أوافق على منح البدون الجنسية السودانية

Quote: اسألونا نحن الذين عشنا في الخليج اكتر من ربع قرن عن من هم البدون..... في اول بدايتنا في الاغتراب كانت اول محطة هي مدينة العين بدولة الامارات العربية المتحده.... وكانت تربطني صداقه باخ يعمل في شرطة الصناعية بمنطقة الهيلي وكنت كثيرا ما ازوره وخصوصا عندما بكون بوردية المساء..... وعرفت من خلال زياراتي لهم ان اخطر مكان في العين هو ما يعرف بالجبل داخل الصناعيه وهي منطقه لا تدخلها الشرطه الا نادرا وبعد استعداد جيد لخطورتها وعرفت انها منطقه تسكنها مجموعة من الاجناس المختلفه ممن لا يحملون اي اوراق ثبوتيه وتنتشر فيها الجريمة بجميع انواعها والداخل اليها مفقود والخارج منها مولود .... ثم انتقلت الى امارة دبي ووجدت فيها منطقتين اشبه بجبل الصناعية هذا احداهما كانت ما يعرف بالسطوة وموقعها قديما خلف شارع الشيخ زايد والاخرى كانت في منطقة القصيص الا ان التطور والطفرة العمرانية التي انتظمت امارة دبي ادت الى اعادة تخطيط هذه المناطق وتفريغها توزيع سكانها الى مناطق اخرى وترحيل بعضهم الى خارج الدولة..... وفي الكويت في نهاية العام 2017 صدر تقرير عن الجريمة في الكويت بين ان أكثر من 60 جريمة متنوعة ما بين قتل وشروع في القتل، وسطو مسلح ومشاجرات وسرقات وسلب بالقوة، واعتداء بالضرب وإطلاق نار، وانتحال صفة تحدث في الكويت كل يوم منذ بداية العام الجاري 2017، وحتى نهاية شهر أكتوبر الماضي، بواقع جريمتين ونصف الجريمة في الساعة الواحدة. ومن المعروف ان كل من لا يحملون اوراق ثبوتيه تبين الى اي دولة ترجع اصولهم في دول الخليج يعتبرون من فئة البدون... لذلك وبعد ان كانت فئة البدون هي الفئة التي تنتمي الى البدو في اطراف هذه الدول اصبحت هذه الفئة تضم كل مقطوع او هارب من العدالة ولا يعرف له اصل ولافصل... لذلك اصبح مجتمع البدون هو من اكثر المجتمعات التي تكثر فيها اوكار الجريمه في كل دول الخليج لذلك ترفض جميع الجهات المسؤوله في هذه الدول تجنيسهم او منحهم جوازات سفر .... حتى الكويت التي ينص دستورها على منح الجنسيه الكويتيه لجميع الذين حاربوا الى جانب الكويت ايام احتلال العراق للكويت ورغم ان الجيش الكويتي كان يضم آلاف البدون الذين حاربوا العراق دفاعا عن الكويت الا ان مجلس الامه الكويتي يرفض بشده منحهم الجنسيه.... حاولت دولة الامارات التخلص من مشكلة البدون بالاتفاق مع دولة جزر القمر باعطائهم جوازات الا أن جزر القمر رفضت ولاتزال المشكلة قائمة .. وهاهي الكويت تنوي التخلص منهم بمنحهم الجنسيه السودانيه ..... نحن في السودان لم نستوعب الدرس عندما ذهب السوريون المقتدرون الى اوروبا وجاءنا فقراءهم ومرتادي السجون معتادي الاجرام من المختوم على اجسادهم وشم السجن (اذ ان السلطات السورية توشم معتاد الاجرام بوشم معين) وفتحنا لهم الابواب ورأينا منهم ما رأينا من تزوير للعملة والمستندات وترويج للمخدرات واستغلال لضعاف النفوس من المسؤولين لاستخراج الجوازات السودانيه والاعلان عن بيعها في الوسائط...... فها نحن سنفتح الابواب للبدون من الكويت والامارات ويقيني ان دول الخليج قد وجدتها فرصه مواتيه للتخلص من مدمني المخدرات والمزورين ومرتادي السجون والشواذ والمثليين بارسالهم الى مزبلة السودان اسوة بما ارسل من قبل من نفايات الكترونيه سُكت عنها ولا نعلم الى الآن ما الذي تم بشأنها..... يا اخواننا والله حرام عليكم ما تفعلوه بهذا البلد المسكين وهذا الشعب الطيب...... نقولها بكل صراحة تجنيس البدون يعني تجنيس مدمني المخدرات والمزورين ومرتادي السجون والشواذ والمثليين يعني تخليص دول الخليج من ازمتها ومشاكلها واستيرادها الى السودان ومهما كان الثمن الذي ستدفعه هذه الدول لن يساوي عشر معشار ما تستوردون من ازمه.... الا هل بلغت...... اللهم فاشهد قال الشاعر: لقـد جربــت هــذا الدهـر حـتى أفـادتــني التجارب والعـناء إذا ما رأس أهــل البـيــت ولى بدا لهم مـن الناس الجـفاء يعيش المرء ما استحيى بخير ويبقى العود ما بقي اللحاء فــلا والله ما في العـيش خـيـر ولا الدنـيـا إذا ذهـب الحياء إن لم تخـشى عاقــبـة اللـيالي ولم تستحي فافعـل ما تشاء ابووضاح

