|
Re: أب لمبه 👀 (Re: Arif Nashed)
|
يا زول 😲😰😦 .. إنت بي جدك؟ أنا قاصد أب لمبه سيد الإسم الأصلي .. أنا لسه بحبي في المنبر، وإنسان على نياته.[/orange ]
| |
|
|
|
|
|
|
Re: أب لمبه 👀 (Re: عثمان علي)
|
سلام يا عثمان،
واضح أن البوست هو غمز ولمز، وتقصد به عضو المنبر د. أبو بكر عباس، الذي لقبه السلطان دينق بأبو لمبة
| |
|
|
|
|
|
|
Re: أب لمبه 👀 (Re: MOHAMMED ELSHEIKH)
|
هههههههه@ ود الشيخ أحكيها طوالي البوست دا أوسكار رزقاً تكوسو ورزقاً يكوسك بالرغم من إني أعلنت الهدنة ما المستنير لكن دي كورة ما بتتفوت ههههههي
| |
|
|
|
|
|
|
Re: أب لمبه 👀 (Re: النذير حجازي)
|
يا عثمان ما تخلى النذير دا يلاوز بيك اب لمبة دا زول هين ولين زي عقرب الصعيد ام ضنبا مقصوص بتخلعك لكن ما بتأذيك.. ما تخاف اتجدع في البوست
| |
|
|
|
|
|
|
Re: أب لمبه 👀 (Re: ابوبكر قسومة)
|
ود حجازي.. انزيك جاتك مدردقة تلولي في ضنبه هههههههههههه.. كلام قسومة صحيح اسمو أبو فانوس.. أبو لمبة ياهو زولنا ده ههههههههه.. بالله طلع من شياطين الخلاء..
| |
|
|
|
|
|
|
Re: أب لمبه 👀 (Re: عبدالعظيم عثمان)
|
مرحبا البيت ما شاء الله محروس تعرف يا عبد العظيم، لامن قريت ردك للاخ الدرديري:-
Quote: عمال الدريسة ديل عندهم قصص وحكايات في المحطات الخلوية، انحت لينا ذاكرتك وادينا من الرائع.. عندهم حكايات كثيرة مع أب لمبة نص الليل |
إتذكرت طوالي عنفوان الصبى، ورحلة (هايك كشفية) سيرا على الأقدام من الخرطوم لمدني متابعين فيها خط السكة حديد .. وفي محطة ابو عشر، وبعدما ظبطنا العشاء، جانا ناظر المحطة وأسدى لنا عدة نصائح ومن ضمنها ظاهرة اب لمبة😸 وأن لا نفارق الخط ونتجه لاي نور في الخلاء أثناء مسيرنا الليلي لأنه راح يودرنا .. وفعلا، طيلة مسير الثلاثة ليالي مدة الرحلة، ظهر لنا هذا الأب لمبة كثيراً .. شاهدته أيضا في خلاء دول الخليج ..
| |
|
|
|
|
|
|
Re: أب لمبه 👀 (Re: النذير حجازي)
|
Quote: لكن دي كورة ما بتتفوت ههههههي
|
غايتو لو الحارس طلع فسايه، الله يكون في العون .. بالله يا ود حجازي هدي اللعب وخلينا نشوف كورتنا والماتش ده ينتهي بسلام..
| |
|
|
|
|
|
|
Re: أب لمبه 👀 (Re: MOHAMMED ELSHEIKH)
|
Quote: النذير صاحبي يصطاد في الماء الصافي.
|
شُفتَ كيف يا ود الشيخ؟ ود حجازي ما كضب. الا مسؤول من الخير، وينا قصتك؟ على الله انها تكون عن اب لمبه بتاعي.
| |
|
|
|
|
|
|
Re: أب لمبه 👀 (Re: النذير حجازي)
|
ود حجازي، إنت ما قالوا ليك الجديد شديد؟ تصدق كانن عينين في ضلام .. الا بس السيستم ما نقدر نعاندو.Quote: في زول جديد بخت عيون كبار قدر دي؟! |
| |
|
|
|
|
|
|
Re: أب لمبه 👀 (Re: النذير حجازي)
|
وعليكم السلام يا ود حجازي .. وحجازي محطة عريقة عندنا في الديم .. رحم الله عمنا حجازي وغفر له، وبأضعاف أضعاف من صلى ويصلي بمسجده تعود له حسنات ومغفرة .. والموضوع لا غمز ولا لمز ولا همز ولا يحزنون .. لا علم لدي بهذه التسمية ولا ظروفها .. وكما تفضلت وشرحت، فإنها أطلقت على إنسانQuote: عضو المنبر د. أبو بكر عباس |
.. له التقدير والإحترام فهو عضو هنا ونفخر بأن يسبق إسمه حرف هو تاج فوق رأس كل من يحمله - وهذا في حد ذاته يفرض علينا ان نحني الهامة له ولكل من يسبق اسمه حرف لا يناله الا العلماء.
