وعماري .في هناء ودعة
واحتمال انت المتجمل في صورتك وخلفك كل قناني اﻻدوية هذي وانت في ضيق
وحالة مادية صعبة...وحتى اسريا غير مستقر..
ليس مقياس..انما هذه ارزاق بيد الرزاق.. واﻻ كان اهل الغرب جميعا في معسكرات النازحين...اتق الله وﻻ تفتىء هنا وﻻ تنبئنا بتاويل احاديثك
| |
|
|
|
|
|
|
|
|
|
Re: التمباك تلك المادة القذرة (Re: أحمد الطيب بدرالدين)
|
Quote:
يا زول
البلد كلها بطاريتها نازلة
شباب على عجائز
...
والدليل الاستهلاك الكبير للفياجرا |
سلام شيخ كمال
الناس بخير والف خير ياللخو
والعالم البتجي تخم منك الفياجرا دي شنات طبع منها ساي
%80 من مصايب البلد العرمنه والبطاريات الهاي فولتيدج
سؤال بالجمبه كده:
ايهما اكثر ضررا علي الصحه الفياجرا أم التمباك؟؟؟
| |
|
|
|
|
|
|
|
| |
كمال معتصم احمد السيد
الطيب رحمه قريمان
محمد حمزة الحسين
Othman Al-Hasan Babikir
النذير حجازي
عزالدين عباس الفحل
Salah Zubeir
ترهاقا
محمد أبوزيد
MOHAMMED ELSHEIKH
محمد أبوالعزائم أبوالريش
قلقو
اشرف السر
جلالدونا
بلدى يا حبوب
علي عبدالوهاب عثمان
علاء سيداحمد
هاشم احمد ادم
AMNA MUKHTAR
Ahmed Yassin
قسم الفضيل مضوي محمد
سيف النصر محي الدين
الطيب عباس
ولياب
اسامه العريفي
Osama Mirghani
محمد عمر محمد
محمد حيدر المشرف
فيس بوك
تويتر
انستقرام
يوتيوب
بنتيريست