حولا . قالوا : قامت بناية نزلة الفندق الكبير سنة 1908. علي طراز العمارات الانجليزية التاريخية وبين داك التاريخ ولاحدي 1969 نزل بالفندق كتير. من مشاهير الدنيا . من الكتاب و الشعراء من امريكا و بريطانيا وايرلندا. و نيجيريا. ولبنان وسوريا ومصر. واليمن . تعال. الليلة. شوف الفندق . تعال اتفرج في البشتنة و الاهمال وعدم الفهم وعدم. الاحترام. لي. تاريخنا. و حاجاتنا. العزيزة. علينا .
08-26-2018, 09:23 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1918
حقيقة والله حتى الترس وهو من اجمل الأماكن المطلة على النيل الازرق وكانت تتناثر علية كراسى وطاولات البامبو الخضراء اصبح شبه مهجور وارضيتو محفرة ومظلم يضاء بلمبة واحدة عندما تكون فيهو حفلة لى فنان تعبان ينظمها احد المتعهدين ،اما الحديقة الخلفية فهى الكارثة الحقيقية
08-26-2018, 09:46 AM
قلقو قلقو
تاريخ التسجيل: 05-13-2003
مجموع المشاركات: 4742
هلا هلا . ماقايلين الدنيا بتنخج و بتنفرك زي ده الفرك العجيب . في البهو ده لعبن بنات لوردات الانجليز . حكام السودان والهند وعدن وكينيا . في دي الممرات الكانت انيقة قدلت الملكة اليزابيث وبعد كم سنة عقبتها بالزيارة الاميرة ان . هنا كانت حكايات دارت بين دي الحيطان الحبيبة . اكيد الباعوها ديل ماعندهم بالناس. علاقة .
08-26-2018, 12:11 PM
قلقو قلقو
تاريخ التسجيل: 05-13-2003
مجموع المشاركات: 4742
يا قلقو يا اخوي الفندق ده في يوم من الايام كتبت عنو الصحف البريطانية ( المافي ليه مثيل ) وجد كان مافي ليه مثيل . ياتو فندق في العالم شباكو فاتح في نهر الجنة ؟ الفاتح في قلوب السودانيين . تصدق يا قلقو. انو. والله ما بعرف. انقل صور. . بارك الله في الاخوان . لكن صور العز الضاقو الفندق زمان . لو اتنقلت العيد حينقلب للناس حنضل .
08-26-2018, 02:04 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
البشتنة ضربت جميع اركان الفندق . من قبل ما تدخل الباب الكبير. حتضربك ريحة بهارات المطبخ الباكستاني . المطبخ المختلف من المطبخ السوداني المشهور . ريحة الكاري الباكستاني المزعجة اول ما تدخل حتوريك انو السودان فقد بيت ضيافتو. الرحيب . فقد. النزلة. العظمة . فقد المضيفة المفخرة . ياخ ديل شنو ديل ؟
08-26-2018, 04:35 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يحكي لينا انكل تووم لانكستر من منطقة كرستل بالاس في جنوب لندن عن السودان زمان في بداية الستينات و عن الفندق الرحيب . تووم لانكستر تاجر جلود عندو. كتير من الاصحاب السودانيين . يحكي عن كيف كان الفندق ضاج بسماسرة الاقطان و السمسم و السلع السودانية المطلوبة رجال اعمال وخبراء تسويق من الغرب والشرق . يحكي حكايات تقوم النفس. و تبكي علي البشتنة الحصلت .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
Amira Hussien
قلقو
بشير حسـن بشـير
فيس بوك
تويتر
انستقرام
يوتيوب
بنتيريست