| |
|
|
|
|
|
|
Re: أب لمبه 👀 (Re: عثمان علي)
|
سلام يا عثمان، لا يوجد شياطين على الإطلاق. الشيطان كائن أخترعه جهل الانسان في القرون السابقة وتبنته الأديان في تمثيلها للشر. محزن في هذا الزمان نكون مشغولين بهذا الكائن الخرافي
| |
|
|
|
|
|
|
Re: أب لمبه 👀 (Re: أبوبكر عباس)
|
يا ظلامي جهلك بالأديان هو سبب اضطرابك
الشيطان في القرآن ليس جنس كائن بل صفة وهو المتمرد من البشر والجن
مشكلتك رأسك مليان خرافات وبتعتقد أن هذا هو الدين
يقول الله تعالى "شَيَاطِينَ الْإِنسِ وَالْجِنِّ يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا "
| |
|
|
|
|
|
|
Re: أب لمبه 👀 (Re: Frankly)
|
القرآن قال الشهب جعلناها رجوماً للشياطين هل ممكن يكون قاصد شياطين الأنس هنا؟
بعدين كتب التفاسير تقول ليك الشياطين طلعوا يصنطوا لكلام الله فرحمهم بالشهب!!!
يا أخي، دي حاجات مضحكة
أها قولك شنو؟ جن ذاتو ما في دي خرافات بائدة ساكت
| |
|
|
|
|
|
|
Re: أب لمبه 🌌 (Re: عثمان علي)
|
ديشاااااااك .. يا داب وقع لي .. الله يجازي محنكم يا عارف ويا ود حجازي .. غايتو لو الشغلانية سخنت، راح نفترع بوست لابو لمبة الاصلي .. عبد العظيم 😇 قسومه عارف ود الحسين 😏 ابوبكر دهب فرانكلي شكراً لكم .. برجع ليكم بعد الدوام 🙆
| |
|
|
|
|
|
|
Re: أب لمبه 🌌 (Re: عثمان علي)
|
يا عثمان حبابك، الجاتك في أب لمبتك سامحتك! اختطفوها منكما الربّاطة ديل! ====
يا اخوانا ما تخلو الراجل ينوِّرنا عن أب لمبة وأب فانوس ودرب الضلام وسفر الخلا. هسّع يمكن قاصد يذكركم بعمكم ديوجين! ====
لكن كلو من (دون كرليون) النذير.. هو من دبر وخطط للعملية دي.. ما صدّق.. بلا إحم ولا نذير..!:)
| |
|
|
|
|
|
|
Re: أب لمبه 🌌 (Re: هاشم الحسن)
|
اها يا جماعة حا احكي ليكم القصة وأنا حاضرها العلوم يصدقني بارك الله فيه والمابي ما بهمني. كنا معزومين عشاء عند أولاد عمنا في الحلة الوراء. العشاء طبعا فطير بي لبن ومدى والقعدة فوق السراير خارج البيت ومقابلين النيل والتمر والنجوم. أولاد عمي خدر وعثمان طوااالي متقاشرين وسامين بعض يقعد خدر بتونس معانا عثمان يدخل والعكس صحيح. فرد مرة شوفنا بالشرق نور يمشي ويجي خدر قال طبعا دا اب فانوس يوميا بيجي يتحلون في الحتة دي ونحن يا مؤمن يا مصدق طبعن. اها قام عثمان جاء خدر دخل جوة . سألناه عن النور. قال لينا خدر قال لكم " اب فانوس". قلنا ليهو بالحيل. قال دا زول موهوم ساكت دي آمنة بت ملين عندها بامية بتجي تلتقطها كل يوم بي قاموسها الشوفتوه دا. .