Quote: خلي مخالفتي اتوا كقطيع حجتكم شنو ما ندي البدون جنسية؟ السودان بلد مفتوح يدخله يوميا العشرات بدون جوازات وهم عبء على الاقتصاد المتهالك شنو البمنع منح البدون جنسية؟ قصة البلد ليس للبيع وشنو كدا بطيخ انسونا منها الأمريكان بدوا الناس جنسية بالقرعة البدون اضافة اقتصادية للسودان يحب عدم تضييع الفرصة

Quote: مشروع زي دا تستطيع الكويت تنفيذه بسهولة مقابل اتفاق لمنح عدد من البدون الجوازات السودانية بعد التأكد من حسن سيرتهم ٥٥٠ مليون دولار مقابل ٢٢ ألف من البدون زايد رسوم الجوازات وتجديدها الضرائب والزكاة السنوية رسوم القناة الفضائية

Quote: يعني يا عاصم لو الصفقة السودان ح يستفيد منها حقيقة، أنت موافق

Quote: ودي مهمة الكويت في اغراء البدون للقبول بالجواز السوداني

Quote: حالياً أعمل متعاون لمنظمة خيرية أمريكية تنوي القيام بدراسات حول مياه الشرب النظيفة في شمال وشرق السودان. من ضمن الدراسات التي وقعت في يدي اثناء بحثي، تكلفة مد أنبوب مياه من عطبرة أو ابو حمد لبورتسودان، التكلفة في حدود ٥٥٠ مليون دولار زايد التكلفة التشغيلية السنوية يصل ارتفاع أعلى نقطة في مسيرة المياه مِن عطبرة لجبال البحر الأحمر حوالي ٧٠٠ متر مشروع زي دا تستطيع الكويت تنفيذه بسهولة مقابل اتفاق لمنح عدد من البدون الجوازات السودانية بعد التأكد من حسن سيرتهم ٥٥٠ مليون دولار مقابل ٢٢ ألف من البدون زايد رسوم الجوازات وتجديدها الضرائب والزكاة السنوية رسوم القناة الفضائية

Quote: إتّا بس حابي تظهر في بوستاتي، لكن كالعادة ليس لديك اضافة حقيقية أصلاً الجنوبيين ديل من زمان بحبوا يلبسوا أصفر عشان يظهروا

Quote: "يا عبد الله ادريس ورجغتا ورجغة شديدة، لكن لم تجب على السؤال المهم! لماذا الفكرة كصفقة مالية لا تشبه عمليات التوطين؟

Quote: سياق حديثك لا يسمح بنكران أن البدون زبالة في نظرك،

ما عندي ليك اكتر من الايضاح الكتبتو

Quote: شنو الضرر الممكن يحدث لو هاجر البدون للسودان، حتى تقارن ذلك بالنفايات الذرية؟

