أحمد الجار الله.. "بريعصي"* الصحافة الكويتية

Quote: لاحظ أنني لم أتحدث عن المسائل الشخصية، بل أشرتُ إليها عرضا ولم أخض فيها.

Quote: أما مسألة لماذا ينجز السوداني خارج بلاده.. إلخ، فقد تناولها البعض في ردودهم عليه، ولذا لم أكررها تفاديا للتطويل.

Quote: "تاريخه المجيد" كانت عن مواقفه في الشؤون العامة وليست الخاصة. اقرأ بعناية من فضلك.

Quote: كل شيء متوفر على حساب أحمد الجار الله على تويتر. يرجى مراجعته هناك.

Quote: (مواقفه) تظل ضمن إرادته كفرد وإن كان الشأن عام! يعني (مسائل شخصية) فإذا كان لدي موقف من القضية الفلسطينية لا يوافق هواك فهذا لا يستوجب أن تفتح محضر عن (تاريخي المجيد) بمزاعم أن هذه (فضائح شخصية)، ولا كيف؟ واحد عربي عنده رأي في قضية عربية أنت الواجعك شنو؟

Quote: دا كلام شنو يا حاتم إبراهيم خلطت العمل العام مع المواقف الشخصية الشخصيات العامة بتتصرف شخصي داخل سور بيتها أي فعل عام ليها إسمه مشاركة إجتماعية سياسية أو سمها ما شئت وتحاسب عليها

Quote: فلا أنصفتنا نحن من حديثك ولا أفلحت في الرد عليه من حيث يجب الرد.

Quote: يا حاتم أي شخص شغال في المجال العام وبيساهم في صنع الراي العام أي كلام بيخرج منه ليه تأثيره في تشكيل الرأي العام عشان كدا في قوانين بنتظم الأفعال والأقوال البيكون مجالها الرأي العام وليها تأثيرات سيئة أو جيدة على الآخرين الشخصي هو الما عنده تأثير ضار أو نافع على غيرك المسألة ما عاوزة ليها تطويلات وبهلوانيات

Quote: كتر خيره دي امكانياته. كان ترينا امكانياتك في الرد علي الكاتب الكويتي عوضا عن هذا النقد السلبي..

Quote: والقضية الفلسطينية هي قضية ظلم بيقع على بشر للسوداانيين روابط دينية ولغوية بيهم +++ شومسكي اليهودي الإمريكي وغلوني البيرطاني وجارودي الفرنسي كلهم وقفوا مواقف زي موقف الحارث وأشادت بهم كل قوة التحرر في العالم. بعدين كان في حركة اسمها حركة التحرر الوطني شارك فيها اليساريون في كل العالم وهدفها كان دعم الدول المستعمرة في إفريقيا وآسيا ولدرجة دعمها مادياً فياخي بطل مكايدة ولياقة

Quote: عندك قضايا الظلم بالكوم في أفريقيا وفي السودان، خيار وفقوس؟ +++ بعدين رفع رايات فلسطين والمزايدة عليها بين أمم العرب مسألة سخيفة جداً لو الغرض منها (غزونا ما تنسونا).

Quote: يا حاتم فهم إنه دي نسبية دا فهم قاصر في قضايا أيوة نسبية لكن في قضايا عامة يتفق عليها جميع البشر ما يحدث في فلسطين يدخل جزء منه في إطار العام عندك قتل الأطفال مثلاً مافي بشر في الدنيا بيقول قتل الأطفال ما جريمة كل الأديان والنظم الأخلاقية بتتفق على قواعد عامة فيما يختص بالظلم فما ممكن تصف الظلم أو الشر أي كان مصدره بأنه نسبي ممكن تحاول تلقى مخارجة لفعل ما بإنه ما ظلم بل عين العدل لكن غير كدا أي ظلم يقع في إطار الإدانة الأخلاقية العامة

Quote: فهمك أنت القاصر! قبل شوية بتقول (مشاركات اجتماعية وسياسية) دلوقت بتتكلم عن الظلم والشر وقتل الأطفال والأمور الأخلاقية؟ وهي دي كانت موضع خلاف عند البهائم عشان تستعرض بيها هنا؟