| |
|
|
|
|
|
|
Re: أب لمبه 🌌 (Re: MOHAMMED ELSHEIKH)
|
السؤال بتاع البوست يا هاشم: هل أبلمبة شيطان؟ لو قعدنا نتكلم عن ظاهرة أبلمبة ونخت فرضيات لهذا الضوء من الطبيعة، بكون صاحب البوست مرر فينا انو أصلاً غير ابلمبة في شياطين تانين بتقاطعوا معانا ودا وهم ديني كبير. لمباتي تحتم علي تسليط الضوء حوله
أديناهو بعد تشغيل لمبتين الإجابة من الآخر بعد داك الناس ممكن تشوف ظاهرة الصحون الطائرة دي
| |
|
|
|
|
|
|
Re: أب لمبه 🌌 (Re: أبوبكر عباس)
|
تصحيح:😎 بعد اجراء التحريات اللازمة؛ فالمدبر المخطط المافيوزا الكبير الدون كرليون، طلع هو عارف ناشد.. أما الحجازي فهو المنفذ.. The hitman 👽👹 ===== يا مستنير قلت لي: (الإجابة من الآخر)..!!💡 الراجل لسع ما قال (بسم الله) كويس، ولّ دا (قطع الطريق) البقولوه.. ====
يا عثمان ياخي لون كتابتك البرتقالي دا بكون طشش بتلترباع رواد المنبر. عمايا وبحبو المشاكل.😎
| |
|
|
|
|
|
|
Re: أب لمبه 🌌 (Re: هاشم الحسن)
|
هو قطع طريق، لكن ليس أمام البوست أو عثمان. قطع طريق وتهديد وتحدي لشماعة قوى فوق الطبيعة دايرين نقول لمباتنا جاهزة لأي طريقة تفكير متخلفة
التحدي في الحوار هو شنو كدا ما عارف
| |
|
|
|
|
|
|
Re: أب لمبه 🌌 (Re: أبوبكر عباس)
|
《لمباتنا جاهزة لأي طريقة تفكير متخلفة》 ==== طيب و (أب لمبة)؟ يقعد كدي لا شغل ولا مشغلة!! وا شريري ويا حليلك يا الواقعية السحرية!!
| |
|
|
|
|
|
|
Re: أب لمبه 🌌 (Re: هاشم الحسن)
|
بعد نثبت انو ما في شياطين بعد داك نبحث عن ظاهرة أبلمبة
أكتر شيء يفقع مرارتك وانت تعود للمعيشة في السودان بعد سنين في بلاد الضوء، أي حادث يحدث يرجعوهو ليك للقدر أو أي قوى خارجية وانت تكون شايف الأسباب الحقيقية
| |
|
|
|
|
|
|
Re: أب لمبه 🌌 (Re: أبوبكر عباس)
|
أكتر شيء يفقع مرارتك.. ==== حاسي بيك (بيكم) والله.. مهاريد فشافيش:) القدرية (الجبرية) المستشرية في السودان هردت فشفاشك، طوالي تجي تفكها هنا في أول بوست لعثمان. أبوبكر هارد فشفاش عارف والنذير، يفكوها في (أب لمبة).. عبدالعظيم فشفاشو مهرووود من حال السودان السياسي، يفكها في ناس أمدرمان..
طيب (أب فانوس) لو اتضايق برضو، يفكّها في منو؟
| |
|
|
|
|
|
|
Re: أب لمبه 🌌 (Re: هاشم الحسن)
|
طيب الخواجات المتخلفين ديل جابوا افلامهم ورواياتهم من السودان ؟ تعديل بعض افلامهم ورواياتهم 😆😆 التي تكتسح الشاشة والاكثر مشاهدة
| |
|
|
|
|
|
|
Re: أب لمبه 🌌 (Re: أبوبكر عباس)
|
الفانتازيا دي اتفنتزت من وين يا بكري ؟ مش استلهمت الثقافة والارث الشعبي وانت سيد العارفين ما بتقوم بروس عندهم نفس حكاوينا وقصصنا اذكر زمان قريت قصة للبرتومورافيا اسمها taboo التقول كاتبها سوداني عن العين الحارة والسحر الفرق بينا والخواجات نحن بنحكي وهم بكتبو هذا العالم اصله الحضاري والثقافي والقيمي واحد ولكن السلطات السياسية تعلمنه او تجعله يعيش في غيابة الجب
| |
|
|
|
|
|
|
Re: أب لمبه 🌌 (Re: Hassan Makkawi)
|
كلامك صاح يا حفيظ، المشكلة ناسنا ما دايرين يعتبروا دا ارث خرافي قديم مُصرين يعتبروهو حاضر
بعثات وطيارات وخرفان وسفر عشان يفلقوا ليهم عمود خرسانة شيطان بالحجار!! دي ضياع موارد
خالي أمير المؤمنين، كنا بنشاهد في رمي الجمرات في التلفزيون أيام الحج، قال لي: عليك الله، عاين ليهم، عرايا وبفلقوا بالحجار، موش مجانين؟!