الضرر الثابت وما عايز جدل ضرر معنوي ، في القواميس في كلمات زي (قانون ، كرامة ، شرف - law, dignity, honor , pride , respectability ) ، الكلمات دي في قاموسك انت مافي ؟ تبيع وتقبض بس بغض النظر عن البضاعة ؟ لو في دولة في العالم بتبيع جوازا بشروط مالية فقط ورينا ليها .. اما الاضرار الاخرى فدي حتظهر بعد ما يجوا هنا ويعملوا ليك غيتوهات وكانتونات عرقية وطبقية من عشرات الالاف من البشر المغبونين والمهمشين الاتشحنوا بدون اي شروط قانونية او مهنية او اخلاقية ، ناس كانوا على حافة المجتمع بعانوا من غبن طبقي ومعنوي طويل وجو على عكس رغبتهم مش قدموا استمارات هجرة طوعية عشان يتعلموا او يحسنوا اوضاعهم ، لا جو مشحونين في برميل زبالة ، ، احد اسباب الحروب الليبيرية انو المهجرين الجايين من امريكا شافوا نفسهم ارقى من المحليين بسبب انهم جايين من بيئة اغنى وارقى ماديا وحضريا وحضاريا وبدت المشاكل واتطورت لحد ما وصلت لحرب اهلية المهجرين شايفين المحليين بهايم والمحليين شايفين المهجرين مجرد مقاطيع دخلاء قليلين ادب جابهم قطر ما حيرجع تاني ، بعض هذه الشروط متوفرة تماما هنا خاصة واننا دولة اصلا مليانة حروب ومشااكل قبلية وجهوية وسياسية يعني بيئة خصبة جدا لانتاج القلاقل.
الموضوع مش بالبساطة دي يا بكري عشان نوصل كهربا لبورسودان نجيب لينا 100 الف بني ادم ما عارفين عنهم حاجة ، ياخي كل يوم بنسمع وبنقرا مشاكل السكان المحليين مع المستثمرين بتصل للدم ، ديل حتوطنهم وين وحيشتغلوا شنو ؟ مية الف واكثر مش 5 روس يعني اقل احتكاك مع اي مجتمع محلي ممكن يروحو فيهو الاف الابرياء من الطرفين شوف مشكلة زي دي كلفتها تكون كم؟
اوع تكون متخيلهم طالعين من مصنع بتاع قوى عاملة مؤهلين وجاهزين طوالي ينزلو شغل في السوق والمزارع والمصانع من اول يوم؟ ديل محتاجين تاهيل نفسي اول حاجة غير انو نسبة التعليم بينهم متدنية للغاية ..شنو الغريب في انهم يقطعوا قريشاتهم الجو شايلنها ويبقوا عالة عليك لحكومة فقيرة ما قادرة تجيب طباشير للمدارس ؟
اما عقيدتك التي صورت لك بأن الحكومة ستستثمر ما تحصل عليه في مشروع كبير زي كهربة او موية بورسودان فهذا اكثر ما يحيرني !
*****

Quote: المداخلة أقرب للورجغة والنفخه الكذابة من انها نقد للفكرة."

غايتو من مستنير عندو 99 لمبة تحولت لي "اب لمبة" الكانو بخوفونا بيهو حبوباتنا زمان داك .. هذا مع تحيات منتصر بالعربي
نظرتك للموضوع تفتقر تماما للرؤية اشتري لمبات زيادة ولا خليك في الخلا مع جمالك ديل ..

Quote: حالياً أعمل متعاون لمنظمة خيرية أمريكية تنوي القيام بدراسات حول مياه الشرب النظيفة في شمال وشرق السودان. من ضمن الدراسات التي وقعت في يدي اثناء بحثي، تكلفة مد أنبوب مياه من عطبرة أو ابو حمد لبورتسودان، التكلفة في حدود ٥٥٠ مليون دولار زايد التكلفة التشغيلية السنوية

Quote: يا ود البشرى، دينق أعجمي لا يفهم اللغة العربية، حسناً فعلت الجامعة برفض الطلب.

Quote: طيب دي ياتوا منظمة خيرية تستطيع أن تقوم بدراسة كبيرة مثل هذا؟ وكده بالله خلي أبوبكر عباس يزكر لنا اسم المنظمة دي بالله. دي 550 مليون دولار وده مبلغ كبير جدا. المتعارف عليهو هو أن المنظمات الخيرية لها ميزانيات محدودة وبتعمل في مناطق محددة مش بتشمل تقريبا نصف السودان و المناطق التي زكرها هذا الكذاب الدعي.

Quote: يعني يا عبد الله، من ورجغتك التانية نفهم انك بتأكد انو البدون زبالة؟

Quote: أنا لا أستطيع كتابة رأيي الحقيقي حول مشكلة البدون.. لو قلتو بدخل في مطب لا أستطيع الخروج منه حسب رصيدي الاستناري السابق

Quote: يا عاصم، ما فايتاني النقاط، وبعد كتبت البوست لقيت روحي مورط في انو أنا لا أستطيع كتابة رأيي الحقيقي حول مشكلة البدون..

Quote: مداخلات زي مداخلات عبد الله ادريس دي مداخلات مدرسية أمل كتبت بدر كتب ما فيها حس ثعلبي

ياخي دي مصاير شعوب ما بتعاملوا معاها بالطريقة الساذجة بتاعة سطر ونص دي
ده موضوع عايز زول مصّرّم ومقرّم و" برضع فوق الخلال" عشان يسوقو كويس مش زول "نباتي ثقافيا" زيك كده
اسمع .. اديك نصيحة لوش الله تعالى ؟ تمام
البدون ديل فيهم بدو كتيرين جدا وعندهم بهايم ، انسى البوست وربنا ح يعوضك وامشي افتح بوست بعنوان:
" اوافق على ادخال جمال وحمير البدون "
واتجدع فيهو تماااام "ما شاء الله لك ان تتجدع " .. ومافي زول حيلقى حتة يمسكك منها لو الاراء المخالفة بتزعجك
فيا عزيزي " اب لمبة" بطل الشوبار ده و اقطع قدر كراعك وحاجة بتورطك ما تدخل راسك فيها ..
اند قود لاك إن يور فيوتشر إنديفرز IMG]http://sudaneseonline.com/db/attention/010_Smile.gif[/IMG]