Quote: انت بدلاً من النقد البناء ومخاطبة الآخر بإحترام لو كنت ترغب أن يسمع منك بديت تستعرض في قدراتك في التهكم منه ومن ثم غمز ولمز آخرين انت مهووس بتصفية حساباتك معهم حتى لو في بوست بيخص شخص آخر ألم تصف كتابته في أول جملة لك بالمضحكة وغمزت من تصفهم (زوراً ) بالمستعربين

Quote: طيب ما برضو رايك انت نسبي في إنه رفع راية فلسطين مزايدة وسخف ؟؟؟؟ حلال عليك وحرام عليه النسبي هو شايف إنه الدفاع عن المظلوم أياً كان موقف إنساني محترم ومن حقه كدا.. فليه تندفع بفهمك النسبي على إنه الدفاع عن فلسطين سخافة وتحاول تفرض رايك على التانين دي فتونة الكلام البقولوها ذاتها

Quote: يا حاتم الزول المخه نضيف ما بتختلط عليه الإمور بالدرجة دي +++ من ناحية لا قضايا السوداني حتنحل للأبد ولا قضايا إفريقيا حتنحل للأبد وبالتالي الخلاصة غلط

Quote: تأثيرات سيئة أو حسنة دي نسبية، زي نسبية رأيك السلبي من موقف كويتي من لبناني! وفي النهاية أنت دخلك شنو بقضايا الآخرين؟ منفعل وهايج ومصر تبين دا للآخر ليه؟ مبررك شنو؟

Quote: تقوم يا (عبد الصمد) بكل بساطة تقوم تقول (قضايا السودان ما بتنحل للأبد)؟

Quote: كن.. ليس من حقك وصف إمكانياتي بالمتواضعة جدا. أولا لأن ذلك غير صحيح، وثانيا لأنك لا تحوز الأدوات أو المعرفة المتخصصة التي تؤهلك لذلك.

Quote: عشان أوريك بس انت زول متناقض ومترصد

Quote: فلان الفلاني لن يكون شخصية عامة لمجرد أن هناك من ينبهر به أو لمجرد أنه كتب رأي لم يعجبك.

Quote: أيوة يا حاتم بس ما بفهمك المتواضع لو كان قضايا (مشاكل) الزول الواحد في بيته ممكن تنحل للأبد ما كان للحياة معنى معنى الحياة بيكمن في تولد القضايا والإهتمامات وتجددها عشان كدا دعوتك للإنكفاء الذاتي والعمل على حل مشاكل الداخل أو إفريقيا أولاً دي دعوى بليدة في دايرة إسمها دايرة الإنسانية ودي بتجمعك كبشر بكل العالم بتقرا عنه وتتابع ما يدور فيه عشان كدا في أمم متحدة وفي فيفا العالم كله من بعضه ومافي بلد حتنحل مشاكلها للأبد أو تستغنى عن خارجها عشان كدا في منظمات أممية بتعمل من أجل الدفاع عما تراه قضايا الحق في كل مكان

Quote: لا كان كدة خلاس، نحل مشاكل الدروز وحزب الله والبراضعية وجبل لبنان ونعرج بعدها على غزة ويافا يا قيافة! جاي تتفلسف عن معاني الحياة في انعدام الرغيف والموية النضيفة والحياة الآمنة الشريفة؟ ياخي الراجل ليهو حق يطرقع أصبعه عشان يصحيكم تقوموا تزرعوا وتشدوا حلتكم! تفتحوا عين واحدة وتسألوهوا عن الأمم المتحدة ودائرة الانسانية؟ أزرع ياخي وأملأ مصرانك أول بعدين تبرع بالباقي للانسانية الناس (المخها نضيف) شحنت السفن معونة عشان تنقذ أمثالك بالزيت والدقيق والقمح من التمانينات وأنت بتلعلع (مخي نضيف) وغرضي شريف! ___ عريان وجعان وداير يشارك الفيفا.