| |
|
|
|
|
|
|
Re: أب لمبه 🌌 (Re: أبوبكر عباس)
|
السلام عليكم الصبر ثم الصبر من اكثر من أحب السودان التجاني الماحي وطه بعشر قبل ما تغير اسأل نفسك بديلك شنو اتذكر : Don’t harm principle
| |
|
|
|
|
|
|
Re: أب لمبه 🌌 (Re: اخلاص عبدالرحمن المشرف)
|
السلام عليكم ومرحب بصاحب البوست
غايتو زمان مرت علي حاجة عن الفسفور البيضوى فى الظلام وكان فيها كلام عن العظام المحتوية على الفسفور - فى المقابر مثلا
هذا بوست جمع ناس لطيفين قابلتهم فى الواقع - أحييهم جميعا أولهم د . أبوبكر عباس( بكور ) وخدنه د. هاشم الحسن - دى زى الرفيق
ماوتسى تونغ وخدنه لين بياو - والحبيب النذير حجازى .
سلام للجميع
| |
|
|
|
|
|
|
Re: أب لمبه 🌌 (Re: اخلاص عبدالرحمن المشرف)
|
تعرف يا بكري ونحن في القوز الثانوية ماشين للفطور . لاقينا ورقة مطبقة زي الحجاب قمت قلت ليهم دة عمل .. لو زول وطاهو بمشي فيهو كلهم قالوا دي خرفات ودجل وكدة انا قلت ليهم بدون نقاش المكضب يعفصها ولا زول عفصها مافي 😆😆😆
| |
|
|
|
|
|
|
Re: أب لمبه 🌌 (Re: عبدالحفيظ ابوسن)
|
سلام يا حفيظ أنا لو كنت معاكم كنت عفصتها
في المقابل زمان في الابتدائي في مدرسة أركويت شرق كان عندنا واحد شيطون شديد، قال لشفع المدرسة أنا ما ح اقول ان شاء الله وبكرة ح اجيكم حي قالوا ليهو لو ما قلت إن شاء الله ح تموت قال ليهم ما ح أقول اشارطكم لو جئتكم حي تدوني كذا قروش؟! وحاتك كلهم اتضايروا ورفضوا يشارطوهو
كسرة: بالجد أنا كنت فاكر اب لمبة دبيب بالله وضحوا لينا، هل هو دبيب أم شيطان؟ وخصوصاً ناس النيل الأبيض قالوا عندهم دبايب عينة اب لمبة وكمان اب جوهرة
| |
|
|
|
|
|
|
Re: أب لمبه 🌌 (Re: النذير حجازي)
|
Quote: تصحيح:😎 بعد اجراء التحريات اللازمة؛ فالمدبر المخطط المافيوزا الكبير الدون كرليون، طلع هو عارف ناشد.. |
ود الحسن لكن بتبالغ كرليون حتة واحدة.. ذكرتني نكتة المسطولين ماشين في الشارع لقوا ليهم حاجة مدردمة واقعة في الواطة قعدوا يتغالطوا فيها واحد مصر أنها البتاعة ديك والتاني يقول ليهو ما البتاعة ديك المهم زهج قال ليهو طيب ادردمت كده كيف قال ليهو أكلت صاحبه هههههههه.. هسع عنوان مقنطر زي ده محتاج لفلاط هههههههه..
| |
|
|
|
|
|
|
Re: أب لمبه 🌌 (Re: Arif Nashed)
|
Quote: سنين في بلاد الضوء، |
بكاهو صوت الطائرات بقاهو قدرته تنتهي المعنى لمباتك التعبانة دي سويتها في بلاد الضوء قدم الخير؟
غايتو سستمك فتيران سااااهت.
| |
|
|
|
|
|
|
Re: أب لمبه 🌌 (Re: سفيان بشير نابرى)
|
أبو لمبة - أب فانوس هو ظاهرة بصرية خادعة ومضللة - زي السراب ! ويتسبب في ضياع وهلاك كثر ممن يفارقون الطريق سعيا وبحث عن مصدر الضوء والنور - ليتهوون في الصحاري والقفار ! إنه البرق الخلب ! إذا من يبحث عن النور والإستنارة فليلتمسها من مصادرها ومنابعها الأصلية والحقيقية حتي لايضل ويضلل !
| |
|
|
|
|
|
|
Re: أب لمبه 🌌 (Re: كمال عباس)
|
هاكم النجيضة عندما يتيه الإنسان في أي منطقة بالليل يتمني في داخله أن يري أي ضوء ليتجه إليه وهنا يعمل العقل اللاوعي ويرسل إشارة للعين فيتخيل الشخص برؤيته للمبة او فانوس مضيء في تلك الظلمة فيتجه اليه وكلما اتجه اليه بعد عنه ذلك الضوء بنفس قدر المسافة عند الرؤية الاولي حتي يضيع في تلك المنطقة..
أبو الاستنارة زاتو ههههههههههههه..
| |
|
|
|
|
|
|
Re: أب لمبه 🌌 (Re: عثمان علي)
|
Quote: سمعنا بالسراب الذى يضلل من يتبعه ... اما لمبه ولمبات دى استنارات عندنا هنا |
تحيا كتير تشوف كتير 😁 ..
| |
|
|
|
|
|
|
غايتو دخلتنا في ورطة (وإن من أشعل النيران يطفيها)😇
(عدل بواسطة عثمان علي on 12-07-2018, 06:38 PM)
| |
|
|
|
|
|
|
Re: أب لمبه 🌌 (Re: Frankly)
|
Quote: اشارطكم لو جئتكم حي تدوني كذا قروش؟! |
طبعاً لازم يتضايروا ويرفضوا يشارطوهوا يا النذير يعني إنت كنت عايزهم يشارطوهوا على أساس إنو لو جاهم ميت حيديهم كذا قروش؟!
| |
|
|
|
|
|
|
Re: أب لمبه 🌌 (Re: عثمان علي)
|
سفيان علي دفع الله هاشم (ضربناها اخدر .. بتخارج؟) عبد الحفيظ مكاوي إخلاص عباس (مجموعين في ساعة خير) كمال وطبعاً - عارف، ود حجازي و ابوبكر حبابكم أجمعين .. والدار داركم. ======== وطبعاً البرالمه غير مؤاخذين .. ومنكم نستفيد.،
| |
|
|
|
|
|
|
Re: أب لمبه 🌌 (Re: عثمان علي)
|
Quote: طبعاً لازم يتضايروا ويرفضوا يشارطوهوا يا النذير يعني إنت كنت عايزهم يشارطوهوا على أساس إنو لو جاهم ميت حيديهم كذا قروش؟!
|
هههههههههه وين يا مولانا حافظ ومشتاقين
| |
|
|
|
|
|
|
Re: أب لمبه 🌌 (Re: النذير حجازي)
|
"بعاً لازم يتضايروا ويرفضوا يشارطوهوا يا النذير يعني إنت كنت عايزهم يشارطوهوا على أساس إنو لو جاهم ميت حيديهم كذا قروش؟!"
لا لا يا مولانا حافظ
كان مفروض يكتبوه وصيتو قبل ما يغادر
| |
|
|
|
|
|
|
Re: أب لمبه 🌌 (Re: MOHAMMED ELSHEIKH)
|
يا عثمان سيد الدكان
النجي لي موضوعك ....أب لمبة إسطورة لا علاقة لها بالواقع ممكن تكون بتشوف إنعكاس ضوء في الخلا يعني ظاهرة فيزيائية عاوزة توضيح من ناس الفيزياء لكن ربطها بالشياطين والجن دي قصص ساكت
بعدين قصة الجن والشيطان الكلام دا زاته منجور أمشي خش الحمام وإنت بتسمع مزيكا (زمان بقولوا ليك بطقك شيطان) ما بتجيك الحبة دي إلا تكون إنت أصلا علي الهبشة منتظر أي نقره من أي حته والناس تتعلق في الشياطين والجن ( دا كله كلام فارغ)
| |
|
|
|
|
|
|
Re: أب لمبه 🌌 (Re: أبوبكر عباس)
|
سلام يا شباب يا ابو بكر غايتو ما عارف شيطان او ظاهرة فيزيائية لكن اب لمبة دا شفته عديل ما عندي تفسير ليه لا علمي ولا ديني لكن ليس وهما شوف عين و كان جيت الحلة بوريك ليه لو عندك ليه تفسير تكون ما قصرت بس اوعك تقول لي وهم ما ممكن كل ناس حلتنا مواهيم
| |
|
|
|
|
|
|