Quote: يا حاتم ياخ وسع مداركك شوية في حاجة إسمها العمل العام يا حاتم وفي حاجة اسمها الشخصيات العامة وهي البتخلق وعي الراي العام ووعي الراي العام كوعي جماعة ليه تأثيراته وأحياناً خطيرة عميد الصحافة في أي بلد شخصية عامة أي نعم لو كتب حاتم إبراهيم أو عبدالصمد محمد كلام في البورد ما حيجيب رد فعل زي لمان يكتب الجارالله ولا بد من التصدي له وهو أصلو فعالية الراي العام بتقوم على شنو غير المفاعلات دي

Quote: لا تكون خطيرة إذا أصابت الحقائق! عشان كدة قلنا ناس المسارد الفضائحية ديل يصبروا شوية ويتمعنوا في كلام الراجل والأفضل يردوا عليهو عملياً بدل الزهللة ومزايدات القومية. وأنت متين يا النضيف سويت الراجل (شخصية عامة)؟ بعد ما فضحنا وقال كسالى وجيت أنت أمنت على كلامه جملة وتفصيل! ولا التصدي له عندك يكون بالتهويم في (دوائر) الانسانية والفيفا والأمم المتحدة وقصعتك فاضية ومكرشفة؟ __ أنت زول مضحكة ياخ، تائه في الدنيا.

Quote: يعني نحن في نقش جوهره رد الأخ الحارث على مداخلة سمجة من شخص في مقام عميد الصحافة الكويتي

Quote: إذا الصحفي تدخل في شأنك فدا لأنك حشرت نفسك في قضاياه وزاحمته (مرغم) في شأنه الكويت لما كانت بتدعم مشروع النيل الأزرق الصحي من السبعينات أنت كنت وقتها كايس الناموسية دلوقتي شفت الخليج بعينك قعدت تتفلسف فيفا ودوائر انسانية ونسيت أهلك البعضهم ما لاقي موية الفول وبدل ما تقوم على زراعتك تقعد تجوعر فلسطين وغزة ودوائر الخير والشر المستفحل والأمم المتحدة ومجلس أمنها وأيوة يطرقع ليك أصبعه عشان تصحى وتهتم لشأنك عشان تعقل تعيش وتعمل وتوفر لأجيالك الجاية بدل المحقة والمساسقة.

Quote: يعني نحن في نقش جوهره رد الأخ الحارث على مداخلة سمجة من شخص في مقام عميد الصحافة الكويتي

Quote: زول يا حاتم سلاحه القلم وكتب بيه كتابة فيها إسفاف وتهجم عليك ووصفك بالكسول أها تنتظر ترد عليه عملياً كيف بس؟؟ بزيادة إنتاج القمح مثلاً الرد عليه مباشرة وبنفس سلاحه يا حاتم دا كلام العقل في حاجة اسمها العنف القانوني لو ما عارف وهو أفضل وسيلة للرد على أي تعدي وعنف حتى تسكته للأبد

Quote: أيوة تزيد انتاجك من المحاصيل الزراعية وتتبرع ليهو عشان يسكت مش تزايد عليهو في قضاياهو كأنك بتستجديهو يضمك لدائرة انسانيته السمحة. بعدين العنف القانوني دا مش ياهو (فتونة الكلام البقولوها ذاتها) حسب توصيفاتك المرتجلة! عادي بكرة يطلعوا اتنين زيادة ويقولوا عليك (من كسلهم قرروا الرد بالقلم بدل المحرات والمسطرينة).

Quote: وتقعد تدور الناس بيهم عشماً في فتح باب جديد يضمن ليك المخارجة بأقل خساير ممكنة جوهر الموضوع راجل رد بالقلم على ما إعتبره كتابة مشاترة ومسيئة ليه ولمن ينتمي لهم

Quote: بعدين الحجة السمجة بتاعت إنك ما تنشغل بفلسطين لأنه عندك قضايا في السودان وفي إفريقيا أولى دي بقت ما بتجيب تمنها من ناحية لا قضايا السوداني حتنحل للأبد ولا قضايا إفريقيا حتنحل للأبد وبالتالي الخلاصة غلط

Quote: بالمناسبة أنا الموقع عندي بيفتح ببطء شديد فعشان كدا تتأخر ردودي

Quote: ياخينا ما تخلي مخك تخين وخساير وكلام فارغ! قلنا رد الراجل مهتريء وفي غير محله وعجز عن التبرير تجي أنت ممغوس من حاتم وحاشر نفسك ومتصدر للدفاع بتفاهة حججك

Quote: يعني غمست الذبابة وبلعتها لما قلت مشاكل اليودان لن تنحل للأبد